影片
-
網上訂座服務暫停
大角咀近港灣豪庭有好幾間泰國菜，隨便搵咗一間看起來坐得舒適的，價錢也很吸引，結果喜出望外，充滿驚喜，點了冬陰功金邊粉及凍青檸茶，冬陰功不是味精粉湯，味道很正宗，金邊粉也爽口，有三隻蝦，蕃茄係用車厘茄的，平常我會走椰奶，但係當日忘記咗，結果也喝了大半碗，凍青檸茶味道也是非常清新，消暑解渴，還有應該是大菜糕嘅甜品，好吃，味道清淡，吃得飽飽滿足的🩷聽說晚上非常多人幫襯，所以有空先來享受一下午餐可能更好
繼續閱讀
劣評如下：1. 冬蔭公湯：唔夠熱、蝦夠晒晦、湯底淡茂茂，難得一見；2. 叫半隻泰式燒雞，上檯只有1/4隻，份量少都算喇，完全明白今時今日百物騰貴，但雞肉燒得唔好食，咁就係問題啦！3. 鐵板蠔仔蛋：蠔仔有陣「縮」味，食左一粒即刻lur 返出黎，唔夠膽再食落去。蛋少得離奇。比張靚相大家欣賞一下；4. 泰式熱奶茶：茶底唔夠味、無茶香、淡茂茂，又係奶水一杯；5. 餐廳衛生環境差劣：用黎擺污糟碗碟嘅大膠桶擺近食客，成間餐廳都有一陣垃圾味。另外，洗手間好污糟；6. 侍應當間餐廳係自己屋企咁，將其中一張枱擺滿私人物品及小朋友玩具，凌亂不堪；及7. 侍應長期黑口黑面，服務態度差劣。原本滿心歡喜想試一試小店的泰國菜，結果係食唔飽，要揸車去搵另一間餐廳食晚飯。
繼續閱讀
Dinner 坐滿曬，餐廳都好有泰國feel🙈🙈🙈叫左個青芒果沙律🥭🥭夠曬正宗，好酸好辣芒果好爽口，勁開胃豬肉生菜包香葉味好重，肉碎好入味，包埋生菜一流🥬🥬豬頸肉抄河好好食，豬頸肉夠冧，河粉抄得夠煙韌，唔會散曬加埋四季豆，口感好豐富😋😋冬蔭公 (細)🍅🍅好足料，有3-4隻蝦仁，湯底夠濃郁，好重奶香都有3-4碗份量小辣都偏辣🌶🌶椰青性價比高，都唔係特別貴而且好甜好凍十分清甜🥥🥥
繼續閱讀
叫左一個薄餅、蒜蓉包、飛天通菜、馬拉盞通菜、黃咖喱雞、泰式生蝦、豬頸肉，仲有個木瓜沙律，值得一提個通菜炒得幾香而且夠味送飯一流。途中有些小意外五人同行四人叫左椰青一人叫檸檬梳打（食到差唔多食曬先黎杯野）
繼續閱讀
大角咀都唔少泰國菜，有日經過見呢間最多人，就覺得要揾日試下。海鮮椰汁炒飯 $69唔算好大碟，大約 2 - 3 碗。飯底加咗加蘿蔔粒，粟米粒，提子乾、青豆，至於海鮮就有青口、蟹柳同魷魚。食落口係淡淡香嘅椰子味，一 d 都唔油。蒜蓉炒通菜 $58熱辣辣上枱，好有鑊氣。用咗蒜蓉同辣椒嚟炒，好惹味。鹹蛋炒鮮魷 $98個人好鍾意食鹹蛋炒嘅餸。呢碟又係熱辣辣上枱，鹹香的鹹蛋黃醬配埋爽脆彈牙的魷魚，一流。佢d魷魚唔係橡膠咁，唔會咬到牙軟。食埋喺碟多咗嘅鹹蛋粒，即刻試到埋佢嘅香口同鹹脆！最後埋單，侍應仲送咗碟椰汁糕，唔太甜，味道清清的，唔錯。
繼續閱讀
您可能會有興趣的...