金滿庭京川滬菜館 (時代廣場) (已結業)

前菜青瓜OK, 如果多少少辣就更好醬爆鶏丁有D咸魚香玉環帶子就更咸, 無魚肉味, 反而有蝦味,奇 , 如果少D咸,多D酸同辣就好好多最正係翅湯浸白菜, 好清甜

糖醋魚唔夠正宗, 汁酸左小小魚偏軟..冇脆皮的感覺 紅油抄手 spicy味係個皮果到,一咬落去有汁bill出黎個雲吞d肉好新鮮 . 果真唔錯 奶油津白比較普通既菜.. 冇咩好講 -0-水煮牛肉 !!以後唔叫 , 中2食spicy一定食下啦我明明都食到 但真係spicy到飛起 食唔晒-口-...証明d牛肉好入味啦!燻蛋覺得個唐心唔夠出色, 都係一試算啦 =)另外, 醉雞唔錯, 好入味

上星期六 26/09 下午，約了友人到貴店吃午飯，在門外取了號碼等入座，約十五分鐘後，友人上前向門口的同事查問還有多少號碼到我們，但該員工回答很不奈煩及很沒禮貌說(下一張就到你地啦，等下啦)，這樣的語氣算是什麼呢？我們最後被安排到坐近洗手間門外的位置都沒有問題，但感覺在裹面做招呼的同事，跟門外的有很大的分別，由於在門外的事故，不其然也有點想留難在做招呼的員工，但他們的態度也很好，尤其在最後的員工，叫他取完意見書又再叫他取單據態度也很好，沒有覺得我們很麻煩的感覺，所以也沒有即時寫下意見，心想同一間店鋪在門外的與在內的員工居然也有這樣的差別！我們的單號是 1521 號 66

好耐無食上海菜，今晚真係好期待！黃金燻蛋 (4隻 $52)：蛋白滑、蛋黃糖心、煙燻味香噴噴！食半隻真係唔夠喉 ~蜜汁火腿蓮子響鈴夾 (6件 $118)：火腿鹹香，蓮子夠粉；但個sauce太甜，響鈴亦唔夠脆口。香茜泡羊肉跟薄餅 ($78)：羊肉肉嫩，沒有羊騷味，切到細細粒來夾餅幾正。蝦仁蛋餅 ($68)：蝦仁無味，蛋餅亦唔夠香滑。桂花斑塊 ($88)：斑塊好嫩滑，sauce略為 “傑” 左D。奶油津白 ($58)：sauce creamy，津白甜滑。賽螃蟹：好滑，撈飯食一家好正！百頁小唐菜 ($58)：味道清淡，百頁煮到黏住一舊舊。蘭州手拉擔擔麵 ($30)：擔擔麵有咬口，但湯底唔香。鎮江排骨 ($68)：酸酸地好野味，正！流金歲月 (3隻 $27)：我喜愛既流沙包。好流沙，但卻沒有香濃既蛋黃味。高力豆沙 (8隻 $80)：皮厚而豆沙餡少，但都幾好味。整體味道算幾好，值得再來試下其他名菜。

是日突然好想食d上海菜之類既野，所以去左呢度。可能閒日關係, 唔係等左好耐, 20-25mins左右。2個人仔，竟然叫左咁多野食:1) 2隻燻蛋 - 我好少食燻蛋, 但係原來我都幾中意食, 雖然佢有陣好煙既"火羅火羅"地既味, 但係出奇地好中意食。2) 醉雞 - 雞好"鞋", 個汁搞到d雞好苦, 唔好食。3) 酸辣湯 - 我好中意飲酸辣湯, $26細細碗, 多料, 唔會好辣, 正!4) 小籠包 - 好得! 皮薄多湯, 好味!5) 炸饅頭 - 呢個真係可以用難食黎形容, 好硬又唔熱, 似係已經煮左好耐咁...所以食唔哂! 千萬不要叫!6) 賽旁蟹 - 好美味呀, 好多好多蟹肉, 如果拎黎送飯都會好好味。叫左咁多野, 勁飽, 但埋單都係$308。下次會再黎, 只要唔叫醉雞同炸饅頭就得架喇! 下次都係叫番雲白肉呢d穩陣d既菜色囉!

