金泰子泰國餐廳

營業中

休息中

話說我係送餐嘅（做外送時間如金錢）喺門口等咗15分鐘都未有，我全程無催老板，只係喺門口望咗幾次啲嘢食有未，我連入去催都無。正在等緊的時候，老闆本身同緊另一個南亞送餐嘅好似有少少爭論，凶惡嘅老闆突然擰轉身鬧我，話我企係門口阻住晒，過去15分鐘基本上係冇任何堂食嘅人入過去，而我亦都唔係全程企門口，但老闆懷疑係精神病發作，突然鬧我，當然我都鬧翻佢轉頭，對付呢啲人唔可以妥協。公道講句依間嘢嘅嘢食我估唔係太差，因為我都送過幾次，應該都合格先至會有人叫嘅。但外賣嘅留意間嘢真係要等好耐，堂食嘅更加奉勸唔好嚟啦，唔知老闆幾時跳制鬧人，真係泰兇惡。泰國嘢其實都好多間嘅，想試服務差嘅可以一試，否則太子其實都仲有其他好嘢食。當時仲有兩個外送員做證，絶非老屈🙏 。

連續2個星期六都係太子深水埗呢區食海南雞飯呢間既一上枱 即刻明顯賣相差過上星期食個間泰基隆好多好多首先中間啲雞係切到碎濕濕細細舊 然後頭頭尾尾都係雞翼同雞鎚 雞肉量好少實物中間啲雞件係比起影相更細舊唯雞有雞味～ 同埋好彩唔鞋好重要湯都好飲Set無包餐飲 送中湯 $48朋友食青咖哩豬頸肉飯，價錢差唔多，兩個飯對比之下我覺得青咖哩會出色一點 豬頸肉多片數但都算幾薄-店員服務態度好-可8達通 即用到消費卷-餐廳會有落場時間 要注意唔好摸門釘

我平時最鍾意就係食泰國菜啦😍今次去開太子呢間泰國餐廳叫做金泰子。聽講呢度都係泰國人開嘅，身為泰國菜控嘅我，泰菜首選第一間。👍🏿🥳我地點左四樣小菜，分別係冬陰公湯金邊粉，鹹肉炒椰菜苗，烤魷魚，同埋酸辣海鮮湯，基本上係我地最愛泰菜四寶😋冬陰公湯通常個加左金邊粉後，湯底通常會無咁入味🥴，但今次呢個算整得唔錯，湯底依然保留原本嘅味道💕鹹肉炒椰菜苗🥬都算幾好食，之前不嬲都係食大地魚炒，今次轉用燒豬肉炒感覺都幾新鮮。烤魷魚🦑就好有炭烤味，燒出嚟外層焦脆內裏鎖住肉汁，大大條好有口感。最後上菜酸辣海鮮湯🍲，一般人去食泰國菜一定會飲冬陰公湯，不過我就會飲呢個酸辣海鮮湯。泰國人一般就係用雞腳而唔係用海鮮整嘅，不過可能泰國餐廳為咗要迎合香港人嘅口味呢，就轉左用海鮮黎煮呢個湯嘅。呢度嘅湯都算整得唔錯，不過好可惜我地叫左小辣，相信轉返正常辣成個湯嘅味道會更加入味🤩總括嚟講呢間泰國餐廳都係相當高質，整出嚟嘅泰國菜同喺泰國食冇分別，唯一改善就係小菜味道偏鹹，如果味道淡少少就完美喇😍

食物係好吃既，可惜職員態度好差。就算住附近都唔會再去食個次我同一個朋友去，一入門口，有個泰籍女職員已經黑口黑面，問佢野又黑面，根本唔想答你咁，講野既語氣勁差。食物再好食，都唔會再去了。

#金泰子泰國餐廳，今晚又爆場，好彩有訂位，小妹星期四先食完，今晚去完M+帶老友又黎食😂，泰國菜小妹最愛，最愛食生蝦，新鮮，爽脆，芒果炒飯，酸酸甜甜，夠鑊氣，冬陰公，酸辣味剛剛好，大大隻蝦

黎到尼間泰國餐廳，MENU一大本真係影都影唔sai，可見有幾多選擇。我與選擇困難症ge朋友樣樣都想食，都簡左好耐！最終叫左豬頸肉、飛天通菜、肉碎生菜包、蟹肉炒粉絲，仲另外加支象啤。先講豬頸肉，熱度不夠，不過味道好食。尤其是個汁，酸酸辣辣好好食，甚至有d冬陰功ge味道！而通菜，其實有好多味道可以選擇，不過我地都好好奇什麽是“飛天”就簡尼個味。但發現其實味道都普通，就係蒜蓉豆豉味。下次可能叫反其他味會特別d。然後肉碎生菜包，好食！d生菜好令好新鲜，碎肉酸酸香香，非常好食！最後蟹肉炒粉絲，出乎意料地系好重蛋香味，加上熱辣辣，超好食！總結，誤打誤撞入到尼間泰國餐廳，感覺大致食物都係好高質，又抵食。推薦！

