金仔米缐

營業中

休息中

今晚係禾輋外賣半只土佬雞煲平時我買開一只去拎時見到冇俾湯我問可吾可以俾碗湯我店員話要加10蚊一碗湯我照俾左因為我覺得有D鹹次次都加湯落去 好味D但係覺得有D冇人情味樓上樓下一星期就少吃幾次一只就有 半只就加10蚊吾係錢問題係覺得有D吾公平

係禾輋除左有譚仔之外，都仲有其他米線既選擇既，我印象中金仔之前就係開係商場入面，而隨著冬菇亭拆左，商舖重新規劃🤨所以儀家就轉左做地鋪啦😙位置更佳，座位仲闊落左😀😋豚腩肉牛柏葉配自製湯底金仔湯米線夠淋索哂啲湯😚岩哂我🤣豚腩肉肥瘦適中☺️牛柏葉唔會over cook 夠爽口🤗呢個湯底職員推介既，少少辣得黎，相當惹味，聽聞係特別製作出面冇架🤭舔舔脷指數👉🏻6😋/10😋滿分 可以一試😋

而家越嚟越少入沙田，就算係去沙田，一般都係行吓火車站附近嗰個大商場多。今次心血來潮行下遠少少嘅公共屋邨，就發現咗驚喜小店，喺未講呢一間餐廳嘅食物質素之前，先講一講呢間餐廳嘅服務先喺度返工嘅人都好有禮貌，尤其是見到有小朋友同埋老人家，會份外小心照顧，例如睇下「小心熱」、「慢慢行唔好急」可能呢啲就係街坊小店嘅人情味，係特別嘅溫馨，同埋親切。而呢一度嘅雞煲都幾好食，鍾意嘅話可以加啲米線添，非常值得大家多啲嚟支持。

♡‎ ♡‎‎ ♡‎ ♡ 沙田禾輋 - 金仔米線 ♡‎ ♡‎‎ ♡‎ ♡‎ 『 暖笠笠花膠雲吞雞鍋 』今次嚟咗間性價比高金仔米線禾輋店雖然店位於屋邨內，但食物提供種類繁多 食物質素唔錯 估唔到都好多人啊🔸花膠雲吞雞鍋（半隻） 🔥🍜🐔這鍋湯頭鮮美，花膠和雲吞的組合絕對讓你愛不釋口！雲呑好食 蝦肉彈牙而且雞肉鮮嫩，暖身又暖心🔹菠蘿椰果粒特飲 🍍🥥清新可口，菠蘿的酸甜與椰子香濃交融，感受到清新滋味🔸串燒 🍢$90/6串我揀咗豬頸肉、牛肉、雞軟骨、午餐肉、土豆片每一串都烤得恰到好處，肉質鮮美，搭配不同的醬料，讓你每一口都充滿驚喜！◆*．◆*．◆*．餐廳資訊◆*．◆*．◆*．📍 金仔米缐 (沙田)沙田禾輋邨熟食亭地下1-4號舖🔎冇頭緒：#elaineeat🔎發掘同區美食：#ee沙田🔎發掘同類美食：#ee港式#hkfoodie #hkfoodblogger #instafood #hkblogger #hkkol #香港博主 #香港餐廳#沙田餐廳 #沙田串燒 #沙田雞煲

收工食咩好🧐 朋友仔話想去沙田禾輋廣場買野順便食埋晚飯～記得個度附近好多野食，let’s go😬😬經過見到呢間金仔都幾多街坊捧場，而且食物種類選擇多，晚市仲有得食火鍋/雞煲，見到都覺得好吸引🤟🏻不過呢排成日都食打邊爐，係時候休息下🤣睇MENU見到有我最愛既米線！仲可以自選配料，YEAH‼️‼️一於試試先💁🏻‍♀️🔹自選米線 (蕃茄湯、自家製酸菜腩肉、玉子豆腐)湯底揀咗香甜有營既蕃茄湯，酸酸甜甜特別開胃🍅配料揀咗自家製酸菜腩肉，酸菜口感爽脆，鹹香味一流～腩肉柔軟多汁、肥而不膩，食落好爽滑！好耐無食玉子豆腐，見到呢度有得點，即刻嗌！玉子豆腐口感滑溜，充滿蛋香🥚金仔✨📍沙田禾輋邨熟食亭地下1-4號舖

今日要去沙田禾輋廣場做野，收工就約埋住附近既朋友一齊撐枱腳，佢介紹左去呢間金仔，晚市有得食雞煲/火鍋/烤魚，見好多人客人都有嗌，成班朋友食打邊爐就最岩，可以慢慢食慢慢傾！不過今日唔算好肚餓，下次再約多啲朋友先再黎試吓個雞煲！MENU都幾多選擇下，有特色湯飯、水煮菜式、自由配搭米線、串燒、涼拌小食等等。而我今晚就揀咗呢個油蔥雞飯～作為一般茶記人氣碟頭飯之一，水準果然有返咁上下～雞件份量十足，食落味道濃郁，尤其雞脾啖啖肉，加入香噴噴蔥油特別惹味，絕對係拌飯佳品！

