金滿堂甜品

營業中

休息中

後生嗰陣，一班老死無無聊聊就會走去糖水舖食宵夜。但依家生咗兩個小朋友，就冇呢支歌仔唱喇。前排心血來潮，有一日真係好想食糖水，就同老公講，不如嗌外賣金滿堂啦。大學年代，成班同學捱夜傾project，有時傾完即興踩落九龍城食金滿堂，充滿回憶。當然鍾意食炮兵、芒果糖水，而家就專攻養生熱糖水試咗呢個椰皇大雜燴，真心正！首先，送到屋企仲係熱辣辣～ 一打開勁足料，食完飽到好似食左餐飯，而且桃膠雪燕椰皇都係養膚正野，就算貴少少都值得！

以甜品舖嚟講 呢間係我最愛啊🥰佢話低糖少甜 雖然唔係少甜 但係佢用冰糖代替白砂糖 點都健康啲啦😏.#紫醉金迷 $38入面有芋圓 燉蛋白 雪燕 椰汁底呢個暖粒粒☺️ 椰汁🥥更香更濃 好香燉蛋白好滑😏食得多蛋白係咪皮膚都滑啲椰汁底配蛋白 絕配啊 雪燕變左配角芋圓有驚喜啊😳好煙韌同埋食得出係紫薯嚟咬個陣有小小紫薯粒🤩.#金桃花 $38入面有桃膠 黃色個啲🤣 清心丸 燉蛋白 配椰汁底同樣暖粒粒 椰汁底同蛋白嘅比例做得好好☺️桃🍑膠口感好得意 好似食緊碎左既魚膠.呢2款係有凍食既 如果想食凍 仲有個椰皇載住 可以刮埋啲椰肉食😏

Golden Hall Dessert is a quaint little tasty Chinese style dessert shop located in Amoy Plaza.$45 Kyoho Grape Shaved Ice with Ice Cream. Tasty grape flavoured shaved ice topped with vanilla ice cream. A sprinkling of various topping provide a delightful combination of textures, temperature, and colours.$42 Mango Sago Sweet Soup with Ice Cream. Sweet mango soup, mango ice cream, chewy mochi balls, and cubes of freshly sliced mango. A tasty combination! 😋A great way to end the night with a sweet l

冬日想暖笠笠,一碗溫暖的糖水就真係唔少得。和朋友食完飯,習慣都去食碗糖水.今次去左金滿堂食.雖然人多,不過都好快有位,但好多想食的糖水都沒貨。店舖並不算太大,位子有點逼迫,不過職員尚算友善。其實都好多款糖水,西式或中式也有,選擇都好多。唯有點了這個雪耳桃膠杏霜。很快送上,暖笠笠,不會太甜,杏仁味也不會太重而有苦澀的味道。而且蠻有口感.,配上桃膠和雪耳.馬上提升滋潤感。可說美容和滋潤並重的糖水,很適合秋冬食。

食完夜晚飯梗係黎個甜品過下癮啦🤤🤤.椰皇燉湯圓(凍）🥥🍡 $46椰香味🥥真係好重，唔甜兼潤喉，鍾意濃香椰皇味真係值得一試。底部嘅蛋白就好嫰滑，質感好似豆腐花，黑芝麻湯圓🍡就細細粒，入口一流。整體評分:7.0/10.泰迪小熊🍨 $45雖然佢唔高，但食落好綿好滿足，啲綿花冰好滑🍧，朱古力味強烈🍫，配埋啲珍珠煙煙韌韌嘅感覺，好正！同埋奶茶雪糕🍦嘅味都好濃🍦，唔似出邊嗰啲咁假，整體嚟講都真係唔錯🤤整體評分:6.5/10.金滿堂甜品 (九龍灣)九龍灣牛頭角道77號淘大商場二期地下G201號舖

屋企人有約, 出左去食晚飯。食完晚飯意尤未盡, 外賣左兩個椰皇甜品返黎食, 仲要係我最愛的金滿堂!其中一個當然係我的。金滿堂甜品一直都標榜低糖少甜, "low sugar less sweet", 正好適合健康或減肥一族, 太細心了, 食多了也不會有罪惡感。兩個椰皇一冷一熱! 熱椰皇是我的。外賣碗有椰汁, 芝麻湯丸, 潮州清心丸 (煙煙韌韌的)。而椰皇裡面就係燉蛋白!將椰汁倒入椰皇內, 已經滿到瀉了, 湯丸已放不下了。燉蛋白充滿椰汁香味, 很香很滑, 連同清心丸及芝麻湯丸一起吃, 太滿足了!

食飽晚飯 之後梗係要食埋個甜品先夠圓滿架嘛好耐冇食過芋圓 周圍搵下就揀左呢間座位有啲逼迫 不過環境好乾淨 而且人員都好Nice呢度既甜品都有好多款式 有傳統既中式糖水 湯丸又有椰皇蛋白 新派既仲有棉棉冰 沙冰等等「寶島」有芋圓、紅豆、仙草、雪糕、椰汁底雪糕有幾款口味任均選擇 乳酪、曲奇、綠茶仲有港式奶茶芋圓 唔會好甜 不過唔係好夠煙un紅豆仙草同椰汁底好配搭加埋奶茶口味既雪糕清清地 唔會太濃味另外 仲叫左麥提沙糯米糍 個皮好軟熟 加埋個脆脆芯 係幾唔錯既 不過試一次就夠喇