🤎金泰子泰國餐廳🇹🇭•今次嚟到位於太子嘅金泰子泰國餐廳🇹🇭 店內環境都舒適 又幾乾淨✨加上位置係太子/銅鑼灣 夠晒方便🌟加上性價比高 份量足同味道正宗！所以平時都好鐘意幫襯🤩——————————————————❶ 酥炸軟殼蟹 $88軟殼蟹炸得香脆✨軟殼蟹裹上薄薄嘅炸粉 炸到金黃色 食落仲有少少肉汁🤩煮法有啲似避風塘炒蟹😍味道帶少少辣 非常惹味✨❷ 炸蝦餅 $75總共有6塊😋蝦餅圓轆轆 炸到金黃色 食落好脆好香口✨而且蝦肉夠哂彈牙 又好重蝦味 配埋泰式辣醬啱哂🦐❸ 冬陰功湯河粉 (豬頸肉) $48豬頸肉係炭燒！有5塊大大塊🥰加上仲有菇同菜等配料😚所以食落好滿足！湯底酸酸辣辣地 超級開胃 聞落好香冬陰功味🥢河粉份量多 食完都好滿足😋➍ 鹹檸七 $25杯野飲夠哂凍 係依個大熱天時飲落去夠晒解渴😋總括嚟講個人覺得性價比高 食物大大份 非常足料 而且價錢唔貴🤩絕對係平民良品！而且部份員工係泰國人 所以食物質素都相當唔錯 都幾推薦大家試吓！——————————————————🌟歡迎留言話俾我哋知你哋食完嘅𝐟𝐞𝐞𝐝𝐛𝐚𝐜𝐤🥰或者你食過邊款好食🌟•🍴金泰子泰國餐廳 📍太子柏樹街21號地舖•#hkfat

之前食過一次覺得幾好味又抵食，所以今次encore買返屋企慢慢嘆，兩個人叫咗4樣嘢實在係多咗啲，所以星期六又可以嚟個孤獨lunch。🥢泰潮鐵板蠔仔蛋 $108⭐️⭐️⭐️⭐️呢個鐵板蠔仔蛋一啲都唔油膩，因為有大量芽葉墊底，蠔仔蛋有兩大塊，但蠔仔真係細粒咗少少，但蛋夠香醬夠惹味🥢厚切蒜蓉包 $39⭐️⭐️⭐️呢個蘸咖喱汁食一流，口感一定好過普通蒜蓉包，不過齋食呢個包唔蘸汁就唔夠蒜香🥢咖喱軟殼蟹 $141⭐️⭐️⭐️咖喱汁唔辣但夠香濃惹味，汁夠多可以無限蘸蒜蓉包，軟殼蟹唔夠肥美但份量算多🥢肉碎生菜包 $83⭐️⭐️⭐️⭐️肉碎有啲啲辣但非常好美，金不換令肉碎層次升華，變得非常吸引，令人忍唔住食完一個生菜包又一個生菜包二人共消費：268 (foodpanda外賣自取)

食物海南雞偏瘦，份量一般，味道一般。酸辣鳳爪，比較辣，份量適中，推薦點餐。芒果糯米飯，可以揀黑白糯米，亦有大份的雙色糯米飯提供，味道正常。環境小店環境比較細，人流不算多，二人都可以安排到四人座，坐得舒服。整潔度一般，尚可接受。

今晚又冇煮飯，又去熊貓到搵食同男朋友一直想食泰國菜好耐今晚就揀泰國菜熊貓app自取有折今晚就叫左以下呢幾款：炒通菜馬拉盞 ～味道好淡，食唔出有馬拉盞泰式炒金邊粉蝦 ～賣相不錯，但同樣味道好啖蝦醬炒飯～冇乜味，完全食唔到聞唔到有蝦醬沙爹串燒～有雞肉、豬頸肉、牛肉、墨魚丸、豬肉，選擇好多。炸蝦餅～最好吃的，很脆很香口，配泰式辣醬一流見到呢間食評唔錯先試下，不過今次外賣有點失望。好多都係冇乜味，完全冇食泰國菜果種風味。可能堂食會好點吧？

服務★ ★ ★ ★ ☆環境★ ★ ★ ★ ☆食物質素★ ★ ★ ★ ☆味道★ ★ ★ ☆ ☆抵食★ ★ ★ ★ ☆.好突然咁想食泰國菜，咁岩係太子附近就上網搵下有邊間好食，睇食評呢間感覺唔錯而且好多人話抵食，就walk in入去食喇！😎不過可能去到果陣只係五點幾，入面得一個客，非常靜。🤔但之後食到7點幾開始有人，只係唔係坐得好滿。菜色基本既都有，見到佢有兩個二人餐選擇，對於有選擇困難證既人黎講叫個set就最方便喇😂價錢方面係幾抵食份量適中，但整體味道就真係一般，叫做同價錢相符。

