金曼谷泰國菜館 (已結業)

第一次同朋友去,系佢話想試下,睇到個陣冇乜特別,但系食落,個個味道好清新,有黃瓜,生菜,炸蒜等配料,配上檬粉同醬汁,口感好好...好開胃,！次次去都系食呢個,哈哈哈.午餐 下午茶

在旺角金魚街的金曼谷是我每次到旺角時想吃Thai food的第一首選。他的蒜香包脆到每咬一口都有嘣咔聲，更有濃濃的蒜香味。而海南雞是週六的特價菜，半隻只要$69元，醃的非常入味，甚至不用蘸醬。串燒雞肉加上獨家的麻醬汁，麻醬的香中帶著小小辣。泰式軟殼蟹也是鬆脆惹味，炸得鬆脆的蟹蘸一蘸那黃咖哩汁，那種味道真是極好的！而虎蝦只要➕一塊錢！

經過呢間好幾次, 試過門口外o既串燒, 好好味, 所以成日都想入去坐底食, 尋晚有機會啦.我地 around 7 點到, 所以唔使點等就坐底.  做收銀帶位o既男士都幾 friendly.  我地點左: 椰汁酸辣雞湯, 木瓜沙律, 烤魚, 飯同野飲.收銀善意提醒我地, 滿 $200, 就可以用 $1 換購一款小食 (有幾個選擇), 結果我地就用 $1 換左一個細 portion D o既木瓜沙律.個魚係是日精選; 每日都有一款特價野食.  所以只需要 $99.個椰汁酸辣雞湯真係唔錯, 熱飲幾好味.  個木瓜沙律同烤魚就 OK.. 不過不失.  不過個魚超級多鱗, 無整理乾淨.. 少少失望 (同噁心 ）想讚o既係個椰青, 好清甜!另外, 呢間店個態度唔錯.. 食到中間, 開始人多, 要等位, 我地兩個人坐４個人檯, 但如果佢比多兩個人過黎坐就會好逼, 佢地都無咁做, 咁我地總算舒舒服服食完餐飯.  對於旺角黎講, 呢一點我算欣賞o既　Overall, 兩個人食左 $200 左右, 都係咁上下啦.

課堂間有兩個鐘既空閒時間梗係食番個晏先啦:^)山長水遠出到旺角，貪佢多選擇同埋本身諗住食泰菜，見MK有價錢似乎實惠，仲唔趁機試下？餐湯冇眼見咁油味道濃左d，調味略多豬頸肉飯豬頸肉焦香不膩，醬汁微辣，開胃清新不過切到如紙薄，不禁讚嘆師傅刀功……飯粒分明，水分剛好不爛不乾，偏細雞絲湯飯雞絲還算入味，不過真係好少整體份量大，類似拉麵大小但全部係飯湯底色清味濃，但飲哂都唔會太口乾（少味精反應飯質浸完都同白飯相同，粒粒分明，冇發脹軟爛串燒雞同豬肉，個人認為雞肉焦香較濃豬肉感覺還是不太入味醬汁成分肥膩但食落又冇成嘴油，仲要好香口，忍唔住每一口都要沾滿建議澱粉質控到訪想以餸菜為主既另擇所好

愛好行通菜街睇貓仔用品及睇蝦仔水族用品的我，每次行過天橋口上樓梯時，都被此店門面正在燒烤的串燒香味吸引，今次就入去試試。坐位都好迫下。雖然係二人枱，但同隔離都近到差不多撘枱一様。來得旺角都知係出名迫，為了美食唯有忍耐一下。點菜時，店員提醒叫滿三百送生蝦一蝶。原來所謂一蝶只得四隻。到喉唔到肺。不過都要講句調味醬汁好味、蝦肉彈牙爽口。soda是㤗國的，夠風味。兒時見過的有波羅外殼的炒飯。炒飯幾靚，乾身飯粒，材料豐富。野味的泰式鳳爪，辣到出汗。泰式煆餅即叫即做，外層香脆，蝦肉彈牙新鮮。總結：味道👍環境👎服務👌價錢👌

