金泰皇泰國餐廳 (已結業)

食過呢度既午餐幾次啦，價錢同味道好啱我，而且都幾多選擇。我係南豐返工，通常太累就會就咁行去力生食算。呢個青咖哩，真心推介，因為佢好多蔬菜，除左個碟有啲菜之外，個碗青咖哩汁都裝滿菜，特登「筆」左出黎俾大家睇，仲有我最鍾意既茄子，有時有泰式茄子，但今次無。龍眼冰幾濃幾好飲，都俾左成十粒龍眼肉。佢個冬陰公湯粉都幾好食嫁，個湯好濃，不過偏辣，大家可以試下。好多大卡位 任你坐 一定鬆動又舒服。下次會黎試下個晚餐，我見佢晚餐久唔久簡幾款野做特價。

星期五就和同事去食個便飯。地方也算寬敞，坐得舒服。待應服務也非常原錯。且有飯前小零咀（可以添食的）泰式拼盤有香矛雞翼-都算挺厚肉，味道不過不失春卷蝦餅，魚餅- 我就比較欣賞魚餅，餒內還有香草，豆角。原個菠蘿海鮮炒飯份量很多，料很足。不過可能好咸食的我就略嫌飯有點過甜了。泰式金邊粉份量很多，很抵食。配料很足，就覺得也是偏甜，醬太多了⋯或是太（杰）了。叫了杯咸檸七+芒果沙冰就也是太甜了最後也很甜心有飯後甜品。總括份量以價錢來說真的算便宜。抵食但我就喜歡泰國菜香料多一點可能會比較泰國化

朋友生日話要食泰國菜⋯ 錦我就擇間近地鐵站架啦⋯⋯一坐低己經送小食首先叫個小食，裡面芝士好多好濃，沾埋甜酸汁好正之後叫左豬牛雞各一串..D肉好厚身，肉質好淋，不過個沙爹醬就覺得麻麻地我地二個大人一個小童，所以無得叫大大碟爐魚...唯有叫個魚柳無論魚塊同D三色椒洋蔥份量都好多。。魚塊好嫰滑，酸酸may may 正! 最後叫個原隻菠蘿海鮮炒飯，份量十足，裡面有蝦，青口，魷魚，菠蘿粒，洋蔥⋯!食錦多肉叫返碟通菜⋯ 真係好入味，又爽口，基本上我係食完一啖之後就不停食~~~重有泰式甜品送添～順帶一提，可能有小朋友係到關係，待應好主動撩距講野，直到走個刻都繼續同小朋友講野，好有親切感，服務都好好～

慶祝朋友生日，同區都有幾間泰菜，今次就揀左呢間先叫左個小食拼盤，全炸野，每款味道都唔錯仲有叫左菠蘿炒飯，都ok的咖哩係特登點黎配呢度既“無國界麵包” ，個名幾特別，上菜時砌成一個“井”字，係烘過的蒜蓉包，就咁食都好食，沾埋咖哩就更美味，呢個真係未向其他地方見過生菜包就偏辣，味道一般泰式金邊粉就幾好食，夠大碟，我地6個人都夠分再加埋碟炒菜，賣單都只係$520 真係好抵食，整體味道又唔錯，地方又大坐得舒服，值得有下次

呢間餐廳已經有好多年，可能係openrice唔係最出名泰國菜館，荃灣實在有很多間泰國菜，要唔倒閉生存禁耐，當然佢有實力存在，我同家人都會黎食，貪佢唔太多人，又近地鐵站，家人唔係貪新鮮的人，所以我想比較喜歡黎食，今晚我想叫了甜酸魚塊，有點中菜感覺但味道酸酸甜甜真係唔錯，魚塊都炸過脆脆地，咖哩（黃）雜菜，黃咖哩唔太辣，但好香耶汁味，咖哩味之中有點葡汁feel, 呢款菜送飯係最好，真的不吃辣朋友可能一試，馬拉盞通菜爆得好香，呢味菜辣辣地有鑊氣，係一款非常惹味小菜是我必食的，另外泰式海南雞半隻，嫩滑肥美也是我最愛必點，4個餸都很配飯，而呢到有白飯，紅米飯，油飯可選，喜歡健康D又得，食肉獸又得，大家可以一試，價錢就正常價唔算貴，我想叫左5支可樂，4碗飯，埋單400元左右。

