5
5
5
電話號碼
2718 1088
開飯介紹
前身於九龍城的"泰地道"現正式改名為“金泰苑泰國餐廳”。 店內充滿泰國色彩,周圍環境很寛廠,令人感到好舒服!店舖堅持提供高水準的地道泰國菜,一於令客人飽嚐正式泰國菜的風味。 繼續閱讀
營業時間
星期一至日
11:30-23:30
付款方式
Visa Master 現金
其他資料
酒精飲品
自帶酒水
VIP房 詳細介紹
電話訂座 詳細介紹
招牌菜
冬蔭公 生蝦刺身 咖哩炒蟹 明爐烏頭 青木瓜沙津 炭燒豬頸肉
食評 (18)
等級1 2015-04-21
1388 瀏覽
第1次嬲到要寫食評, 呢間舖呢期搞團購, 同事買左咁咪大家一齊去食囉!第1次我地夜晚去食, 覺得佢地上菜好慢, 野食黎到唔算好食, 一班人難得坐埋搵個地方有傾有講食野都算啦。 今日見D劵仲有幾日到期, 諗住同同事去食LUNCH用埋佢, 成間餐廳坐埋都係得廿個客, 我地落完單等左成50分鍾都未有野食, 遲過我入黎果D人都食完咁濟, 期間我係咁摧佢地話趕時間要返工, 佢仲好無禮貌咁同我講話好多單做唔切, 最後我地話走仲話煮緊D野食點算?! 打去訂位果陣已經問係咪有團購劵, 係咪買團購就唔係生意?! 唔想做就唔好搞團購! 繼續閱讀
(以上食評乃用戶個人意見 , 並不代表OpenRice之觀點。)
等級4 2014-11-13
1679 瀏覽
之前係九龍城番工,因為近,所以成日都黎食。不過今次就,一入到餐廳,一股古怪既臭味,入面明明大把位,唔知點解要我地坐門口。快快手叫野食先,我叫左個泰式雙拼飯,入面有海南雞同豬頸肉,想轉做海南雞飯,但要加$5,咁咪唔轉囉,但係豬頸肉同海南雞都少左好多,海南雞唔係好油,味道幾好,但豬頸肉就又乾又硬!另外,個餐仲有杯餐飲,凍熱都係同價,選擇又多,我飲左杯青檸樂,不過太多冰,攪到好淡! 繼續閱讀
(以上食評乃用戶個人意見 , 並不代表OpenRice之觀點。)
等級1 2014-08-13
1829 瀏覽
諗住價錢唔平,水準一定有番咁上下!先黎泰式鳳爪好一般,跟住冬陰公先勁,May埋眼飲一定飲唔到係冬陰公!蝦餅仲勁!睇住食都食唔到有點點蝦肉,全部粉黎.....菠蘿炒飯似炒定備用,要就番蒸,腰果都是不脆的,唔使講到豬脛肉爽唔爽呢d咁高要求,當然係唔得啦!(唔爽)反然最正係菜苗,咖哩牛腩,椰青,生啤,呢4樣同出面普通泰國野一樣👌冇乜特別,幾好,唔難食!總結係每位冇食海鮮都要300元係唔會有下次囉! 繼續閱讀
(以上食評乃用戶個人意見 , 並不代表OpenRice之觀點。)
第一次寫食評, 實在不吐不快! 亦係因為對此餐廳嘅服務態度極之不滿而第一次寫的.見團購都好抵, 就算位置唔就腳都試下啦, 一星期前訂咗4位, 但在星期五再打電話去改6位, 出發當日本人忘記帶電話出街, 準時到達餐廳, 入到去見到只淨一個4位嘅位置同一個10人檯嘅位置, 當本人講出訂位電話號碼時, 個侍應就話4位嘅位置就係嘞, 已經同我講咗要坐迫d, 我話打黎改人數時冇講過會迫d喎, 侍應就話係我剛剛打電話去, 佢同我講嘅, 我都冇帶電話出街, 點打電話黎呀, 個侍應跟住仲話我個電話號碼仲show係個電話到, 侍應仲話我都有係電話度講我冇帶電話出街喎, 哼… 我係黎食野, 唔係黎嘈交架, 冇打過電話黎點認呀姐…. 當時嘅我真係幾火, 臨尾個侍應仲講咗句”我唔同你拗” 喔… 咁即係話我冇理取鬧啦!