金公館 (康怡廣場北座)

營業中

休息中

位於康怡廣場4樓既金公館，路過幾次都比門面既氣派潢裝吸引視線，今晚終於有機會同個愛吃中菜既朋友黎試下有套餐，亦有散點！餐牌選擇真係非常豐富，京川粵美食都盡在其中除左前菜、小食、主菜外，亦有甜品選擇蒜泥白肉白肉切得很薄，跟青瓜厚度一致，捲著一齊入口感覺清爽，完全沒有油膩感！味道帶點辣，辣味比蒜味突出！十分惹味開胃半隻烤北京填鴨份量也不少，皮肉分開，鴨皮口感帶脆，入口有油香；鴨肉肉質結實！包著配料及醬料入口非常美味摩摩皮每塊都有紙隔開，方便易拎，摩摩皮同烤鴨既分量岩岩好，有12份有四款醬料提供，甜醬、桂花醬、芝麻醬同梅子醬，個人最愛甜醬，其次係芝麻醬二食加$98野菌炒鴨絲野菌份量多，吸收鴨肉精華，超級惹味擔擔面份量頗多，麵質彈牙，浸了很耐湯也不會變淋這款是川式擔擔面，不是麻醬果種口味，湯底比較像口水雞的味道，帶點辣的椒鹽鮮魷即叫叫炸，上枱時熱辣辣非常脆口，炸粉唔厚，魷魚新鮮，件件入口都咬得開！就係椒鹽味稍為不足，不則便完美甜品，擂沙湯丸芝麻餡甜度適中，糯米皮夠煙 un，正！非常滿足美味既一餐，下次一定要多d人黎食，再試多幾個菜式🤤

帶爸媽去了金公館吃飯，裝潢很有京劇色彩。特意點了半隻片皮鴨，片脆肉厚，用薄餅配上配料、醬汁一齊吃，很好吃。還有酸菜桂花魚，肉厚且嫩，裡邊還有粉皮、萵筍，吸收了酸辣湯特別惹味，必食！！爸媽超讚這一道菜。另外杏汁燉白肺湯也是推介，清甜潤肺，在這個乾燥的秋天飲就最適合不過啦！豉油王大蝦，色澤新鮮，大蝦紋理紅白相間，肉質彈牙爽口，豉油又不掩蓋蝦的味道。還有蒜蓉蒸勝瓜，清甜得來又帶蒜蓉香。金公館的分量較大，很適合家庭、朋友聚會來吃，爸爸媽媽都很滿意這一頓晚餐。

今日去咗太古行街，原來隔離康怡廣場都有好多嘢食行咗上4樓，見到間叫做金公館。見到門口有個櫥窗買緊片皮鴨， 就行咗入去試啦7:00入座唔算太多人，店員安排我哋二人坐卡位，菜單選擇有好多，簡直花多眼亂半隻 #片皮鴨 $119一鴨兩吃，阿皮片得夠薄，尚算香脆。但鴨肉偏向比較大件，鴨味都幾香。配上大蔥及青瓜絲，很惹味。二食 #生菜包鴨崧 $98生菜新鮮大大塊，但鴨肉份量偏少。洋蔥及西芹粒較多。#靈芝菇炒萵筍絲 $88食完咁油膩的片皮鴨，當然要食返個素菜中和一下。萵筍絲炒得爽脆，食落沒有草青味，讚#椒鹽九肚魚 $72炸得好香口，魚肉很滑嫩，一客份量大約有8至10條。#石頭鍋蝦醬芥蘭 $78效果好似做到啫啫煲咁樣，上枱「嗞嗞」聲，芥蘭口感十分的爽脆清嫩，完全冇渣。與濃郁的蝦醬十分搭襯。#冷榨蘋果汁 $92呢隻冷榨蘋果汁平時喺出邊都有得飲，估唔到今日食飯都可以飲到。

今日黎到金公館慶祝生日，黎咗康怡咁耐都未試過上到呢層食嘢，一於黎試試佢。我哋叫咗個必叫嘅片皮鴨，有四款配料同醬俾你加，幾好味。蒜泥白肉，師傅刀功好好，切得好薄，辣得黎唔會太難入口。南瓜火腿燘米線，呢個好夠鑊氣，食起黎好似潮州麵咁，好正。仲有個蒜蓉炒菜心，呢個一般般。最後黎個擂沙湯圓，應該係即整，好好食。

