金暹邏泰國菜館 (已結業)

我是一個對泰國菜絕對有好感的人...哈哈~今日選擇漫遊馬鞍山後到金暹邏晚飯...餐牌內一句「點選以上小菜可免費贈泰式冰飲一杯」...嘩~~咁抵..?!餐牌裡好多都想食想點,,,不過只得兩個肚~~所以小小地...叫左三個菜~ 泰式拼盆：春卷、魚餅、蝦餅各兩件開四+香葉雞...春卷餡料差左d...魚餅比蝦餅好食~最意想不到係香葉雞~外面食既可能會好乾...但呢度既竟然外帶小乾內裡滑滑~香葉包雞~~好味~!! 香辣肉碎生菜包(雞肉)：酸酸地...微辣...加埋香葉乾蔥~用爽脆既生菜包住~味道岩岩好~連老公都食唔停口~~~ 黃咖哩牛腩+蒜蓉包：咖哩略為普通~但係牛腩同牛筋都好淋好入味~...個咖哩汁濃度岩岩好~因為係黃咖哩既關係...一d都唔辣~蒜蓉包...厚厚脆脆~略嫌蒜蓉味唔夠~~不過加埋咖哩就good哂~~~同場仲飲埋椰青同珍多冰~~好滿足的晚飯~總括來說...環境ok...食物唔錯~服務都可以既...不過可能9:00後侍應少客又開始少...d侍應唔可以即時埋台做野~~但係好好禮貌~連經過收銀叔叔都同我地講bye bye~好nice呢~~~

成日都去食ga個老闆又好人wo次次食都一定會叫香葉肉碎炒飯因為真係好正同埋個個炒金邊炒都係超好食服務又好d糕點都ok 不過上次貪得意同bf 叫左個紅豆糕(包到好似個儍咁)我以為只係自己唔鐘意食指(因為酸酸地)後尾佢試完就知係壞左根住全部4件都換曬糯米飯真係好好食

我最愛的馬鞍山食店，平、靚、正，非它莫屬！首推：椰汁雞絲撈麵　$20my favorite，撈金邊粉最好。椰汁加了咖哩，香，足料扺食。白雲鳳爪 $29無骨，夠多，味道好。椰青焗飯 $38原個椰盅上，炒飯加了一片片新鮮椰子肉，滑脟脟，也夠鮮甜。苸頭海鮮飯 $27 (外賣價)海鮮不算很多，但如此價錢，食得過。而且炒飯味道均勻，每粒都好香好有味架～恵顧必送糖水：西米露／紫米露／清心丸／蕃薯糖水門口的肉鬆糯米飯 ($10/4) 也是必點的呢~＊老闆100%熱情款待，員工亦個個好禮，是扺食的泰國站！It' s the best restaurent in MOS ＊

星期日,d家姐和細妹都番齊黎食飯,好熱鬧喎.同3家姐講開,我話之前有一日,我既假期儲滿咗,諗住打個電話俾佢,入去馬鞍山探佢啦,點知電話冇人應,咁...算啦.我話俾佢聽,我星期一都會放假架,因為又係儲爆假既原故啦,我3家姐聽到之後,就話...你今晚入唔入黎吖,佢約咗d朋友星期一去打羽毛球,我....諗諗下,都話好啦,咁...就跟咗佢地架車入馬鞍山,借住姨甥女間房住咗一晚.第二朝,我地由我3姐夫車我地去人地個私人會所,我3家姐book咗9:00 - 11:00時殷既2個場,初時都冇諗住2個鐘頭原來可以咁快過架.打完,我地有7個大小朋友,要搵野食,3家姐d朋友就話去食泰國菜,咁就去食啦.呢間店,我都黎過 3-4 次,...有點印象,但每次記得食完既感覺,都係一般啦,唔會有驚喜.講番,d蒜茸包係幾好食,但係衰咗鹹咗,如果減番d鹹,咁就perfectd炒飯麵,炒得麻麻,我諗...我會炒得好食過佢.而沙爹串燒係比較受歡迎,d細路仔搶住食.而咖喱牛腩飯d汁送飯最好

雖然馬鞍山得呢一間泰國菜館，不過今次都係第一次去，只係因為行街行到有d攰想搵個地方坐坐，見呢間唔駛等就入去，一入去就見到有一名員工俾人狂鬧，冇錯﹗係當住客人(雖然數目唔多)面前毫不留情咁鬧，我同朋友搵個位坐好後，鬧人聲仍未停止，我心諗：咁樣鬧人真差勁，俾人鬧0個個無地自容，鬧人0既面目可憎，結果只會係total loss。雖然我地0係餐廳出面已經睇過個餐牌，但係，仍然有d疑問，例如：套餐包「各式飲品」呢個字眼，但0係飲品列表上，「各式飲品」標題下只係一般奶茶咖啡汽水之類0既飲品，如果係其他椰汁冰、珍多冰之類0既飲品就列左0係「泰式飲品」標題之下，為免產生不必要0既誤會，我就向店員查詢，店員竟回應一句：「各式飲品就即係咩都叫得都唔駛加錢啦!」我就理直氣壯地指住飲品列表去問：「但呢度0既『各式飲品』意思唔係全部飲品wo，我想搞清楚。」店員就好唔耐煩咁話：「而家呢個套餐(指住我地叫緊0既套餐)可以叫各式飲品唔駛加錢，特飲就要加3蚊!但呢個餐(另一個貴一點的套餐)就要加錢先有野飲bla bla bla」最後補了一句：「呢個餐要加一。」黎唔切問佢單張上明明印著「全日免收加一及茶介」點解要加一呢個

