金源冰室

營業中

休息中

今日坪州一日遊，雖然星期一有部份鋪頭唔開，但依然搵到食同景點架😆💕留意祺森冰室、勝興茶室、麵包鋪星期一唔開，要食好嘢可以去金源冰室👍🏻坪州只有0.99平方公里都好細下，所以坪州嘅鋪頭主要集中喺碼頭附近嘅永安街同永興街，而金源好容易搵，就喺志仁街同永興街交界位。曾經喺網上睇到話呢間嘅炒嘢係唔錯，尤其係炒通粉！！雖然今次去到賣晒(1點到達)，但試左👆🏻炒烏冬😻都好好味啊！夠鑊氣又入味，如果雞翼係滷水就更加好啦🤫金源雖然喺坪州呢個小島，不過價錢唔貴架，同市區茶餐廳價錢差唔多👍🏻食飽飽就同門口隻招財貓say goodbye~繼續行程🥳

星期六放假日,11點幾同呀哥去到金源開餐,呢個時間冇乜人,好快有位,亦有炒飯/麵供應!店入面環境乾淨企理,同埋呢間店係家庭式經營,見到一位婆婆執拾碗碟,佢應該係家族長輩啦,廚房入面又係果位戴cap帽既廚師。叫左一碟公司炒烏冬,因為係散叫無包野飲，所以額外叫一杯我至愛既凍檸茶,呀哥就叫左呢度著名既鐵板什扒大餐+凍奶茶（跟餐）。公司炒烏冬材料有火腿片,肉片,腸仔粒,餐肉粒,少少蘿蔔粒,加上濃味既汁醬炒成既,非常好味,又有鑊氣,但有d油膩,可能個人偏好濃味啦,所以好好食凍檸茶沖得幾好飲,茶底唔錯又夠甜,但係飲品唔跟餐,要額外追加。鐵板什扒餐材料十分豐富,有太陽蛋,煙肉,香腸,雞翼,牛扒,豬扒,大片番茄,同埋粗粗既薯條,配上香濃燒汁,賣相吸引,而且十分之香！姐姐將熱滋滋的鐵板端上枱面,令人食慾大增,不愧係鎮店之寶！（全坪洲得呢間有鐵板餐）總括而言,呢間茶記絕對可以一試,下次打算試下其他炒粉麵~睇下有冇驚喜

坪洲唔太大，但食店就好多，大部分都係港式茶餐廳，沒有華麗外表，反而更有驚喜🥳金源冰室就係例子，親民的冰室裝修，像是給島上居民的飯堂，給他們聚腳地方，伙記親切態度😘令人十分舒適。因為連環掃美食，肚仔不行了，所以吃不下招牌「鐵板餐」「大大碟炒通粉」，只叫了吉列石斑多士，但我讚嘆是吉列石斑是炸的，但完全唔油，而多士也保持脆及乾身，作為一個下午茶恰到好處👍🏻另外他們有些特飲亦很吸引，希望不次可以食埋同鐵板餐😋

坪洲總有幾間餐廳要食金源冰室傳統冰室餐廳大多係坪洲居民出名公司炒通同吉列魚多士公司炒通 $38配料都幾多，腸仔、火腿、 雜菜粒等通粉有啲軟，唔夠乾身，差啲鍋氣但價錢算平吉列魚多士 $23吉列魚幾脆，唔算多油多士外脆內軟，再配沙律醬都幾多食多士唔油膩，碟底都無乜油，算做得唔錯😄

誤打誤撞搵左一間有鐵板餐既冰室星期六1:00 都有8成顧客🤗星期六日冇早餐，午餐同常餐提供不過仲有鐵板餐🤩我叫左個美式雜扒餐 $58 包熱飲一杯，凍飲加$2🍹有太陽蛋🍳腸仔、煙肉🥓火腿、雞翼、豬扒、牛扒、蕃茄🍅同少許薯條🍟不過汁係冇得選擇架🤔鐵板一上枱就聽到嗞嗞聲，好正😍CP值好高，市區好難搵到咁抵食既鐵板餐了提提大家，店員話星期日唔會用鐵板上，係改為膠碟上架提外話，廚房得一位廚師，食客要耐心等候，唔好不斷催促🙏

平日坪洲遊，部分餐廳都冇開門，仲要下午兩時許先入到個島，提提大家最好早D 入去，因為點餐既時間 ， 好多野都已經買哂，想食都冇得食個杯雖然唔係好大， 但俾半粒咸檸檬落去，唔洗我講你都知有幾正，最衰冇帶水樽，唔係我實帶埋走西多士裡面啖啖柚子（係沖柚子茶果隻味，仲要係未加水， 傑撻撻）如果食唔到太甜既話，就唔好再加蜜糖大慨類似係乾炒牛河既味道，不過就轉左炒通，味道其實唔差，不過雖然通粉同河粉都要先煮過再攞去炒，但係通粉煮太耐，口感爛啤啤，有D 奇怪，而河粉原本就係咁冧，又好似容易接受D,睇你個人既接受能力拉

黎食lunch, 兩個人叫左一個鐵板，一個炒公司通炒通粉真係第一次食好快就上左個炒通，好大碟，仲咩餸都有，腸仔，餐肉，豬肉，牛肉，芽菜，洋葱。。。仲要勁大碟，正常女仔應該唔會食得晒，男仔應該食得晒嘅，但估都會好飽炒通冇餐飲，但鐵板有，鐵板加左$12要奶茶紅豆冰試下佢奶茶紅豆冰menu係分開，差d見唔到個鐵板等左陣，都好快就黎左，好熱又好多d肉仲要唔錯比較奇怪係呢間竟然唔太多人，坐得幾舒服，有卡位坐奶T休紅豆冰又係好香茶味，呢度似乎d茶類飲品都唔錯