當時一家大細山長水遠黎到, 團購都已經買咗, 亦唔想就咁就走, 於是就6個人坐4個人位囉, 坐底後要再叫先比多2個位嘅餐具, 食到一半, 隔離檯走咗, 都係我地自己推檯加位, 冇侍應理會囉.食物質數偏咸, 而本人女兒就話甜品千層糕超級好味.今時今日咁嘅服務態度真係唔得囉, 侍應你唔會係自己聽錯電話號碼嘅咩, 客人係黎食野唔係黎嘈交架, 為咩要厄你呢, 其實如果當時個侍應好聲好氣d,而唔係一口咬定係我唔認, 叫大家張就一下, 我都冇咁火囉, 而且到我地食完, 個檯10人位嘅都係冇人座嘅. 繼續閱讀
(以上食評乃用戶個人意見 , 並不代表OpenRice之觀點。)
等級1 2014-03-01
2950 瀏覽
前後一共兩次買了團購優惠劵同三五知己來到餐廳大吃大喝,吃得好滿足啊!!XD第一次惠顧團購,心裡七上八下的,因為看見網上的食評大多是沒有一個好下場,><心裡有點“熬底”的,但是看見並不是放題形式的團購,心裡想著應該會有水準的吧?所以膽粗粗就買了,結果。。。。。。。。超乎意外的滿足啊!^^第一頓是在14號的那天晚上,跟兩個姐妹來到這裡慶祝我們的貴族單身之日,那天實在是很忙碌啊@@,座無虛席,我們原本是訂了八點半的桌子,但是朋友因為要加班,所以要遲來,看見他們的客人源源不斷的樣子,想著現在做飲食業也是不容易的說,做得一單得一單,總不能佔著位子阻礙別人做生意吧?所以即使外面寒風直吹,我們還是選擇在外面等候,在九點的時候,前來的人漸少,有位子坐咯!我們坐下剛不久,朋友也來到了。點了一個冬陰功湯(小),一客咖哩牛肉,一客蒜蓉包,一客辣炒金邊粉,一客海鮮煲仔飯,三個椰青,一客芒果糯米飯。冬陰功湯,這個必推!湯底夠辣夠酸!非常開胃刺激!蝦肉鮮甜!不像我在同區小曼谷的冬陰功湯那樣,整個蝦都是黑的,霉的!平常不吃辣的朋友也喝了兩碗,還說味道跟她在泰國喝到的一個樣!正!後來我念念不忘這個冬陰功湯,所以又跟朋友來了一次!^^除了蝦變小了一點之外,依然很好喝!我們點的時候,餐廳的經理還很好人的提醒我三個女孩子喝不了大size的分量,建議我們點小份的。又要給一個贊!^^咖哩牛肉也是首推,雖然牛肉的分量不多,但是夠嫩,一點也不“韌”,咖哩夠香!第二次來的時候就點了咖哩炒蟹,本來以為應該是同一種的黃咖哩,但是後者沒有咖哩牛肉的咖哩香濃,比較淡味,但是蟹肉夠香甜,很明顯是新鮮的,所以也給高分!蒜蓉包,在兩次的晚餐均是不可多得的重要配角!!滿滿的蒜蓉及牛油的香味,咬下去夠脆,放久了,吃起來還是一樣的脆!^^ 比起之前在”金不換“吃的蒜蓉包,分量大一點,而且更好吃!辣炒金邊粉,粉炒得乾身,而且有彈牙的QQ感,些許的辣味增加了不少的風味,讓人有想繼續吃的感覺。海鮮煲仔飯,這個則是很普通,始終是泰國餐廳,跟我們香港平常吃到的煲仔飯實在是很不一樣,飯類似是從電飯鍋裡盛的,但是每一個飯粒好像都有椰奶的味道,挺好吃的,只是上面的炸海鮮,顯然是放久的炸物,沒有了香脆的口感 椰青很新鮮!我們三個女孩子點了四個喝!呵呵!^^芒果糯米飯-芒果第一次吃的時候很酸,第二次吃的時候很甜^^,只能說看來貨吧。但是糯米QQ的口感,為兩頓的飯局添上完美的符號!在第一次來的時候,這間餐廳繁忙,人手並不充足,招手很久也沒有人來下單,所以作為客人,我們也可以體諒一下,不妨到櫃檯前下單,減少一點他們的工作量, 繼續閱讀
(以上食評乃用戶個人意見 , 並不代表OpenRice之觀點。)