金漢宮海鮮酒家

營業中

休息中

同朋友嚟新開酒樓試菜，先預訂咗隻北京填鴨。黎到見到有龍蝦伊麵配冰鎮咕嚕肉套餐，四百幾一set，抵到震，即刻order。加多個燒肉同菜。每碟都超大碟。北京填鴨皮脆肉嫩，肉汁豐富唔油膩，配埋薄餅一齊食層次感十足。龍蝦伊麵麵身煙韌、蝦肉鮮甜，不過醬汁略咸。冰鎮咕嚕肉外層酥脆、內裡酸甜開胃，配埋新鮮即燒菠蘿，難得。燒肉肥瘦適中，咬落啖啖肉汁，但調味偏平實。整體大份量又抵食，味道唔驚喜但夠穩陣。適合一家大細。

朋友聚餐，見屯門翠林花園新開酒樓，抱着一試心態，人多包咗間房，有卡拉OK同電動麻雀枱，正，有得食有得玩😂好過去party room🤣🤣🤣🤣點知一試有驚喜，一上菜，款款菜都精精神神😆尤其係個冰鎮咕嚕肉，外脆內軟勁多汁，一上菜都轉咗好多個圈😆個個爭住食,仲有龍蝦伊麵，龍蝦勁彈牙😎最後仲嚟過足料燉湯😋倒出嚟嘅湯料一大碟🤣又多一個聚對腳好地方🥰重點仲要一落樓下就有小巴去上水火車站，勁方便🙂酒樓姐姐服務非常好，淨係入嚟教冷氣都教咗三次，搞到我哋都有啲唔好意思🙈但係佢都笑容滿面👍🏻👍🏻

全新開張，內部有新裝修，加了大電視屏幕，應該是酒席用。所有餐椅都有套上紅色布冚， 洋溢着喜氣洋洋氣氛。新張做緊晚飯每位送半隻乳鴿優惠，雖然係送的，但都香脆夠味。這裏的招牌是冰鎮咕嚕肉，基本上每一枱都會叫，不斷見到一碟碟充滿仙氣嘅咕嚕肉在身邊經過。暫時晚飯餐牌菜式選擇比較少，但集中做好質量都不失為一件好事。試了紅棗陳皮生煎雞球，很惹味，雞肉都軟熟，我們都很喜歡。想試片皮鴨，但今晚售罄。小炒王用料豐富，但我希望韭菜花的比例可以再多啲就好。另外，蒸了條沙巴魚，有點過熟了，影響了口感。餐廳侍應基本上都係以前酒樓的服務員，倍有親切感。餐後還有糖水送，算係一個貼心位。

金漢宮真係抵食又好味啊今日試咗冰鎮咕嚕肉 一上枱就震撼全場，外層酥脆冰涼，肉質鬆化唔油膩，酸甜汁開胃醒神，夏天食真係一流！另外片皮鴨同樣出色啊，皮脆肉嫩，師傅即場片鴨，配上薄餅同甜醬，香口惹味！ 最驚喜係晚市免費送乳鴿，皮脆肉嫩又多汁，完全唔馬虎，誠意十足！環境方面，酒樓裝修典雅，座位寬敞，燈光柔和，仲有獨立房間，適合一家大細或朋友聚餐。服務亦周到，啲餸熱辣辣，換碟勤，整體體驗滿分！ 無論食物質素、環境定服務都令人滿意，絕對會再encore！

新鮮滾熱辣霸頭位寫第一張食評尋晚見佢新開張即刻同太太上去捧下場作為翠林嘅街坊呢個位之前嗰間酒樓嘅出品簡直係不堪入目今次就主要試咗佢個晚飯四寶蒜蓉蒸帶子同埋豉油王虎蝦加埋冰鎮咕嚕肉出品精美同埋落足料帶子大大隻而且虎蝦斤兩十足每碟都係$78而且性價比極高成餐晚飯食到飽飽嗌咗四個餸都係三百幾,坐足兩個鐘仲可以慢慢嘆茶附近茶餐廳都要70蚊仲要無嘢飲所以呢間餐廳將會成為我喺屯門區嘅飯堂👍🏿👍🏿👍🏿