42
11
8
所有分店 (4)
電話號碼
2716 7318
開飯介紹
餐廳是九龍城較早期泰國菜館,至今仍屹立不倒,以爆醬蝦丸及生蝦剌身最為聞名。 繼續閱讀
營業時間
今日營業
11:00-01:00
星期一至日
11:00-01:00
付款方式
Visa Master 現金
其他資料
網上訂座
酒精飲品
自帶酒水 詳細介紹
泊車 詳細介紹
電話訂座
賞訂座積分
加一服務費
球賽直播
有關積分
招牌菜
冬蔭公 生蝦剌身 炆豬手 辣椒膏炒蜆 爆醬蝦丸
食評 (62)
昔日好泰滋味 焦點食評
等級4 2017-02-02
801 瀏覽
記得細個常常來九龍城金寶食泰國菜。當年的選擇無甘多,都是幾間老店。而現在百花齊放,九龍城幾條小街有幾十間泰國餐館,好耐都無黎到呢間老店了。今次同媽咪食飯,不經意又來到,發現食物更勝從前。金寶的特式是同時可以食到泰式同越式美食,因為他們共有兩間店,食物是可以共享的。媽咪提議先點了一款鮮蝦卷,就是越式的米紙卷。堆頭十分大,鮮蝦是大大隻原隻的,包在半透明的米紙下,賣相十分佳。入口口感十分豐富,外皮軟滑、生菜爽口、鮮蝦彈牙,十分精彩。我另點了一客串燒拼盤,食泰菜點可以唔食沙爹串燒呢!串燒有豬、牛、雞三款,當中最欣賞豬肉。豬肉唔太肥,燒到少少乾身,有dd香脆又保留到肉汁,而且真係食得到豬味。配上甜甜的泰式沙爹,錦上添花。辣椒膏炒蜆,蜆肉亦是大隻新鮮。估唔到最後一道主食係驚喜所在!椰青海鮮焗飯,唔係單單把炒飯放入椰青中,而係真材實料用椰汁焗出一個飯來!焗飯足料,海鮮多款而且份量足,最驚喜的是粒粒飯粒都充滿甜甜的椰青味,食到我地停唔到口呢!雖然飽飽,但還是點了一小客甜品。滿滿的一桌食物,飽到行都行唔郁,都只係三百個大洋。多年後再幫襯,想不到食物勝從前外,價格卻彷彿停留在十年前,難得難得。 繼續閱讀
(以上食評乃用戶個人意見 , 並不代表OpenRice之觀點。)
滿足的一餐 焦點食評
等級4 2017-01-28
531 瀏覽
滴滴咖啡越式咖啡係用特別嘅器皿,以用熱水沖落上層嘅咖啡粉,用滴漏嘅方法將咖啡滴落下面個杯度,佢出嚟嘅咖啡香味十足。牛腩蕃茄湯甜酸嘅蕃茄加上濃郁嘅牛腩,配埋啲香草,香味十足,味道偏鹹配食生菜包,薄餅麵包好適合。越南煎薄餅呢味菜 好特別,唔係好多地方有得食,薄餅上檯時傳來陣陣嘅蛋香,個味道好似台式蚵仔煎。佢食法有啲特別,係一塊生菜面,放上越式薄餅,同埋魚露夾住嚟食,薄餅本身煎到脆卜卜,加上薄餅入面有爽脆嘅芽菜,同埋香噴噴嘅肉碎,口感爽脆,味道酸酸地清新好味。鹹魚炒椰菜苗嚟到泰式菜館,一定要食椰菜苗啦 ,今次叫咗個鹹魚炒椰菜苗,炒咗嘅鹹魚帶有鹹香,加上椰菜苗爽口,真係一絕。不過佢啲鹹魚畀我出面食嘅大粒,都算用足料。燒粟米芯燒露筍一條條可愛嘅粟米芯,爽脆清新,連埋小小粗鹽一齊食粟米芯嘅青澀味都冇埋。露筍燒到啱啱好,顏色依然青綠,咬落去好多汁,又唔會有根,好手勢!活蝦刺身活蝦刺身食泰國嘢必叫,不過唔係間間都一定新鮮。今次食嘅生蝦都好新鮮,加埋生蝦同辣椒一齊食,食多多都唔夠。椰汁青咖哩雜菜煲呢味菜十分推介,服務員未攞上枱 已經聞到好香嘅青咖哩味道,裏面啲蔬菜用料十足。食落去又唔會有蔬菜嘅青澀味,連我很少食蔬菜嘅朋友都讚佢好好味。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-01-13
437 瀏覽