去完寵物店買完狗糧經過金泰谷必定忍唔住門口串燒既香味，成日下一秒清醒過來已經喺店內。店內分上下兩層，下層得兩張檯（兩張枱都係四人座位），地方頗狹窄，原本想上樓上坐好似清靜啲舒服啲又唔洗被行行注目禮，但員工話上層清潔緊，我地唯有焗住坐下層。光頭老闆見我地一袋二袋就同我地講可以將啲嘢放上櫈咁就唔洗放地下，我媽話，而家晚飯時段驚覇住啲位嘛。老闆答，我間舖有咁好生意就好lu 。。。之後叫咗個大頭蝦冬陰功湯，乾炒咖哩牛肉，小食拼盤（小）同木瓜沙律是買滿$200加$1。由於我同屋企人brunch只食咗半碗芝士麵所以個肚早就打鼓於是買咗兩串串燒分別係沙嗲汁牛同泰式酸辣汁雞$26，食住等上菜。個 泰式酸辣汁真係好好味唔太辣酸度亦剛剛好，如果唔係喺公眾場合我一定舉高個碟飲埋啲汁佢，沙嗲都唔錯，有啲花生喺入邊幾得意，肉質反而偏硬同細舊。首先上菜係乾炒咖哩牛肉，都唔係乾炒既係濕炒，同埋都唔係牛肉係豬肉既！！！我明明叫咗牛肉，不過當時大家都好餓所以差唔多食哂先發現。算！話哂喺廚師推介，味道唔算差，叫咗個白飯撈飯食，老闆就行過黎同我地傾計，其間又上冬陰功湯，好淡，於是嗜辣既媽咪自己加辣。之後上木瓜沙律，酸酸甜甜

放工出到九龍都9點幾，實在唔太多選擇加上同事比較喜歡平，靚，正的餐廳  最主要係本人只對食物優惠有強烈記憶  所以就諗起呢到啦 每次經過都聞到串燒的香味，今晚就黎2，3串 慰藉一下自己   除左串燒，吸引我的是食滿＄200加＄1有幾款小食送，生蝦就係其中一樣啦 咁熱，飲番杯龍眼冰先2串和牛，YUMMY 2串雞，雞唔錯，汁好正！而加係屋企都想再食蝦膏炒飯 無特別濕河，好鬼怪馬拉盞炒介苗蒜容包加1蚊既生蝦

試左佢門口既串燒被吸引入店內食下午茶...今次已經係第二次食...住得遠..今次都係專登出黎掃街同食佢!4,5點鐘店內都有4,5台人...樓上仲有一層大小小的..下面有位都會叫你坐下面今次同上次叫既都一樣...下午茶有SET....粉麵多士之類..都幾多選擇叫左個濕炒河粉餐跟野像$4X...勁多汁,D料都唔算小,好好味仲有冬陰公湯粉....超正....我地都係因為呢個湯所以食過番尋味....$3X既價錢...用料十足既湯底...味道同晚市飲到既湯一樣味...唔會話淡左或者冇料....見到D香料...呢個價錢又食到粉又有湯飲正...仲有杯野飲...都幾大杯!另外再叫左佢出面燒緊既串燒...最LIKE佢個汁...超鍾意! 食過雞,豬,同牛(牛佢話係和牛黎)得4舊肉...好似16蚊..貴左小小...雞,牛好似十蚊串...雞好滑....豬就有D鞋,所以今次冇叫豬....仲有其他串燒....入前可以係門口望下先 總括: 好味...會再去....不過唔知佢晚市其他野食好唔好!有機會都好想試食過數間泰國野,暫時味道佢都算數一,數二 (不過今次食既款式唔多)

今天經過旺角金魚街（通菜街），在旺角道的行人天橋底，發現了一間小小的泰國食店，就吃個下午茶。餐廳裝修很簡單，就像港式小食店般，面積不大，但也有些泰國的擺設。下午茶餐一律$28包飲品這款「泰式木瓜沙律」，菜多得嚇呆了我，確實很健康。 而雜菜切得幼細，味道酸酸的帶清甜，也有點辣味，很豐富清爽。另一款「豬頸肉撈檬」，份量也好大。 辣醬好似重手了點，如果嗜辣就OK，我就要邊吃邊飲水。 豬頸肉幾爽口喎，也有燒肉的脆香口感。 檬粉也很爽，而最好的是頗多配料如蒜萁及青菜，令檬粉變得豐盛。奶茶就普通港式的, 如果有泰式奶茶就好了。「金曼谷」雖然環境粗糙點，但看得出用心做食物，味道有曼谷街邊檔風味，算不俗。