金泰子泰國餐廳

營業中

休息中

呢間餐廳係街坊力推👍🏼主打多款正宗口味泰國菜，包括咖哩、BBQ燒烤、海鮮、小食、沙律、粉麵飯、甜品等，重點係價錢非常親民，Cp值極高🇹🇭💗炸蝦餅皮蛋（$95）用蝦膠包住皮蛋炸到金黃香脆，外層蝦膠爽彈🍤入面皮蛋甘香🥚蘸上泰式甜酸醬一齊食，一啖有雙重口感💗酸辣鳳爪($65)酸辣鳳爪無骨啖啖肉，肥厚爽脆🐓拌入生洋蔥、蘿蔔絲同蔥整成沙律，味道酸辣清爽🥗💗青咖哩雞肉+ 薄餅($110)青咖喱香濃帶甜，椰奶味突出，富各種香料味，入面有大量嫩滑雞肉、茄子啦同青豆🫛將柔韌酥香嘅薄餅沾埋咖哩一齊食，簡直係絕配🫓💗泰式和牛船麵（$98）船麵湯底用上牛骨同多款香料熬煮，湯頭味道豐富且濃郁🥘配上順滑嘅金邊粉🍜和牛片軟腍牛味濃，加上彈牙肉丸、芽菜同炸豬皮🐮💗菠蘿海鮮飯（$108）將原個菠蘿起肉🍍係炒飯加入新鮮菠蘿、魷魚、大蝦、墨魚仔、三色豆、提子乾、蛋花等，非常豐富，炒飯炒得乾身且粒粒分明，酸甜開胃，最後放上肉鬆點綴🍛💗馬拉盞炒雜菜（$66）炒雜菜有齊芥蘭、椰菜、蘿蔔、西蘭花同椰菜花，用上馬拉盞醬炒，有鑊氣又惹味🥬

太子隱世泰式住家風味！ 冇花巧裝修但有驚喜！碟碟份量爆棚，鹹香濃郁嘅泰式風味！►辣椒膏炒蜆- 蜆肉肥嘟嘟冇沙，辣中帶鮮甜，醬汁超正，真係會食到舐舐脷停唔到口►椰青海鮮焗飯- 椰汁親自滲透飯粒，入邊仲有嫩滑椰肉，海鮮堆到滿一滿，椰香雙重夾擊►椰汁雞湯 -椰香濃郁，酸酸辣辣超開胃，雞肉份量都夠晒多►咖喱軟殼蟹 -炸到香脆嘅軟殼蟹配上甜辣味嘅黃咖喱，餸飯首選！啲汁都唔好嘥一定要嗌埋薄餅！🌈甜品視覺系暴動❗️必點‼️► 「七色彩虹糯米飯」► 「七色彩虹千層糕」每隻色嘅糯米飯，真係又唔同香料味㗎！好正🔥 舖仔細細但乾淨企理，每一個菜式都地道住家餸溫暖感！

#冬陰功海鮮麵鍋試咗冬陰功海鮮麵鍋，裡面有好多海鮮，蜆、蝦、章魚仔、魷魚，仲有兩粒帶子，雖然未去到好新鮮，但呢個價錢都可以接受！湯底味道酸酸辣辣，雖然未去到好濃味，但個人覺得啱啱好，都幾開胃！仲要份量真係好多，兩個人share都食唔晒。#皮蛋炸蝦餅另外嗌咗個皮蛋炸蝦餅，皮蛋仲係流心質地，蝦肉好彈牙，包住啲皮蛋，食落去好有層次感！#總結整體嚟講，金泰子嘅食物質素唔差，價錢都唔太貴，份量又多，真係高CP值！

行完花墟太熱了，想食泰國嘢就入咗呢間。Menu第一頁大大個冬陰功海鮮麵鍋，十分吸引，就即刻揀咗！冬陰功海鮮鍋🥘$168海鮮份量好多，有兩三個大扇貝，同圖片一致，上菜速度好快。麵條比較幼身，不過如果係韓式方便麵果種口感應該更好。我地兩個人食都綽綽有餘，食得超級飽。除此之外，還叫了一個肉碎生菜包$88蔬菜新鮮，睇上去細細一兜，但都好味。芒果沙冰，芒果好甜，十分真實。最後，仲食咗七色糯米飯。每種顏色都係唔同嘅味道，黃色嘅係菠蘿，我就麻麻地黃色。但其他顏色嘅味道不會太突出，所以配上椰汁，真係啱啱好！

