金所

This restaurant where is located near the Vietnamese restaurant that I always go and eat. I could eat there because their regular day off on Monday. It is very lucky to have “ himokawa udon” at Kinjyo.I didn't expect that I could eat authentic Himokawa udon in Hong King. It was very tasty. I highly recommend this Udon restaurant.…查看更多

得知今日係金所3.0 last day,要出個post分享番鮪魚丼食評 （雖然有點遲😂）由於初期人潮太多又不能太早起身，我係二次到訪先可以品嚐到中落，中落係鮪魚骨旁的魚肉，需要用匙羹刮出黎，而金所既中落更是未經急凍運抵香港。每日0800開始發售，售完即止，似足築地，有點想念在東京時的瘋狂😔當日嗌左：1）中落、鮪蓉丼 配蘭王蛋2）中落、鮪蓉、中toro、大toro丼配蘭王蛋3）兩隻日本生蠔 老實說，今次冇咩太大驚喜，唔需要特登晨早起身排隊去食，而且食中落、鮪蓉丼就已經足夠，因為中拖和大拖你都可以係其他鋪頭食到e個質素，所以我都係食左一次就冇食，至於生蠔新鮮所以好味😋但不是今餐重點，所以黎緊中環popup我建議都係經過先食，不用特登去。…查看更多

築地的節奏，旅行的感覺✈️也許是太想念日本無意中看到介紹便跑來一試帶點雨粉的早上🌧一早出門感覺更像去了築地十點到達直接入座👆🏻選了$288 的中Toro·甜甘蝦·三文魚子·帆立貝·海膽無冷凍意思即是沒有急凍過肉質、味道保持接近「日本」原味份量絕對亦不少肉味鮮甜，絕對對得住價位🤤嗯... 吃完後踏出門口又返回現實。提示：金所偶爾會更改一下之前是烏冬，今次3.0 是生鮪未知幾時會完，要把握機會啊…查看更多

最近美食界熱話一定係呢到！主打由日本豐洲直送吞拿魚拖羅（生鮪）丼既金所莫屬！之前7點左右排隊先食到🥲 好彩因為人氣keep住高企，店入多左貨，最近先唔使咁早起身食呢個咁美味既吞拿魚拖羅丼。我每次到店都係點3 或 4號餐(因為入面有香港最難食到既高質大拖羅）。今次就同大家介紹4號餐 HK$298，入面有齊中落ち、赤身、中拖羅、大拖羅，一次過滿足曬4個願望。由其大拖羅，因為係日本直送，未經冷藏，所以每一啖都充滿油脂香味，肉質軟滑而且味道鮮美。今次仲追加埋北海道埋北海道海膽同埋蘭王，一大滿足。金所食到既吞拿魚同日本豐洲市場食到既一樣咁好味。當好掛住日本美食時，我同朋友就會黎呢到食下野。題外話：其實我同朋友係由金所做宗象牛一直支持到依家做生鮪既小粉絲，每次都好期待佢地既新攪作☺️金所 (大角咀)地址：大角咀利得街52號地下注意事項：請留意金所IG休息日期 。大部分時間生鮪都係2點或之前賣完。…查看更多

