影片
電話號碼
26832922
特色
適合駕駛人士
營業時間
今日營業
12:00 - 15:00
18:00 - 23:15
星期一至日
12:00 - 15:00
18:00 - 23:15
以上資料只供參考, 請與餐廳確認詳情
一個月後又要飛曼谷，但對泰菜既渴望時常會突襲，所以周中約左朋友出黎食晚飯。呢間金枕頭泰國餐廳性價比極高，星期一至五免加一，二人餐$198真係抵，三款小食、兩款主菜、一款甜品，飲品+$15就有優惠。.講下A項三款小食先：- 泰式蝦餅：表面炸到金黃微脆，咬落先係輕微脆殼，內裡蝦肉粒好實在，用肉眼已經見到d蝦塊，咬落有彈牙既彈性同鮮甜，吾係打成糊既餡，整體吾油膩，配酸甜醬可以提升層次，又吾會蓋過蝦本身既鮮味。- 香芋春卷：外皮炸到薄薄脆，吾會好厚咁吸油，入面既芋蓉份量十足，綿密中帶一點粗糙感，吾會粉糊。芋頭自然既甜味突出，仲有少許爽口既配料令口感有轉折，熱食時香氣更明顯。- 串燒沙嗲雞串：雞塊切得大粒，表面有烤香同輕微焦邊但入面仍然保持濕潤，吾會乾硬。雞肉本身有咬口，帶微微油脂感，但吾會膩。沙嗲汁濃厚，花生香突出帶奶滑感，同時有少許甜和微辣，沾一啖就夠味，令整串更豐富。.B項：冬陰功湯- 湯底酸辣平衡得好好：酸度爽快但吾刺喉，辣度係後勁上黎，暖胃但吾會蓋過海鮮鮮味。湯本身層次多，有檸檬草既清香、南薑既辛辣同香茅既草本香。入面料夠多：大蝦鮮甜有彈性，魷魚有彈牙口感，番茄煮到微軟帶鮮酸，雞髀菇吸滿湯汁又彈。每啖都有料，飲落係有滿足感既湯品。而蒜蓉包沾少少湯，麵包吸住湯汁會帶有蒜香同牛油味，愈食愈惹味。.C項：蒜蓉包- 用法包整體係外脆內軟既經典口感，表面既牛油同蒜蓉煎到釋放香味，咬落會有蒜香先出，跟住係牛油既香滑，同時有微微鹹香。麵包內部保留空氣感，吾會太實.甜品：椰汁西米糕- 椰汁味極濃郁，一入口就感受到厚實既椰奶香同微微既自然甜。西米粒煮到彈牙有咬口，吾會過軟，整體口感係黏滑但吾黏牙，甜度控制得好好飲品：- 泰式奶茶（+$15）：杯夠大，茶味同奶味平衡得好，入口先係濃郁既奶香，跟住係微微既茶澀同香料味，整體順滑有厚度，飲落好似真係係泰國街邊飲到既味道。- 可樂($16)：氣泡夠爽，甜度夠，配埋炸物可以即時解膩。.另外單點：- 辣肉碎飯 $65：可以揀雞肉係一大加分位。雞肉碎保留到肉感，吾會碎到冇口感，粒粒分明。入面拌左細碎豆角、香葉同菇片，豆角帶微微爽脆，香葉散發一種類似檸檬草既香氣，菇片吸汁又有彈性。整體香口而且有汁，配個燶邊流心蛋，蛋黃一破就同飯同汁融合，令每口更豐富同順滑。- 馬拉盞炒通菜 $69：通菜保持到爽脆既梗感，吾會煮到爛。馬拉盞味道濃而有層次，帶一種鹹香同海鮮發酵既氣息，但店家控制得好，吾會過鹹或太膩。炒既火候令通菜邊位略帶焦香，配埋蒜蓉同少少辣度，整碟夠惹味又夾飯。
繼續閱讀
這家隱世美味泰國菜，朋友在這邊上班才認識到。這晚下班來粉嶺再次光顧，依然幾乎滿座。椰汁紅豆涼粉冰 $30清新椰汁搭配紅豆香甜，涼粉口感滑順帶清香，紅豆冰增添清真感覺，甜而不膩，是夏日消暑的絕佳選擇。泰式珍多冰 $25色彩繽紛的珍多冰，層次豐富，珍多口感爽滑，還有西米煙韌，配上椰漿更添香甜風味，可以當甜品享受。頭盤泰式酸辣鳳爪 $68酸辣味十足的鳳爪，酸辣度適中又入味，爽口無骨，搭配泰式沙律提升清新感覺，吃得一口接一口，十分過癮。