金多寶餐廳小廚 (已結業)

金多寶餐廳小廚是位於馬鞍山的一家餐廳，我在這裡親自品嚐了他們的美食。金多寶餐廳小廚的菜單多樣性。他們的菜單包含了各式各樣的菜式，從中國傳統菜到國際料理，無論你喜歡什麼口味，這裡都能滿足你的需求。我特別推薦他們的招牌菜，如紅燒肉和麻辣雞，這些菜肴的味道驚艷，絕對是必試的美味。其次，金多寶餐廳小廚的食材質量很高。他們使用新鮮的食材來準備菜餚，這使得每一道菜的口感都非常出色。蔬菜和肉類都很新鮮，質地鮮嫩，給人一種健康和美味的感覺。他們的廚師們非常擅長將這些食材發揮到極致，做出令人難以忘懷的佳餚。

對上幫襯己經係彷如隔世，最近因為生活發生巨變因此經常會外食和外賣，當然一黎就是會叫招牌菜，因為招牌都唔得的話就可以唔需要試其他野，二話不說梅菜扣肉飯，一個霸王雞飯，之後某日再叫了一個豪仔煎蛋飯，我的彷如隔世記憶裡他們的霸王雞飯是成個面鋪滿薑蔥絲，現時2023年飯盒己從記憶中發寶膠盒進化為可叮微波爐的塑料盒，當然因為注意健康從不會用微波爐。霸王雞飯的成個面鋪滿薑蔥絲，有所減少份量，其實也是好事當年覺得over左。味道覺得尚可以，雞不覺得特別土走地，也可能是我味覺有退化。梅菜扣肉飯keep到水準，係果回事。梅菜略為濃厚多甜多咸所以只吃了一部份，肥肉就全部品嘗完。豪仔煎蛋飯，第一印象係蛋香味有，豪仔就普通質素不過不失，送菜份量略為少想吃多點建議叫例牌。外賣的話由於冇單出只認人，記得望清楚外賣袋上張單至拎。整體來講食物味道符合價錢，梅菜扣肉飯可以repeat，有機會試埋其他菜式。

今次試咗金牌秘制沙拉骨飯，真係好好味😋有骨但好易食，又唔會好大舊骨喺度冇肉食。啲沙拉醬汁就係好香濃，啱啱好唔會太鹹，同一碗白飯係絕配，而佢哋嘅飯就煮到恰到好處，唔會太濕唔會太乾，粒粒分明🤪值得一試！

我最近在某餐廳外賣平台上訂購了一份豆腐火腩煲，結果在進食一半時發現竟有曱甴！這讓我感到非常憤怒和失望。這樣的事情不應該發生，我對這家餐廳深感失望和憤怒。我當時正在享用這道豆腐火腩煲，感覺味道還不錯，直到我突然發現了一個黑色小物體。當我仔細一看，發現它是一只曱甴！我當場嚇了一跳，並且感到相當不安。我停止了用餐，並立即聯繫了外賣平台。外賣平台對此事表示了歉意，並同意退款。但是，我覺得這不僅是一個簡單的退款問題。餐廳的食品品質和衛生明顯存在嚴重的問題，這樣的問題不應該被輕視或忽略。我相信，這家餐廳對於食品品質和衛生的問題是知道的，但他們卻選擇忽視這個問題，這是對消費者的不負責任和不尊重。他們應該對這種不負責任的行為承擔責任，向消費者道歉，並採取積極的措施來改善食品的品質和衛生問題。同時，我也呼籲其他消費者要警覺食品品質和衛生的問題，不要輕易相信這些不負責任和不尊重消費者的餐廳。我們應該選擇那些對食品品質和衛生負責任的餐廳，保障自己和家人的健康。總之，這個事件讓我深感失望和憤怒。我希望餐廳和外賣平台能夠嚴格遵守食品安全標準和規定，保障消費者的健康和利益。我們應該加強自己的食品安全意識，選擇可靠

