金大班

營業中

休息中

典型的港式茶餐廳，提供各式各樣的港式美食。餐廳的環境乾淨整潔，服務也很好。金牌快餐。金牌快餐包括叉燒米線、牛油多士火腿奄列和熱檸茶。叉燒米線的叉燒很軟嫩，米線也很有滑lu lu。火腿奄列餡料多，多士也很香脆。另外又叫了福建炒飯。福建炒飯的用料很豐富，包括蝦仁、雞蛋、叉燒、火腿和三色豆。炒飯粒粒分明。總體而言，餐廳整體質素令人很滿意，價格也很實惠。#金大班茶餐廳 #竹園邨 #港式茶餐廳 #金牌快餐 #福建炒飯

用外賣外送app速遞，叫左個餐$52，星洲炒米，加凍檸茶~~見佢預備個餐勁快，兩三分鐘搞掂，已經覺得有點伏。可見星洲炒米顏色好淡，的確無咩味，料都好少，最差是唔係炒的方式，米粉發漲晒，圖都見到，又油，好難食。連杯檸茶都有問題，飲落竟然有一大陣油益味，開蓋用鼻聞更聞到有陣壓壓地味…….唔知係製作過程有問題，定個膠杯污濁，完全飲唔落，亦唔敢飲，浪費食物和金錢。

今日放假 又嗌咗個外賣🖤今次個外賣係下午茶餐 ✨沙律同炸雞髀🍗嘢飲係好立克紅豆冰今次外賣包得唔錯👍🏻 冇倒瀉到🤣不過有啲覺得餐具裝備有啲唔齊全 食炸雞髀點小得一次性嘅膠刀…不過有啲覺得 佢哋有嘅外賣餐具 已經可能俾晒我…🫠所以唯有咁樣叉住個雞髀食 雖然食得有啲唔方便 不過都OK嘅…不過個沙律🥗…有啲令我無語咗 係一啲雜果同埋紅蘿蔔粒 一啲生菜都冇 同想像中嘅 有啲唔同 下次揀寧願揀薯條算杯好立克紅豆冰唔錯 不過啲紅豆係硬身的 之前其他餐廳飲紅豆冰 啲紅豆都係已經煲到冧晒 同埋有啲甜味 應該係加工過嘅嗰種罐頭紅豆 🫘不過可能依啲係新鮮嘅 所以就硬身啲 呢個唔係太清楚 ….不過個口感唔太好…感覺上

外賣咗個流華多士食 跟咗一支絲襪奶茶🧋🖤✨外賣 有跟到膠製的刀叉和飲管因為係外賣 所以個賣相比堂食樣衰咗少少🤏🤣如果阿華田粉 另上嘅話應該會好啲 睇下啲煉奶 吸晒阿華田粉啲變成一塊塊咁樣🫠不過味道都幾好食 1 塊阿華田粉 同一小夠切開嘢多士 咁樣配搭嚟食✨🖤外賣冇流心嘅效果 都合情合理…奶茶 🧋聞落去有浸好重嘅茶味 味道回甘突出、奶滑味道濃郁、感覺層次豐富 睇樽嘢後面嘅產品 介紹 寫住冇添加防腐劑 入面都冇加啲咩奇怪成份 寫住少甜 但係感覺冇咩甜味 更加能夠得出奶茶嘅味道👅其實正常普通咁樣個外賣餐 冇啲咩可以挑剔嘅地方 餐具🍴都有跟到足 不過可能包外賣嗰個人包得唔好 或者係車手問題 車手攞到過嚟 嗰多士D煉奶嗰啲D汁黐立立 流晒出嚟…. 個盒多士 上面擺支奶茶 再打好個結 打實啲嘅話 正常入面係唔會有足夠嘅空間去傾斜 就唔會留啲汁出嚟 …仲要客人收拾手尾 不過可能依個只係小機率發生的事情…

