影片
招牌菜
女朋友話想食生蝦刺身，又想起成日經過這一間餐廳，所以來試一次。正如大家所講，門口好細，我一入去已經唔舒服，我們入左去，個收銀望住你唔出聲，旁邊有一個侍者，應該係數緊D團購紙，又係唔理我們，足足等左30秒先有另外的侍者問我們幾多位，再帶入座。座位同座位之間好窄，唔舒服。睇勻全間餐廳，都唔見有「生蝦刺身」，唯有問人，佢話有我們先決定唔走，不過6隻$88，比我平時食開的都貴，也沒所謂，先ORDER一客。最後叫左4樣食物。先來的是泰式炒通菜，味道的確係唔差，但唔知點解明明係冒煙，但又唔係真係好熱，美中不足。之後係一個在飯類中比較貴的馬拉盞炒飯，實在唔特別，料只係有2隻蝦，一D豬肉，洋蔥、紅椒，味道又唔係好味，實在唔明點解值差不多一舊水。豬頸肉，一般，偏硬偏乾。最後來的，是最先叫同時又最期待的生蝦刺身，侍者話因為係即劏，之後再雪返凍，所以咁耐。一望，的確係比平時食的大隻少少，但平時講緊$68有10隻，又真係幾大隻都唔見得平。第一口，失望，因為連最基本的「凍」都做不到，我唔知佢係咪真係即劏，但唔夠凍的話，幾新鮮都被扣大分。埋單OVER三百，唔覺得值得。席間發現好多客入來，所有侍者都唔會熱烈招呼，人人都要企30秒，可能這是餐廳特式吧~~
繼續閱讀
我已經係第五次光顧，成為某程度的熟客，老闆娘及老闆都好nice！我唔係一個成日影相的人，所以前幾次都無影，但我其實試咗唔少菜式，好多都好好食！我鍾意食嘅有今次的：炸墨魚餅（唔油膩，好香墨魚肉味），泰式蝦刺生（好鮮味，辣辣地），泰式蟶子沙律（好爽，個汁好香，少少辣），泰式千層糕（唔太甜，暖暖地，好味），龍眼蜜（味道唔係龍眼同蜜糖水分開，係好混合一起，仲有班蘭葉的清香），另外，仲有炒椰菜苗（好特別，好爽脆），金柚沙律（酸酸地，少少辣，好開胃），烤羊架都唔錯，ｄ肉好嫩，好"冧"，怕"蘇"味的人一定可以食到，但"蘇"味多會更吸引我，因為我喜歡！依度食物水準，我講得幾好都無用，試咗就知啦！最緊要係，我依個腸胃對油膩食物好有反應的人，一油就唔舒服，會上吐下瀉，但我食咗好多次都無反應，證明ｄ佢地食物唔係太油膩啦！價錢方面，視乎食咩啦，好似我今次同一個朋友食得海鮮多就多少少錢，要$260/人，如果唔係，之前都係$150-200／人，已經食到好好好飽足！算係價錢合理！
繼續閱讀
去HTC service centre, 行去後面街, 搵嘢食, 見有間東南亞食店, 入去試吓...裡面無咩人, 環境普通啦...午餐有炒檬/有幾款飯, 叫咗青咖哩雞飯...(跟餐,要咗熱華田)上菜時, 感覺好細份量但, 都OK夠的...略嫌雞肉少咗D青咖哩都還可以...下次去開附近, 都可以再試試...
繼續閱讀
是日和朋友去電影中心看<<非誠勿擾 2>>，看電影前當然要先醫醫肚，朋友叫我負責想電影中心附近有什麼吃，最後就和他來到這裡吃泰國菜。來到的時候還頗早，大概只是六點多，還未是晚飯時間吧，所以一個客人也沒有，我們是晚市第一個客人呢~ 由於不太肚餓，和朋友叫了不算很多食物，只叫了兩個小菜和一個炒金邊粉就夠吃了。我們叫了一個馬拉盞炒通菜，份量都算頗大碟的，通菜爽口沒渣，菜炒得幾鹹香惹味，都算幾好吃。另外還叫了炭燒豬頸肉，這個算是我幾喜歡的食物，常常叫來吃的。豬頸肉切得不算太薄，肉與脂肪比例適中，吃起來帶少少肥又不會覺得太膩。邊位燒得幾香脆，吃得辣的還可點它的醬汁來吃，不過就這樣我都覺得不錯啦。泰式炒金邊粉是我一向麻麻的食物，因為我不喜歡它酸酸味道怪怪的。這裡的炒金邊粉酸度屬於輕微，不算很酸的那種。用上材料頗多，不過質素一般啦，蝦肉吃下去都算爽口的，但則沒什麼鮮味。由於我一向不太喜歡所以也不知道這裡的好吃與否，哈，不過朋友吃得津津有味，應該不太難吃吧。店子是晚還送上甜品，吃下去有點像大菜糕的感覺，椰汁味很重，感覺爽口味道清甜，我幾喜歡的~ 店子見我們喜歡還再送多一碟給我們吃，實在是很貼心呢~在附近不算有很多特別出色的泰國菜食店，這裡是一個不錯的選擇，食物不錯價錢亦不算太貴~ 沒誠意或難吃的店子通常吃了很也會很後悔，所以餐廳們請非誠勿擾。XDD
繼續閱讀
尋日友人替我補祝生日, 說有新驚喜.在油麻地等, 我一直走都是熟識食肆突然到了, 原來是東南亞菜館,門口超細, 我日常路經都看不到內裡裝修算舒適, 我們一行10人都算坐很好我們點了很多菜咖喱蟹燒烏頭串燒拼盤炒金邊粉馬拉盞炒牛肉海鮮湯冬蔭公香草煎蛋炸木瓜沙律海南雞半隻燒雞半隻蟹原來要訂的,(我過後才知道, 咁有原則) 蟹OK, 但咖喱很好味烏頭很好, 想不到燒魚會不乾的串燒很多肉汁, 質素跟價錢不成比例, 街邊價錢, 質素卻不街邊炒金邊粉OK, 個人覺得可以再酸一點馬拉盞牛肉值得推介, 超好味海鮮湯清清地買相OK(無試味, 因不吃辣友人專享)冬蔭公味很濃夠酸夠辣, 大頭蝦咁大其他泰館都唔會有推介香草煎蛋, 泰式香草不是到處可以吃炸木瓜沙律, 脆! 頭一次咁食木瓜推介海南雞, 絕對要試!燒雞比海南雞絕不遜色招待OK, 食館招待好是應該的下次黎都唔知搵唔搵到, 門口超細, SAVE定電話先得,唔係朋友帶黎點識路? 真難搞
繼續閱讀