今日星期日,所以都好多人等位,但好快已經入座,今日3人行,叫左蒜蓉包$12真係好鬼底食,又多又大塊,材料多到成塊包都係牛油,蒜蓉少,但好脆~明爐魚唔會太大條,3個人岩岩好食得晒,不過魚鱗打得唔夠乾淨,味道好清淡$68冬陰公唔夠熱和唔夠辣,似菜湯$36(細)燒串燒半打,有雞.牛.豬,燒得幾香,雞最好食,牛和豬好um,有個黃色既咖哩汁點,個汁甜甜地唔似咖哩,好重椰汁味$35(半打)馬拉盞炒通菜,返而呢個夠辣 $40椰子海鮮焗飯,呢個出左放係檯面好耐,但侍應太煩忙,遲遲都未送返,食果時上面果d已經凍晒,侍應都好有禮貌道歉,話唔熱就再加熱,不過椰子入面果d都重熱,所以都冇換到,不過無味,剩係好香椰子味$45不過個老闆好nice 0家,成日落手落腳,親力親為,有人生日既時候,佢會好識做咁唱泰文既生日歌,又唱得下,笑容好,價錢大眾化

早幾個月幫襯過呢間,不過數日前食過九x城小曼x，今次想試馬鞍山的有何分別我和女友點了咸魚炒芥蘭、蒜蓉包、生菜包(豬肉)、炭燒大蝦、泰式炒青口等蒜蓉包天下無敵,12$有五至六塊，燒大蝦我哋點了兩隻亦份量十足，炒芥亦好夠味，坐位比小曼x好好多,至少人冇咁多只得馬鞍山街坊，最可惜10點幾Last Call太早，消費二百頭...以呢個價有咁既質素我覺得已經好好順帶一提，四眼侍應真係好有禮貌，老闆亦好傾，有食評話服務態度差我相信有人惡意中傷總括說抵過九x城小曼x，上次我哋食咗四樣野(包括98$的咖哩大蝦)、馬介休炒通菜、生蝦、炸蝦餅等，兩個人總共要303元，金融海嘯下算是高消費......

做冬果晚同老公, 阿妹去呢度食, 一行三人我地都食左好多野呀:冬陰公湯: 料唔算多, 不過都幾夠熱同辣, 我地三個都每人有2碗小食拼盤: 有香葉包雞, 魚餅, 春卷, 仲有樣唔記得左, 味道一般, 不過勝在熱蒜茸飽: 蒜茸味就食唔出, 不過好重牛油味, 都ok既炒通菜: 比想像中大碟, 我諗都有大半斤, 夠熱夠辣, 好味雞/豬串燒: 一般味道, 豬就鞋左少少, 但都可以接受泰式炒青口: 青口都算細隻, 唔入味, 但可以用汁來伴飯吃香辣肉碎炒飯: 冇咩特別, 少少辣, 阿妹好鐘意食老公叫左支啤酒, 我同妹叫了椰青, 夠凍夠甜, 我仲吃埋入面d椰肉tim, 總結今餐上菜快, 又夠熱, 味道其實唔係正宗泰菜, 但唔洗等位服務算唔錯, ok既

喜歡吃泰菜，愛其酸酸辣辣既開胃又有風味~ 31日四周也例牌迫爆，不想與人迫，就選擇了這間泰菜…馬鞍山的獨市生意，價錢很相宜，但一分錢一分貨，當然不可與九龍城那邊相比。今次被安排了玻璃房內，很舒適而且感覺很自成一角很自在的！酸辣鳳爪，我的最愛。大大碟絕不欺場！鳳爪有咬口，非常入味，酸酸辣辣勁開胃，而且配菜如洋蔥、生菜絲也非常入味。青芒絲鮮蝦，青芒絲酸得盲也開眼，蝦肉尚算鮮甜，味道很過癮，雖然偏酸但可以接受。酥炸烏頭($48)，烏頭炸得脆且香口，但魚肉仍然鮮嫩…魚尾脆卜卜像薯片一樣！最正是那個醬汁，既醒胃又好吃！酸酸甜甜再加上炸蒜片超好味，上桌不久就被我們吃光了！椒鹽BB蝦，味道夠但點點偏鹹，炸得很香脆，連殼也可以吃下去，很可口！！炸蒜粒非常惹味！是下酒良品。不足的是偏油，吃完後碟子泛著油光~馬拉盞炒通菜，通菜炒得過了火，老了…味道比起觀塘那間新興泰國小食較為遜色。鹹魚炒芥蘭，這個反而有驚喜！鹹魚惹味，芥蘭翠綠爽甜，尤其是菜框的部份。我不吃芥蘭因為覺得很苦，但今次也吃了不少！支竹羊腩煲，伴想一個小火爐上桌，羊腩羶香，煮得又腍又入味，而且很鮮嫩，但羊腩數量偏少，人多不夠喉啊。支竹、冬茹、馬蹄