昨晚與朋友吃完飯埋單, 到簽卡時仔細看看張單, 才發現最後一項收費"濕紙巾每位收HK $10", 就是那包放在枱面"銀色"的東西, 我們兩人都用了, 是否唔用就唔收費呢?不知道這是否現在的食市慣常做法, 或是我們平時沒有注意張單的收費項目, 這樣的"濕紙巾每位收H K$10"實在有點吃驚!可惜沒有留下那張收據!請各位留心張單吧!

兩個人食晚飯, 去邊好呢? 上嚟開飯網搵到呢間餐廳.到達後, 門口已經唔少人等緊. 幸好餐廳門口設有幾個位, 可以讓等住的顧客坐下. 又幾周到喎!帶位會待員工攞放好餐具才帶客人入座.環境方面, 每張枱之間都有少少距離, 就算二人枱, 都唔會坐到好似同隔離撘枱咁, 兩張枱靠在一起.食物方面, 我地試咗-醉雞 - 酒味夠, 又入味, 唔錯!小籠包 - 皮唔厚, 夾的時候又唔會爛, 好好喎! 賽磅蟹 - 好味!菜飯 - 一碗兩個人分, 飯面有一片火腿, 飯裡面也混入了一些火腿碎. 比較特別.總括來講, 好滿意! 嚟緊同朋友敍會, 都揀呢度.

很喜歡到金滿庭吃晚飯, 即使要等上半個小時, 也覺值得. 每次例牌叫的食物有:醉雞 - 雞皮完全吸收了花雕的香味, 一流小籠包 - 皮薄餡靚, 濃夠多, 夠肉味紅油抄手 - 沒有一間上海菜能比得上

光顧左金滿庭超過五年, 一口小籠包, 多汁, 皮簿食過咁多間都係金滿庭最好雲吞雞, 湯好甜,雞好彈牙~但這兩次去左覺得銅鑼灣之分店的員工無禮,服務素質持續下降!!!!想寫意見書連意見書都沒有,要我寫在點菜紙上。

上星期忘了那一天，由於我們在附近工作，友人提議到此店午飯，因我們要趕上班，坐下便點菜，我們點了小籠包，紅油抄手、上海粗炒（小油）、雞絲粉皮闊佬炒飯等…最初各侍應都幾好招呼，當我們食到尚欠粗炒未到，而想請在旁和另一檯客人的Baby玩緊的女收銀小姐幫忙看看，但她好像沒有見到我們，衹是在顧抱著那Baby玩及在好像收銀機位置內玩耍，沒有理會我們及其他客人的感受，希望貴公司的管理層能夠明白我們客人的感受！至於食物方面：小龍包—皮夠薄，肉夠鮮。 粗炒太多油了。 紅油炒手、雞絲粉皮—尚可 闊佬炒飯—飯夠乾身

每次經過都見到有很多人在等位, 心想, 有冇咁好食呀? 今天早收工到銅鑼灣行街, 就到時代10樓望吓, 等了不久便有位了. Order 咗: 燻蛋 - 煙燻味略為足, 糖心好好!炒鱔糊 - 超好味, 恰到好處, 一點油膩也沒有! 小籠飽 - 味道恰到好處, 沒有可彈的地方!蜜汁火腿蓮子響鈴夾 - 好味! 共六件, 但我想四件己經足夠二人前, 如飽夾可用有蓋蒸籠保温上枱就更佳.整體上是很好吃, 一定會再來試試其他菜式!