夜已深，想食甜品滋潤下，就揀間多人俾like既鋪，試下真假。入座前要揀好食咩，加快營業速度，好係好事，但我就5明點解要限住坐邊，明明有2人座位吉左，係都要我同女友同兩條男人對住坐。。。。少少不滿。叫左"美女與野獸" 同 芒果糯米滋兩款;芒果糯米滋普通，20蚊3粒無野好講; 美女與野獸 係荔枝同櫻花味既綿綿冰，老實講，淡味，5好食，女友食到嗌救命，話哂錢。我都同意，但可以怪我5識揀既，應該揀芒果，實無死。講真，坐得好5舒服，想快d食完走人，相都5想影，完。 (有無咁多like丫，就正常甜品，企理d咁囉)

九龍灣呢間嘅服務可以用垃圾黎形容，門口落完order先入得，入去坐低就無啦啦俾人係背後篤左幾下，原來係個“服務員”要上甜品啦，咁都算。最白痴係呢間野乜都要快，坐低食碗野都唔夠十分鐘，未食完就過黎收野，同佢講未食完，我諗都仲未過一分鐘又黎收，keep住係咁問食完未食完未，大佬啊食個甜品都唔可以舒舒服服一直係後面吵吵吵，快餐都冇你咁快啦（如果想體驗下快過澳牛嘅就去試下啦），正一垃圾服務，食個甜品好似走水貨咁，以後一定唔會去

淘大有新戲院，最鍾意試新野的我今天也去瞧瞧看！趁著開戲前的少少時間去吃一個甜品！來到這間在淘大的甜品老字號。甜品店也有下午茶時間！毫不猶豫點了朱古力心太軟$40。朱古力心太軟 (奶茶和綠茶雪糕) tea time $40 碟上畫了隻小兔，頗可愛！餐廳的用心心太軟切開，中間的流心朱古力的流心依然流心！未焗到變朱古力塊，不錯！朱古力夠軟滑夠濃郁！滿足到我們想吃朱古力的饞！奶茶雪糕奶茶味濃，不會太甜，入口有驚喜！綠茶雪糕普通，沒有太大特別。

去親九龍灣都一定會食金滿堂。佢無論凍定熱嘅甜品都係咁好味。呢個清心丸椰汁紫米露甜度啱啱好，仲可以同佢講多椰汁。清心丸都有6粒。另一個朋友就叫咗燉雪梨，略嫌過甜。仲有果度嘅冷氣真係好凍！

天氣漸涼, 就會想起呢間甜品店!九龍灣區我一定去食呢間~甜品的選擇都好多!今次大約晚上九點左右到, 已經開始要等位!職員安排得好好, 給予號碼籌外, 仲有點餐紙!我每次都必食椰皇燉蛋白😙😙今次選了有桃膠~清心丸~蛋白~蛋白又香又滑~😋桃膠同清心丸的份量都ok~食完成個人都暖哂!😙😙小朋友就揀左熊仔造形的朱古力棉棉冰!配上奶茶味的雪糕~佢地都大讚一流!仲有麥提莎糯米慈!一客六粒! 都頗煙un~下次再試其他啦！

剛巧九龍灣晚飯，剛巧附近有間糖水鋪，剛巧口痕痕，剛巧男友喜歡椰子甜品，剛巧我又鍾意食芋圓。。。，太多的剛巧，而金滿堂有晒我地想要既野，所以呢。。 我叫左紫霞仙子，佢係個椰子仔裏面裝住椰子糖水同芋圓，椰子味好香，芋圓煙煙un un, 正呀男友就叫左芒果味的，都係原隻椰子仔上，椰子糖水，而芒果同水晶珠就另上，佢個個都好好味，芒果算甜，水晶珠有口感佢仲有好多椰子仔既甜品，如果鍾意椰子味既糖水，呢間係不錯既選擇

今晚親戚飯局約吃中菜，點知小朋友完全沒興趣，唔肯點吃嘢，一句“去吃甜品囉”將我地集體轉移到呢度。在淘大吃甜品次次都揀呢間，沒有之一。芒果大王--原隻椰皇燉蛋白一直是我的最愛，但今次來到發現多咗一d新產品，決定試新。我揀的甜品係呢個樣貌行先的Teddy Bear，其實就係伯爵茶味的雪糕&棉花冰。角度抓得好的話係幾似的，角度抓唔啱的話。。。就係一碗正常甜品囉，哈哈~當然都係一份好味的甜品，雪糕同棉花冰都有好濃的伯爵茶味，雪糕會比棉花冰再濃味D，中意嗰陣味的人會好中意，不過是日下雨天氣涼，沒人同我分享，得我一個人自己吃，覺得份量有點多，都可能真係天氣涼，d冰化得慢，吃極都仲有。結果係雪糕吃曬，冰吃唔曬，結論係以後吃冰都係要揀大熱天。

星期日夜晚，預咗多人等位同媽媽兩個人拎咗飛仔企係出面等門口有個女仔係咁叫我地落單先但我諗咗陣都未諗到食乜我媽媽見到入面有吉枱，想問下情況，門口嗰女仔就開始不甚友善話: 你地合作下好無，啲枱預咗一行12個。我地只不過問咗一個問題，問個問題都係咪不合作表現?不過我地無出聲，可能忙天氣熱少少躁都正常，忍咗 。佢叫枱嗰陣，skip咗我地，俾咗下一張3個人入咁當然即刻問佢啦佢話因為我地未落單首先，門口個同事無講過一定要落咗單先會安排入座態度不在話下其實派飛仔嗰時講清楚係咪真係咁難?我知你地忙，但應該要講嘅都要講清楚