2022年11月27日 星期日今日難得星期日，天氣又唔錯，就決定帶埋老婆同BB去到馬鞍山行街，順便影下燈飾，之後就係馬鞍山搵嘢食最後我哋去到屋村商場既呢間餐廳，位置都方便，而且我哋入座既時候尚早，未有太多人，遲少少已經坐滿晒人，枱與枱之間有用隔板隔開，有足夠距離餐廳主打係黑草羊腩煲同養生鮮雞火鍋，但怕BB會整到個爐，所以決定叫其他餸，餐牌上面仲有好多必食推介，價錢都唔算太貴，最後我哋要左兩個餸加一個炒飯，怕叫太多食唔晒一點完餐店員就送上例湯，係青紅蘿蔔粟米湯，係老火湯既味道，飲得出煮左好耐，連青紅蘿蔔都差不多煮融，夠晒料，而且粟米好甜之後食物就陸續送到，有金牌秘製沙拉骨，豬扒上面鋪上左秘製沙拉汁，酸酸甜甜咁幾開胃，用嚟送飯一流，而且豬扒唔算太多骨，脂肪同肉嘅比例好平均，咬落去係鬆化嘅，外皮脆口呢個係古法秘製霸王雞，冇諗過例牌既份量都會咁大隻，上面鋪滿左蔥絲，雞件有鹹香，唔需要點汁都已經好夠味，如果同個沙薑汁一齊食，味道就更加濃郁，雞皮唔算太厚，肉質又夠嫩滑，果然係必食推介最後有金邊肥牛炒飯，飯炒到金黃色一粒粒，加上有好多肥牛同肉鬆，食落去有少少辣，幾惹味，份量足夠三個人食都得，每粒飯都

金多寶餐廳小廚落雨濕濕，又時凍時熱，得閒食下啲辣嘢軀寒去濕都好。番娘家附近食飯發現呢間小店，都幾多街坊熟客幫襯。晚飯小菜都抵，價錢相宜，又包老火湯同白飯。仲要份量都好大碟，好適合一家人食飯。今次叫咗酸菜魚同川香雞。酸菜魚好大窩，魚片大大塊，冇骨又嫩滑。配菜有大量酸菜、蘿蔔、木耳、海帶，芽菜仲有炒過，好香好入味。酸辣又唔會太嗆喉，辣到適中，超好下飯。秘製川香雞係山地雞，肉質嫩滑多汁，秘製醬汁惹味，都幾多辣椒，但味道又唔會搶雞肉鮮味，有啲似口水雞既醬汁。每日都有新鮮老火湯滋潤下，今日飲木瓜雪耳豬展湯，好適合呢期初冬天氣飲👍🏼

【馬鞍山唔係美食沙漠】屋企人鍾意食中菜，有朋友推介馬鞍山呢間金多寶，等我今次試吓先。我嗌咗一份招牌古法秘製霸王雞飯，想講吓而家要食到有雞味嘅雞都唔係咁容易，但係呢一份雞好有雞味，加埋的薑葱、蒜泥同埋沙薑汁餸飯真係一流！跟餐有一份粟米紅蘿蔔例湯，味道唔錯。屋企人就嗌左一份蠔仔煎蛋飯，蠔仔又香又滑，完全無魚腥味！成份煎蛋又香又好味，下次會再嗌。分量大大碟，價錢唔算貴，有食住家飯嘅感覺，環境乾淨企理，嚟開馬鞍山可以一試。金多寶餐廳小廚 (馬鞍山)📍馬鞍山鞍誠街28號富輝商場1樓1號舖

👧🏻Wodafoodie in Ma On Shan美食沙漠雖然近年開左唔少餐廳 但大多係連鎖店今日特登食返傳統地道茶記小店發現都幾多人 係街坊飯堂無誤😃✨🍖金牌秘制沙拉骨 $82落單後勁快上菜 係帶點骨既豬扒份量好多 沙拉醬鋪滿豬扒 幾惹味～✨🐥秘制川香雞 $92相比下呢碟等左20分鐘先到雞件尚算滑 連辣椒一齊食好有川式風味辣度適中 不過好多都係骨 食肉獸表示想食多d肉～可能太旺場 所以白飯例湯都等左20分鐘先有沙拉骨都等到凍左😀 不過間中應該支持下小店既📍 金多寶餐廳小廚 (馬鞍山)馬鞍山鞍誠街28號富輝商場1樓1號舖👅更多同區推介☺️ #wodafoodieinmaonshan

