金滿堂甜品

營業中

休息中

好多不同既甜品選擇，又用好多得意既甜品名，令到啲食物更吸引。我朋友叫左個芒果棉花冰，因為夏日熱辣辣最岩食冰消暑，而我就叫左我最愛既榴連，啲榴連重，但不太喜歡佢地既朱古力片，太甜又吾脆，所以下次會試下其他的甜品

前排想食甜品個frd就買左呢個出名嘅甜品比我食，當中有麥提莎糯米糍同唔知椰皇燉奶…，呢個唔sure,椰皇嗰個就清清淡淡唔太甜，普通啦！麥提莎只可講句幾得意，唔可以稱得上特別好食，或者下次可試下第二d吧～

作為一名榴蓮控，去親甜品店都會優先考慮榴蓮類甜品，金滿堂就大把選擇。 榴蓮飄香面頭有西米，椰果，啖啖榴蓮肉，下面隱藏了一個榴蓮布甸，個底係榴蓮打成。集所有榴蓮味於大成，榴蓮味充盈，但由於係由唔同材料帶出，有層次。榴蓮肉的軟糯，榴蓮布甸的軟滑，加上西米的脆，椰果的韌勁，豐富的榴蓮口感。 榴蓮女皇大大個椰青盛住椰奶，椰奶入面有榴蓮肉，凍食，食完好滋補。 榴蓮烏冬榴蓮漿打成嘅湯底，用蒟蒻，椰漿做成嘅烏冬，幾可亂真，topping係榴蓮肉，榴蓮撈麵，別有風味。

同成家人去九龍城打完邊爐之後爸爸就提議去食甜品,不過本身唔好甜品既媽媽就唔贊成。經過我地嘅說服,最終決定去金滿堂。四個人叫左四個 甜品，首先廣下我果個咖啡果凍加三球炭燒雪芭，呢個甜品係Open rice既推介。咖啡味非常濃，不過唔係好中意咖啡嘅小妹就覺得麻麻，而雪芭就好好食，裡面有粒粒咖啡果凍同果仁，好有口感第二樣係最遲泥既黑樹皮即係朱古力綿綿冰，旁邊有小丸子同粟米片。小丸子一定要同綿綿冰一齊食，如果唔係好淡，綿綿冰係超濃好有朱古力味，超讚！！第三樣叫唔知咩巴西(唔記得個名)，透心涼，夏天食最正。入面有清甜椰子水，粒粒果凍，蘆薈，同芒果。待應提供既餐具係膠羹所以刮唔到d椰肉第四樣唔知咩名，冇食到，應該係果d傳統白果腐竹糖水听廣幾好食。經過甘次，唔好甜品嘅媽媽依家對金滿堂嘅甜品(佢話淨係金滿堂)完全改觀。姐係話以後媽媽會同小妹呢個甜品魔食甜品hahaha

七彩繽紛的鮮果味海藻粿子，好讓人喜愛呀♥海藻是平衡飲食不錯的健康食品，所以一向對它印象都不錯。這裡的海藻粿子質感很好，入口彈彈的。而且有多種不同口味以供選擇，總有幾款合你心意♥吃起來。Dep Dep Dep♥

食完(湖南)正餐，跟着行到一間甜品舖，繼續開心地吃，因為正餐唔好食，寄望在甜品上，務求要令自已最大滿足....哈哈麥提莎糯米糍都ok...但沒什麼特別芒果烏冬...芒果太酸，D烏冬唔好食..–D都晤滑..好韌杏仁燉旦白...食左兩嗒就吾食，裡面粉還粉水還水， 又杰又吾滑。和我在北角食掙好遠金玉滿堂，有雪糕，芒果肉，西米，小丸子，椰果，龍眼肉，加上鮮芒果汁，芒果酸，!這間的芒果一D都唔好食，綠茶雪糕很好吃，重綠茶味。(行过D有間舊式糖水店，D芒果就好吃好多)榴槤烏冬...榴槤ok，D烏冬都是唔好食..–D都晤滑...好韌朱古力心太軟併雪糕 ...內裡是暖的朱古力醬 , 可選兩球雪糕 , 雲尼那味及芒果味 , 不过師傅都有心思 !  蛋糕外層唔鬆軟，你去天后隨便–間都好食过佢！可贊的就是多款式選擇真唔明白為何會有這麼多人話好食，我地六個人都覺得唔好食，還吃了兩嗒就吾食，腦袋出現好多?????關於服務態度差差差差差....(帶眼鏡的哥哥仔)不會再來..亦會通知各方好友....

