金星茶餐廳小廚 (已結業)

天氣突然轉冷，揾食肥華和靚媽恐防獨居於，石籬邨的大仔仔唔夠寒衣着，在12月2日兩人特登約佢收工後在住處附近餐廳食晚飯，順便將啲禦寒衣物交畀佢 ，結果一行三人就選擇咗呢間唔使等位嘅茶餐廳用饍， 竟然食到一餐有驚喜嘅晚餐 首先此餐廳嘅小菜套餐價錢合理， 厨房所炒嘅小菜，味道和鑊氣亦有大排檔水準，加上冇味精嘅霸王花煲豬骨湯，和一碗極合肥華口味的白飯，和以茶餐廳標準，去評論服務顧客員工的良好態度 ，此店值得推介👍…查看更多

疫情下去茶記，要比老闆娘叫同人搭枱。唔係嘛？佢枱同枱之間已經好密， 完全冇1.5米距離。 咁嘅情況點敢咁搭枱呀。買外賣半斤燒腩仔，問老闆娘喺咪仲熱架？答我啱啱燒出嚟。信佢，仲要收外賣盒錢？ 買完問拎多包芥辣，都唔肯比。算啦！番到屋企打開嚟睇， 啲燒腩仔凍冰冰嘅 ？！完全中哂伏！早知行前啲 去幫襯酒樓好過， 貴多十蚊啫。 起碼問攞多包芥辣，人哋師傅都肯畀。時間嘢，好似當啲客嚟乞咁？又唔係平過人？ 又唔係抵食過人？ 仲要我搭枱？！橫掂商場番翻新後，多咗好多食肆，大把選擇，唔使一定幫襯你。…查看更多

要去葵涌開會同同事係石離商場行左個圈見到呢間茶餐廳做緊外賣自取9折叫左3個客飯包湯凍飲加埋都係$158.黑椒牛柳絲炒烏東黑椒味好夠!!!係每啖都好濃黑椒味呢度既牛柳有咬感而軟腍唔會比鬆肉粉拿到無哂口感咁烏冬炒得乾身唔會淋pet pet咁食完都無咩油係外賣盒底叉燒拼燻蹄飯叉燒自動半肥瘦入口唔乾柴得黎又有油脂感好鐘意食叉燒頭燶燶地個位燻蹄少少肥但爽口唯獨呢度既飯真係偏乾一定要撈燒味汁食叉燒煎蛋飯呢個叉燒偏瘦左少少但煎蛋夠大份仲幾滑身個甜醬油好香·送飯一流例湯係青紅蘿蔔牛展湯入口個蘿蔔味好清甜個甜有少少好唔真實但食個蘿蔔又真係好甜至少飲完無口乾…查看更多

跟朋友行完山⛰經過葵涌，醫一醫肚先回家。找了這間茶餐廳，勝在多選擇又非連鎖店。現時在商場內要找到非連鎖的茶餐廳真的很困難..燒鵝見燒味幾多人幫襯，點了份燒鵝大家一齊分享。一落枱聞到燒鵝好香，斬料攞放整齊。燒鵝皮脆脆的，底下有一層薄薄的油脂，超香！燒鵝肉質滑，有肉地，點上酸梅醬甜甜的，應該要叫碗白飯把鵝油香味吸收。黑椒牛柳絲炒意粉等了一會兒炒意粉，但熱辣辣炒起是值得等。意粉充滿了黑椒味，味道少少辣幾開胃。喜歡黑椒粒香，它的大小吃起來有些口感。牛柳絲不韌，而且底下原來有許多。炒意粉不油膩，整體感覺幾好。凍好立克點了少冰，味道十分濃郁。我本身偏愛甜味，尤其做完運動，好正 (但無影相😛)。…查看更多

行完城門水塘轉落石蔭邨，一路行到石籬商場，見這間茶餐廳又有燒味，又有潮州粉麵，一於食個下午茶填填肚。意式蕃茄羅宋湯下午茶餐 | $35一落枱真的好驚喜，點解下午茶餐都可以有咁大碗滿佈了羅宋湯的配菜，兩款配菜餐肉及腸仔全部兩件羅宋湯配菜豐富，有薯仔、椰菜、蘿蔔、連牛腩都有幾舊。腸仔煎香好正，米粉很吸羅宋湯味，吸了羅宋湯的米粉變得更有份量，整碗吃下來十分飽。烘底牛油多士跟餐不用加錢，而牛油多士竟然是整塊厚切方包的份量食了半件，多士烘得金黃，上面的牛油搽得均勻半溶化，食起來外脆內軟。跟兩個朋友分享叉燒、燒鵝，叉燒肉質腍，半肥瘦，燒得幾香。燒鵝脾多肉，皮下脂肪薄，整舊吞下也不是太有罪惡感食完先留意到燒味是自家燒製，厲害👍🏻…查看更多