要在馬鞍山食泰國菜,只有這裡!!!!這裡的價錢都算合理, 但一分錢一分貨, 味道一定不及九龍城的泰國菜是晚點了二人套餐...包括:黑椒豬肚湯----豬肚好爽口,湯的味道不錯泰式炒青口----青口有沙...味道一般蒜蓉炒芥蘭豬頸肉----普通貨仔椰青焗海鮮飯-----有椰青味...但飯的味道屬一般是日甜品----沒有驚喜總括來說:如果將價錢放於優先考慮的話,可以一試無妨...但如果著重味道的話...雖然味道不是難食, 但會令你失望.....

馬鞍山食lunch周圍都好多人,通常去金暹邏大多數的原因都是因為比較易搵位(唔係好爆),來到這裡不要要求是正宗的泰菜,雖然是泰國人主理,但為配合香港人的口味已經調節到港式,這裡選擇的款式也很多,但最穩陣的必是黃咖哩牛腩飯,因為絕對唔辣亦夠香,撈飯一流,薯仔夠淋,雖然牛腩唔多但唔太"un",通常唔知食咩好都會選這款,泰式炒金邊粉也是不錯的選擇,當然九龍城好味好多至於服務有時似乎不斷招手都冇人理,不過都係因為佢地好忙做唔切,我記得有個四眼哥哥做嘢好勤力和有禮貌,

我今日同家人 2個朋友 食下午茶入到去好多人 要搭 "木台", 坐落後,有個四眼侍應 幫我地鋪 "木台"當佢鋪完後..有一張 "木台" d人走左,我地要求換我地問個侍應可唔可以,佢竟然答 唔好到我地強烈要求下,佢好唔願意先肯換到本人order 黃咖哩魚柳飯 點知 佢俾左沙爹魚柳飯 ,我食左2啖 要求更換.我揮左好多次手 都無人應,到後尾有個 著白衫 (大約4x歲既阿叔)可能係經理我同佢講要換,佢睇左張單,同我講order既係沙爹魚柳飯,而唔係黃咖哩魚柳飯我立即更正,講order既係黃咖哩魚柳飯但佢再講order係沙爹魚柳飯,我再次更正點知 佢好不耐煩既語氣話:最後拿左d飯走, 拿起後 佢用不耐煩語氣 再後換返碟飯時,佢又大力放落 "木台"大家千其唔好光顧,食野都俾氣人受

因為好想食咖哩蟹, 咁起馬鞍山得一間泰菜. 所以嚟左呢度. 我地三個人叫左:2 x 椰青翅 1 x 咖哩蟹 1 x 蒜蓉包 1 x 炒菜 1 x 燒鱔 1 x 豬頸肉 1 x 芒果糯米飯埋單 $405總括嚟講, 咖哩蟹冇咖哩味, 隻蟹亦好細隻. 要百二蚊我覺得好唔抵.蒜蓉包好味, $12 有五塊都幾抵.椰青翅清甜, 但翅比以前少. (我都係因為呢個椰青翅先會嚟食)其它ok, 不過不失, 但唔會令人想返去再食. 但泰式豬頸肉裡面的豆腐卜係'叔'的. 不過個豬頸肉係炒得幾好味的.服務態度好一般, 成日想叫人都冇人, 聽到又當聽唔到.

馬鞍山唯一既thai food...突然想食就去左食...去到服務mama...但心諗野食okay就冇問題...價錢唔算平...食物算中上...總言之不過不失...俾到個笑臉既...p.s.:野飲真係中下...唔叫也罷...

記得佢啱啱開張嗰陣,d野都幾好食,服務又唔錯..又唔駛加一兼有糖水送,所以平均一個月都會黎食一次...同爸爸見都有一排無黎食過,所以去左食..但點知勁失望..叫左個冬陰公-- 唔夠酸又唔夠辣...最重要係唔夠熱..黃咖哩雞-- 自己媽媽係屋企整既好食過佢多多聲..得個甜字,都唔係椰香既..炒金邊粉-- 一個字形容....油..全晚就好食既係送的糖水..點解會差左咁多架,但價$$係貴左好多囉..唔通真係因為佢係馬鞍山唯一的泰國菜館,唔休無生意????