金城茶餐廳 (已結業)

講真快餐店茶餐廳 的吉列豬扒通常都是啡色的,原因都是沒有睇火是但去炸但金城的就完全不一樣是金黃色炸漿也不厚一個咁樣的吉列豬扒配湯烏冬都是25蚊,包野飲凍飲重要吾駛加錢你重想點?

每次去大圍, 為食的我都會經常去呢度開飯, 點解鍾意呢度, 因為有點舊式茶餐廳的味道, 抵食大件不在話下, 味道當然都有咁上下, 當然今次都係叫雞扒烏冬, 係午餐的一款自選餐, 包埋飲品(冷熱同價)$24, 但千其唔好以為好貴~ 一碗烏冬裡面有三塊香煎雞扒~ ! 啖啖肉~ ! 超抵! 湯底同烏冬都ok, 絕對有encore多碗的衝動~ 當然唔可以同日本稻庭烏冬、日本湯底比較, 夾硬囉呢d比只係不切實際, 其實除左雞扒烏冬外, 呢度的旦治同油尖多都係必叫的, 女友的至愛~ 住響喱度都好耐 , 所以金城都係我ga飯堂之一 , 我覺得最正係個午餐 , 食過好多其他地方ga午餐 , 講真都係麻麻 , 反而金城個午餐 真係值得試下 。 個餐可以任配 , 我自己最鐘意係雪菜肉絲米 , 炒蛋火腿多士 , 炒蛋水準都好高 , 好滑好香 , 拍得住澳洲 , 正! 是次消費: 每人約HKD24

睇戲前, 又怕出到去多人, 所以先落街醫肚先...呢間係一間做咗廿幾年既街坊生意既茶餐廳, 價錢經濟實惠...叫咗個午餐: $24有火腿煎雙蛋, 沙嗲牛面, 牛油方飽, 配凍飲都洗加錢, 真係值得一讚...還有只要加$2, 便可改成奶油多士, 真係抵食...我當然會要奶油多喇..味道吾錯...奶跟牛油比例岩岩好..至於個面, 都ok喇...不過值得一提既就係熱奶茶, 小妹叫咗茶走, 即係落埋煉奶..吾洗落糖, 真係會香滑, 好飲d嫁, 呢間餐廳, 小妹差吾多每月都會食1-2次, 因為方便抵食, 所以值得推薦比大家試下, 去開大圍..不訪去下啦..

本身筆者已經是一位十分愛吃東西的人了。自開了食評後，便更加愛找三五知己到處吃吃玩玩。這晚，筆者與一友人相約到大圍食一頓晚飯。筆者曾差異友人會帶自己到一處什麼的地方吃晚飯。雖然事前筆者曾強調要「好吃!」。但卻不知友人的口味如何。最後友人帶了自己到一處商場裹的茶餐廳吃晚飯──金城茶餐廳叫了一個黑椒牛仔骨和牛肉煲。每一道菜都有2碗白飯及一大碗的中湯。都算經濟~白飯不怎評了，反正是能入口的。黑椒牛仔骨($34): 筆者第一眼看下是十分的大份量，用筷子叉起都看到不少牛仔骨。 而夾起牛仔骨一吃，牛仔骨軟軟的，又能入味，只是略微咸了一些。牛肉煲($40): 牛肉煲筆者看下是十分的大煲，而且份量十足，又夠熱。就連送來的「伙計」 也被其煲邊的熱力所傷到，幸好沒有大礙。 牛肉應該是肥牛牛肉，而底下有金針菇，洋蔥，青椒等的配菜。 吃下每一口都有濃郁的肉汁味，但筆者倒是認為大廚重口味了，又是咸了

簡值就係由細食到大的茶記！佢啲奶茶掂～最正係佢可以喺晚上食午餐，個雪菜肉絲米啲雪菜肉絲係我去咁多間茶記咁耐落得最多最多，多到好似唔洗錢咁^.^，而個炒蛋都好味（但最緊要叫佢生少少，就仲perfect），我鍾意舊式茶記果啲午餐，咩都轉得，你想腸仔火腿又得，雙蛋又得～唔會好似而家啲茶記咁，咩都話唔得！！～～

這間在美林村商場既金城茶餐廳,論環境雖然不太好,但係論食物味道以及抵食程度就真係好滿意,我order了一份雞排鐵板餐,有餐湯,有飯同意粉選擇再加埋餐飲,凍飲不需加錢,份量多,連個飯份量都多過人,仲要係炒飯呀,個胃細d都食唔哂

住響喱度都好耐 , 所以金城都係我ga飯堂之一 , 我覺得最正係個午餐 , 食過好多其他地方ga午餐 , 講真都係麻麻 , 反而金城個午餐 真係值得試下 。 個餐可以任配 , 我自己最鐘意係雪菜肉絲米 , 炒蛋火腿多士 , 炒蛋水準都好高 , 好滑好香 , 拍得住澳洲 , 正!

早餐為一日中最重要的精神食糧，上兩個星期考試，上上星期六好早起左身出去食早餐諗住早ｄ溫書去左金城食→ 庵列+ 牛油方包+火腿通粉→阿華田$19.0庵列：哇,,一見到都嚇一跳,, 好乾 唔可以話係庵列,係煎蛋囉入口都好乾火腿通粉：佢d 火腿多左d 其他冇乜特別, waiter 依舊神化p.s. 推薦海鮮炒飯 ,, 正!!!

得閒無事,遊「熱狗」河到總站下車,又是美林。見邨內的大排檔全部結業,懷念三、四年前某個冬夜,在這邨的大排檔與親戚們圍埋坐,食大大煲、熱辣辣的羊腩煲。還是走到商場,找間食肆食點東西。這間茶餐廳有兩個名(另名為金樂茶冰廳),兩邊打通,兩邊不同瓷磚牆,兩邊不同地板,不過一個收銀一個廚房,卡位桌椅款式一樣。下午茶時間,一邊坐位暫停開放,夾個牌在已摺的方檯上,以舊式字體寫著「暫停」。點個雪菜肉絲餐肉意,加杯凍奶茶。講完(點食物時並非講得細聲),見到個伙計90度彎腰,兩手軟軟fing fing下,己嚇了一跳,之後伙記伸直腰,落單,寫畢就飛張單落檯。己無奈,唔知話佢怪定玩野好。= ="不到一分鐘,凍奶茶與意粉已來。先講凍奶茶,來時沒有拌勻,明顯看到奶與茶分隔,將其攪拌,卻仍是先喝到重奶味,後喝到重茶味。雪菜肉絲餐肉意,意粉不腍身,雪菜肉絲份量一般,有少少汁,微鹹,雪菜本身不太鹹,其餘肉絲、餐肉一般。見到洗碗呀姐比班男伙記搞到好嬲,加上伙記與人客講波勁講粗口,心想此地不宜久留,還是快快食完走人。