金潮軒 (已結業)

一行13人，本身上星期五已訂枱及講明會點牆上meau的，鮑魚，花膠扒和潮州翅。當時店員稱，日日都有，不用預訂，結果，開飯當天致電稱鮑魚今日未到貨，都打算算啦，少一樣，點知，去到，連花膠扒都無。想食嘅3樣，無2樣，唔知咩公司嚟。之後見山長水遠嚟，照食，點知係完全未食過差成咁嘅潮州嘢。好咸嘅蠔仔粥，只因有啲柴魚/方魚，令到佢有香甜味，幸好無蠔殼，如果十幾人分，應該一人都分到一粒蠔仔嘅。得個樣嘅兩面黃，唔好食。。。味道調得幾好，不過一碟得5舊膳。。凍烏頭，差，無鮮味，又唔就肥，明明呢啲天氣會好食，太令人失望凍馬友，都係同烏頭一樣，無驚喜味道不錯，魚肚都幾厚，似乎小菜較正式潮州食好鹵水鵝，得個色，無味，細隻到隻鴨咁，啲肉薄到。。。無朋友蠔烙，無鴨蛋，無味的蠔仔的確有幾粒加薑配菠嘅蝦球，完全唔彈牙，面唔夠脆，個有啲腥味各式鹵味，只可以話佢個鹵水太渣。。最後，廚房上菜唔會理你食幾耐，食唔食得切，所有嘢都係一次過上枱，上你就食，個轉盤又細。啲嘢是但鍾意就上菜，你快啲食完就得嘅感覺。

最近行經大圍積福街，發現這家主打潮洲菜酒樓，提供茶市及晚市。本人頗喜歡潮式功夫點心，但有質素的，係香港選擇不多。今天星期日專登過黎試下，約中午12点到達，門外有5、6人等侯，等候時間10分鐘，比預期中快。內面均一係大枱，我們2人，需要搭桌，在所難免。點心選擇都幾多，除基本款式，還有一些較有特式的。我們叫了6樣點心，即叫即蒸，質素唔錯，食得出係自家做的，非由外面買返黎蒸的，上菜時間也算快蝦餃，燒賣: 一盅2件，熱辣辣送上! 皮薄餡多，蝦算幾大粒、爽口. 韮菜煎餅: 賣相吸引，煎得幾香，唔錯! 芋絲春卷: 內餡係芋絲肉鬆，味道配合得宜! 雪山流沙包: 包身非常鬆軟，奶黄真係好 `流心'，滿意! 芒果布甸: 內有芒果肉，味道正路，但份量略嫌太少, 幾啖食完. 有讚也有彈! 可能係人手不足關係， 服務及衛生方面的確有待改善。有幾個侍應態度一般，叫他拎醬料，加單等，總是不太理睬，又冇回應，真係唔知佢收唔收到! 驚嚇嘅係，有位侍應為我們每人遞上一個碟，碟上竟然有明顯清潔劑泡沫，濕立立的，未清洗乾淨就端上客人面前，有點不能接受. 希望酒樓方面應正視一下，人手不足帶來嘅負面影響。 期待下一次再光顧時有

大圍剪完頭髮,差唔多8pm,去到積福街見到間餐廳貼滿點心,小菜既相,原來系潮州菜(有代客泊車),好想食滷水拼盤呀!!餐廳坐滿一大半人,有兩檯是年約60多歲的熟客,邊嘆美食邊嘆紅酒,食到一半還請侍應拿來儲在餐廳既XO,一班好朋友的聚會多享受呢~~呢度環境舒適,有像食住家菜既感覺~~落單後先上爽口鹹酸菜&功夫茶,濃濃的茶帶點自然苦回甘且不澀滷水鵝肝拼鵝片$188,鵝肝綿滑無比,入口即溶,那種甘香充斥整個口腔!!半肥瘦鵝片皮下帶點脂肪,肉質嫩滑,鵝味香濃,一點也不柴口～仲有滷水豆腐,我最中意食呢隻做法豆腐～外層吸哂滷水汁跟結合了鵝精華的汁內里非常嫩滑,整碟超美味呢!!椒鹽鮮魷$98,炸粉薄身且炸得香脆,灑上炸蒜碎與辣粉,香氣撲鼻～鮮魷既彈牙又爽口,軟嫩不韌,好惹味!四喜豆腐煲$108,賣相沒什麼特別,本想叫個蔬菜煲清清地既餸,原來有好多料~,蝦仁,冬菇,帶子,鮮魷,其中豆腐,雞件我最深刻~~濃濃既芡汁超入味,一流,豆腐煲都咁出色,好抵食!!食完再送上功夫茶～～打冷有冷氣涼,環境乾淨坐得舒服,服務又好,食到一半全場已滿坐,閒日都坐滿,真系正野來,值得再來丫!!