清晨，是一天的開始，還是一個 wonderful night 的終結，大概不得而知。但這個 magic moment，絕對是一嘗築地豐州直送🇯🇵最鮮滋味的best timing。·- 「中落ち、赤身、中 𝕋𝕠𝕣𝕠、大 𝕋𝕠𝕣𝕠 丼」（$𝟚𝟡𝟠）- - 「赤身、中 𝕋𝕠𝕣𝕠、大 𝕋𝕠𝕣𝕠 、鮪魚蓉丼」（$𝟛𝟚𝟠）-生鮪，即不經急凍，從日本豐洲市場經零晨機直送抵港的吞拿魚。如此新鮮滋味，總值得早起（或晚點睡😀）親嘗。「中落ち」指吞拿魚脊骨邊沿的魚肉，多以貝殼刮取，肉質雖薄但味道濃郁，一試難忘。「赤身」色澤鮮紅，是不含油脂的魚背部位，用以平衡油香四溢的中拖羅及大拖羅，鮮甜無比。「大拖羅」肥美無筋，脂肪分佈如雪花般細緻，連手指不經意沾染亦魚香持久，簡直是人間極品！（減肥是明天的事🤓）追加獲日本全城追捧蛋王「生卵（蘭王）」（$12/隻）拌飯，蛋黃色澤光亮，入口甘甜，與飽滿的飯粒及軟滑「鮪魚蓉」完美相融。·- 颯 純米大吟釀 ($𝟙𝟞𝟠/𝟛𝟘𝟘𝕞𝕝) – “You Can't Drink All Day If You Don't Start in the Morning”. 🍶小店始終以生鮪水產作招徠，清酒銘柄選擇不多亦可以理解。經過一晚的迷醉夜，呷一口淡麗微辛口的冰凍純米大吟釀配上海鮮丼，誰會管這是早餐還是宵夜。···🍴 KINTARO LAB 金所日本料理研究所📍大角咀利得街 52 號地下…查看更多

疫情關係，大家都冇得去日本，會有些懷念以前在築地及豐州市場晨早流流排隊食魚生飯的時光。睇到最近訪問，喺大角咀開咗一間買新鮮直送吞拿魚魚生飯的專門店，我這個日本控怎麼可能錯過呢？趁放假，來搵食。地方唔難搵。店面地方不大。這間店早排很火紅，真係要8:00朝頭早嚟食先至有機會食到，而家就唔使， 11:00嚟到都仲有機會食到。餐牌裏有很多種不同嘅款式，大部份都係吞拿魚不同的部位。我就點了3號。食後感：Ok 還可以，一食就知唔係急凍貨。赤身、中落ち、中トロ、大トロ都係合乎應有的味道，可是大トロ，雖然有入口即溶的感覺，不過有筋。我唔鍾意有筋，因為會影響口感，入口即溶就不能產生連貫性。香港地真係要一些高級壽司店先至有機會食到冇筋嘅大拖羅。總結：不過不失，但一定唔需要晨早8:00來試。可能最近也食過不少的吞拿魚刺身，覺得並沒有預期中那麼出色。市面上一些有質素的壽司刺身店也可以做到類似的質素。如果大家有空閒時間，或者路過嘅也可以試吓嘅。…查看更多

已經兩年冇去過日本，超掛住以前築地市場既海鮮丼😫早排睇街坊谷先知大角咀開左間朝頭早先有得食既海鮮丼，佢地既呑拿魚係每朝由豐州市場直送！唔係一般急凍飛機貨，係新鮮未被急凍既「生鮪」呑拿魚！運到黎香港即賣，所以每朝8點開始就供應，賣完即止，聽講未開門就有人黎排隊，令我諗起一落機即衝築地既回憶👀不過依家我就冇咁神心啦，早兩日出門食lunch，行過見到金所12點幾仲營業緊，咁難得既機會梗係要試下啦🤤4. 中落ち、鮪魚蓉、中トロ、大トロ丼$268（+蘭王蛋$12）12. 赤身、鮪魚蓉、帆立貝、甜甘蝦丼$168燒蠔2隻$80一入門口就見到師傅刮緊吞拿魚肉，舖頭入面既空氣瀰漫一股腥味，所以冷氣開得好勁，盡量令環境保持低溫。味噌湯同腌蘿蔔好清新，刺身果然都好新鮮，盡量唔點咁多豉油怕掩蓋左鮮味！吞拿魚各個部位味道都好分明，個人覺得大拖羅最好食，油脂超香又冇筋，加埋蘭王蛋黃伴飯又將享受推高一個層次🤤帆立貝大大隻，甘蝦比起想像中甜，幾款刺身都好正呀！唯一覺得壽司飯有少少偏乾同酸，如果可以控制得好啲就更好。燒蠔既蠔肉勁大隻脹卜卜，略嫌唔夠鮮味，但蠔肉非常爽口，燒既時間火候係做得幾好。…查看更多