今個星期六又落大雨所以留係屋企, 於是上Openrice search 下明晚的Dinner 小女子腦海中多日揮之不去的是美味的肴肉, 於是週圍打擔, 本想去灣仔帝后, 但當日天公不造美又下著雨, 於是退而要求次, 選了金滿庭, 由於打電話去留坐已fully booking, 只好walk in , 我倆5:30 到達, 已經有廿多人排隊了 , 香港人真是…哎 ?! 不過還是第一輪可以入坐了, 好彩 還更好的是 7:30 前交枱, 不須加一, 真讚 點了碧籮春 $10/位 前菜 $30 (每枱都有): 肉鬆拍黃瓜: 黃瓜青綠夠脆口, 份量唔小, 三十大洋都比得順氣 期待已久的鎮江肴肉 $58 先上枱, 由於之前係上海會館食過一試難忘, 心知當然不能與彼相比, 但亦希望離預期不遠吧　鎮江汁與肉是分開上的, 肴肉晶瑩剔透, 但是的切成不是厚身, 欠了點啖啖肉的口感, 由於凍食又沒有肥膩感, 再加點點的鎮江醋更錦上添花一口小籠包 $38 (8 隻) :　皮厚薄適中, 用筷子夾基本上係唔會穿, 肉質鮮嫩且肉汁豐盈, 嘗試第二種食法, 先咬開頭頂再倒入小許醋, 令到內裹的溫度肖微降了點溫,

今日同兩個同事食FAREWELL飯一行六人我們叫咗以下食物# 小籠包 好味~ 今次不是太油# 紅油炒手 無食到,同事話好好味# 酸辣湯拉面 好好味~ 加埋醋更正# 鍋貼 無食到# 雪菜毛豆 第一次食, 好味喎, 咸咗D... # 薄餅 夾炸茶肉絲之頪既嘢, 配义子燒餅, 好味, 但薄餅太厚了# 醉雞 夠酒味,,,, GOODＡＲ# 雞絲粉皮　 好味既麻醬呀．．．．甜品: 桂花糕　　　好多桂花呀又有杞子呀，好有益呀．．．．高力豆沙　　好好味～　每人半件．．．　呢攴飯，請埋人都係１５０．．．又開心又滿足呀

尚未夠鐘上班, 便跟媽媽一起吃飯, 卻又不知去那間店子好. 剛巧途經銅鑼灣, 便決定到金滿庭一試. OR上的comments 寫得十分令人動心, 但一試後, 實在大失所望. 那天我們點了1. 芝麻生煎飽; 2. 菜肉雲飩; 3. 士多啤梨汁配炸蠔 (忘記了菜名) .先說生煎飽, 煎得過火, 令底部十分硬, 而且豬肉餡料調味一般. 再說菜肉雲飩, 湯底清得不能再清, 餡料只屬一般, 而且吃到豬肉的筯部.最後是士多啤梨汁配炸蠔, 餐牌上還說是甚麼新推介菜式. 炸蠔用的炸漿沒有蛋味, 惟一可取的是士多啤梨汁較為特別, 令人回味.或許是本人對上海菜要求過高吧....但跟雪園相比, 實在有天壤之別, 相信不會再次光顧了.

3-4-2009(Friday)跟老公及友人一行三人同來。因為之前打電話來時店員說訂座已滿，所以我和老公便只好早一點來等位。六時到來，仍有很多吉枱。侍應帶我們到一小圓桌坐下。店內裝修和環境很特別，坐下來，很舒服。不過冷氣頗凍，我要不斷喝熱茶呢~!我們要了碧螺春(每位收$10茶錢)；侍應也端來了一餐前小吃(收$12)，人人有份永不落空，是炸過像椒鹽蝦般的小食。朋友到來後我們便點菜。由於友人一點辣也不能吃，所以沒有點我最愛也最想吃的擔擔麵我們三人點了...小籠包：果真是皮薄多汁的小籠包，味道很好，但可惜不夠熱。侍應一放食物上桌我們便馬上吃，但吃下去沒有燙口的感覺，我覺得這是一大敗筆，不夠熱騰騰的小籠包，始終好像欠了一點什麼的...我覺得這店真的需要多加注意。上海菜肉雲吞：一碗八隻的雲吞，味道不錯，菜和肉的比例剛好，肉也不會太肥啊。跟湯上的雲吞，吃下去不算很熱燙~上海炒年糕：不怎麼特別，一般上海粗炒的味道，不過換了年糕囉。由於店內的冷氣頗凍，炒年糕放久了一會變得又剛又硬的，食味大打折扣。京醬牛肉絲配薄餅：薄餅放在蒸籠內，樣子一般，熱的時候還尚算軟軟的，包著牛肉絲同吃很美味。基本上牛肉絲味道頗