28
5
0
港鐵火炭站 D 出口, 步行約6分鐘 繼續閱讀
電話號碼
35869722
營業時間
今日營業
07:00 - 22:00
星期一至日
07:00 - 22:00
付款方式
Visa Master 現金 銀聯 八達通
其他資料
電視播放
食評 (43)
等級4 2018-09-24
298 瀏覽
今晚約左個老朋友晚餐,就佢火炭收工所以係返附近食,大家旨在見個面傾下計,坐得舒舒服服!由火炭站行去佢公司途中,見到呢間金悅軒,望落幾新淨又夠大,食既野同酒樓相差無幾,價錢合理,於是就決定試下次呢間餐廳地方寬敞光猛、冷氣足、座位舒適、有電視;有卡位、大枱及包廂,不論二人溫馨晚餐還是大班朋友亦都合適菜式跟酒家相似,但價錢更親民,而且份量亦夠多!亦沒有茶介及餐前小食收費!餐廳燒味質素可靠,我們點了燒鵝及燒腩仔都非常滿意!例牌爆脆三層腩肉($90)份量比平時出面食開既多,皮脆肉嫩,入口有肉汁,脂肪分佈剛好不會過膩,好食到停唔到口而燒鵝水準亦非常高,皮薄肉厚,肉質嫩滑,連骨也充滿鵝香味!例牌燒鵝下庒($150)褔建燴飯($98)用料足,蝦仁冬菇絕不吝嗇炒飯底帶蒜香,非常惹味此外,非常非常推薦燉湯,我們試了姬松茸燉乾螺頭($48),份量有一壺,入口非常驚喜,竟然跟平時在家飲到的味道一樣絕不誇張!對味精非常抗拒既朋試後亦非常讚嘆,大家都一致覺得完全沒有味精這回事! 繼續閱讀
(以上食評乃用戶個人意見 , 並不代表OpenRice之觀點。)
是日去火炭朋友家聚腳後一起晚飯,一直以為火炭只有工業大廈多,但由於新樓宇一直多,住客需求下,在晚上營業的餐廳都變多了!今日來到一間位於工廈地下的金悅軒,地方舒適乾淨,應該新開不久。餐牌有一般小菜,價錢親民,更有套餐,只是茶餐廳價錢!餐廳更有時令海鮮!而且好便宜!我們更加$48加了個老火燉湯,湯非常特別用茶壺盛載,裡面裝著湯渣及濃到不得了的老姫松茸燉螺頭湯!用功夫茶飲反而恰到好處!不會太漏!再來一個叉燒王,肥瘦適中叉燒用蜜汁烤香,外表很有光澤!肉質更好嫩口,一點都不O鞋口,頭一味菜已差點令我吃完一碗飯!豉椒炒蜆蜆肉新鮮!豉椒味適中,不算太咸!蜆肉無沙,大大粒,下飯之選!海鮮方面還有蒜蓉蒸蝦,蒸蝦排列超有心機!每隻大小適中,而且蝦肉充滿蒜味!淋上豉油送飯係一流我俾10分!除了以上散叫的菜,我們更點了一個二人套餐,入面有香辣雞煲及薑蔥斑腩!兩味菜不過不失,反而海鮮方面較令我驚艶! 香辣雞雞肉無雪藏味!吸收辣汁精華都好惹味斑腩魚肉不多,但加上薑蔥又是好惹味!吮汁送飯都很不錯套餐附加甜品,是日甜品花生糊,自家製沒有過甜,又有濃郁花生味!誠意之作 繼續閱讀
(以上食評乃用戶個人意見 , 並不代表OpenRice之觀點。)
獲法國藍帶推介的餐廳,多數都是一些奢華的餐廳。這次在覓食的過程中,無意間發現了這隱世於火炭工廠區的餐廳,除了有法國藍帶推介,還有Taste of Hong Kong的推薦。性價比高,絕對沒有不試的理由~其實店舖的位置很易找,離開地鐵後一直走就到,門口還可以看到燒味部,還未進去已經被掛起的燒味吸引。餐廳門口位置掛滿形形色色的報章報道和獎狀,看來老闆和廚師都大有來頭呢~這家餐廳的裝潢很簡約,與一般茶餐廳無異,但地方很大。雖然晚上的火炭工廠區已經烏燈黑火,但餐廳內亦有8成滿的客人,可見生意不錯~餐廳有提供晚市套餐,價格比單點化算得多,而且菜式選擇很多。本來一份燒味雙拼單點已經$148,但套餐就只需要$188,包括老火湯,白飯,2款小菜和糖水。作為精明的消費者,我們就決定點一份套餐再加點其他菜式。燒味當然選招牌菜 - 叉燒皇和脆爆三層腩肉。不過當日燒腩已經完售,可以改選燒鴨/燻蹄/雞。因為朋友有吃中藥的習慣,燒鴨好像比較毒,所以最後改成叉燒拼白切雞~ 燒味果然無令我失望,叉燒肉質鬆軟,肉質偏肥得來爽口,而且帶點焦香,完全沒有鬆肉粉的味道,難怪備受推薦。