第一次係荃灣食泰國菜，揀呢因為就腳，地鐵站一出就到，坐低見到有好多枱都叫特式蒜蓉飽，當然唔執輸試下，果然正，蒜蓉充足，最重要唔肥膩，唔會食到一口油，脆脆地，剛剛好，生蝦刺身，蝦新鮮爽口，最正係個泰式辣汁夠晒辣，再黎個柚子沙律，醒醒神，酸酸甜甜特別開胃，好小會大大舊柚子肉做沙律，繼續再推介咖喱聖子，以為聖子會比咖喱掩蓋晒d鮮味，結果聖子依然新鮮爽口，不失鮮甜味，配上濃香咖喱汁，即時要叫個白飯，唔好浪費，其他食品都不錯，酸辣鳳爪，炸蝦餅(其實係蝦球，啖啖蝦肉)都好有水準。

約咗朋友，想搵個環境好啲的餐廳傾野，係荃灣七八點鐘又唔洗等太耐的餐廳，金泰皇算其中一間。酸辣鳳爪，每次食泰菜必點。顏色睇起身偏深，酸酸辣辣頗開胃。 火車炒飯，很普通，不如菠蘿炒飯。 冬蔭公羊腩煲，第一次嘗試呢個組合。真的很大份，羊味不太重，但肉好大塊，兩個人食唔曬，剩好多。 炒通菜，鍋氣足，聞起香食起身清脆，全晚唯一好食的。 兩個人要咗支泰啤中和下，最後埋單時有折。總體來說，呢間啲菜重油鹽，味道不及隔離，就份量同有discount黎講，的確合算。

金泰皇泰國餐廳位於荃灣地鐵站附近的力生廣場, 交通極為方便。我地7.30入座, 何解星期六黃金時段入座率竟不到6成, 我地是否又中伏了, 唔係麻!!!泰式拼盆內有雞翼、蝦餅、春卷及魚餅, 雞亦惹味香口, 但炸得有點乾。 蝦餅有蝦味亦爽口彈口, 味道適中, 可口。春卷餡料有木耳、粉絲及紅蘿白絲等, 味道清淡, 口感香脆。 而魚餅呢….腍腍的, 吃不出其味。豬肉生菜包味道怪怪的, 唔係酸, 又唔係香, 又唔係魚露….又唔係…….我地究竟左好耐都講唔出佢地落左乜調味料, 怪得黎不討好, 又唔係好難食。蒜蓉包好香蒜蓉味, 方型, 焗得外脆內軟, 香口好食。泰式炒牛河有點油, 無醬油香, 味道一般, 還是港式干炒牛河較可取。柚子沙律柚子清甜多汁, 沙律醬甜酸度適中, 開胃醒神。酸辣魚魚是炸過的, 有點乾同嚡口, 亦不知是什麼魚, 反而個味精湯朋友們幾欣賞, 酸酸辣辣有少少甜, 像帶辣味的羅宋湯, 食完條魚, 朋友們把全部湯也飲掉, 味精湯我從不懂欣賞。甜品拼盤黑白糯米飯好腍, 有點漿口, 椰汁無椰子味, 芒果熟透, 好甜, 其他就好 hea, 可以不食。最難頂是我地一入座下己聞到陣陣煙味, 靂久

今天與很久沒見的友人吃午餐突然泰國菜癮上身就揾左呢間午市人流不多環境好舒服叫了三樣野 蒜蓉包👍🏼好厚既包包☺️超軟熟包四邊塗滿了蒜蓉牛油好香好野味 豬肉碎生菜包味道剛好，不太濃味有乾蔥碎好香份量多生菜份量都足夠黃咖哩牛肉飯有雜菜伴碟牛肉在底，都有好多塊但鬆肉粉太多，肉不太有牛味咖哩味夠，不辣的椰汁味好香好送飯👍🏼加埋厚厚蒜蓉包非常棒但飯量不算多，男生可能不夠

