1
1
0
港鐵大埔墟站 A1 出口, 步行約9分鐘 繼續閱讀
所有分店 (3)
電話號碼
26608495
營業時間
今日營業
06:00 - 22:00
星期一至日
06:00 - 22:00
付款方式
現金
食評 (3)
等級4 2019-12-03
249 瀏覽
一份午餐包括四樣嘢:即炒小菜、熱辣辣白飯、唔係味精加水例湯(賣晒就冇)、有茶香的奶茶。食晒真係超飽,之後醒目帶埋飯盒嚟。試過椒鹽豬扒(好夠味,可惜豬扒一啲硬,一啲稔)、味菜銀芽炒牛肉(酸甜惹味,牛肉唔係發粉牌)、芹菜蘿白炒豬肉(勁多蘿白,芹菜得幾條實在太少喔)。例湯唔係水還水、渣還渣,夠熱,飲完唔口渴,少鹽更加好。如果飲開奶茶少奶的,唔使再特登叫少奶。呢個餐有個特別名稱叫開心餐,佢確實做得到。有選擇困難唔知食咩好,店員冇催快落單,亦冇催交枱。試埋早餐,牛油厚多士夠脆夠熱有麵包香,米線多餸仲有條菜咁健康,已經成為自己的快樂早餐。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-08-31
286 瀏覽
在大埔多年的茶記 早午晚餐都吃過很多次食物質素一路都keep得唔錯晚飯小菜零舍好味 特別是魚的烹調很到位價錢也十分公道合理最重要是全店的員工服務都一流 禮貌對客 食客至上很多街坊都經常幫襯 抵讚 繼續閱讀
(以上食評乃用戶個人意見 , 並不代表OpenRice之觀點。)
等級6 2017-08-11
543 瀏覽
大埔,算是一個已經開始老化的新市鎮。幾十年間,就算是公屋邨發展時才出現的店舖,都帶給眾大埔人不少的童年集體回憶。今次,我身在寶鄉街,來拜訪的可以說是老字號,也可以說是新舖。因為,這《金源餐廳》對大元邨的居民來說,的確是一個美好的集體回憶,但對我這一個在大埔墟長大的人士來說,《金源餐廳》絕對是新意思。而我又趁一個可以一個人去食早餐的大埔上午,我就在登上去上班的307號巴士之前,輕輕地拜訪這一家 "老" 店。 早上的小店,可能因為近巴士站的關係,一早已經是一個滿場。我跟隨著一大班老饗一起走入去。大家一起要等店員安排一下客人調位才有空間給那一組人,以及找一個位給我搭檯。坐好,安頓好,我立即就點上我想食的公仔麵早餐,是一個對好多人來說是很邪惡的雞扒公仔麵。味道上,賣相上,並不是十分之出眾,只是一般茶餐廳的大光麵出品。好的,就是雞扒肉嫩,有皮,有嫩肉,而且麵有許多的菜,算是合格啦。 奶茶,沖到起晒泡的出來。看得出師傅的奶茶是拉出來而不是倒出來的。感覺有點功夫。入口,有水滑的感覺,又有足夠的茶香,不會太濃搶走了奶味,也不會太多奶而變成奶滑的假感覺,這一杯茶,我可以用靚來形容,而我亦準備給予一個很高的分數。 午餐暫未有機會來了,是次輕輕一評其早餐,食物上是不過不失,但早上的這一杯奶茶,絕對夠妙。 繼續閱讀
(以上食評乃用戶個人意見 , 並不代表OpenRice之觀點。)