而白切雞肉質嫩滑,配上蔥油撈飯更是加分。另一款小菜點了蜜椒一口牛柳粒,看起來焦糖金黃色,賣相吸引。蜜糖薯仔甜脆,而黑椒牛柳帶點微辣,非常惹味,而且鑊氣十足,有大排檔的水準!雖然是套餐的小菜,但份量十足,亦沒有將貨就價~吃貨當然不會只點一份2人套餐,我們還單點了幾款小菜。先來金銀蒜茸蒸蝦,屬於3-4人的份量,性價比高。而粉絲吸收了醬油和蒜蓉的精華,非常下飯。另外還點了璧山漁翁酸菜魚,光看名字已經夠霸氣~本來沒有打算點這道菜,不過見餐牌上標誌著「香港味之年賞AA」評級,就受不住誘惑。酸菜魚用上類似龍躉的魚片,魚肉厚實嫩滑,而湯底則酸辣而鮮甜,越放越出味,喝完亦不會口乾。除了魚片外,裡面還有不少配菜,包括萵筍,木耳和非常入味彈牙的薯粉~最後,在好奇心驅使下,我們還點了酥炸蓮藕餅。煎蓮藕餅就吃得多,酥炸還算是第一次。蓮藕已經切粒混入肉餅裏面,口感豐富。炸皮酥脆,為整體提升了多一個層次。2人套餐的甜品也不馬虎,是木瓜雪耳糖水,十分清甜。另外老闆亦推薦了招牌蛋白杏仁茶,平日我對杏仁的味道有點抗拒,但這杏仁茶香味四溢,配上滑溜的蛋白花,的確值得讚賞,也是外面餐廳少見的難度糖水。還想一提的是凍檸茶,一杯就有5-6片檸檬,足料得令我驚訝~之前在Openrice見過其他食客post過一張椒鹽瀨尿蝦食相,本來是衝著這道菜而來,可惜原來需要預先預訂。加上還未嚐到脆爆三層腩肉,所以有藉口要找一群朋友再來一次了~ 繼續閱讀
(以上食評乃用戶個人意見 , 並不代表OpenRice之觀點。)
等級1 2018-10-16
1 瀏覽
由金悅軒開業至今,我們都有一直光顧,平時朋友聚餐都會選擇在這裹,家人的生日都有曾經試過叫私房菜食,而他們的食物質素一直保持水準,但近幾個月自從換了新菜牌,價格上升後,員工態度愈來愈差,沒有笑容,也沒有禮貌,好幾次在繁忙時間更會落錯餸菜或者漏單情況,在接近晚上9點時,不知道是否趕收工或是唔憂做,他們的員工會在你用餐時用漂白水拖地,用小鐵剷剷走地下的污積,還會不停在搬椅子台子製造嘈音,務求令你趕快吃完盡快離開!結賬時的收銀小姐一點笑容也沒有!下次不會再來了 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-11
45 瀏覽
今次喺火炭見到呢間餐廳,經過睇下餐牌, 覺得呢間餐廳嘅嘢食種類選擇非常多 ,而且 入面嘅座位非常舒服,所以我哋兩個人決定入去試一試。 二人餐 嘅價錢係188 ,佢個套餐包埋湯,飯,兩個餸同埋 甜品, 真係好抵食㗎。所以我哋決定叫咗個二人餐 。呢間啲燒味好似好靚,所以我哋叫咗燒味 雙拼 ,包括 香妃雞同埋薰蹄, 另外我哋仲叫咗個蜜椒一口牛柳粒添 。先講香妃雞, 雞好嫩滑 ,我最鍾意嘅就係佢層皮一啲都唔肥 ,而且脂肪嘅比例啱啱好 ,唔使配埋薑蓉一齊食已經食到佢嘅香味 。燻蹄都整得好靚 ,有酒嘅香味喺度,而且口感亦都非常好。蜜椒牛柳粒都非常唔錯 ,佢嘅牛整得一啲都唔韌, 而且蜜糖同埋黑椒嘅 味道配合都好夾 ,層次感都好足夠, 連埋隔離嗰啲椒一齊食就真係好健康。 我哋仲叫咗兩個餸 ,一個係魚片 ,個湯本身已經好好味,飲唔停 ,而且條魚都煮得好大分量,條魚好彈牙,加埋雲耳同冬菇一齊食感覺上好健康,因為雲耳可以降血壓。 我哋仲叫咗個 蒜蓉開邊蒸蝦, 一嚟到估唔到份量咁大, 我哋兩個人 啱啱好食得曬 ,佢蒸得好香 ,蒜蓉蔥同豉油嘅 配合啱啱好, 賣相好靚,食到好滿足,仲有啲粉絲喺蝦嘅底部 ,索埋啲豉油一齊食就真係perfect喇。 甜品 方面 ,食落就覺得佢同甜品舖嘅 合桃糊一樣, 甚至係可以話我仲好味過其他甜品舖嘅合桃糊。 繼續閱讀
(以上食評乃用戶個人意見 , 並不代表OpenRice之觀點。)