影片
以上資料只供參考, 請與餐廳確認詳情
今日去深水埗買嘢，特登走返去金滿拮魚蛋😁 嘩嘩嘩，多咗好多新嘢喎😍 生菜魚肉、碗仔翅、麵餐…. 我今日就試咗麵餐，出前一丁加瑞士雞翼。出前一丁煮得軟硬適中，最怕啲面太腍😅 瑞士雞翼好入味，裏面多汁又滑，可惜得三隻雞翼，唔夠喉😂
繼續閱讀
之前食過呢間嘅燒賣同炸魚旦配佢嘅獨家醬汁好好食，今次一心諗住試下佢嘅白魚旦，點知去到佢加左好多嘢食，最吸晴嘅相就係佢嘅瑞士雞翼，加埋撈麵都係$25，忍唔住就叫左，喺等嘅其間比我見到佢竟然賣大埔振興嘅牛丸，眾所周知呢間嘅牛丸雖然好食，但出左名貴，佢賣$20-4粒🤩🤩，真係好抵，可惜個肚位置有限，下次必食！再睇埋佢其他小食，全部都係貴貨，真係高品質嘅小店。講返我嘅瑞士雞翼撈麵，勁大隻雞翼，個瑞士汁好好味，雞翼裏面仲有肉汁，唔會好乾，配埋佢嘅獨家醬汁撈麵真係冇得頂😋😋😋。其實我好少寫食評，佢真係值得我去為佢點讚👍🏻👍🏻一定要支持呢啲好食嘅小店舖！！！
繼續閱讀
再次幫襯，多咗好多新產品😲買咗份瑞士雞翼撈麵，雞翼勁大隻，又夠入味，撈麵揀咗獨家醬汁味，超正🤩仲有好多新產品，仲有生菜魚肉，等我下次試下先😏買咗小食過隔離share tea買嘢飲，仲有9折，好抵🤩
繼續閱讀
見到呢間評語幾好，就去買陳皮魚蛋試吓喇，到手一睇咁大粒既？我印象中陳皮魚蛋係細細粒架嘛🤔🤔都買左喇食左先算喇，咬左兩粒...嘩搞唔掂...淋既好難食...最後掉左落垃圾桶☹️
繼續閱讀
搭地鐵前，見到間光光鮮鮮既魚蛋檔，仲要寫『獨家醬汁、一試入魂』，見肚肚地餓就去八卦下先！=> 中辣三色魚蛋 一食就食得出個汁係自家整，有層次心機之作！三色有炸、陳皮、白魚蛋 （靚貨）篤魚蛋咁多年，第一次食白魚蛋，好特別！=> 豬皮、水魷，好少小食檔做得好食，喱檔食得出心機，冇交行貨！贊！配埋佢間 ShareTea 既冬瓜仙草茶，簡直一絕！最後仲買左包魚皮，鬆脆好味，做睇電視既零食一流（配外賣加碼仙草茶）🥳香港好少心機小食檔！加油！
繼續閱讀