喺附近返工，平時趕時間唔使諗就一定去呢一間。因為夠快又有彈性，最鍾意加錢加份沙嗲牛肉，樓面姐姐又勁好記性，記得你食啲乜嘢，相當有親切感。但係Work from Home之後，就少咗嚟幫襯。咁啱返工前做body check，抽完血個人暈暈地喺旺角行返過嚟大角咀。途中其實有好多茶餐廳，諗住入去吊一吊命。但係就嚟食晏，最終經過全部㗎餐廳都係冇入去。返到嚟公司樓下，個人開始浮真係頂唔順。嗰陣時已經11:15 ，就硬着頭皮走入，問吓佢還做唔做早餐。太子嘅超好人，佢話做埋份早俾我。事實上係個沙嗲牛肉未必及坊間咁好食，但係呢度食嘅係人情味，同埋佢午餐改革變咗做兩餸三餸飯選擇。其實啲嘢食好有家嘅味道，真心喜歡幫襯小店。…查看更多
唔想食麵可以轉米 或通粉奄列可以轉煎蛋 配 火腿牛肉足料 米粉唔會過淋腸仔奄列 蛋煎得夠香腸仔薄薄的 比火腿更咸香如果唔介意環境 呢度都係一個好選擇