去黃大仙竹園邨要一直上山。先行入黃大仙中心北館，穿過黃大仙上邨搭𨋢，行天橋後再搭𨋢就會到竹園。一出𨋢，過條馬路就到冬菇亭。下午茶時間，本身諗住食「流華西多」同飲樽仔奶茶，但樽仔奶茶無貨。食咗：▪️沙爹牛肉潛艇 $37:潛艇好簡單，就係烘底包夾十幾片沙爹牛。可以落手食，用刀叉都得。不過個包新鮮整起，蒸氣已經整濕咗張紙，再用刀叉就好易切到爛同痴喺個包底，所以放入口之前要望清楚。▪️紅豆冰 $8: 粒粒紅豆有咬口

其實晚餐諗住開開心心同屋企人去食位於黃大仙竹園商場謝金大班，其實我同我屋企人一直都覺得間餐廳係OK，因為之前一向去呢度食都正正常常，但係有一段時間冇去食之後就。今日係我出面食咗20幾年最嬲嘅一次，我同我家人一坐低有一個阿姐服務態度十分惡劣，吹我哋落單都算，唔小心講錯菜單個名就喺度發脾氣同鬧人其實係人都知嗰個菜單我哋想要啲乜我哋道埋歉佢都好似俾人佔咗上風咁。之後食完酸菜魚、梅窩肉、炒雞絲飯、啫啫雞，唔知佢係唔係轉左廚房定比其他人接手，完全係適合想患上三高嘅人去食，要雞無雞味，要魚無魚味，要豬肉又冇豬肉味都唔緊要，最嬲果下係上嗰盆酸菜魚上嚟嗰陣時，酸菜魚D湯係好熱咋嘛，我知佢係唔小心上得快得滯搞到啲湯倒左出嚟重要倒到我嘅大髀度，佢之後擰轉身就走咗去扮晒嘢乜都睇唔到仲要一句對唔住都冇，算啦我睇開D今日我係黑仔，下次真係倒貼都唔會再去呢間街邊檔都不如嘅餐廳食。

出發去獅子山之前當然要補充體力 點都要叫返個流華西多士 2:00開始有得叫連埋樽仔奶茶一齊嗌🤍 享受晒成個完美甜到爆嘅開始 佢哋每一次都好足料 ✌🏻✌🏻落足煉奶阿華田粉 女士們小心食到成口都係😅佢哋嘅得獎奶茶真係冇得輸 雖然要另外加錢但係茶底濃奶味重 出面嗌一杯珍珠奶茶都成$30 呢度嘅樽仔奶茶物有所值 有鴛鴦奶茶 絲襪奶茶同少甜絲襪奶茶 但難得嚟到就唔好諗咩罪惡感😏呢兩個組合加埋一齊真係行山前後嘅必需品🤣🤣咁啱佢哋推出緊新口味 玫瑰味嘅奶茶 可惜嗰日賣晒 下次要試吓先！

話說今日食咗一餐超級邪惡嘅午餐😈就係被西多士吸引到我流華西多士 ($38)味道：🌕🌕🌕🌕🌘評價：個人認為非常之邪惡不過味道比想像中冇咁甜好香阿華田嘅味道第一下切落去有流心嘅感覺如果兩個人一齊食啱啱好🥰鴛鴦奶茶+$10味道：🌕🌕🌕🌕🌗評價：果然係攞過獎嘅奶茶，味道非常平均，奶茶唔會搶個咖啡嘅味道，而咖啡亦都唔會搶過奶茶嘅味道。好香滑好濃，唔會太甜脆脆炸雞($40)味道：🌕🌕🌖🌑🌑評價：感覺普普通通，脆就夠脆，但係雞嘅肉質就就麻麻哋，只係個醬夠晒味道