環境舒服，食物都okay, 只係按地段貴咗啲，三個人食咗$700 幾，人均消費逾$200。四個菜都不錯，特別推介係滷水鵝片拼鵝腸，夥計話鵝腸係新鮮，同行識食朋友話食得出好新鮮，爽口，有油香，無腥味，力推唔食內臟嘅我一試，果然試咗好有驚喜，再嚟呢度食，有朋友叫呢味菜我都會再一齊食！鵝片都好好味！炒麵就麻麻，麵底水分太多，唔夠脆身。鮑魚大小有點唔平均，$88一隻，最少叫兩隻，好鮮味，肉質爽彈！普寧白菜仔都不錯，醒起要影相時已清咗碟，所以無相。

之前去過此店幾次，覺得經理同服務員服務質素都非常好，因為此店較少二人枱，繁忙時段需要搭枱，所以都好合理，但幾次都見到啲人好野蠻唔合作，一兩個人罷住張大枱，講極都唔聽，不過見經理都依然好好禮貌咁請客人合作，服務態度值得讚其實，唔想搭枱不如自己係屋企食自己啦另外，早市晚市嘅野食款式都好多樣化，味道更加唔洗講一定會再次光臨此店

滷水鵝肝質素差，有怪味，無滷水味滷水鵝片，有啲得塊皮，同樣滷水零味道加拼鵝腸，兩三條＄50 合計188+50)*1.1冰鮮一品煲，入面有冰鮮帶子，冰鮮蝦，冰鮮味冬菇，西蘭花，伴碟用剩嘅紅蘿蔔，冰鮮海參，一股冰鮮味 ，$388*1.1蝦棗蟹棗，完全分唔清食左啲咩，仲要用菠蘿伴碟先有趣，(無橘油)紅燒魚翅，只有呢個值得推介 168一位白菜仔茶位14蚊個前菜 感酸菜15蚊個另收加一3個人食左1280

平日都喜歡來呢間飲茶。食物幾好。時時都見個女部長呼呼喝喝的客。今早又來等了半個鐘。入座時侍應執咁枱、一行人企係處等仲沒坐底。個女部長忽然企係我身後黑面大大聲講.你的坐埋的一陳如人多我要搭兩位！不知所謂。上次我5人坐6人枱、你搭了兩位來都試過啦！問題係你對客人大聲沒禮貌。係處趕客。唯一慶幸其他員工沒個似你。

只懂得招呼熟客。 對待生客態度差劣。 幫襯過兩三次都係咁。 食飯都要受氣。食物水準唔穩定。一時好食、一時差勁。價錢唔係大眾化。想挑戰下自己嘅容忍能力、想受下氣就試吓啦。

去了數次這間潮洲酒樓，食物質素和一些出名的潮州酒樓可以說是各有特色。我覺得最好食肉碎粥、掌翼、鵝片。吃過一次翅，好吃和低食，不過環保原因，不會再吃。另外，Ming 姐服務一流。泊車$50，非常方便。