👾太子｜金泰子泰國餐廳｜平價泰式串燒＋冬陰功麵小店環境較細，座位比較擠迫，但價錢親民，適合簡單一餐。餐廳主打 泰式串燒 及 冬陰功麵，選擇多，份量足。🔥 冬陰功公仔麵 ($168)
麵量十足，海鮮包括 帶子、魷魚、花甲、章魚仔，不過口感稍為偏硬，未算新鮮。湯底酸辣適中，冬陰功味道不算太濃，剛剛好。🍢 串燒拼盤 ($90/6串)
份量夠大，可選 豬、牛、雞、豬頸肉、司華力腸、雞全翼、墨魚丸，燒得惹味，調味適中，整體味道不錯。🥬 飛天通菜 ($60)
味道普通，沒特別驚喜，但配搭其他菜式剛剛好。💡 總結
金泰子屬於 親民價泰式小店，串燒選擇多，燒得不錯，冬陰功公仔麵份量大但海鮮稍遜。如果純粹想 簡單吃泰菜、試試泰式串燒，可以一試！📍 地址：太子柏樹街21號地舖
🗺️：#dummytummy太子
🍛：#dummytummy泰國菜
💸：$100-$200
👾：⭐️⭐️⭐️

今日原本一心想吃咖哩炒蟹。所以選擇這家餐廳，由於沒有事先預訂座位，我們選擇了直接 Walk-in。進店後，我特地詢問了是否有咖哩炒蟹，因為菜單上標示的是時價。然而，服務人員卻告知今天沒有供應咖哩炒蟹，只有咖哩軟殼蟹。雖然有些失望，但為了不撲空，我們還是決定嘗試看看咖哩軟殼蟹。餐點上桌後，外觀看起來還不錯，但實際品嚐後卻令人大失所望。這道咖哩軟殼蟹不僅味道普通，而且鹹味遠遠超過了咖哩應有的香甜。搭配的蒜蓉包也毫無特色，整體口感非常不佳。除了咖哩軟殼蟹，我們還點了六款串燒，包括雞肉、牛肉、豬肉、雞翅、墨魚丸和豬頸肉。然而，這些串燒的表現也同樣令人失望。食材本身沒有什麼味道，完全是靠沙嗲醬汁在支撐。可以說，這六款串燒沒有一樣是好吃的。總而言之，這次的用餐體驗非常糟糕。無論是咖哩軟殼蟹還是串燒，都未能達到我們的期望。仲要有加一服務費，以後應該不會再光顧這家餐廳了。

曼谷Jeh O Chula條隊排到癲係人都知~ 我之前去都驚咗條隊，考慮過比錢請人排，不過最後都係直接放棄。發現太子呢間泰菜餐廳有同款Mama海鮮麵之後，就嚟試食✨補翻之前食唔到嘅遺憾啦~btw 呢個冬陰功海鮮鍋係二人份量，味道就係冬陰功湯底+一堆海鮮+Mama麵！我覺得係好食嘅，都推介！但如果好似喺泰國咁，要排幾粒鐘先食到既話就不了~ 兩個人點呢鍋麵再加啲小食，埋單先三百幾蚊好似都不錯 下次會想再嚟食👍！

又係宣傳嘅力量，因為睇到social media不停見到有人介紹呢間餐廳，所以同朋友幫襯吓，最吸引係嗰個冬陰功湯面，如果冬陰功湯菜多啲就好啦，酸酸辣辣咁都幾開胃，不過食到最尾都係剩返啲面，四個人都食唔晒。另外個叫左個青咖喱雞個青咖喱都好入味，可惜雞嘅份量就比較少。如果蠔仔蛋都唔錯，下面好多芽菜超惹味。我哋仲叫咗生菜包，大型拼盤，豬頸肉炒椰菜廟苗等⋯嘢飲就叫咗龍眼冰同埋芒果沙冰都唔錯。其實原本係想試吓佢個七色糯米飯啊，可惜食到最尾太飽啦，都係留返下一次吧

終於。終於。我食到嚕🤤🤤推介✨冬陰功海鮮🦑麵鍋😋👍🏻👍🏻唔係好食得辣既我倆都好易入口,辣辣地,酸酸地,湯好入味,麵都好多,海鮮料都幾多兩個人食其實都好飽😳😳#好食到一個點🤤 燒豬頸肉份量都岩岩,肉質好脆,啖啖肉,一啲都唔硬🤤🥭芒果沙冰係我兩最愛飲的😊#彷彿正在泰國大排檔內進食😁😁#愛吃泰國🇹🇭料理的絕對推介你去食👍🏻👍🏻#值得一食再食再去食😌#其他餸都不錯而且價錢都合理😜