逛完新港城dinner， 好友話富輝商場金多寶的雞是自然放養走地雞。餐廳裝潢簡單，坐滿街坊食客。我們點左古法秘制霸皇雞$82：雞被大堆薑葱絲蓋住，雞肉質鮮嫩又鮮甜，沾沙薑粉味覺提升，極美味真好吃😋值得推介👍免費跟白飯和例湯。黑草羊腩煲配生菜和鮮魚片$338：黑草羊腩煲，材料豐富，有枝竹、冬菇、冬荀、馬蹄、芹菜。羊腩炆得夠腍夠入味，勁美味超正👍鮮鱸魚片，魚肉幼滑又清甜。生菜：🥬很新鮮嫩綠。總結：食材新鮮，真材實料，價錢親民。

就晌新港城旁邊嘅富輝商場商場雖舊但有唔少地道小店哩間小廚出名食山地雞d雞都係放養 肉質鮮嫩又彈牙🐔食飯當日都好多客人落嚟叫雞外賣返去食入秋餐廳推出鮮雞煲、羊腩煲非常吸引～！餐廳嘅老火靚湯都足料好飲架。🔸酸菜魚魚又大件又滑，好新鮮！湯底夠酸、有花椒麻香、辣度溫和。底下有唔少芽菜、蘿蔔酸菜等，吸哂湯嘅味道，正！鍾意食辣、重口味嘅朋友可以試水煮魚。🔸秘製川香雞真係名不虛傳，雞的確好食，嫩滑又有彈性，皮又爽，而醬料惹味，唔太辣，想要重口味可以試吓叫多醬。🔸金牌秘製沙拉骨大大件，分量十足！豬扒都幾厚身，炸得外脆內軟，醬汁甜甜地，香口又好送飯！🔸上湯娃娃菜有娃娃菜、粉絲、炸蒜，清清地感覺好健康。

有時偷懶唔想煮飯，響附近搵間餐廳解決，第一時間就諗到呢間性價比較高嘅茶記！炒幾味小菜，加碗白飯同啤酒，正！.▪️金牌秘製沙拉骨 $82/例牌店員強烈推介，食過一次一定會有印象！秘製嘅醬汁，酸酸甜甜，開胃之餘亦香口！▫️蠔仔煎蛋 $85/例牌新鮮滾熱辣炒起，巨型份量，味道絕對拍得上大排檔▪️雜菜粉絲煲健康人生點都要食啲菜，西蘭花、菜心、蝦仁、粉絲、木耳，應有盡有！清甜嘅湯底絕對唔係味精湯咁簡單▫️白飯香噴噴嘅白飯！店員仲送兩碗例湯

馬鞍山住咁耐，呀媽成日叫呢間外賣，每次都覺得好好食。今日媽媽話不如直接落餐廳食😂原來堂食真係好食過外賣。。呢度最出名幾種小菜，好似霸王雞同沙拉骨，真係整得好出色，好特色又出面食唔到。。今日叫左幾款小菜，第一次叫「麻辣水煮魚 $148」估唔到幾有驚喜，麻辣香濃，入口較麻，大量芽菜底吸晒個麻辣湯，魚片好鮮味無骨。「最正宗客家釀豆腐 $85」呢個又係必點之菜式，用鹹魚釀咗啲豬肉再加埋落豆腐度，加上黃豆等放入煲仔裡面，好惹味特色。「金牌秘制沙拉骨 $82」世一沙拉骨，唔係平時啲豬扒炸完之後就咁加啲沙律醬，佢個醬係調製過，好好食。。堂食叫小菜仲送例湯，是日例湯木瓜雪耳湯👍🏼👍🏼好滋補潤喉。