中秋節翌日同家人聚餐，預約6:30pm，到達時已有一半座位入座。店內的座位設計為為半圎座位的圓枱或卡位，亦有一間廂房。平均都算寬敞。叫咗3個招牌菜：酸菜桂花魚片，除魚片，有萵筍片、粉皮外很少見連帶少許魚肉的魚骨都有，而且為數不少呢！招牌囗水雞，半隻斬件上，不知是否一早斬定再冷藏，每件雞的刀切位置都黏住，雞肉硬實，醬汁也蓋不了雪藏味。囗水汁偏鹹，辣度一般。蒜泥白肉，刀功很好，五花腩切到紙咁薄後與青瓜片一起卷住，減少肥膩感。再加上前菜：涼拌雨花海蜇，一上枱覺得黑漆漆一大埋雲耳，心想無叫過喎！問一下侍應，佢話是海蜇，於是仔細看，終於見到廖廖可數的海蜇，收$68，再加一。真是.........此相片是將海蜇夾出放面上才拍的。雲耳超多。炸饅頭，炸得透，鬆化軟熟。

話說中秋節好難搵地方食飯， 同亞婆在康山近近地。 我本來都知做節時分好難搵食， 搵左好多間都話爆晒場、 唯有呢間金公館話1800有位預約。 我地準時來到， 一坐低已經叫定「片皮鴨」過左十分鐘就叫埋其他菜。 本來 十五分鐘黎左雞絲粉皮， 同萵筍， 以為正常，味道都食得好地地， 但之後半個鐘後先來個炒飯， 但百幾銀， 個炒飯每人食得2啖（ 5大人1細路） .........跟住就戲肉來， 我老公1845先到。 食翻晒啲前菜，又等了等。再等左20分鐘都仲未到片皮鴨、鴨二食。同部刁長反映左。。。。。。條友哦完 無左件事。再搵佢跟進佢問翻我咩事～～～ 即刻著左火。。。。。。。。最後再問片皮鴨有未，原來一直整好唔上菜。但二食一直未來...... 最後嬲得滯，CANCEL 埋單走。頂又唔係平。。。。。叫六碟黎得五碟，碟碟都細細碟。收我八百幾蚊，仲要食左兩個鐘............. 永。不。再。來。 我婆埋左單唔夠飽，最後落美心買個海南雞飯比佢同工人姐姐回家填肚。久等了的片皮鴨終於到， 質量正常酒樓水準， 食得下但沒有太大驚喜。 但因心情已經掃晒興.......點都扣左分。

我地樓下最近開左金公館調景嶺分店, 挑起左我同老婆去食北京填鴨癮, 不過可能新開張嘅關係, 連續幾晚收工去都大排長龍。今日趁我地兩個都係鰂魚涌收工, 我地決定去金公館太古店食完北京填鴨再返屋企。😌我地6點半左右已經到餐廳, 當時客人未多, 不過7點之後就開始多人。今日去金公館時仲巧遇上住附近嘅舅父, 咁當然要邀請佢一齊開餐啦。😁金公館星期一至五18:00後都有提供優惠套餐, 二人套餐$438已有多款食物, 仲包括半隻烤北京填鴨, 我地另外加點左兩款食物, 三個人share都應該好夠食。😙二人套餐 $438香蔥雞蛋豆乾粒豆乾粒份量都好多, 口感同味道同滷蛋有d相似, 唔會太咸, 味道唔錯。👍竹笙菜膽雞湯今日套餐湯轉左呢款竹笙菜膽雞湯, 仲左竹笙同菜膽之外, 仲加左瑤柱, 非常鮮甜。😋烤北京填鴨(半隻)北京填鴨鴨皮香脆, 鴨油豐盈, 配搭共8款配料食, 味道富有層次。👍XO醬雞粒炒秋葵秋葵味道清爽, XO醬炒雞粒惹味可口, 混埋一齊食, 美味之餘唔覺油膩。👍蒜泥白肉 $72蒜泥白肉比一般的香辣, 上層加上蒜泥, 中間夾住爽口青瓜片, 非常惹味又有口感。😍椒鹽九肚魚 $72九肚魚魚肉鮮嫩,

香港想食到好食片皮鴨唔容易啊><今晚同媽媽去左金公館食晚飯，點左半隻招牌嘅烤北京填鴨入口油脂爆發，酥脆口感屬在大滿足❤️師傅已經將鴨嘅油脂切走，睇落一啲都唔肥膩，但一咬就係咔嚓的油香🤤肉質都係嫩滑，連鴨胸都零鞋口！唔洗咬到好辛苦，好鬆軟嘅肉質😝佢哋嘅餅皮係每層用牛油紙隔開，以防黐住😳好細心👏🏻個餅皮涼左就會堅硬😣下次帶埋爸爸黎食就會點全隻👍🏻另外加$98可以要碟野菌炒鴨絲，份量好足料！用連皮嘅鴨絲炒什菇、西芹，應該冇乜落調味，因為食落唔會好鹹👍🏻單靠鴨絲嘅油香已經可以令成碟餸好惹味😝鴨肉完全唔會鞋，炒香左都勁嫩，仲更加香口，別有一番風味💕芙蓉賽螃蟹，呢間嘅賽螃蟹同出邊食嘅有啲唔同，食落好嫩滑！仲有少少奶香😳係鮮奶蛋白的感覺🐒仲有好多帶子粒！上湯杞子扒津白，呢款就無咩特別，上湯唔會好鹹，杞子食到甜甜的感覺，幾好食！係健康之選👍🏻椰汁香芋煮南瓜，呢鍋同我想像有啲唔同，椰汁比較稀身，唔係濃稠嗰種😲但椰香味好濃厚👍🏻芋頭好新鮮，食落夠粉香！南瓜都有香味同甜味😻加上吸收咗椰汁嘅精華，味道更上一層樓👏🏻下次家庭聚會或者朋友食飯一定會考慮呢度😍