The 5th Wave...戲就睇過啦...香港都發生左🤦🏻‍♂️ 爆到七彩多謝高官群組...同大家一樣小編都要挨飯盒，之但係外賣就一定會Hea食? 非也非也!早前share嘅金大班下午茶有熱烈反應之下，第一餐禁堂食就為大家介紹下佢地物超所值嘅外賣晚餐啦🥳黃金鮮魷 $78推介:⭐️⭐️⭐️⭐️咸蛋黄香味飄出，薄炸粉香脆會見到鮮魷雪白的真身啖啖肉👍香煎蓮藕餅 $85推介:⭐️⭐️⭐️⭐️⭐️招牌之一必點! 貨真價真整件充滿蓮藕粒，密密麻的口感加埋炸得表面香脆，小食前菜送酒都一流。大班小炒王 $75推介:⭐️⭐️⭐️⭐️⭐️豐富心心眼! 大量蝦仁蝦乾、腰果西芹、芥菜魷魚等咸香滿足絕對無Hea你嘅餐廳功架小炒王。啫啫芥蘭煲 $69推介:⭐️⭐️⭐️⭐️⭐️本以為個芥蘭配料唔會多，點知佢d肉碎蝦米蒸頭都十分足料，芥蘭細嫩得黎切件落鑊炒，條條入味👍霸王雞(半隻) $88推介:⭐️⭐️⭐️⭐️⭐️4人用餐最值得叫半隻雞分享，肉質唔算十分嫩滑，但調味醬再顯功架，4人半隻都好夠食👏👏每個白飯另加$12 飲品半價，所以唔係下下對住d 飯盒食嘅，放返落屋企碗碟擺靚靚就係一餐高質外送。

位於竹園南邨特式冬菇亭的茶餐廳歐陸早餐是全日供應, 主扒可以選擇香草豬扒、香草牛扒、香煎雞扒、吉列魚柳、吉列豬扒, 再配搭司華力腸、煎雙蛋、茄汁豆、餐包或多士另配沙律或薯角可選蒜蓉汁、黑椒汁、茄汁我今日Order了黑椒汁香草牛扒配餐包, 牛扒很大塊, 黑椒汁是另上的, 餐包外皮很脆、入面很鬆軟, 份量真的有點多, 可以當早午餐一齊食款式比較多, 可以滿足大家需要, 坐得舒適, 味道質素高, 雖然是茶餐廳但沒有催交枱, 服務很好

今次同大家介紹呢間港式冬菇亭茶餐廳～～佢地最近出左新下午茶menu，住喺附近既朋友推介我黎試試😆😆由黃大仙地鐵站行過黎只需大概5分鐘路程～～🍞流華西多士 $38✨呢個西多士真係超邪惡🤤🤤面頭鋪滿華田粉，切開後有煉奶流心慢慢流出黎，好吸引！！西多士炸得好香脆，記得要趁熱食～～🍗脆脆炸雞 $40✨炸雞用左燕麥片去炸，口感特別爽脆！！店員仲俾哂3個醬(蜜糖芥辣、青芥辣同水牛芝士)俾我地試，好貼心😋😋3個醬各有風味，我就最鍾意蜜糖芥辣～～味道甜甜地辣辣地，同炸雞係絕配呢❤️❤️🍹樽仔奶茶 (+$10)✨呢個樽仔奶茶係2021得獎奶茶師🏆人手沖製🧑🏻‍🍳🧑🏻‍🍳口味有絲襪奶茶、絲襪奶茶(少甜)同鴛鴦奶茶～～3款都茶香濃郁，入口順滑！必叫之選👍🏻👍🏻大家之後行完獅子山可以順路過黎食個下午茶喔～～路程都唔洗5分鐘，好方便❤️❤️

