7
4
0
港鐵上環站 E1 出口, 步行約12分鐘 繼續閱讀
電話號碼
23629992
營業時間
今日營業
11:30 - 15:00
18:00 - 23:00
星期一至六
11:30 - 15:00
18:00 - 23:00
星期日
全日休息
付款方式
Visa Master 現金
食評 (16)
等級3 2019-02-26
578 瀏覽
Happy Friday同朋友去左位於中環蘇豪區嘅金城居酒屋, 店仔細細得幾張枱, 所以大家記住要book枱呀!呢間居酒屋係由日本人親自主理, 主打沖繩料理, 每一道菜都非常精緻, 打卡一流!呢度好多日本人幫襯,連menu都主要係日文同英文。池魚刺身係必叫嘅。不過最好 book位時預先留定,如果吾係可能冇嫁。池魚新鮮,食完仲會留d池魚嘅鮮味同油香喺個口入面👍師傅刀工一流,每片池魚厚度剛剛好,宜家仲回味緊呀!仲有個小食併盤,入面有 d魚籽,海膽比你用紫菜同青爪包住黎食,清新加鮮味配合埋一齊,絕對係冇得頂另一以叫嘅菜式就係哩個豚肉沙律。連我吾鐘意食沙律菜嘅人都覺得好好味😋燒雞棒~係老闆每日自己親自剁,吾係攪碎嘅雞肉黎嫁,絕對係誠意之作燒魚一條~我吾記得係咩魚🙏魚吾會燒得太乾,燒完都仲食到鮮味,吾錯。燒魚鰭~哩個我覺得 standard, 冇咩特別,送酒 ok。 沖繩腸仔三味(原味,辣味,芝士)~哩個我真係吾建議大家叫,好普通,留番 d quota 食其它野好過。燒飯團~我地分別叫左麵豉味同牛油味。鐘意重口味 d可以食麵豉味,而牛油就令成個飯團變得更加完美,充滿牛油香。燒飯團為我地成餐飯劃上一個完滿嘅句號。大家都非常滿足!總結我覺得金城絕對係一間有誠意嘅居酒屋,大部份菜式都外在美加內在美並重。而且由日本人主理,如果鐘意食日本野,我都非常推介大家不防試一試。至於價錢,屬於中價。我地四個人叫左咁多野食又原係池魚刺身,仲叫左兩支 720ml嘅Sake同三杯啤酒都係 Hkd790。如果吾飲酒就平好多, 主要係酒水貴。個人認為作為喺蘇豪區一間有質素嘅居酒屋,其實價錢算合理。食日本野梗係要飲下 Sake啦。我地分別叫左兩友 Sake1. 天膺心 Hkd628/720ml 哩支相對易入口,比較芳香,清清地女仔應該鐘意。2. 爆雷Hkd498/720ml 史上最高值嘅日本酒度。聽個名都知勁!非常辛口,比較適合男仕。我飲左小小都已經有醉意😂 繼續閱讀
(以上食評乃用戶個人意見 , 並不代表OpenRice之觀點。)
等級4 2019-02-08
525 瀏覽
年三十個個趕著收爐,興幸有半天假期,去一啲平時食晏踏足不到的地方。今日選址中環。目標是曰式料理。日式料理下午跟晚餐價錢相差非常大,如果係好的餐廳,質量是沒有分別的,對於我來説,午餐又平又好食,何樂而不為呢!位於伊利近街的一間小店鋪,有吧檯和兩三張普通檯,地方有點窄。坐得不太舒服。要了一客今曰定食丼,即是今天時令的啦!原來是魚刺身和白飯魚仔。面層滿滿的紫菜絲。魚生有粒粒,有魚茸,配合白飯魚仔,層次豐富,夠鮮甜。定食配沙律和麵豉湯。整體來說地方環境太過迫之外,食物質素是ok的。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-01-09
788 瀏覽
趁放假日子,一早運動去!由山頂沿纜車路下山,到達中環時已1點半左右啦!在PMQ附近慢慢搵食,在眾多西餐店鋪中,見到了這間日式店!由於都好肚餓,又見都多食客,就一於試一試!入座時已1:45啦,lunch 的last order就2:15,睇左set lunch menu 就好快就做左決定啦!因為2個人都係「牛精」,都鍾意食牛,所以都揀左有牛嘅菜式,分別係:A.沖繩牛肉定食 及 D.牛肉丼牛肉定食牛肉丼都有配小食及湯兩個牛肉set,但味道上好唔同,想要牛肉味濃、突出就要選擇牛肉定食,連飯上醬汁都有濃郁牛味!門外都有貼上lunch menu,但就同店內嘅有小小不同!門面提提,由於我們太晏食啦,所以入座時,店員已表示有兩款lunch set賣晒啦! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-13
2255 瀏覽
今天跟同事一起到這家小店共晉晚餐,店子不大,所以一定要提前預訂。店員推介下點了以下食物:這個是這裏的招牌菜,再凍豆腐上放上小鹹魚,最適合等待朋友時用來下酒的小食!這個非常好吃,燒雞肉配上蛋黃汁,蛋黃汁還可留來蘸其他菜式,令口感更滑!這個日式紫菜蛋捲比較清淡,配上剩下的蛋黃汁蘸着吃,味道更佳!沖繩最出名的當然是石垣黃牛啦!這是Off Menu的!謝謝店員的誠意推介!燒秋刀魚就食得多,今天第一次試秋刀魚刺身,配上一些薑絲吃,一點也沒有腥味,不錯!刺身拼盤,本來應該有五種,但其中一份售罄只剩下四款,當中最好吃的就是牡丹蝦!另一沖繩招牌菜,豬肉炒豆腐,不吃苦瓜的人可試這道!燒牛舌,很好吃!燒海膽及三文魚子飯團,主食之選!因為東西太好吃,臨走前追加了一份燒牛舌和燒淮山,十分香口,為這晚飯劃上一個圓滿的句號。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-08-09
2422 瀏覽
見好多日本人食,星期五happy Friday 決定一試。好彩一早訂左位,當晚7點幾後已不斷有人想walk-in都冇得入,中環真係唔訂位好難有飯開。坐低左見朋友未到,就叫個sake先啦,呢度係幾多不同既sake選擇,忘了我飲既係咩了...等緊朋友但又肚餓就黎個前菜先,叫左個燒明太子同芥末魷魚,覺得明太子燒得乾左少少。朋友黎到,就點野食啦。去親居酒屋或食串燒都會想點個免治雞肉棒食,好多地方都冇加蛋,呢個會扣分。好在呢度有呢,食得好滿意。煎蛋卷又係我去居酒屋一定要點的,基本上食呢個都知間野得唔得。可惜,個蛋卷略嫌乾身,唔好濕潤,唔係特別好食。再點左個雞軟骨,燒得好好,好香。加個佢出名既沖繩苦瓜炒雞蛋豆腐,好食既。其實仲點左條魚同埋類似燒pork belly,但因為唔太記得係咩黎,費事寫勒。但整晚個印象係,酒係好飲,但食物唔叫好出色,個價錢亦都唔平,所以有得揀既話,真係仲有好多選擇,未必會特別再黎。 繼續閱讀
(以上食評乃用戶個人意見 , 並不代表OpenRice之觀點。)