之前聽過話拉麵陳係大角咀有間餐廳係豐洲市場直送吞拿魚坐零晨機抵港過程唔經急凍朝頭早就拎出黎開檔所以八點就會開門因為每日限量發售賣晒就要等第二日所以好多人一早未開門就會黎排隊感覺就好似以前d人零晨去築地排隊咁拉麵陳個IG每日都會貼左個開門前排隊個人數出黎咁都過左幾個月我估應該唔會好似一開始咁爆掛所以就搵左個星期日特登早起去食個刺身丼早餐呢間野就叫做金所位於大角咀前身係賣白布烏冬係深水步分店都可以食到而家係屬於3.0既年代今次我地九點半去到門口完全唔洗排隊直入諗諗下真係遲起身過黎食lunch都可能得金所只得bar檯10個位左右刺身丼時段係朝早八點至下午兩點bar檯紙檯墊有張濕紙巾同杯熱茶餐廳有一位小二同埋兩三位師傅bar檯上面應該係單點食物仲有d限定野佢都會擺上網講今日會有d乜餐牌有12個set基本上全部都係以吞拿魚做主菜價錢由最平128到最貴328其實以yen計既話都係四千yen左右認真唔會貴好多好快就切好上菜定食每個都跟味嚐湯同蘿蔔我揀既係3號好似話最多人揀呢一款價錢係第三貴但就有齊四種吞拿魚佢同最貴既11號分別就只有中落同吞拿魚蓉其實我都掙扎左好耐去揀所以女朋友就揀左有魚蓉既12號唔洗煩咁我唔係專家亦都唔係食家只係經驗黎講對上一次係北海道場外市場食既刺身丼d飯係暖既之前都聽過壽司飯應該都係暖既跟番人體手握個溫度唔知係咪配合番港人既口味啦呢度既飯係凍既正唔正宗我就唔識但就咁講黎呢度都係為左即日空運唔經冷藏既吞拿魚其實甜蝦帆立貝果d真係可以完全唔理中拖同大拖都係鮮甜既就未去人口即化既地步但就完全得住個價位早餐黎講就好滿足已經成年幾無去過日本呢一年一直都係去食粵菜法國菜同意大利菜多反而好少食到日本菜偶爾食番餐懷念下都好埋單466其實就真係唔算貴侍應都有偶爾會斟下茶雖然唔會趕你走不過都好快會收走檯面上既空盤呢個早餐大約都係食左半個鐘左右十點出番黎都見到有兩位排緊隊keep住都有人黎等既餐廳逢星期一休息另外星期四都幾多休日…查看更多

今日一大早9點約埋朋友黎金所食個豊洲市場直送魚生飯做早餐。本來以為出面會排晒隊，點知即刻有位入去食。佢地提供12款魚生飯，每個飯都付上味噌湯同柚子味蘿蔔。另外，佢地仲會提供額外新鮮海鮮， 例如蠔，北寄貝等等。今次order左$298既生鮪飯。個飯有鮪魚唔同部位包括中落ち，赤身，中拖羅同大拖羅。食過呢四個部位，每件都食到鮪魚既魚香，非常好食！其中，本人比較喜歡中拖羅，因為佢既脂肪係赤身同大拖羅之間，所以脂肪豐富之餘亦恰到好處。值得推薦。…查看更多

魚生新鮮但去之前最好打去confirm 一下營業時間，因為佢而家夜晚唔開同埋有時d嘢賣曬佢就會提早關門。另外仲有其他燒海鮮，燒蝦好味。下次去會事埋生蠔。 👍🏻👍🏻…查看更多