係九龍城忙完一晚,有朋友提出食宵夜~(我已經食左晚餐啦又食。。。)好啦好啦。。。俾面出席增肥活動啦~一行五人有四個都週要減肥,真係有決心到呢。。。沿路行黎,有泰國有越南。。。我眼中只有生蝦!咁就入左金寶泰國菜館!咪講少,即刻黎一碟生蝦。一碟八隻,同其他食店既分別就係汁唔係自己點黎食,而係佢一早就淋左係面,當然,為求辣度你可以再點多D。食完一隻,即刻出汗。佢用左紅椒青椒,佢既辣唔單止辣度十足,而且持久力強。食完一隻要即刻叫野飲。。。鳳瓜,食完生蝦既辣,相反呢個冇咩事,少少酸少少甜少少辣。炒通菜,完全唔速,偏甜。炒金邊粉,食得出用左少少茄汁,所以偏甜,個粉軟硬適中,好食!冬陰公,又咸又辣十分惹味。仲有個火係度慶住保持溫度,十分好。不過小心入面既青椒同核,食到又會辣到跳舞。生菜包,比想像中唔辣。平時食既生菜包既辣主要來自乾蔥,呢度就反而唔多覺有乾蔥,所以一D都唔辣。最後黎埋甜品~拉耶糕,第一次食,上檯時微暖,煙韌有口感,一層班蘭一層椰汁,兩種味道都十分香濃。椰汁西米糕,微咸,下面有西米同粟米,都OK!另外我嗌左咸檸七,因為啤酒得細支裝(同偏貴)。 繼續閱讀
(以上食評乃用戶個人意見 , 並不代表OpenRice之觀點。)
好味 焦點食評
等級4 2016-08-08
914 瀏覽
這間泰國菜館都幾多人的, 7點半都幾乎坐滿晒人. 我個8個大人兩個小童. 好彩訂7:30仲有位. 叫左好多嘢食呀.泰式春卷, 熱辣辣, 入面有些蒜蓉, 加甜酸醬一齊食, 好味, 又夠晒香脆, 正呀.泰式生菜包, 這個份量唔算好多, 個肉碎係酸過多辣的, 有些豬肉碎, 辣椒, 香料等, 不過都好惹味, 生菜唔夠, 包唔晒添呀. 炒金邊粉, 這個金邊粉炒得好乾身的, 好味, 用料都唔少的, 有火腿絲, 芽菜絲, 韮菜絲. 仲有蛋絲. 串燒牛羊豬, 好好味的串燒, 加埋沙嗲醬一齊食, 好香, 好淋身, 好好味, 雞係最好味, 燒到金黃色, 少少脆口. 好正, 我們再叫多左一份呀.海鮮炒飯, 這個飯都幾乾身的, 都足料呀, 有魷魚, 洋蔥, 雞蛋, 雜豆等, 好味我們還叫左飲品, 我飲咸檸七, 半個咸檸檬, 好大杯的, 好味, 椰青都好大個, 又夠甜的, 仲有芒果冰, 菠蘿冰都好味道.馬拉盞, 好鮮綠, 新鮮的, 有些辣椒, 但又唔算好辣同好多油的菠蘿海鮮炒飯, 有三大隻蝦, 同埋好多菠蘿粒的, 飯都乾身, 好味呀, 有些肉鬆, 雜豆, 蝦好大隻的, 又爽口, 好味的. 份量都好多.咖喱牛腩, 個樣好吸引的, 唔係好辣, 有牛腩好淋身, 好好味, 吸晒D咖喱汁, 仲有薯仔都好好味, 跟蒜蓉包的, 麵包加埋咖喱一齊食好夾. 繼續閱讀
(以上食評乃用戶個人意見 , 並不代表OpenRice之觀點。)
等級3 2017-05-16
22 瀏覽
約中學同學食飯,就梗去返舊時學校附近啦 人大咗就可以食返啲,中學食唔起嘅餐廳,就例如泰國菜館晚市人均一定一舊水起跳,果陣仲係中學生既我地邊到食得起越南拼盤 入面有四樣小食,越式春卷、粉卷,蝦餅 ,蒸粉包唔單止有酸辣醬,仲有生菜提供,比你包住越式春卷、中和返油膩感,小小既細心位蝦餅有彈性,只係略嫌份量太細,再大舊D咬落口感就更好最推薦既係蒸粉包出面食過唔少間,都係靠粉包上既炸香蒜調味但呢到既粉包,入面既涵料已經好足味,又有層次燒烏頭魚烏頭魚雖然比較窄身,但勝在肉厚 而且醬汁一點上、惹味十足,就算唔點,都一D都唔腥魚肉仲好滑,火候掌控得啱啱好成條清得勁快蒜蓉炒a菜 開頭都唔知道A菜係咩,貪得意就叫咗試下我地估就應該就係泰國版嘅唐山菜 因為口感好類似我地食開既唐山菜蒜蓉味道都唔錯,唔係太激果種龍眼冰、椰青黎泰國餐廳無可能唔叫,因為野食比較濃味,飲返呢D就可以中和返味蕾又可以降降火GOOD CHOICE 繼續閱讀
(以上食評乃用戶個人意見 , 並不代表OpenRice之觀點。)