7
4
3
餐廳: 金利豐海鮮酒家
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵油塘站 A1 出口, 步行約5分鐘 繼續閱讀
電話號碼
27096328
營業時間
今日營業
06:30 - 23:00
星期一至日
06:30 - 23:00
付款方式
Visa Master 現金 銀聯
座位數目
300
其他資料
酒精飲品
泊車 詳細介紹
電話訂座 詳細介紹
外賣服務
加一服務費
電視播放
食評 (17)
見呢間野幾大間就入去試下,點知一般般,味道似村屋老街坊樓下酒樓既感覺,腐皮卷un左d,炸雲吞炸得ok,不過粒蝦就細過一般酒樓,蝦春卷算正常,但偏冧,我食完之後,先有人同我講,其實d蝦春卷好似有少少怪味😭所以讓比我食。。。山竹牛肉系最正常既,都系偏冧,雞包仔好厚包皮,😒⋯⋯最勁系羅白糕可通落粉落多左,膠左,好似舊膠咁,唔似糕,😂好實正💪🏻。下次應該唔會再黎,不過炒野同龍等魚都無試過。。。可能人地專呢啲 繼續閱讀
(以上食評乃用戶個人意見 , 並不代表OpenRice之觀點。)
等級2 2018-10-13
587 瀏覽
我同牛爸都係喜歡嘆茶嘅人,經常會去不同嘅酒樓試下,呢間喺油塘中心附近嘅"金利豐",裝修雖然唔係好新,但勝在易揾位,價錢公道,環境唔會焗促,食物質素唔差,喺油塘區黎講,算喺唔錯,佢有啲點心好多酒樓都已經食唔倒,例如我最喜歡嘅雞球大包,餡料丰富,有雞,火腿,冬菇,鵪鶉蛋,都係16.8元,干蒸牛肉,口感彈牙,牛肉加埋裏面嘅馬碲同芫荽,完美配搭,另外要一讚嘅係佢嘅蠔皇鮮竹卷,唔會有太多嘅醬汁,餡料亦丰富,估計係有豬肉椰菜紅蘿蔔木耳等等,口感豐富,最驚喜係佢嘅餡料內冇蝦,因為我有敏感唔食得蝦,而家啲酒樓,乜點心都鍾意加啲蝦肉碎喺入面,令敏感嘅我經常會中招! 呢度就令我食得放心!牛爸今日食左佢嘅午市特價义燒飯,义燒厚薄適中,唔鞋,口感爽彈,份量足夠,但感覺上叫燒味飯有時都要講彩數,撞啱佢俾舊靚位就好,有時都會係鞋嘅部位,但佢嘅燒肉飯先係牛爸嘅至愛,佢話水準係中上,比好多酒樓嘅所謂脆皮燒腩好食好多,同主要係佢嘅價錢合理。呢度最大缺點係人手唔夠,但其實好多酒樓都會有呢方面嘅問題,但如果只係諗住悠閒咁嘆下茶,食個包,唔要求高水準嘅服務,有氣派嘅環境,呢度真係一個唔錯嘅選擇! 繼續閱讀
(以上食評乃用戶個人意見 , 並不代表OpenRice之觀點。)
等級2 2018-07-03
619 瀏覽
酒樓內有電視可以看,亦可以吃火鍋,火鍋配料選擇不多,配料質素也非常一般。葷食店有素食無疑是可以讓素食者與親朋戚友共同享受聚餐,翻閱餐牌便可以清楚地從中見四道素食菜式,是體貼的餐牌設計。連酒樓套餐亦有提供幾種素食的菜式選擇,例如是鮮百合素什錦,鮮茄雲耳浸南瓜,紅燒北菰扒豆腐,羅漢竹笙扒上素等等的。我點了一個紅燒北菰扒豆腐,份量偏少。在這道菜式比例中,菇和青菜亦佔較小,豆腐比例則佔較大,豆腐屬於較軟身,沒有紅燒的感覺,沒有油膩感,整體來説是清淡的。不過用來下飯也是足夠的。我不是一個重口味的人。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-04-14
612 瀏覽
今日同朋友行完魔鬼山,五點幾去到油塘覓食,朋友話好想食雞煲,之後就即興上咗呢間酒樓,本身都對呢啲屋村酒樓冇咩期望,但估唔到都有啲驚喜。配料好多好夠味,啲雞估唔到都幾滑幾入味,最估唔到嘅事可以無限加雞,我哋四個人encore左四次雞先開始打邊爐,其他配料都算多選擇,羊肉,手打墨魚滑都唔錯,算係不過不失,不過啲肥牛就真係唔好有咁大期望!最後阿姐仲送埋紅豆沙俾我哋食,埋單都係$168全包,啤酒汽水任飲,今時今日咁嘅價錢算係咁啦 繼續閱讀
(以上食評乃用戶個人意見 , 並不代表OpenRice之觀點。)
等級2 2018-03-28
598 瀏覽
$168任食兩小時雞煲火鍋,免茶芥加一話就話兩小時,幫襯過咁多次都坐到姐姐收工都唔趕人次次幫襯都好即興,想去就去唔洗等位,無論平日假期都實有位,又有電視睇,坐下坐好快就三四個鐘叫左個小辣雞煲,都幾多雞,有少許冬菇好香好入味,雞唔算滑,但我鍾意姐姐好貼心,次次都會提醒我地加雞提早同佢講聲,因為廚房要啲時間煲配菜種類都好多,想食既都有,但係冇我最愛既廚師腸,有魚皮餃同金錢肚已經好滿足Encore最愛的加工肉們個人唔太愛吃海鮮,其實佢每枱都會送海蝦同蜆,試過都唔錯最正既係「任食雞煲」係連雞都任加!出面好多雞煲都冇得加雞,只係配料任食好適合一大班餓鬼黎食,唔洗每人分得一兩舊,讓來讓去咁老套總括來說,$168一口價任飲任食任坐唔嬲唔洗等位又有電視做餸,性價比真心高每次即興想食雞煲火鍋都一定諗到呢間先,之後都會繼續帶朋友過來浪費青春 繼續閱讀
(以上食評乃用戶個人意見 , 並不代表OpenRice之觀點。)