影片
營業時間
今日營業
07:30 - 16:15
星期一至六
07:30 - 16:15
星期日
全日休息
以上資料只供參考, 請與餐廳確認詳情
係附近返工，附近選擇都頗多，平時好少嚟呢間食。最近見到呢間食堂貼咗張新嘅成都小巷兩餸飯嘅菜單，就入咗嚟𥄫吓。望完之後對佢嘅兩餸飯無乜興趣，而呢間食堂下午茶餐就嗌得，最後叫咗個下午茶餐炒貴刁食。呢間食堂以快餐模式，係門口買飛，張飛有號碼，正想坐低之際，收銀個呀姐大聲嗌過嚟話要比飛㕑房。咁無問題就比咗飛㕑房，坐底要留意嗌號碼，雖然四圍都有mon但只有㕑房門口個mon有開，顯示可以拎餐嘅號碼。可能因為係炒嘢，等咗差唔多10分鐘，後面嘅號碼都嗌咗好幾個先出到個炒貴刁。見到個貴刁嗰陣都覺得有少少問題，比平常見到嘅深色，一食落去勁咸。以後都唔會再嚟。
繼續閱讀
晏晝諗住食碗米線，食到最後見到黑色一隻嘢，望真啲竟然係曱甴😨😨😨😨😨重要食到最後先見到，已經唔知都唔敢諗啱啱有冇唔小心食咗啲手手腳腳🥲🥲🥲同店員講碗麵有曱甴，店員有講唔好意思，亦都即時退錢，話會再跟進返有關情況，都幾有禮貌嘅，希望真係會改善下衛生問題🤢真係冇諗過食個午餐都會咁黑仔，雖然不嬲都知道所有餐廳廚房唔會話太乾淨，不過冇諗過可以咁好彩食到碗曱甴麵…永久black list 呢間野
繼續閱讀
已經早成個鐘叫外賣，佢都可以遲一個鐘黎..仲要服務員猛話出緊出緊，完全無諗過處理，猛話吹左就算..不知所謂，不會再叫這間垃圾餐廳。如果我自己遲叫就話姐，之前已經試過諗住再比多次機會點知仲係咁，都唔係留客，趕客的。
繼續閱讀
金拇指餐廳｜荔枝角依間係我平時返工必定既飯堂之一太就腳 行幾步就到公司餐廳內 勝在地方夠大 夠多台唔會話好迫野食方面有超多選擇 有點心 蒸飯 中式飯 燒味 酸辣米線🍜🍜🍜今日食左佢既招牌酸辣米線 腩肉 加 雞肉😋😋😋大大碗酸辣米線 連凍飲都係49$ 酸辣米線最緊要係咩？係花生🥜😋😋😋佢d腩肉同雞肉 次次都多到完全係食唔哂超抵食不過佢除左酸辣米線其他中式飯都唔差好似酸辣雞扒菜飯 梅子蒸排骨飯而家仲要有優惠 食十餐可以之後換一餐免費🤣
繼續閱讀
店名有米線，以為米線做得好，結果就係中伏。湯底好奇怪有花生醬味道，酸辣小辣一d都唔辣。豬潤煮到硬曬。未食過咁難食既米線，叫凍飲仲要比熱飲我。。。。點解佢可以生存咁耐。。
繼續閱讀
您可能會有興趣的...