今日lunch一行四人， 去咗太古城康怡花園 商場裏金公館。 金公館係一間中菜餐廳午市有小菜有點心叫。 我哋叫咗 一個二人套餐 再加 幾個點心。 二人套餐的小菜 分量 不少味道不錯 點心即叫即蒸。 值得一提嘅係 南瓜炆米粉 ，這味菜要散叫 無套餐，廚師用個南瓜裝住米粉令到米粉充滿南瓜的香味 ，這個菜必食。人均消費100元。

今日跟同事食farewell lunch, 叫左午市四人套餐，有小食前菜，有四個點心，二個小菜，跟白飯，咕嚕肉味道唔錯，酸甜適中，酸菜魚魚肉煮得好滑，點心應該即叫即蒸，熱辣辣，材料新鮮，不過人手可能唔足夠，叫左好多次侍應過黎加茶水都未有人回應

早一星期已訂位，入座時被安排坐係門口位置，先叫了4人套餐，我地共3大兩小，份量算很多。「椒鹽九肚魚」一般酒樓菜式，味道一般。「酸菜煮魚」微辣，魚唔嫩滑。重頭戲「片皮鴨全隻」味道唔錯，鴨油好香，仲有好多配料包埋一齊食，口感有層次。推介總括黎講，唔算太好食，服務一般。未必有下次了

今天在中午時間、上門口按了4位、等左30分鐘！只見到公關在叫拆枱，入左起碼10張枱都未到我！是正確嗎？都唔係第一次，希望你們會正視沒禮貌加沒心工作的公關！應該投訴GULU System 定係你公司公關既問題呢？

Not so many people were in the queue. So we tried it for dinner. This is a restaurant providing Shanghai food. However, I dont think the price was acceptable. The dishes were quite small, and the taste was below average. I think this is the reason for so few people there.

康怡廣場的公金館開了一段時間，但礙於經常只是兩口子開餐，試得不多，一直沒去光顧。今天朋友上來打牌，打完牌去吃飯，苦無頭緒，就想到去試一下。酸菜桂花魚桂花魚魚塊又大又厚，還有很多，4個人都吃不完，厚厚的魚塊仍可保持肉質嫩滑，很不錯。整體味道麻多於辣，連怕辣的老公都吃到。北京填鴨皮脆肉鬆化，半隻份量也不少，配料有京蔥、哈蜜瓜、青瓜等，醬料也有4款，加上餅皮夠薄，很滿意。青城山杏汁白肺湯這盅湯不便宜啊！$72一盅，但要知道洗豬肺是一件很麻煩的事，要洗很久才可洗淨，我媽以前也會煲豬肺湯，後來懶得洗都沒再煲了。豬肺很爽口，加了杏汁湯味又濃又香，很潤肺。食物整體不錯，份量又多，值得encore!

我最近成為了康怡廣場金公館的常客。它讓我滿足食川菜的慾望。首先，地方光猛乾淨，坐得舒服，不擠迫。食物質素亦令人驚喜了。以平常康怡廣場餐廳的價錢，價錢亦不貴。酸菜魚用上了桂花魚，魚肉片份量多，肉質滑嫩。辣度和酸度剛剛好，非常開胃。大家也喝了數碗酸菜魚湯。片皮鴨實在太令人驚喜了。首先片皮鴨皮脆肉嫩，廚師刻意切走了油的部份，令片皮鴨的皮非常香脆也不會太油膩。另外，它配以很多不同的配菜，例如，青瓜、蜜瓜、蔥、西芹等等。亦有不同的醬料，令這個片皮鴨味道與別不同，有不同的層次和口感。我很怕蔥爆牛肉會煮得很老。但這個蔥爆牛肉份量多，肉嫩多汁，非常有鑊氣。配料也十分入味，於是我們連它的青椒紅椒配料也全吃光了。最後，炸饅頭炸得很香脆的，不會太油，裏面的包非常軟的，端上的時候是熱騰騰的。我真的非常滿意這間餐廳的食物，尤其是那個片皮鴨，值得再次幫襯。