黃大仙著名港式冬菇亭，由地鐵站到餐廳只需5分鐘既路程。店鋪環境好闊落，除近路口嘅位置，基本上係梳化位，坐得好舒服☺️ 再細心留意，已經好少茶餐廳鹽樽裹放炒米，呢啲小行為加曬分。* 樽仔奶茶 (跟餐) $10必試2021得獎奶茶師人手沖製既樽仔奶茶☺️茶底香醇味濃，口感順滑，甜度適中*樽仔鴛鴦 (跟餐) $10 咖啡濃香同奶茶甘香比例恰當👍🏾*脆脆炸雞 $40用上燕麥片，炸得鬆脆可口，一啲都吾油膩另配三款醬汁: 蜜糖芥辣、青芥辣、小牛芝士，岩曬唔同口味既朋友🤭*肉醬芝士薯條 $38芝士用火槍炙過，肉醬入口帶清淡番茄味，唔會好酸😌*流華西多士 $38麵包鬆軟，一切開有煉奶流出，如果再澎湃啲就更加有視覺衝激😆

今個星期去金大班食下午茶，食佢嘅新菜單，好滿足呀😋🌟由黃大仙地鐵站到金大班茶餐廳只需大概5分鐘既路程，金大班嘅story highlight 都提供咗路線，夠細心❣今次食咗：流華西多士（$38）「劉華多士」幾靚仔🤣！個西多士有少少流心，入面得牛油，冇花生醬，咁樣更加突出牛油香，加埋啲華田粉幾解膩，唔油！脆脆炸雞（$40）脆脆雞係用麵包糠炸，好脆口👍🏻啲雞都嫩滑💦個醬係蜜糖芥辣同茄汁，好夾～餐廳有提供樽仔奶茶，茶香濃郁而且好順口，原來係得獎嘅金二少奶茶！勁正！秋風起涼陣陣～行完獅子山順路過黎唔洗5分鐘，呢間【金大班】同時係黃大仙著名冬菇亭，賣少見少，入面好多卡座，坐得夠舒服。

終於等到正式秋涼啦! 又係行山郊遊好時候💪介紹返一間最近獅子山下的著名冬菇比大家，亦都係小編後花園郊遊後經常會去獎勵自己食餐好嘅地方之一。由黃大仙地鐵站行大約8分鐘的路程就到金大班茶餐廳先講大有來頭的招牌秘方奶茶，2021得獎奶茶師人手沖製奶茶，以樽仔奶茶示人，既時尚又承傳了家族傳統技藝，100%本地製造「茶香、奶滑、醇厚」無添加人造色素及防腐劑嘅港式奶茶，跟餐一律+$10 就嘆到啦👏流華西多士 $38推介:⭐️⭐️⭐️⭐️一上檯要快快同樽仔奶茶打卡，因為趁熱食是必需的，華田粉放滿西多面，切開四份流心感強烈，煉奶即時出現。肉醬芝士薯條 $38推介:⭐️⭐️⭐️⭐️有少少驚喜👏 唔係間間茶記都有呢個組合，溶岩級肉醬芝士加落熱氣嘅薯條之上，感覺無咁邪惡而又惹味吸睛。脆脆炸雞 $40推介:⭐️⭐️⭐️⭐️⭐️推介非常有誠意嘅一款，三種醬汁任你上，蜜糖芥辣、青芥辣、小牛芝士各有特式，粒粒麥片炸脆香口，加埋炸雞皮的確係脆上脆，沾上醬汁嘅層次更加特出。整體三款下午茶餐都滿意好味，行山前食返個靚早餐，行山後又可以食個下午茶餐嘆奶茶，期待有機會在獅子山下相遇上😆

間中都會在金大班吃晚飯，客飯套餐大碟又抵食，有湯飲，每款都係六十六蚊不等，真係別無他選👍蝦仁炒蛋~蝦仁又多又爽，雞蛋唔老又多蔥。海味粉絲雜菜煲~好多不同款式的菜，又多粉絲，有魷魚鬚同蝦米，大蔥，菇乜都有d。菠蘿生炒骨~新鮮多排骨，夠酸甜味，菠蘿同配菜青椒洋蔥都多，正。我只係嫌金大班下午茶時間雖然至六點鐘，但五點半去到，成日都話廚師收左工，唔做公司三文治等茶餐，既然咁早收工，不如提早收下午茶市啦！