金滿庭京川滬菜館 (時代廣場) (已結業)

是日慶祝友人生日, 點了:1.小籠飽, ok, 好多汁, 但味道不太夠2.榨菜肉末及叉子燒餅, 我都幾喜愛這道菜, 因為用叉子載著吃, 很得意3.醉雞, ok, 有酒雞, 再濃味一點更好4.酸辣湯, 很不錯呢! 夠酸和辣嘛!5.乾煸四季豆, 炒得很香, 夠乾身!6.賽磅蟹, 幾滑, 都幾好.7.鄉里炒飯, ok8.糖醋骨, 遲到, 無食之前幫襯過奧海城那間, 總覺很不對辦. 今次令我對金滿庭有所改觀, 我會再光顧的!

奧海城間就食得多，呢間就第一次食，噚日放假同太太11點9到，因為早到即使冇訂位都坐到卡位，所以比較坐得舒服，不過又奇怪，點解呢間中午有得訂位，但係奧海間又冇呢？我叫小籠包(係我至愛)、榨菜肉末跟子燒餅、雞絲粉皮同唔辣擔擔麵，小籠包果然係招牌菜，水準好好，28蚊8隻，抵食過金滬庭(27蚊得6隻，仲鬼咁細隻)好多好多，味道仲高幾班添！擔擔麵就好似奧海間好食，雞絲粉皮其實都好好o架喇，不過就覺得金滬(唔係金滬庭)麻醬好味；至於榨菜肉末就OK啦！食完兩件燒餅就好飽啦！肉末通常都會剩番好多，次次都係咁，今次太太話唔好喎，打包返去夜晚炒飯，好建議呀！(後記：是晚炒飯由小弟操刀，幾好味o架！哈哈)

請auntie食飯, 由於訂檯已full, 唯有walk in. 為免等到唔耐煩, 我們5.30 pm 準時去到.等齊人已約6.15 pm. order了:雞絲粉皮- 好味清炒蝦仁- 好味蔥爆牛肉- ok, d汁好杰砂鍋雲吞雞- 好食, 可過這次湯油了少少小籠包- 皮薄多汁, 好好味素菜湯拉麵- 由於auntie唔舒服, order了這個給她. 素菜同麵是分開上, 但原來素菜係用d好杰, 好深色的汁撈埋一齊, 賣相不好, 結果auntie只吃了麵.肉絲兩面黃- 味幾好, 但太油. 我只吃了一小碗, 但差不多吃完後見到碗底約有一茶匙的油...不敢再吃下去. 結果這碟麵都吃剩不少.一行8人(6大2小)埋單$76x, 好抵食.另一提就是上菜速度勁快, 1st round order的食物不用15分鐘已上晒.

年年既年初三阿A都同阿姨舅父係利舞台既麒麟閣食團年飯,不過今年就轉左去時代廣場既金滿庭阿姨一早訂左間大房,可以坐到16人架,我諗應該係VIP房,間房超大呀,重有個勁大既大電視... 首先上枱有五色拼盤(有雞絲粉皮/牛/鎮江肴肉/海哲/素雞),龍井蝦仁,賽磅蟹,糖醋黃魚,蟹肉扒豆苗,鐵板燒牛肉,勁足料既魚翅湯,醬茶鴨配上類似饅頭(細d既)既包一齊食又幾好味喎,金華火腿小白菜,蒜蓉炒菜心,上海粗炒,菜肉包,重有我最鍾意食既小籠包呢~皮薄餡靚又多汁喎而糖水係酒釀丸子,清清甜甜,丸子內重有麻蓉呀~好好味架!今餐係六姨同六姨丈請~多謝哂

