9
8
5
電話號碼
29819396
營業時間
今日營業
06:00 - 23:00
星期一至日
06:00 - 23:00
以上資料只供參考, 請與餐廳確認詳情
食家推介
去長洲staycation, 一早起身就梗係去飲個早茶， 之前冇上網搵定去邊間， 約9:00 am由酒店行出黎見d 間好多人入去， 樓高四層， 要自己搵位， 上到2⃣️樓， 全滿， 上多一層， 同其他食寫搭枱先勉強搵到位.一坐低， 我囡指住d 點心車， 問我是什麼， 咗刻先醒起而家d 一代小朋友係香港其他酒樓見唔到， 介紹囡囡認識點心車， 再帶佢出去自己棟點心， 自己攞點心咭俾姨姨蓋印， 好興奮， 好開心， 滿有好奇.整體野食質素都唔錯， 用料足，所有點心都熱辣辣👍👍👍😍
繼續閱讀
長洲朋友介紹金冠大酒樓，夠晒老字號又多手工菜，難得遠行入到長洲就黎食個下午茶先😋下午茶有唔同既特價小菜及小食，當時大約三點，有啲已經售罄，我地就揀左兩款黎試下蓮藕餅同想像中有出入，好少蓮藕，好多粉，都幾煙韌既，熱辣辣煎到個面脆脆地點心質素就達標，叫左最基本既蝦餃，燒賣同鳳爪，蝦餃同燒賣都大大粒好足料同多汁，正🤤🤤🤤鳳爪正常份量同味道，亦唔會染到好紅下次再去都係叫返點心穩陣，或者可以試下晚市既撚手小菜😊
繼續閱讀
住了一晚長洲之後，一早起來，食早餐是一個必定的節目。島上，茶餐廳有許多，找地方食早餐確實是半點也不用煩。但，說要找點特色同文青味的地方，一大清早就未必會開門了。那天，一早趕了兩個小朋友起床，我問他們有沒有興趣飲茶食點心，兩個都 Yeah 了之後，我們就決定來到島上最顯眼的酒樓《金冠大酒樓》飲早茶。這一間《金冠大酒樓》，樓高四層 (用餐的地方至少佔兩層)。在星期六的早上9:30 左右入到來，已經是要等位的啊。不設門外等位，我們就像舊時一樣，在一些似乎已經食飽的茶客旁，等位。等了15分鐘，終於有位了，果真是 "長洲賓客人數多"。開了點心卡後，我同阿仔就急不及待，去點心車找點心。對，是點心車，在香港，已經買少見少了。我常說要帶兒子去一些仍有推車仔點心的地方飲茶。但始終都係得個講字，沒想到，我們竟然在長洲遇見。茶樓不大，而且分兩層，有一兩次為了追點心，我要跑落一層去找。《金冠大酒樓》並不是什麼頂尖兒的酒樓，所以點心的品質同款式都是很街坊 style。而街坊 style的飲茶，最受大家歡迎的一定是燒賣同蝦餃。在點心車拿到的燒賣同蝦餃，都是大大件的，而大件夾抵食就是人人都喜歡的口號。再加上味道算是不錯，大家都很滿意。另一個飲茶必叫的點心，就是鳳爪了。豉汁鳳爪，又腍又香又入味。少少的辣感，香軟鬆化的皮。味道更是滲到入骨內。我一個人食晒一籠。很可惜，找極也找不到素食的咸點。啱太太食的，就只有甜的東西，而其中的一樣就是馬拉糕。色水好深的馬拉糕，應該是用上了黑片糖去製作，夠甜，而且甜得很溫和，拿到了邊角位的一件，味道更是濃郁。另一個甜點，是已經很少見的沙翁。向來，我都覺得沙翁同冬甩是大同的東西。中式的特別在口感較為鬆化，而且最外的一層是脆脆的。食用是再加上了許多的砂糖，甜美可口。黑色的芝麻卷啊，是我同太太都久違了的菲林卷啊。見到此物，大家都忍不住，一定要叫一份才開心。味道的確是小時候的味道，但也許酒樓的師父失手了，芝麻卷顯得有點立癡癡，夾起來的感覺就有少少不爽。最後添置的一個點心就是雞蛋煎年糕。是兒子走去煎點的點心車自行叫的。年糕沾上雞蛋汁去煎，不會癡埋一舊舊，而且吃起來既脆、既甜又有蛋香。後來才知道，原來煎糕個車仔係由樓面經理負責的。有懷舊的感覺，也有街坊的感覺，再加上食物的表現不俗。長洲 Staycation 完的一個早上，等下位飲茶食點心係一件樂事啊。再者，晚上若果在街市買了海鮮，在這酒樓加工，應該也會價錢合理的。
繼續閱讀
這間懷舊酒樓位於長洲，在碼頭附近，沒有Booking，你要攞位就要係差不多食完的客，後面等，沒有畫紙order食物,，有特定位置放置了很多蒸籠點心，或者有時阿姐會推車仔賣點心，在香港這裏酒樓已經好少見，店員都好有禮貌。今次好好彩一上到去就有人埋單走了，不用等位就有位坐😃，仲要價錢唔貴抵食➡️燒賣足料燒賣大大粒，好味➡️鳳爪排骨穩陣冇嘢挑剔➡️煎魚餅這個煎魚餅真的不得了，魚肉入味，煎得好靚👍🏻推介大家食😋➡️鴨腳扎現在已經很少見到這個鴨腳扎👍🏻大家都要食，這是懷舊的味道搵
繼續閱讀
嚟到旅程最後一日，我哋好早就起咗身，收拾好 #行李，預備中午搭船出 #中環。#朋友仔 本來 好想去食 #蠔仔粥，可惜時間太早，去到餐廳門口，人哋都未開始營業，仲喺度執緊貨咋😅 唯有轉陣。記得細細個爸爸曾經同我去過碼頭附近嘅 #金冠大酒樓 食 #點心，機緣巧合，就齊齊入去懷舊吓。我哋搭lift去到2樓，地方的的式式，牆上竟然仲搵到一幅用 #金色龍鳳 做裝飾嘅紅絨面牆，如果面前唔系坐滿人，我一定埋去影張相啫😅 可能系地方太細，#點心姐姐 架 #戰車 只可以停留喺同一個位置，大家想食啲咩... 咪自己行去攞囉🤤 作風夠曬街坊、夠曬貼地🤣 我哋都入鄉隨俗，拎住張 #點心卡 去搵嘢食，因為冇餐牌亦冇指示，只可以好似尋寶咁，搵自己想食嘅嘢。我哋最後拎咗 #蝦餃、#燒賣、#鴨腳扎、#馬拉糕... 雖然 #點心賣相 唔係好精美，不過勝在樣樣都熱辣辣，尤其系個馬拉糕，仲保存到兒時嘅風味，#片糖 嘅香味撈埋啲 #豬油，咬落去又香又軟熟🤤 間唔中食吓啲懷舊食物，真係有另一番風味㗎😃
繼續閱讀