影片
以上資料只供參考, 請與餐廳確認詳情
一年前，同事推介這間冰廳的奶茶，我終於決定一試。時光就像凝固在以往的時代褪色的地磚阿華田奶茶每口既略帶阿華田的味道，又有茶澀味。有趣!金寶奶茶茶味好像維他奶茶，帶有烘培的茶味而不澀。奶味不濃，質地不厚，純以茶味取勝。如果有時間，可以到新蒲崗崇齡街34號A1號的愉翠中藥店，探望這隻可愛的肥貓!
繼續閱讀
之前去食過一次，印象記得果時食嘅味道雖然未去到好驚艷，但充滿港式冰室嘅懷舊味道。但係今日再返去食，叫左一個菠蘿油下午茶餐同埋煎雙蛋火腿通下午茶餐，一上枱望見食物質素好似已經麻麻地…1. 熱奶茶、凍奶茶味道依舊差不多，不過不失2. 火腿通粉正常，湯底無太大味精味，ok3. 煎雙蛋食咗幾啖都咬到有蛋殼碎4. 菠蘿油唔熱，上面嘅皮係濕同淋嘅，似係放左幾日嘅麵包，一啲都唔新鮮原諒我浪費食物，食到一半頂唔順，買單走人🙂 唔會再去食
繼續閱讀
呢間茶記喺新蒲崗開咗好耐裝修咁多年都冇變都係行懷舊風啲街坊成日話呢度嘅奶茶好飲今次就去試吓啦除咗有常餐仲有一啲常見嘅茶餐廳炒粉麵飯款式唔太多 價錢都唔算太平都要$50至$60我叫咗個星洲炒米$57包一杯咖啡或茶今次當然就試吓佢嘅熱奶茶奶茶味係幾香唔會太甜音樂真係幾滑 不過個杯都係舊式嗰啲黑白奶杯Size有啲細幾啖就飲完星洲炒米就普普通通啲咖啡粉有啲炒得唔夠均勻變咗一舊舊黐咗落啲蛋絲到呢間茶記奶茶係唔錯但係其他嘢食個價錢都唔太平都係志在食過情懷
繼續閱讀
提示1: 外賣唔好點菠蘿油，凍左會唔好食，麵類有分湯，就分別唔大。 提示2: 金寶奶茶真係正，提神一流周末唔想出街，就決定嗌個外賣。 咖喱牛肉煎蛋湯麵 連菠蘿油 熱金寶奶茶 $62沙嗲牛肉麵 牛油餐包 火腿奄列 $62 轉凍金寶奶茶 +$4 轉出前一丁 +$6 咖喱牛肉煎蛋湯麵不過不失，做到典型茶餐廳味道。 但個沙嗲牛肉麵既沙嗲真唔岩我食，怪怪地，真係食唔落。 金寶奶茶好重茶味，岩晒返工醒神黎飲。 最驚喜既係個火腿奄列，好多火腿，蛋既份量又好多，食完好滿足。 但個菠蘿油就好可惜，送到過黎就凍左，但見到D牛油真係融晒，睇黎個外賣真係送左好耐。
繼續閱讀
奶油多感受到奶油嘅豐潤味道，味道更加豐富，包好脆。火腩辛辣麵麵條彈牙有嚼勁，湯底辣而且鮮香。啲火腩肉質鮮嫩，辣椒醬同埋香料帶嚟一種刺激嘅味道。如果你鍾意食辣，呢碗麵絕對可以滿足你嘅味蕾。沙嗲牛公仔麵麵條煮得恰到好處，有彈性同埋吸收到啲湯底嘅味道。沙嗲牛肉係麵上面嘅亮點，味道香濃。奶茶係呢到好出名。呢杯奶茶真係絕對唔可以錯過！奶茶濃郁香醇，奶香同茶味完美結合。無論你鍾意飲熱奶茶定係凍奶茶，呢杯奶茶絕對可以解渴同滿足你對奶茶嘅渴望！總括嚟講，呢間茶記好值得試！。
繼續閱讀