金寶餐廳 (已結業)

秋風起🍂🍁老公帶我來這間說要吃羊腩煲除了中式料理 都有西式料理還有意粉今次叫了羊腩煲這裡的羊腩煲份量十足！連同的生菜都非常新鮮👍🏻👍🏻由於兩公婆十份喜歡吃枝竹夠入味所以很快食晒要加多份先夠喉看到有湯都忍唔住一碗老黃瓜湯不是味精湯 完全不覺得咸😀然後又加了鮮雞$48來說份量剛好最後我們食極都好似未食到底仲有好多羊肉他們的腐乳都不會太傑容易點羊腩入口😋這間的環境不錯見到前後幾枱都像是熟客仔居多

今日黎到金寶餐廳食嘢位於北角既都係一間好細間既餐廳仔黎不過冇乜人入去人流比較少所以我地都唔駛等位就直接入得去食有好多選擇既茶餐廳迎合到各種口味既人士又有扒餐又有常餐又有茶記既快餐基都乜都有啲咁又中又西都有所以都會話比較少選擇都唔知有咩好食既都算幾好 多選擇咁我最後係點咗個扒飯餐黎食既一個黑椒汁既扒飯個黑椒汁都幾惹味唔太辣既但吸到下味配個飯係好夾而個雞扒都OK唔錯既如果雞扒都難食既話都好獲其實同埋佢只係43蚊 都幾抵仲有杯嘢飲除返每人只係45蚊都唔錯

大廚水準，茶餐廳價錢。海班水準不比酒樓失色。精選推介 : 清蒸海班，豉汁蒸鱔，咸魚蒸肉餅，乳鴿都唔錯西式飯和意粉都煮得不錯選擇多元化，非常用心做菜。雞煲都非常好味，誠意推介之作。不花巧，每道菜都是實而不華之選。

自發現了這間金寶餐廳，周不時無帶飯就去幫襯～好開心近兩次都見佢愈來愈多人去！唔得閒每次寫，但都好想再開心share佢地嘅正野！左上係今日前午餐外賣紅酒燴羊膝配意粉($45)，右下都係午餐－陳皮東瓜鴨腿湯飯($43)～只係四十幾蚊就可以享食到個好味嘅午餐包飲品，而且賣相又好，唔係頭其放！羊膝同鴨腿都炆林左，唔駛用刀，輕易就可以叉/夾到啲肉食～而且剛剛好，入味又唔un！之後講下下午茶，兩點就叫得～右上係pizza，熱辣辣，香噴噴，熱氣完飲返雪梨茶潤返($35)！之後左下係田園炒飯，簡簡單單，而且炒得好香，有啲菜粒，蛋，菇等等，好快就清左一碟飯！

今日叫了個外賣「馳名無骨海南雞飯」，配油菜，油飯加飲品，盛惠$49。打開外賣，見到用左咁多盒，有點內疚⋯⋯除左放醬嘅，其他都係可重用嘅微波爐盒，我一定會洗返再用！講返野食，大家請睇相，咁多野食，有肉有菜，仲要好味！雞味道幾好，無雪藏味，而且無骨可以啖啖肉食！仲有啲花生，酸菜，好醒胃！以我女仔嘅胃口，真係超滿足！飲品都要讚下，可以揀杞子雪梨茶，好足料，見到雪梨粒同杞子，味道甜甜地又感覺好潤，暖暖地飲落好舒服！真心覺$49真係好抵！希望大家支持小店！題外話，老闆娘好忙，落單，樓面，收錢都係佢⋯⋯雖然好忙，但好好禮貌，仲叫我入鋪坐低等～！

本人已經是第三次到該餐廳享用膳食了本身住在北角，平時也會與家人覓食，這間餐廳位置於和富道後街，店舖裝修未必能夠吸引你的眼球，但食物水準卻達到平時在銅鑼灣高級餐廳的水準，性價比極高。餐廳有中西不同菜式的選擇，環境舒適，一家大細，朋友聚舊的好地方本人最後極力推介無骨海南雞飯，原因是他們會椰汁加入雞油飯上，味道十分之好！無骨海南雞也很新鮮，很滑，份量也很多！另外，他們服務態度也很好，每道菜也認真製作，點後即煮，絕不馬虎其實本人是第一次寫下食評，原因是看到這間餐廳人流不多，但菜式這麼好，真的有點可惜，為了這間小店能在和富道站穩住腳，希望有更加多人能夠認識這間實而不華的隱世小店呢

上回提到價廉物美，先收回"價廉"二字。不是說現在太貴，只是農曆新年後加價，現在算是合理價格，之前實在太超值吧了。物美則依舊。這次一行七人三女四男光顧。點了幾個套餐，另加幾首菜及白飯。事隔八天，記得的部分如下：豉椒炒蟶子皇白酒羊奶芝士海鮮鍋黑松露扇貝套餐雞扒併鮑魚套餐蟶子皇、扇貝、雞扒和飽魚俱好吃不贅，只是想提提這個海鮮鍋。舀了一勺，奶湯香醇，連呼好喝，於是朋友們一人一勺。海鮮有帶子、青口、鮑魚等，都肥美量多，沒有減料。海鮮吃光後，我們還要了三碗白飯，倒進海鮮鍋撈起再吃。結賬大約600元，由於同行女士們胃口不大，七人當六人算，大概每人一百。下次會試試他們的蒸魚、燉湯、PIZZA

我和太太住北角區，平日要麼不在區內，要麼回家吃。和富道向來食肆林立，強如上榜米芝蓮的阿鴻小吃也搬走了，一間名字平凡，只約二十個座位的小店，真不知道如何在區內生存。我上星期某一天晚了回家，趕不及晚飯，打算在附近吃頓便飯，沒想到坐下看看餐牌，卻覺得菜式與別不同。甚麼"白酒羊奶芝士飽魚鍋"，聞所未聞。當晚和今天都還沒有試這個鍋，想先試普通套餐。我相信基本套餐做好了，特色菜就自然予人信心。當晚我點了一份"黑松露蛋包飯"。套餐另包沙律、湯、熱飲。沙律裏的麵包糠鬆脆，醬汁味道和份量適中，既不會水汪汪，也沒有過甜過酸。西洋菜湯應該不含味精，份量小巧但足以振奮食慾。有些茶餐廳可以輕鬆送你一大碗湯水，我也會覺得大件抵吃，但有時更欣賞恰到好處的藝術。黑松露蛋包飯鮮蝦新鮮肉厚，蛋亦沒有煎過老或不熟，黑松露其實份量不少，但面對整份蛋包，味道分散下自然比較清淡一點。老闆閒聊間告訴我，覺得自家小菜價廉物美，認為在外頭吃一份蛋包飯連配菜湯飲動輒要上八九十元。價廉我是同意的，食物也合符期望，至少令我會想下次來試試其他菜式再下評語。今天下午兩點多才和剛下班的太太去吃午飯，不用等位直接坐下。我要了一份薄荷汁燒羊架飯，她要