荃灣啲人食泰國野都係去路德圍果間架啦，但我想介紹呢間，我覺得好食過路德圍既，五個大人四個細路就去食''金泰皇''，泰國餐廳黎講地方算闊，可以比啲小朋友行下！叫左蒜蓉包4碟，超好味，蒜蓉包焗到好脆，中間位置軟軟地，仲搽左好多蒜蓉，除左好香好夠味，小朋友好鐘意食，一人食兩條Tim叫左冬蔭公湯同埋明爐烏頭，酸酸地幾開胃，明爐魚肉新鮮，唔會老！好味至於串燒叫左牛+豬+雞，我仲覺得無咩特別，就咁燒都應該係果啲味唔會有咩變化架啦！生蝦都幾好味，爽口既，因為出面有啲係漿漿地口感，就唔好食喇！鳳爪沙律，酸辣酸辣！不過如果唔食得辣既，就唔好叫！因為都算辣！金邊粉好好味，酸酸甜甜，啲金邊粉唔會炒到爛哂，一條條，入哂味！呢間野我會再幫襯

放工同朋友吃飯, 第二次黎呢間泰國餐廳吃飯,環境舒適, 地方闊落, 坐得舒服, 唔洗排除等位,我地3個人叫左個2人套餐, 另加食物飲品~2人餐無國界蒜茸包推介之一, 個包好香蒜茸味, 攤凍左都仲皮脆內軟, 而且表面仲有好多蒜茸,吃多一條都唔覺滯,  冬陰公湯碗冬陰公湯材量十足, 可以分到4小碗,有少少辣但又唔嗆喉, 不過飲到尾段覺得有D咸...馬拉盞炒通菜通菜炒得好香, 好入味, 有少少辣,而且碟菜炒得唔老, 仲好翠綠, 值得試~蝦餅併春卷蝦餅咬落口啖啖肉, 唔會覺得係一嚿粉,春卷有好多餡, 啖啖都有料, 好味,而且唔會覺得好油, 仲好鬆脆, 配埋泰式醬勁正!串燒雞肉同豬肉各2串, 個人覺得豬肉較韌,雞肉相比下就淋身D, 個重點係個沙嗲汁,好多花生粒粒, 好香, 可以點晒成碟醬...2人餐另有糕點做甜品~~散叫生蝦刺身用優惠半價叫左個生蝦刺身, 有5隻生蝦, 好爽口, 好新鮮, 不過個醬汁好辣, 少少都好嗆喉,但唔點汁又無乜味, 所以吃得好刺激菠蘿炒飯個菠蘿炒飯好足料, 而且用半個菠蘿裝住,D炒飯一粒粒, 唔會痴埋一嚿嚿, 必食之一!飲品:三色冰, 椰青, 芒果沙冰我次次食泰國菜都必飲

大年初一，不用去拜年，與一班影友去影相，當然晚飯就一起吃。可是年初一，很多店舖都沒營業，都是滿座，幾經轉折，終於找到此店，年初一來說，可以找到晚飯的地方真的很困難。室內裝修有很多人像相，以及畫，也很特別。菜式也非常多，假使肚餓了，也要花上小許時間點菜。最先送上的是泰式海南雞，泰式的煮法，令雞肉很鮮嫩，而且還帶出雞肉的鮮香味，加上獨有醬汁，味道變得濃郁，另一個層次感。馬拉箋炒通菜，這個沒什麼特別，不過炒菜並沒有油膩的感覺，廚師對油份控制得非常好，值得一讚。青咖哩﹝豬﹞，豬肉炒得剛好，嫩滑，肉汁豐富，容易咬碎，沒有過熟的感覺，青咖哩有小許辣，卻非常香，同時更帶出豬肉，以及配菜的味道，令口感更好，令人難忘的味道。泰式豬手，碟上拌著西蘭花，個人較喜愛蔬菜，先來一塊西蘭花，泰式豬手的醬汁以及肉汁，令平身淡淡的西蘭花顯得更清香，還是第一次吃泰式豬手有配菜，可是這卻有意外驚喜的感覺。豬手很香滑，軟綿綿的，肉較少，卻沒有油膩之感。燒魷魚，燒得剛好，保留著魷魚的鮮味，容易咬口，滑滑的，加上泰式酸辣醬，味道更香，令人想再吃的感覺。泰式辣炒豬頸肉，帶點辣，辣味卻不重，帶出豬頸肉的肉香，同樣的嫩滑，肉汁豐富，