之前同fd黎過，記得幾好食，所以黎多次☺️三個人晚餐時間等左半個鐘左右，落單到野食黎都好快，呢到選擇多，而且每一樣都真係幾好味！自己好鐘意食濕炒河，因為佢地豆瓣醬好開胃，炒河吸晒d醬汁 又唔會乾，同埋好多菜食，所以食親泰國野都必點！

遠離太子嘅市中心搵到呢間泰國菜，原本有幾個鋪位，不過可能因為疫情關係只有一兩枱客人，感覺都幾安全。從外賣單嘅數量嚟睇，食物質素似乎都幾有保證，好似係區內幾受歡迎嘅小店。先來一個頭盤就係小食拼盤，我哋選咗細嘅，有五六款，可以選三款，造型幾精緻，而且炸到金黃色剛剛好，特別推薦雞肉丸唔會太油膩之餘仲食到雞肉，令人感覺食材幾真材實料。配合埋呢度有好多特色嘅醬料就啱晒啦食得泰國嘢點少得泰式炒金邊粉啦，可以任選豬扒、豬頸肉、甚至係蟹肉都有啊！我哋選擇咗豬扒，唔會太韌亦都冇乜肥膏，仲有香辣嘅味道同金邊粉非常夾。飛天炒芥蘭必食，新鮮爽口又唔太鹹，香多過辣，配飯一流。登登登登！！！重點推介：泰式香芋焗飯！！椰青焗海鮮飯喺泰國餐廳已經食過好幾次，雖然好好味，但係都想試吓啲新鮮啲嘅，呢個香芋焗飯雖然係餐牌上面冇打星星推薦，不過嚟到之後我反而覺得佢係被遺忘嘅美食啊！可能俾個名唔到左以為剩係得芋頭同返，原來裏面仲有海鮮啦同埋少量嘅菜，所以非常之香同埋惹味，佢嘅質感介乎喺炒飯同埋焗飯之間，唔會太過諗，而且各種材料嘅汁都索曬落啲飯到，非常出色。睇真啲，仲有秀珍菇同埋類似臘腸飲品方面仲見到好真材實料添，見到裏面有好多

依家出面市道咁差，我都想出去幫下刺激下個經濟，大家互相幫助下，政府建議盡量留係屋企，咁為左自己同人地緊係要聽la,唯有揾下邊度有平靓正野食外賣返屋企食，突然之間想食泰菜，就係咁，上網揾下附近有咩好泰國餐廳，就係咁揾到間食評唔錯又就腳既"金泰子"款式都好多，價錢又親民，依d小店一定要支持。個廚師都係泰國人黎，咁先夠正宗今次主力叫外賣，下次要約多幾個人叫個套餐食先得。食泰國菜點可以唔叫串燒，燒到剛剛好，唔會太乾，個沙嗲醬簡直係劃龍點晴，好好食泰式豬手 : 肥瘦適中，又好淋，入口即溶，好入味，配飯一流。馬拉盞炒通菜 : 好有鑊氣，唔會太咸，又夠份量。總結:大件抵食，仲要好味，疫情過後要同屋企人黎堂食先得，始總堂食一定再好味d。

今日去太子探朋友，但依家疫情咁嚴重，仲邊敢出街食，但香港不嬲係"無飯煮婦",點都要食，就係咁，我上網揾下有咩好野食係太子附近，俾我揾到間叫"金泰子"既泰國菜館，去到門口見入面冇咩人，心諗係米中伏，因為我見網上評語唔差，但其實依家依個時勢，幾好食既餐廳都一定係咁既情況。咁橫掂都黎到，照入去試下，不過我都係揀外賣，但唔好以為外賣好求其，原來質素都好好，我感覺同堂食冇分別。咖喱軟殼蟹都只係$128,真係堅抵佢地個餐牌都有好多選擇，仲有一讚係，佢地餐牌有既野都可以點，唔會有d餐廳咁，點乜都冇，焗你食某幾樣。先黎個黃咖喱牛筋腩，黃咖喱係最唔辣，好多牛腩牛筋，好足料，好入味，d汁可以餸幾碗飯。迷你拼盤(春卷/蝦餅/魚餅),拎到朋友度食都仲好脆，個份量剛好2個人食。海鮮冬蔭公湯:海鮮料超多，個湯唔人死咸同死酸同死辣，配合得好好，一飲就停唔到。鹽燒側魚:依d真係心機菜，等得耐都值，d魚肉好滑，食到好鮮味。期間見到好多外賣，所以堂食需然冇咩人(冇辦法，疫情關係)，但好多外賣，一路見住佢出外賣，下次我都唔駛自己黎拎咁辛苦。