食完正餐，跟着例行的動作必定是走入一間甜品舖，繼續開動胃部的那副引擎，務求要令心理及生理上都要得到最大滿足....龍城內的甜品店越開越多，差不多一條街內都能找到多過一間的選擇。不過要數到相對上字號老而又最就腳的一間，便要算到"金滿堂"了.....真的好久好久沒來了。事隔多年，甜品款式越來越多，就連近年頗流行的雞蛋布丁也有得吃....一行五人連埋向來是甜魔的小友，肆無忌憚的亂叫一通，叫好幾款一齊分享，亦是另一個例行動作....友人叫來的芒果班戟，外皮極厚韌，皮包入的忌廉味道很人工，甜度也有些不太尋常的高，唯一的好處是夠滑；芒果肉是酸得要命且有丁點的渣，棄之也未覺可惜....前陣子在市面賣得甚火熱的台式雞蛋布甸在這兒也有售。蛋雖滑但甜得太膩人；呍呢嗱籽似乎下得太輕手了香味不足，食起來蛋香亦缺....椰汁芝麻湯圓捨棄了傳統熱薑糖水而用上了椰汁作底，新意是有的但可惜的是呷落卻一絲椰味及香也感受不到，只是一味的死甜；湯圓咬落有點像吃在超市可以輕易買到的某牌子貨色，皮又厚又硬芝麻餡更是遑論有流沙香而滑的效果了....那朱古力金字塔很明顯是一早弄好就放進雪格內，有單時才端出來奉客。外頭那層朱古力外皮

今晚同男友喺九龍城做完泰式按摩, 食完泰菜都仲覺得唔夠喉… 決定食埋甜品作個完美嘅句號 (≧∇≦)不經不覺, 呢度已經喺同一條街開咗三間店, 記得當年第一次光顧, 只係得一間… 真係時光飛逝… 亦證明呢度好生意!! 我哋只係等咗 5分鐘左右就已經可以入座 ^^我點咗咖啡果凍伴炭燒雪芭~ 真係好美味! 雪芭入面混合咗合桃碎 & 咖啡椰果, 煙煙韌韌, 口感豐富! 而且不論果凍定雪芭, 咖啡味都非常香濃, 連我呢個非咖啡迷都食到停唔到口 ^^ 我自己一口氣食哂三球雪芭 & 果凍… 好彩呢度嘅甜品係少糖低甜, 如果唔係, 後果就真係不堪設想… (￣∇￣)男友就點咗個烈火雄心 ^^ 哈哈, 好鍾意呢個名, 令我即刻諗起消防員 (≧3≦) 我諗改呢個名嘅嗰位人兄都應該係七八十後嘅電視迷!! 講返個甜品, 其實係士多啤梨味嘅綿花冰~ 酸酸哋嘅士多啤梨味夠哂真, 冇葯水味, 而且入口即溶~ 正! 不論配不配上綿花糖 & 小丸子一齊食, 口感都非常過癮!!

係新蒲崗睇完倒數活動, 心思思想食糖水, 行過去九龍城都算幾近, 見到金滿堂甜品係九龍城區都算幾高分, 就揀了這間好了 係門口見到大約30人等緊位, 有少少想走, 怕等得耐嘛~好彩等了大約5分鐘左右就有位了~haha 本身想點榴槤的, 但我這幾天都好熱氣, 所以還是選擇了芒果~地方有少少迫迫的, 但都坐得落,可能多人呱~坐低後即刻點了芒果烏冬: 芒果汁不太酸, 烏冬是椰汁造成, 又有我至愛的小丸子, 煙煙韌韌, 正呀(80分) 係九龍城區都算抵食了, 比起旺角那邊真係便宜啦~我下次一定要試榴槤!!!