又是星期五team lunch的時候，由於有10多人，人數眾多的關係，又再一次來到荃灣的金泰皇。圖它的地方大又不用等位。這次點了一個泰式牛肉乾炒河，首先河粉炒得太濕而並不乾，河粉不夠乾爽，質感並不理想。味道方面雖然沒有任何泰式的味道，可是也能跟港式茶餐廳的相提並論，味道濃但有點像味精。牛肉吃得出是冰鮮牛肉，遮掩功夫做得稍有不足。茶底很一般，茶味不夠香濃，是一杯平平無奇的檸檬茶。

行完城門水塘，個個都又攰又肚餓。六時就到了這間「金泰皇」開始晚飯，六個人點了很多碟菜。這間「金泰皇」佔地都幾大，而且座位也寬敞，岩晒我們行完山，要鬆一鬆。一坐下，店員就遞上餐牌，還有清水 一大杯，相當有效率。鳳小姐一直講既「Pad Thai」是第一道上的菜，大家都餓到立即起筷了！泰式金邊粉 HKD 58.00好味足料！以蛋絲，紅蘿白絲，芽菜，花生碎等混成的泰國金邊粉。味道好香，特別是花生味，而切絲的食材好清新。Pad Thai 是食泰國菜必點之一。泰式炒椰菜苗 HKD 68.00炒椰菜苗又是必食，最喜歡就是惹味的蒜蓉汁配上爽脆的椰菜苗。又健康又好味。但味道有點偏鹹了。生蝦刺身 HKD 82.00這個生蝦刺身必須要推介，因為實在太好味了！生蝦的蝦肉好爽口鮮甜，又有蝦肉的彈牙而且夠凍。不過青辣椒醬可以到辣一點就更好了。冬蔭功湯 細窩 HKD 95.00這家「金泰皇」的冬蔭功湯也不錯，不會太辣又不會太酸。入口有種舒服的感覺，因為不會酸喉又不會辣脷，是那種飲完整個人會放鬆的湯。而材料的份量也不少，很多沉於窩，有蝦，有菇等等。醃酸辣鳳爪 HKD 55.00這道菜比較辣，鳳爪夠凍，肉質爽口，味道也

五友行完山齊齊去食泰國菜！由於一早訂左檯所以唔洗點等位。成班友仔行完山勁肚餓當然會瘋狂點食啦。總共點左十樣野食！上菜速度好快，落完單無耐就上菜，讚！生蝦刺生($82) : 一碟得六隻，但都算大隻而且個汁好惹味，唔錯！豬肉生菜包($62) : 平平無奇，雖然生菜好新鮮但係豬肉無豬肉既感覺，OUT！酸辣鳳爪($55) : 正常味道，而且我好鍾意食酸辣鳳爪，可以一試。炭燒牛&雞串($12/串) :　當然要一人一串先夠食啦！我就食左雞串，但感覺唔夠熱，如果可以熱住上菜就更好！無國界蒜蓉飽($35) : 個名改得好搞笑，但其實又好易明白！意思係指蒜蓉牛油茶哂四邊吧？一碟有六條，記得要趁熱食！雖則佢上檯時都係暖暖地，但無減佢既好味程度！冬陰公湯($95) : 叫左個細窩，份量足夠六位女士飲用，材料滿多的！但唔食得太辣既朋友記得叫少辣。泰式拼盤($95) : 一如以往我只想食蝦餅！下次再黎唔會再點呢個拼盤，唔好浪費胃容量呀麻。泰式金邊粉($58) : Q小姐一坐底就話一定要食PAD THAI，咁好啦聽你講叫一碟食，室溫感覺但配甜醬汁，好味！燒豬頸肉($68) : 最怕食呢個部位，感覺好得肥！所以只係