就著從外國回來的舅父舅母要回去﹐所以今年的第一餐團年飯是比較早的。給我的阿姨安排﹐一定是了無新意的金滿庭﹐不過就勝在抵食囉。這酒家雖然沒有當初的龍﹐但一樣晚晚爆滿﹐週末尤其是難訂位。雖然靠著和部長相熟﹐是訂了兩張大檯﹐不過始終是晚了一步﹐一個月前訂都訂不到房了﹗雖然每檯都有12 個人或以上﹐不過因知道這裡的菜出名大碟夾抵食﹐所以都是要了上次那個10 位用的E 套餐(連五色拼盤中的菜式也是一樣﹐很悶也﹗)﹐但是這樣都是吃不完要打包回去。這次最欣賞的是餐前小食﹐是開微辣的雞轉彎和雞翼尖﹐是送酒佳品﹐不過是晚沒有人喝酒﹐大家亦怕辣﹐所以差不多成了我和弟弟的私伙菜﹗另一樣抵讚的是雖然開了都一段時間﹐都沒有因為生意好就放鬆對食物的要求﹐有的菜式甚至是有進步的﹐實在是可喜可賀。其中特別是那個龍井蝦仁就沒有上次的死鹹﹐味道適中﹐不過如果用質數高一點的茶葉會更香一點。國宴蝦的酒味突出了蝦的鮮味﹐是水準以上之作。這樣的地方菜式是悶蛋了點﹐不過能和一群平時各有各忙﹐根本沒有時間見面的親人一起吃飯﹐始終是開心的。

開張至此, 等位的人都未少過。每次都要排上45分鐘以上。非常犀利。我想人多的生意是食物價錢合理, 味道不錯, 位置方便。雖則有時都要等位, 不過我仍是keep著有光顧。每次都會點:擔擔麵生煎包小籠包雞絲粉皮等等...........每人平均消費: $125

今日下午去咗Causeway Bay 行街, 唸起金滿庭個擔擔麵,12:30p.m 去到, 好彩唔洗等.我覺得食物keep住好味,同埋真係好大碟,食唔哂.

兩個人去，結果，當然係被迫搭檯。算啦～今晚Ｄ酸辣湯忽然辣到跳舞，咁蹺對面搭檯個外國人又係叫呢個，大家都食唔落，相視苦笑。醉雞，平常水準，糖醋魚，凍嘅!? 唔係呀!? 想搵個待應問個個都忙到狗咁冇人睬我地。跟住的龍井蝦仁，又係凍嘅!!!! 小籠包嚟到時係全部都穿底漏走哂Ｄ湯嘅。唉... 水準越來越差，人手唔夠，個個伙記都口黑面黑，唉～立此為記，Sayonara。

11日13日帶咗兩個外地朋友嚟金滬庭試京川菜。雖然係星期一7:00pm，但係都要等位。同reception講咗唔撘枱，好彩只係等咗約15分鐘。兩位朋友一坐低就話好肚餓，我就發板叫咗:小籠飽--皮薄多汁，兩位朋友勁讚好好味紅油抄手--我既至愛，我差不多吃了大部份，非常好味砂鍋雲吞雞--味道一般，不試也罷蝦子蔥燒海蔘--海蔘好彈牙，好味京醬牛肉配叉子燒餅--牛肉好咸但只有四件小燒餅，唔算好味百頁小唐菜--清淡菜式，小唐菜好嫩，好味闊佬炒飯--飯炒得乾身，味道適中，好味高力豆沙(三個):大大個唔太甜，好味可樂三罐無錯，三個人叫咗八個菜，結果係碟碟食淨一半。我幫兩位朋友洗塵，埋單$600有找，都算ok。今晚餐飯食得好開心，而兩位朋友都讚食物好味有特色。

通常同阿公阿姨一家一行8個人黎食lunch. book位12點3夠一半人先可以入座.4個月去一次,已經去超過6次,阿公鍾意果度地方寬敞坐得舒服又唔嘈,坐幾耐都得.食物黎既時間唔耐,侍應有禮貌.我地對食都無很高要求,不過真係幾鍾意依度. 每次必食:小籠飽醉雞高力豆沙炸饅頭其他間中食既都幾好,水準穩定,可以再試:炒膳糊(印象中都幾好食)擔擔面(得男友食過,佢話ok,佢好奄尖既)雞絲粉皮OK grade (試唔試都得):砂窩云吞雞豆沙鍋餅(一般)餃子傻佬炒飯唯一食過覺得整得唔好既係茶葉鴨定唔知嘜鴨.好似無收加一架, 價錢中等, 咁既質素, 抵!