冬陰功湯 $78（細）湯底濃郁，酸辣平衡，蝦仁鮮嫩，香茅和檸檬葉的香氣撲鼻而來，溫暖又開胃，極具泰式風味。紅咖哩牛腩 $78牛腩炆得軟嫩多汁，紅咖哩醬香濃而不辣，配料還有很多茄子，香甜多汁，加$14配白飯更是絕配，拌勻咖哩醬把白飯吃個清光，滋味無窮！蝦醬炒通菜 $69通菜清脆爽口，蝦醬的獨特風味與蒜香融合，簡單卻美味，一上桌已聞到蝦醬香氣四溢，是一道下飯的絕佳選擇。椰皇三重奏 $45三重椰香甜品，口感層次分明，椰漿布甸在最上層，灑上椰蓉飾面，底層椰子水大菜糕，再把椰子肉刮乾淨吃，清甜而不膩，真的十分欣賞這個創意甜品！這頓晚餐吃得非常滿足，各式食物試了一款，雖然是平民價錢，但食物水準都十分高！超值！來粉嶺的話一定會再光顧。
繼續閱讀
位於粉嶺嘅泰國嘢真係好食㗎，佢哋嘅沙律食完之後超級入味好開胃啊我真係好鍾意食辣辣地佢啲鳳爪全部都係入味嘅香脆可口佢哋亦都有蒜蓉包俾大家揀㗎如果大家鍾意食香脆可口嘅一定要揀呢間呀仲有啊佢都有好多唔同嘅主菜同埋甜品俾大家揀佢哋嘅份量十足食完之後都覺得好飽嘅價錢適中如果係住新界附近嘅朋友一定要揀呢間呀唔使等好耐已經有得食㗎啦，仲要係服務質素好唔會係等好耐所以如果大家有興趣記得book位或者嚟呢間度食啦唔錯㗎
繼續閱讀
今日同屋企人嚟到呢間泰國菜聚餐，星期五嚟到都幾多人，佢星期一至五都唔使加一。選擇都好多，船麵、炸嘅小食、串燒、炒飯、甜品嗰啲大路嘅都有。1.冬陰功海鮮船麵（$69）😋🍲我轉咗做粉絲，加$10可以轉冬陰功湯，呢度嘅冬陰功湯好好味，好濃郁海鮮份量都夠，粉絲嘅份量都好多，三個人食分享都夠，可以留返下其他嘢。佢嘅味道好味到我哋成碗湯都飲晒。2.泰式生菜包（$88）👍👍🍽️份量都非常充足，而且好有鑊氣，配料都好充足，非常有泰式風情。比起其他泰國店嘅份量，真係多咗可能有一倍，呢個價錢食到呢個份量都幾抵。見到其他好多枱都食唔晒。3.魷魚泰式沙律（$78）呢個沙律比較少見，但係佢嘅味道都好好味，喺其他地方冇食過，但係佢就幾辣吓，食嘅時候，要確保自己有足夠嘅飲品😆不過佢嘅味道真係非常之開胃，魷魚都好多好爽口。4.泰式芒果紫米飯（$60）呢度嘅芒果份量偏小，可能係因為佢嘅飯量多，顯得芒果少，佢嘅飯有成碗咁多，可以四個人分享都夠食，椰汁都好慷慨，好好味。唔鍾意紫米飯嘅都可以普通糯米飯或者兩溝。有呢啲選項都幾好5.椰子三重奏布甸（$45)😋😋😋見到佢喺呢度嘅特色，就叫咗嚟食吓，呢個甜品唔太甜，而且好有層次感，上面係椰漿組成嘅布甸，下面係椰皇水組成嘅啫喱，非常之清甜，加埋下面嘅，椰皇肉非常之夾，好味！佢唔使加一都好抵，見到佢星期一至四仲有二人優惠餐，應該會更加抵食！
繼續閱讀
更尾同老公殺入粉嶺搵食，巧遇「金枕頭泰國餐廳」推出超值二人套餐，198元有齊串燒、主菜、飯，甜品及飲品，即刻衝入開餐啦！😊 ✨自選二人A+B+C+D套餐 $198✨ A款揀咗沙爹牛豬串燒各2串，同兩件泰式蝦春卷，串燒炭香濃郁，蘸埋花生椰香醬簡直絕配；蝦春卷新鮮現炸，金黃脆身，咬開仲見到成隻蝦添！🍢🦐 B款揀咗老公最愛的「生菜豬肉碎包」，新鮮生菜包住酸辣肉碎，食到「嗦嗦」聲。🥬🌶️ 主食「雞油飯」油香撲鼻🍚。甜品「椰汁西米糕」甜度剛好🍮。飲品「泰式珍多冰」同「芒果沙冰」味道香濃，夠晒冰凍👍🏻❄️ 🔥加碼必點「泰式火山骨」 $168🔥 巨型排骨堆成火山造型🌋，酸辣醬汁滲透每絲肉縫，肉質燜到一扯就脫骨。最過癮係骨髓吸滿湯汁，好味道到連手指都舔埋🤣💦
繼續閱讀