新春期間我和丈夫往沙田大圍車公廟祈福，順便重遊小市鎮。到中午，想找個有特色的地方吃飯，記得以前曾在新斗記吃晚飯，穿穿插插大街小巷，尋尋覓覓，那知找到卻轉為一間潮州食店金潮軒，既有緣，不妨試試。等了十多分鐘，部長出來告知因人多加開貴賓廳，帶我們一干等位者去到一間密室，坐下點菜，沒有傳統的功夫茶奉客，因覺室內空氣有點侷促，我們不想久留，故只點了一碟鹵水鵝片、一碗䱽魚片粥、一碟韮菜粿及一籠水晶包。鵝片味道及肉質一般過一般，可能鹵水汁太新，䱽魚粥倒清甜可口，一點腥味也沒有，魚片頗多，真不錯！點心小巧，二三十元一碟，不算太貴。吃畢埋單約三百元，也合理！

服務態度奇差 菜式尚可 以後唔會黎受氣我地約左8點，7點50分見有吉台就入去，入到去就話張台留俾第二個，我地唔係訂左呢個時間，咁用餐時間得兩段，即係張台留俾訂左6點半既人？無解釋之後又俾返我地坐，算喇，都係想開心食餐飯姐。但佢地服務態度真係好差，做街坊生意既，唔需要咁寸既，烏頭 ： 正常雜菜煲：正常炒乳鴿片：又乾又怪味，難食炒四季豆：正常鵝片：正常豆腐煲；等左30分鐘到我地追問先話原來已賣唒，但完全無人通知地！真係無下次！！！！！！！！！！！！！！！！

在大圍住了十幾年，想記錄一下這裡的食店。第一篇食評是大圍新開張的潮洲酒家，金潮軒，新裝修環境尚算不錯，不會太迫，有些食店太迫或太嘈都會影響食欲，新酒家來說，待應的服務還可以。個人最喜歡吃鹵水鵝，這裡的鹵水汁不會太鹹，恰到好處，而且鵝肉多味濃，應該是個人吃過最好吃的鹵水鵝，可以給5星，必試。另外這裡的蠔仔煎也不錯，夠大塊，有口感味道好，也是5星，煎魚味道一般，但賣相好，4星。潮洲翅湯汁濃，每根翅都夠粗，是正宗的潮洲翅，4星，可以一試。總體來說，是高水平的潮洲酒家，比連鎖集團的質素好多了。

上星期見它新開，就同家人去試吓，點知中伏！我們2人叫了幾樣嘢包括鵝片墨魚拼盤、蠔餅、、荔芋鴨、鹹魚炒白菜、蠔仔粥一碗、白粥一碗呢d基本潮州菜，但全部超細碟又唔好食，尤其係鵝片墨魚，完全冇滷水味，鵝片得幾片，墨魚白色的一陣雪味；蠔餅d蠔唔新鮮； 鹹魚炒白菜完全無鹹魚味； 白粥都超稀，唔似潮州粥！ 失望！埋單成$700幾！！ 茶錢十幾蚊位！ 最嬲係問佢要返張白單收據佢唔比喎（明明印了出來）！ 得張手寫單只寫「晚膳」，擺明身有屎，驚人投訴！我們一定唔會再去！

做咗咁耐會員，今次都係第一次寫食評，全因哩間食店"金潮軒"。昨晚一行十人去大圍哩間新店"金潮軒"做節，我到達時見到店內已經滿坐，好在我已經一早訂咗枱，到步吾使等就可以入坐。新店雖然吾係好大，全店十多張枱，都坐得好舒適，食物亦有水準(如相片一樣，有水準的 正宗潮洲菜，尤其是鹵水鵝)，服務人員友善友禮，最值班一讚。我已經約咗屋企人今個星期試吓D潮洲點心，試完再同大家分享。

呢間新小店都係去探朋友時, 朋友極力介紹一定要試下味道果然係同出面的潮洲菜唔同......唔識形容, 只可以話色、香、味既平衡做得好好大廚應該對潮洲菜有自己的獨特理解、配方.. 尤其鹵水 .... 夠香又不咸。又保留到肉味非常好