永遠排長龍，，等位等死人，食物水準，招呼又一等。小龍包好靚皮薄半通透，其它食物分量，好味。下次食了再寫個

十三號晚與友共三人，到達這間食評很不錯的食店試試，到達時間八時十分，我朋友登記了，門口的帶位女孩告知大約要等二十至三十分鐘，因有十多人也在輪侯，也不打緊，到了約八時二十五分，有兩名男仕到達門外，一穿西裝另一穿黃色T shirt，其中一人說要排隊喎，另一人話不用了，入去啦有辦法，我好奇隨後看看，他們一直行到收銀部，有一名載銀邊眼鏡西裝男子，看似是該店負責人，他們三人細語一輪，載銀邊眼鏡之男子拿起對講機，說了幾句，他們二人就可坐下近洗手間第二張檯，而我們比他們早登記還要在輪票、原來排隊不認識該店負責人要等很久的！到了八時四十分，到我們三人了我們選了水煮牛肉＄75. (得過辣字)酸辣湯$65. (還可以)乾煸四季豆$52.(較滿意)闊佬炒飯$58. (普通海鮮、火腿、菜加蛋白炒的飯)高力豆沙x3 $27 (甜品太大個了)共305.結賑。算是較貴了一點！招呼方面也幾好，侍應不夠了，他們也很落力招呼客人，但有心乏力了，生意好應該請多些侍應招呼嗎？最後我們就輪票等位的問題，想找那位載銀邊之經理查詢一下，可惜到了我們結賬十時十五分還找不到他，希望下一次可以改善孰客或有朋友也需要輪票入坐！！

四個人．上菜都好快凍鎮芥菜．真的與家中煮的沒分別只是凍的獅子頭．份量好少，而且汁的味道太濃傻佬炒飯．幾好味加上好足料小籠飽．皮簿餡靚口水雞．都有雞味但冇乜肉魚肉羮．都足料而且好美味特別一提的是他的前菜真的好好味

有位朋友因為轉工所以終於可以約到佢食飯，大家不約而同想去金滿庭。照例出面大排長龍，同隔離食肆相映成趣。今次我先知原來佢係可以搭的，大可以分俾幾批散客一齊坐。由於我唔想等，所以都唔介意。平日同家人佢鍾意飲人參烏龍，但朋友就揀碧螺春。由於佢抱恙在身，所以我叫清淡，包括佢最鍾意食小籠包，我喜愛賽螃蟹同埋一碟南瓜汁配中蝦，其中以最後味最有特色，開邊蝦配以甜而不膩南瓜汁，味道甚為甜美。其他方面，地方寬敞舒適，價錢又非常相宜，而服務也不覺有何不妥。佢最誇張係當年引入螢光幕顯示入座情況，繁忙時間仲會提供小食飲品俾等位人龍，也都真係算是周到，亦顯出佢自信心。所以家人一向視此酒樓為佢食通天首選。

10月8日晚上沒有訂位, 等了一個鐘.因為7:30前埋單免加一, 所以快左輪侯.四個人點了: 桂花斑塊(有小小桂花及酒味, 但淡d) 鎮江肴肉(不錯) 南瓜煮中蝦跟饅頭(一般未見出色) 小籠包(必吃) 砂鍋雲吞雞(一般,上次叫酸辣湯好味d) 清炒白菜瓜(好味但油多d)埋單$442 OK,可惜冷氣不夠凍,人手少了,要等好久才有人應你, 差左要扣分.