第一次去坪洲去了金源冰室吃Lunch，碼頭行嚟冰室只需五分鐘路程，位置在開揚的轉彎位很易找到！由於是星期六關係，餐廳都坐滿人，幸好我來到時剛好有位～餐廳環境是懷舊冰室feel，我選了比較特色的公司炒通粉吃，湯通粉就食得多，炒通粉就真係未食過！通粉即叫即炒，炒得很夠鑊氣，通粉有夠淋，味道濃郁，配料份量又夠多！由於我不吃牛肉，所以叫了走牛，配料還有豬肉、腸仔、火腿、芽菜，非常惹味！還點了紅豆冰配炒通粉絕對是最佳組合！下次去坪洲也會再去這間冰室吃

同家人放假入左黎坪洲行，行完山諗住黎食個tea，原本諗住叫公司炒通粉，點知冇哂，咁唯有叫其他野食啦我地一行四人，由於唔係好肚餓，就叫左兩個石班多士，同埋一個柚子西多士share黎食石班多士舊石班炸到脆卜卜上台，都幾大舊，有成塊西多咁大，舊石班冇炸到過火，㔹理沙律醬食，都幾好食嘅柚子醬西多士係比較新嘅食法，店舖冇偷工減料，西多士嘅角落頭都有柚子醬，多人分享就唔會食到好漏店舖冇限最低消費，又冇加一，性價比幾高

放假想去靜D嘅地方安靜下，又想探索下新地方於是去咗坪洲去之前已做咗research，見到呢到嘅炒通粉好味，所以決定一試等咗大約10mins 就上菜，速度還好可惜有少少失望：通粉太淋，豉油太多不過肉嘅份量好多，如果你鍾意食肉嘅應該會好喜歡！但我就好一般了可能因為有好高期望，結果換來好大失望一次就夠哂了

嚟到坪洲玩，當然要試吓呢一度嘅食物，見雜誌推介過蝦多士，同埋呢一間小店嘅公司炒通粉，見到多士嗰間定價實在太貴，擺明劏遊客，所以我哋就揀咗食公司炒通粉呢間假日無得揀跟餐，所以我地叫左公司炒通$37同大支可樂$16～味道唔錯～幾有鑊氣，就好似乾炒牛河既味道，但變左通粉，對我黎講通粉有啲太林，其他配料都唔錯，如果有啲菜就更完美～

正正式式新居第一餐～原本唔諗住落🏔️，但奈何又唔想食杯麵，唯🈶️跑⛰️啦😓-HK$55美式什扒餐包一杯熱飲～嘩，嚟到已經”咋咋”聲，什扒～雞全翼、牛扒、豬扒、煙肉、腸仔、火腿、煎蛋及炸薯條。真係好豐富喔🥰味道仲要唔錯。只可惜汁係冇🉐️選擇，但係價格不太貴已經吃到8款食物已經👍🏻-HK$37公司炒通心粉～之前睇本地某網站介紹金源最好食係公司炒通心粉。橫掂嚟到便試一試。點知😅通心粉有點過軟但未去到漿糊狀態，鑊氣唔係好夠。味道👌🏻，最值🉐️讚配料都幾多😍。-食完之後我就覺得美式什扒好食過公司炒通心粉好多又抵食所以如果大家有興趣嘅話就可以試吓美式什扒。-平日來金源茶餐廳食飯最遲last order係5:15所以大家一定要記得唔好遲過5:15入去啊!因為佢哋有機會唔接生意。

黎到坪洲郊遊，見呢度雖然住得6，7千人，但都有成5-6間冰室，睇黎坪洲d人都成日出街食，是旦揾左間出名炸魚西士多冰室。先講下環境，呢間野位置離碼頭都幾遠，要行6，7分鐘先到，門面就一般老式冰室既喇，舖頭都唔算大，衛生就正正常常咁。講到食物，叫左佢個出名既炸魚西多，炸魚做得唔錯，夠晒脆身，西多都炸得好脆，但就唔夠厚，整脾體食落都okay.什扒餐，由於無鐵板，所以只有用碟上既，隻碟都勁多汁，好似汁浸扒咁，食落d肉就中規中距距喇。

我3次黎坪洲，全部都有黎呢間朝聖要食我最愛既魚多士。今日重陽節，雖然公假但人唔多，黎到就有位啦~店子是傳統老牌的冰室感覺，就是喜歡小店的氛圍。依舊點了柚子西多同魚多士，以及凍奶茶同檸茶。今次感覺魚塊大過上次，雖然薄但有肉地，夾埋多士一齊食別有一番風味。柚子西多士唔係醬汁，而係多士裏面有柚子醬饀，比一般常見花生醬西多來得特別。冰室選擇都多，下次想試下佢其他的粉麵飯，我見其他人叫了意粉，賣相都非常唔錯

今日等登去坪洲金源冰室，食下傳說中的公司炒通正！有人說坪洲遠，新界出發要轉兩次船才能到，又話要坐船麻煩，山長水遠咁入去食個通粉？？？如果你係個標準吃貨，呢丁點船程算係乜？大把人坐飛機去食牛啊，麵啊咁啦。但唔聽佢地廢話，只要真正好食。公司炒通早就聽過，但一直都無時間入去一親芳澤，睇咗餐牌，只能散叫，要是要是有套餐更好了。即叫即炒，聽住火爐果D聲，簡直就是如交響樂般悅耳，在市區的新式茶餐廳沒能欣賞到。食完再打包一份，爽。完美。