石籬商場重新翻身咗好耐，經過見到多咗好多舖頭，最近有間開到成行成市嘅西餅舖都就快開張了！喺對面，搵間茶餐廳坐下嘆吓冷氣！屋村茶餐廳食嘢真係好抵！又大份見佢一個茶餐都係$29 $30 咁上下真係照顧街坊燒味拼盤見到茶餐廳有一個燒味部，同朋友個字嗌左個茶餐，另外share一碟燒味叉燒夠諗，燒肉脆皮，燒鵝都唔錯！潮州粉麵雙拼常餐 牛腩墨丸河粉 -$45牛腩肥瘦適中，墨丸夠彈牙，河粉夠滑！茶餐- 吉列魚柳拼沙律 - $33吉列魚柳炸得香脆，又夠厚身，小店出品誠意好過連鎖餐廳燒味唔錯，最後加多一份外賣叉燒飯食完下午茶，飽到都唔使食晚飯，留返做宵夜…查看更多

一坐低就叫姐姐比杯水我丶之後就開始揀嘢食啦！跟住叫咗一個蜜汁叉燒王食，今日係平日星期一，其實都唔算太full，跟住開始等嘢食嚟，個姐姐應該唔記得攞杯水黎，我就同佢講一次！眼見其實客人唔係多地方又唔係大，但係唔明佢哋望緊啲，其實每次我都係叫同一個阿姐拎水費事唔同嘅人講重複左，我哋對面一坐低佢即刻比兩杯水佢，我真係忍唔到有少少嬲同個阿姐講我唔該你可唔可以真係比杯水我。佢係真係見到我嬲佢先即刻走去攞。叉燒肉質有D問題，未食完就走人，去其他茶記都好食過佢，對佢真失望，冇下次了。…查看更多

上星期日經過見到這間餐廳裝修完新開張，比起之前更多食物選擇，牛腩麵也變成了燒味檔。今日早收工，特意來食個下午茶，看看有什麼分別。:)餐廳由以前人手落單，變成了電子化，裝潢差不多，整體上新淨了，而且仍然有牛腩麵食。下午茶時間都好多人，找了個圓枱位置坐下。.吉列魚柳拼沙律 | $33見到隔離枱食沙律，我又跟着點了😆吉列魚柳炸得十分香脆，炸粉夠薄。剛剛炸起熱辣辣，有煙出😎魚柳幾滑溜，點上一些有酸瓜的沙律醬，雜果沙律味道酸酸地幾開胃，有椰果，不會落得過多沙律醬。凍朱古力味道好濃，冰溶了後都夠味道。發現了燒味是現場燒製買了一些外賣回家跟家人晚飯吃。.蜜汁叉燒王 | $50/半斤 $100/斤叉燒外層有甜甜的蜜糖，燒烤味好香，肉質十分軟腍肥瘦度剛好，不會太乾身，中間有一層好薄的油脂，香口但不會感覺肥膩，就連爸媽都讚，以後要轉買這間叉燒。脆皮燒腩仔 | $50/半斤 $100/斤燒腩仔塊皮十分脆口皮不硬身，外層脆皮有好香的燒烤香味，媽媽喜歡它肉質夠瘦不肥膩，我比較喜歡中間一層的肥肉，夠香口。燒味買夠$100 可以$25換半隻雞，下次有機會試試。…查看更多

👅香滑奶茶 $16本身就好鍾意飲港式奶茶☕️因為係香港特式 由細到大都鍾情於茶餐廳 除左快靚正 最主要簡單嘅常餐同小菜配上一杯港式奶茶 真係勁有港式風味。今次黎到葵涌尋寶 估唔到搵到一間質素咁高嘅茶餐廳✨✨最記得係個杯熱奶茶🤎真係好香好滑好濃‼️奶味同埋茶味適中🥛一飲落去好順 條脷唔會好鞋☺️好試未試過飲啲咁滑嘅奶茶☁️☁️簡直係超乎價值嘅質素 係葵涌除左去葵廣仲有另一個選擇喎～🤭———📍金星茶餐廳小廚（葵涌）葵涌石籬村石籬商場2期2樓…查看更多

突然肚餓，偶然路過石籬，迅速茶記解決空腹感，血糖重返正常水平。街坊茶記細間而選擇多：係必須的, 呢間街坊茶記，居然有驚喜，可以食到11寶飯。燒味五寶飯套餐 $48叉燒 | 燒鴨 | 雞 | 紅腸 | 咸蛋點過齊數，每樣兩塊，雞仲要俾脾位，一塊都有兩啖，街坊生意係要咁做，貨真價實。半隻咸蛋+半碟葱油+豉油，夠我撈一碟飯。滷水六寶飯套餐$48墨魚 | 豬頸肉 | 滷水鴨 | 滷水蛋 | 香腸 | 豬耳（轉左大腸）街坊嘅嘢，最緊要有商有量，豬耳轉大腸：無問題，滷水入味，加埋個醋，就錦上添花。兩碟經過合理分配之後，每人的11寶出來了。呢啲實實在在，食得飽肚的街坊餐，一定有捧場。…查看更多