🇹🇭太子都有得食！冬蔭海鮮媽媽麵區內人氣泰菜 高質泰式甜品 街頭椰子雪糕🇹🇭喺太子區嘅一間泰國菜餐廳，最吸引嘅係酸酸辣辣嘅巨型招牌泰式冬蔭功海鮮鍋，用上多款新鮮海鮮夠曬足料，而價錢抵食，真係還原泰國風味，店家仲有提供多款泰式甜品，街頭椰子雪糕同泰茶雪糕，所以晚晚都爆場，想食嘅記得早啲過去🥢冬蔭功海鮮鍋 $168招牌巨型冬蔭功海鮮鍋，湯底酸辣香濃，裡面加入了多種新鮮的海鮮，特別是蝦和魷魚，仲有兩大隻帆立貝，湯底酸酸辣辣超惹味，帶海鮮味嘅鮮，麵條索曬湯汁精華，會令人越食越想食同會想飲曬個湯嘅感覺🥢沙嗲串燒 $90/6串可以自選不同的串燒款式，沙嗲醬醬汁夠曬惹味，燒得幾乾身，完全感受到泰國街頭風味🥢生菜包-香葉辣椒肉碎 $85生菜配上香葉和辣椒肉碎，肉粒切得比較大粒所以會幾有口感，夠曬口感🥢泰式蟹肉炒粉絲 $65香港都食到超多蟹肉炒粉絲，蟹肉超附多炒得乾爽，簡直是必點菜式🥢招牌咖哩軟殼蟹 $138絕對是餐廳的亮點，軟殼蟹軟熟外酥內嫩，咖哩醬香濃，🥢芒果糯米飯 $53這道甜品用新鮮的芒果搭配香甜的黑白糯米，份量大大份好抵食，口感豐富，甜而不膩同類搜尋 #食好西太子美食🥢芒果沙冰 ,奶茶沙冰 $

難食到不得了嘅二人餐A餐，個咖喱海鮮完全冇水準，連咖喱粉都懶得開，成尺厚嘅咖喱油浮晒上面，魚餅嘅調味鹹到七彩，成餐最差品質就係個烤餅喺大陸買返嚟叮熱佢就算，又唔包嘢飲收人$314外賣，外賣盒逐個計錢，食過一次一定唔會回頭，而且裝修一般，名過於實。二人餐實在搵笨，賣相唔靚不特止，排隊等位又好耐，掉晒啦可以唔食，曬錢曬時間白費左期待已久的耐性，並唔似正宗嘅泰國料理，收費高昂，而且唔值呢個價錢，絕對唔推介太子站呢間餐廳。

慕名而來食呢一個冬陰功公仔麵168既價錢唔算貴 但係其實除咗公仔麵之外 啲海鮮好少 仲唔似係新鮮海鮮另外嗌咗個咖喱炒軟殼蟹 粉漿太厚燒豬頸肉味道正常 蒜蓉包味道OK但係呢間餐廳最差嘅唔係食物質素而係服務本身我哋兩個人 一張細枱放得落個火鍋 嗌多咗幾個餸已經成張枱冇位食嘢,坐得好迫,係迫過茶餐廳搭枱….同店主反映咗兩次,不被理會,有吉枱都唔會幫我哋換枱,黎食嘢好似欠咗佢咁下次唔會再嚟我見呢間餐廳好似好多好評，但全部都係等級四以上,社交平台又多宣傳,懷疑呢啲係廣告

我本身食嘢不講夠，老公話網上介紹好似幾好！去到話冇book台要坐到最入對廁所，當時其實仲有好幾張台，但自己冇book就算啦！點知啲服務態度好差⋯⋯我都係第一次咁忍不住要寫劣評😤食味味道一般！

大概18:45到門口 拎完飛大概20-30分鐘就到我地(等咗5枱) 入到去已經派到26號飛 所以大家想要最好早啲到 🏃🏻📍好近地鐵站 行1分鐘就到 💰埋單兩個人總共$502(連埋加一)我地兩個人叫咗一個2人餐 入面有：• 泰式炒通菜上到台熱辣辣 ♨️ 仲有小小辣 我個人覺得如果配飯會更正• 咖哩軟殼蟹 🦀咖哩同軟殼蟹有啲分開咗 好似單獨食咖哩同軟殼蟹咁 但個軟殼蟹炸得好脆 所以不過不失• 泰式薄餅 套餐可以揀飯或者薄餅。佢地嘅薄餅有啲韌，唔係酥脆個種，亦都冇煎到金黃色。建議會返飯好啲！• 炸魚餅炸蝦球 🍤炸魚餅同炸蝦球好結實，好大粒！同埋幾有咬口。兩個分別都會比三舊，分量都好多。我同朋友兩個都食唔晒 😂• 甜品 🥥Menu上面冇指明會送咩甜品。食到中途佢上兩件椰汁西米糕。好重嘅椰奶味！亦都有一粒粒嘅芋頭喺入邊！但明顯比坊間賣嘅椰汁西米糕細。• 泰奶個人覺得呢度嘅泰奶一般，出面會飲到更加好飲嘅。-• 冬陰功海鮮湯 ⭐️⭐️⭐️⭐️⭐️嚟到泰國餐廳必嗌嘅一個餸！個湯係所有餸入邊最好食嗰個！個湯夠酸夠辣，但對我嚟講有啲太辣！海鮮分別有魷魚，青口，蝦，墨魚仔。仲有少少蘑菇同芫荽🌿！如果大家飲唔晒個湯，強烈

Golden Prince Thai Restaurant is an unassuming gem where both locals and Thai nationals gather for a taste of authentic, casual Thai fare. The atmosphere is relaxed yet buzzing with diners eager to sample the dishes created by their talented Thai chefs. It’s the kind of place where the food does the talking, and the long queues outside—even in heavy rain—are proof of its popularity. If you’re lucky enough to snag a table after the typical 40-minute wait, you’re in for a satisfying meal with port