排隊情況：平日11:30am去到，直入完全唔駛等。食物：叫咗個$268嘅生鮪飯，有魚茸，赤身，中拖羅同大拖羅。就咁試咗啲魚生先，赤身中拖羅係好新鮮，魚茸大拖羅就非常之肥美，大拖羅嘅油脂會稍為掩蓋左個鮮味，取而代之係魚油嘅香味。第二轉加埋隻蛋，同埋甜甜地嘅豉油，又係另外一種享受。份量：套餐有埋前菜同麵豉湯，食完係超級勁飽，大滿足！性價比：偏高，$280免加一，每日新鮮空運到港，新鮮程度絕對值回票價。…查看更多

上一次來這裡吃白布烏冬原來已經剛好一年前這次的賣點是「生鮪」多得弟弟的推介雖然要早起床👫🏼但可以品嚐新鮮美味的🐟吞拿魚刺身實在💯物有所值幻想自己身在🇯🇵日本對心靈上有一點安慰😂我最愛吃的是中落(圖5近鏡🤪）魚味較濃且鮮甜中拖大拖充滿油香(圖4大拖😋)如果喜歡吃生蛋 要追加蘭王雞蛋🥚 蛋味香濃 配合中落一起吃各自的味道有所提升✨互相輝映大家可以早起床就去吃啦😆（最近看到店主IG的Story，平日午飯時間去還可以吃到，那就不用太早起床了😂）…查看更多

係深水埗搵食嘅途中，無意中發現呢間一直想試嘅白布烏冬，好似成塊布咁嘅烏冬擺入口係點架呢😍環境方面，成間鋪好闊落，日本時尚裝修，感覺好舒服，店員服務態度都非常好，會再幫襯！我同男朋友食左:-冷汁白布烏冬(二味) $66二味嘅意思係每種醬汁等於一種味，基本上配有一細碗鰹魚汁，另外再有一碗胡麻醬，比人點塊白布烏冬食，烏冬好大片，食落有少少論盡，不過好有口感好煙韌！-冷汁山藥白布烏冬 $78普通山藥味道，淡淡地，澀澀地，配埋啲白布烏冬食完好飽肚滿足！…查看更多

［一人午餐系列]朋友推介好耐今次有機會去食個lunch~🥰環境: 8/10整體環境氣氛舒適，凳底仲有個箱俾你放袋小貼心，但冷氣有點大，好快就吹凍左我個天婦羅😢透明玻璃窗可以清楚望到製作區，提升整個用餐質感🤓食物: 8.5/101️⃣冷汁天婦羅白布烏冬 $115分別有個鰹魚汁同埋胡麻汁，白布烏冬口感煙韌，軟硬度適中，鰹魚汁偏甜及淡可以先吃，胡麻汁濃味一點，天婦羅正常🍤，蝦較好食可能因為未吹凍之前第一樣食嘅係佢～但係裝個汁嘅器皿有點細，而且個匙太大，有少少唔方便(👄)，如果餐具嘅大小可以更適中就更加好喇～☺️💰性價比 :7.5/10 ($100-$150)，唔好睇佢得幾塊其實好飽😜覺得值得一試😋👍🏻…查看更多

而家係金所3.0賣鮪魚！最鍾意食拖羅的我點會錯過！生鮪係未急凍鮪魚，即日新鮮空運！中落,赤身,中Toro,大toro,鮪魚蓉！揀左最貴齊款丼飯黎食！中落就係另一款都試埋！丼飯選擇多，但性價比高！鮪魚超級鮮甜，好少係香港食到呢隻甜味！😋😋😋😋😋FB得知每日早上8點幾就截龍，見到話多貨，所以早起排隊！但多貨都可以8點到排隊，9點幾就截龍！好瘋狂！餐廳大約十幾個座位，我地食第3輪，等左大概3個鐘就食到，不過值得！…查看更多