影片
招牌菜
豉椒排骨炒面超大碟 勁勁勁勁勁抵食 4-5人一人一碗都仲有 其他點心味道都OK, 唔算差但服務超一般, 叫極都無人幫你茶壺沖水, 個部長定伙記仲當聽唔到....自助茶樓
繼續閱讀
My family always go to Chinese restaurant for either breakfast, lunch or afternoon tea.Today, we have been to Kam Moon Lau for afternoon tea, we have ordered 5 dim sum and 1 stir-fried noodles.The shrimp dumpling is really good , it was freshly steamed and we can saw the white smoke rose before our eyes. Each dumpling consists of 3 whole prawns,the taste is fresh & crispy.The portion size of their dim sum will never disappoint you, as well as their stir-fired noodles is also big enough.
繼續閱讀
今晚同honey去飲夜茶，別無他選，就鼓起勇氣光顧「金滿樓」。爬上長長的樓梯，發現酒家的規模不大，但勝在裝修光猛，備有電視。侍應們態度友善殷勤，迅速送上花生和茶水，時刻為食客清理和加茶。我們點了北菰紅燒豆腐（$35）、杬菜肉崧四季豆（$35）、白飯一碗（$9）。夜茶的份量相當大，味道亦無得彈，火喉夠、熱度足、濃淡得宜，吃得津津有味。夜茶精選小菜由晚上9時至12時供應，選擇多達52款，價錢由$28至上68不等。我們對此感到非常滿意，由於選擇多、味道好、態度佳，下次定必再試。
繼續閱讀
上個月有個親戚生日, 就一行4人到香港仔金滿樓海鮮酒家食晚飯喇......間野都係剛剛先開返冇耐, 之前好似話裝修之類, 有人又話搵左新一個老細頂讓.....去到, 都唔多人食飯, 唔full, 仲超安靜添呀, 唔似一般酒樓咁嘈, 可能因為冇咩人啦...一坐低員工就比隻大碗我地沖沖d杯杯碗碗之類, 之後我地就點菜喇...1) 十二蔬上湯煮12種蔬菜, 我地真係有數過係有12種, 包括埋茹類, 真係有十二種咁多, 個湯底仲好好味添, 奶白色的..正呀2) 鐡板鵝掌呢個鵝掌係用鐡板上, 仲係用新鮮鵝掌紋的, 唔係用街市凍肉店買果d炸好的, 仲有幾塊巴焦可以點d汁食, 真係好味到暈呀~3) 蜜味鱔球個汁甜甜酸酸的....好開胃,,但本身d鱔已經好肥, 加上炸過, 好似油左少少..............4) 枝竹魚雲石頭鍋因為係用石頭鍋上的, 所以放好耐都好熱, 唔會好快凍晒.....紋得好好食, d枝竹好入味, 魚就係用淡水大魚的...5) 粟米班塊d魚肉就真係冇咩魚味架喇, 但個粟米汁做得都ok...送飯幾好, 價錢合理仲有可能佢想吸引食客, 唔洗茶介, 唔洗加一仲要有飯後甜品送, ( 紅豆沙)只係比5個菜錢, 真係好抵........如果想安靜靜地係酒樓食餐飯, 呢度係一個唔錯0既選擇................經濟又好味.....當然不可以同其他高級酒樓相比, 但用這價錢食這樣的菜已是物超所值!!!
繼續閱讀
從前在香港仔飲茶只去金滿樓, 愛的是老伙記對舊坊的情懷, 亦愛他的流沙奶皇包, 真的流出來的沙~ 還有咸蛋黃都只係中點, 可惜呢D已成過去. 四月中據聞老闆欠債走佬, 到九月才搵到人頂手開張, 外貌不變, 內籠換了地毯, 顏色跟燈光和台布擺設格格不入, 總之很奇怪, 亦有一浸怪味, 像返到國內衛生差的地方吃東西... 閒日早上十時半, 以前有七成滿, 都是晨運客, 現在只有三成, 更加空盪盪. 食物夠熱. 只叫七樣食物, 又無乜客, 仍有漏單情況. 騙人的伙計, 騙人和無禮的收銀 -- 請小心佢地所謂早茶優惠 : 是離座計算的, 即是十一點前座, 點心才有特價. 當然貴不是問題, 只是兩位伙計分別說出不同的收費, 當中樣似較高級的大眼肥佬說是 "入單" 前是十一點就有等價, 不用理什麼 "離座" 計, 所以我即使十一點吃完, 都沒埋單, 最後當然被昆了. 找數時發覺被騙了, 當然搵大眼肥佬對質, 收數阿嬸話佢出左街食飯, 應該唔係度., 完全無幫我搵返佢既意思, 即係包庇, 或者明扼, 佢然後歪面不理. 咁即係屈. 最後, 被我找到佢係房仔. 邊個酒樓伙計會出街食!? 咪當我白痴. 個大眼佬居然唔認佢講過, 含糊帶過, 然後丟底一句: 我係新來架, 我都唔熟架" 就走左.哈哈. 我都係好嬲, 食個蛋皇流沙包 (點心紙寫的), 既無黃, 又無流沙, 佢只係好無誠意咁抄返舊酒樓的點心都算. 仲點咁既態度, 咁既手法, 有咁既員心, 成間野都痴線, 祝佢早日安息. 當日佢執既時候, 剛岩百樂門又開, 裝修靚, 食物好, 侍應夠又醒目, 明碼實價, 十二時前入單當早茶, 夠晒街坊啦~ 所以, 哈哈. .. 香港仔街坊眼睛係雪亮的.
繼續閱讀