馬鞍山隱世中菜✨💕以霸王雞出名的小廚餐廳，霸王雞當然是吃過後會念念不忘，從此欲罷不能！其他精美小菜也是有質素！《古法秘製霸王雞》例$82簡直是皇牌小菜！好好吃！表面舖滿了大旺薑蔥，香味撲鼻！雞肉肉質鮮嫩無比！滑溜溜的口感，雞味鮮！一個例牌都足夠二人享用！《客家酸菜魚》$148居然有酸菜魚！店主是客家人，以客家手法烹調此酸菜魚，不會太辣，魚的肉質相當滑溜！酸菜的配合，令魚肉更香又美味！《金牌秘製沙拉骨》$82沙拉骨的醬汁味道很突出，而且醬汁厚度適中，不會太膩。此外排骨也是軟腍的口感，容易咀嚼，味道酸酸甜甜，十分開胃！餐廳更有例湯附上，加個「靚仔」，即是白飯，真是很滿足！總結：皇牌小菜無得輸！

邊個話馬鞍山係美食沙漠？食過呢間 金多寶餐廳小廚 就可以改變美食沙漠嘅想法這裏的環境令人有一種親切本土街坊嘅感覺這裏的味道令人一試難忘這裏的人情令人會想到舊一輩香港人的情懷而且還有 快 靚 正 三個香港人的核心條件首先來兩碗老火例湯豬骨 雪耳 薯仔 等等的煲出嚟嘅靚湯完全有屋企嘅感覺一飲就知道唔會有味精 鮮味無窮連薯仔都煲得非常軟熟 可說溶了一半喺個湯入面 令到成個湯嘅口感增加提升 舊豬骨不得了 啖啖肉骨頭夠香飲完湯梗係要食嘢啦古法秘製霸王雞淨係見到賣相已經知道大師傅功夫薑蔥切得幼細 一大堆放上霸王雞上當你食了這裏的霸王雞 你就終於參透到上一輩美食KOL的名句 「雞有雞味」因為這裏的雞肉真係好濃郁嘅味道 而且雞油豐富肉質鮮嫩 啖啖肉柔滑細緻 完全唔會有一般鞋口鞋面嘅感覺 雞油鮮嫩可以配上白飯 而且有砂礓醬汁伴隨 真係非常好食客家酸菜魚同樣地見到張相已經覺得好似去咗一間中環尖沙咀地段的名菜館食飯一樣依度嘅師傅可以做到一個非常正宗嘅客家菜這個客家酸菜魚 辣椒 酸菜 芫荽 多樣香料 除了顏色非常美麗之外 製造到出嚟嘅味道亦都非常豐富加上依度嘅魚切得晶瑩剔透十分鮮味無論魚或者蘿蔔 都吸收

入去馬鞍山食野，的確係來過好多次，不過今次卻喜出望外。因為係新港城中心隔離的富輝花園，入面有間叫金多寶的餐廳係十分特別。馬鞍山都算係一個住宅為主的社區，所以應該要有人情味的餐廳，好彩係金多寶我就搵到呢種人情味啦。入到去，我地叫返一D中式小炒先，包括左豉汁蒸倉魚、蒜蓉炒白菜、招牌霸王雞(例牌)、蠔仔煎蛋來食。唔講唔知，佢叫一碟小菜，平日仲會免費跟埋白飯架！而且碗例湯都好足料！先講豉汁蒸倉魚，份量真係大份過某連鎖快餐廳，價錢都係比佢多$20，但金多寶好食好多，而且又大條！跟住到佢招牌既霸王雞，肉嫩味足，配埋個醬，無得頂！送飯一流！至於個蠔仔煎蛋，蠔仔大大粒，一D都唔渣流攤架！均衡飲食係十分重要，當你叫左三碟都係肉食的時候，少不免都要食返個菜平衡下。今次叫左碟蒜蓉炒白菜，雖然呢個菜好平常，但更加巧餐廳功夫，食落去十分可口。當你食飽飽後，梗係要飲返杯有助消化的熱檸茶啦！順帶一提，金多寶的員工真係幾親切，對我呢D區外客如是，從餐廳內既熟客交談之間都略知一二啦！