我地每次到九龍城食飯 都會到此食糖水 平時趕住你走就例行公事啦！今次嘅不快令我地不可忘懷 從未見過咁差態度 其中兩友人各叫一碗杏仁燉旦白 黎到友人食左兩嗒 話呑吾落 食吾到 裡面粉還粉水還水 又杰又吾滑 男老闆經過 諗住同佢講聲 佢一句就質埋黎話冇問題連行去廚房查下都冇 我地見佢意見都吾願接受 咁我地俾錢走人啦 點知俾錢時個老闆娘話佢好吾開心 話我地無口德喎 我地立刻好嬲 我地黎消費開心 吾係黎𢭃你開心呀 俾意見你都吾接受 死得啦！最離譜嘅事發生 突然有個男四眼仔揹住背包衝入黎 大聲叫話「咁大聲係咪想技訴」仲係咁挻起胸向我朋友迫近 來勢兇兇想打人咁可能你屋企係有組織人士啦 但食個糖水把選擇 繼續你的堅持 不能接受意見就不能破舊立新 終被淘汰 祝你生意興隆

光顧了金滿堂很多次，但第一次食寫評。金滿堂既甜品水準保持得好好，多年來都冇咩改變，係一間有實力又用心去做既甜品店。😚😚😚佢成日出啲得意既甜品，改個名都吸引過人😏😏值得一讚。今次同朋友係附近食完晚餐，過黎睇下多唔多人排隊，等左唔係好耐就有位，真好。我們四個人叫左4樣野，最有特色既就係芒果烏冬。哈哈，本身一聽個名我們大家都好抗拒，但又想試下。😆😆😆哈好彩都冇令我要失望，原來唔係真烏冬，凍凍地既口感好似啫喱，但賣相同真烏冬一樣。真係100%有趣，下次都想再食。😉

榴槤女皇燉奶幼滑，混合剛放上面的榴槤，味道可以，但溫度口感麻麻，不冷不溫，有點像那些放涼了的奶茶。希望只是一時失誤。心太軟很欣賞他們在百忙之中仍可以在碟上畫花畫心畫蝴蝶。這裏的心太軟未必是最好的一間，但在這件甜品上，心思及配搭卻是ICHIBAN！自選雪糕 ﹣ 曲奇味一流，市面沒有像這好味的雪榚，不會奪主甜度剛好。

下班了 !工作了一整天 , 疲累...心累 !趁還未晚飯 , 和Honey到九龍城吃個 " 飯前甜品" , 放鬆一下 ,金滿堂外有泊車位 , 很方便 .餐牌好多相片 , 中西台式都有 ,樣樣都好吸引 !工作忙 , 心情欠佳 ,所以Honey點了 " 朱古力心太軟併雪糕 " ,我點 " 朱古力棉冰 ". " 朱古力心太軟併雪糕 ":朱古力蛋糕外層鬆軟 ,內裡是熱辣辣的朱古力醬 , 可選兩球雪糕 , Honey選雲尼那味 , 我選綠茶味 ,看 , 師傅多心思 !是彩虹天 ^^未吃已開懷 !" 朱古力棉冰 ":不太甜 , 中規中舉 .下班後吃點甜的 , 尤其朱古力甜品 ,生活一大樂事 !

九龍城這地區對我來說交通實在太不方便，既然一場來到，當然要食埋糖水先走。是日晚上六個人分別點了不同的糖水，通通嚐過還是榴槤女皇最好! 當中燉奶非常幼滑有奶香，混合椰青水及藏底的榴槤，味道非常配合，就算平常不食榴槤的我也要讚好!十大人氣甜品，當中以榴槤女皇最好，可試。抱著一試的心點了咖啡果凍伴炭燒雪芭，合桃味雪芭非常足料，口味也濃，破開都是一粒粒合桃，挺好吃。但那咖啡果凍卻令人有點失望，果凍沒有咖啡味，可惜可惜。有機會我會為了榴槤女皇再來的。

晚飯後總是習慣吃一些甜的作為終結，上次巳經同朋友試過一次，也挺好的。白馬黃紫： 其實係紫米露+清心丸+芒果。紫米露係我嘅至愛，多數食甜水舖必叫，粒粒紫米有咬感，椰奶香味足，芒果鮮甜。我心目中值80份😊（因為我還有更多更愛......呵）榴槤女皇：把你愛榴槤的感覺留在此，有幾位朋友食過，話好好味（不過我對榴槤感覺認真麻麻，所以冇食過，所以我就不評論了）