今日放半晝，行經這個領匯商場，想找間餐廳食個午飯，幸好還有間非連鎖式茶餐廳，看似家庭式經營，最鍾意支持本土小店午市時間一個人食飯，免不了要搭枱有個紫菜六寶河＄38，但我今天只想食墨魚丸牛丸$41 再加紫菜$5賣相不錯，自我認為師傅有心地把墨魚丸及牛丸間着擺放紫菜好香，一放落枱隔離枱的客人望著我的紫菜，跟住又加了單墨丸牛丸正常味道環境可以，有兩部電視啱晒一個人食飯的我有機會要試試燒味或者小菜，好少見茶餐廳又有牛腩粉麵又有燒味🤔希望茶餐廳繼續生存，不要被連鎖餐廳壟斷💪🏻…查看更多

自己住係呢個冇咩生氣既地方都三年幾，我已經對個d大型既連鎖餐廳既食物毫無好感了，咩譚x米線等等，加上附近茶餐廳的常餐令我既味覺麻木了，又無咩特色既餐廳，餐餐「享受」住同樣既味道卻要付出懸殊的價錢，有時真係寧願係屋企煮面食算。係石籬既餐廳我都幾乎試晒，心諗都係一樣既味道，呢間叫金星既餐廳雖然好似同個d既茶餐廳別無兩樣，但係我每次經過都見到有不同的晚餐，所以我決定試一試，老闆娘見我唔係熟客，但係都好熱心介紹我不同既餸菜，最後我就叫左個日既是精選——沙姜雞啦，一開始見到碟雞，心諗：又一餐「常餐」了，因為賣相不是太吸引，可是一食落口，肉質嫩滑，味道一流，鹽的質地唔粗，沒有影響口感，沙姜汁嘅油唔單止冇令人覺得肥膩更可以係口感上有多一層嘅提升。咁杯奶茶呢雖然就話唔係黎得太快，但係一入口嘅時候口感非常之香滑，奶同茶比例可以話係完美，聽老細講聽講係秘密😂😂。呢餐飯推翻左我對石籬呢度d餐廳既睇法，大家不妨可以試一試。…查看更多

因每次到葵芳都會到這間餐廳食飯，見好耐無去過食，所以專情過去食過，一如以往，一係叫煲仔菜，一係就食東江雞，今次就食東江雞啦，由叫餐到雞到都等左十五分鐘，期間心諗咁耐嘅？唔通要整熱要多D時間？等到雞到時即時心中講一句『有無攪錯呀？』因碟雞比我感覺係1. 點解碟雞咁細碟咁小嘅？2. 點解碟雞是斬完再蒸嘅？好似隔夜返蒸咁，3. 肉都縮晒，點值五十蚊呀？我即時問一問職員點解咁嘅？職員只是一笑至茲就行開左。無計啦，叫左唔通唔食咩，食第一舊雞就同自己講，要通知人唔好再食，東江雞淡嘅、無雞味嘅，用熱水拖下水就算，肉質又有問題，到最後都食完走人，比咁嘅價錢食咁嘅質素食物，去其他茶記都好食過佢，這次真的對佢完全失望，以這食物質素，我唔會再去下次了。…查看更多

唔知係咪牛肉越來越貴，金星嘅沙爹牛肉通粉已經不復以前好味，仲每況愈下:(終於放棄咗佢嘅沙爹牛肉通粉啦:( 由於佢嘅小菜,炒粉麵不嬲都唔錯( 雖然份量出名係少！)，但上星期都嚟食吓炒粉麵下午茶。 我哋叫咗個芙蓉蛋飯，份量當然少又唔夠熱添，但味道還可以。 另外一個係星洲炒米，都係少少份量，但一食...竟然見到有一細堆鐵絲呀 ....咁我哋當然要換啦！於是馬上同侍應呀姐反映，但佢就用d好差嘅態度幫我哋換囉:( 換咗一碟豬扒炒意粉，但就仲激氣 嗰塊豬扒凍冰冰架！意粉少得可憐又係凍嘅！咁點哽呀:( 簡直冇辦法食落去, 唯有放棄呀！ 實在太嬲，唔記得影相添！ ~~~~食客食到咁谷氣，但間餐廳就毫無反應兼無歉意，乜仲可以再幫襯咩 ?? …查看更多

傳統港式茶餐廳獨有嘅沙爹牛肉, 真係唔少香港人嘅喜愛, 呢間金星茶餐廳小廚就係我嘅至愛啦。每星期我都會嚟光顧佢嘅早餐二至三日, 因為太好味啦! 此終覺得用沙爹牛肉配通粉就最啱key, 因為通粉可以吸哂d沙爹味, 同埋佢嘅牛肉係唔會有梳打味。 由於佢唔會似其他d茶餐廳, 用即食麵嘅味粉嚟做湯底, 所以食落特別正! 當然, $23個早餐係包括埋自選:腸仔/火腿/蛋/煙肉等等, 同埋飲品。(凍飲加$2) 除咗早餐, 偶爾我都會到嚟食吓晚餐, 佢哋嘅小炒套餐味道頗不錯, 如涼瓜鮮魷丶粟米魚塊及蒸肉餅等, 仲有中西式炒粉麵, 但份量就比較少啦! 。…查看更多