屋邨冬菇亭可以說是香港特色之一，這次就來到沙田禾輋邨的冬菇亭食飯。金仔的食物選擇很多，由米線、雞煲，以及烤魚，一應俱全。這天晚上，只是一個人用膳，於是簡單的點一碗米線就好。使用手機落單，非常方便。這是豬骨湯米線，配搭鮮冬菇和墨魚丸。豬骨湯濃度恰到好處，為米線添加香氣，但又不會蓋過配菜的味道。墨魚丸爽口彈牙，魚香十足，一試難忘。鮮冬菇氣味香濃，口感軟滑。米線的配料也多，可以配合個人喜好刪減，令整個用膳體驗更為美滿。餐飲是熱檸蜜，滋潤一下乾涸的喉嚨。 

♡‎ ♡‎‎ ♡‎ ♡ 沙田 - 金仔 ♡‎ ♡‎‎ ♡‎ ♡‎ 『烤魚三重優惠😳』以前一向都好鐘意食金仔嘅米線大學嗰陣仲成日喉住佢個超抵食下午茶餐豬扒酸湯米線🍜最近發現沙田金仔有烤魚食嚟到店舖 店員都好親切介紹menu 同埋優惠呢次去有三重優惠添 超抵食💖半價烤魚今次叫全條烤魚只需要$154勁抵食 超大條烤魚本身嘅配料亦有好多例如豆腐、菜、洋蔥等一啲都唔馬虎就算滾耐咗 啲魚肉亦都唔會好韌💖追蹤送油菜或生菜今次嚟到只要追蹤金仔社交媒體平台就可以有油菜/生菜送返我揀咗生菜加落烤魚湯底入面打邊爐💖加一蚊無限添飲檸檬茶而家只要惠顧檸檬茶就可以+$1 無限暢飲不過本身嗰杯檸檬茶都超大杯另外我仲嗌咗啲串燒特別推薦豬頸肉 油香感重💘仲有午餐肉串 厚切再灑上調味料 正～◆*．◆*．◆*．餐廳資訊◆*．◆*．◆*．📍 金仔 沙田禾輋邨熟食亭地下1-4號舖

醫肚食個快餐，念住屋邨食酸菜魚，本住無特別要求既心態叫左個酸菜魚飯⋯見到個賣相已經知道瀨野⋯點解可以整咁難食既酸菜魚出黎？真係自己買急凍包都好食過拒十倍，我完全唔係誇張！其實睇個樣就知道係急凍魚片煮出黎啦，$58一個餐不包飲品，雖然唔係貴，但係魚片真係得果5-6片，仲要係宇宙級薄切法，酸菜三幾條，九唔搭八擺幾舊銀耳，湯底得個鹹味（難聽D講句我真係寧願拒落D味精好過🤦‍♀️）唔明點解可以整到咁既劣食出黎？？？#生平以來食過最難食的酸菜魚#沙角金仔

由旺角世界書局川居米線，吃到現在的金仔，今天真令我失望，縱使米線的味道不是全港最好吃，但始終吃了一段很長時間對這間餐廳情有獨鍾。但是今天的服務真令我很失望 。今天早上11:05下單叫了兩碗米線，到11:45還未吃到，隔籬枱的食客由於點了早餐，都已經差不多吃完準備離開，我等了45分鐘米線還未到。希望餐廳真的是留意乘客點餐次序及時間，看上去廚房人手及侍應也不夠 。希望餐廳能夠在這幾方面改善。下次會再來的 。

事源係咁..食個飯都要等成半個鐘都未有得食,入座時間12:32到13:09都未有野食，望住其他人有得食我又冇得食… 勁無奈加燥底..我叫左個蔥油雞扒蛋飯，已經自行apps落單,都可以漏單,叫極侍應都冇人應你，就算黎到個飯又凍冰冰，蔥油冇蔥油，叫煎全熟蛋變左太陽蛋.. 比$500佢找,又可以找錯$，冇野好講!!!真係唔比負評都唔得..今時今日食個飯都要咁燥真係好少

好耐冇食烤魚喇，一時之間心血來潮，就約埋老公同阿仔齋齊去金仔食烤魚。金仔係我老公嘅飯堂，一個禮拜最少嚟兩次食米線。今晚因為同我哋一齊，所以佢亦都跟住我哋一起食烤魚。嗌咗一條大江團魚，要咗水煑中辣。因為肚餓，所以不知不覺點咗太多的配料。我哋唔知道個餐本來就含一碗米線同菜籃，仲每樣額外嗌多一份，外加一碗紅薯粉。好在老公係極之食得之人，最後都係佢搞掂。雖然嗌嘅係中辣，感覺上可能達到其他餐廳大辣嘅程度。條魚都算肥美，肉多，湯底鮮甜，唔會差過一般嘅烤魚店。找數盛專534，但真係食到撐住個肚出來🤣

🐠係沙田見到一間個名好得意叫「金仔米線」🏅嘅食店。黑夜🌌中，店舖閃爍嘅燈光，遠睇格外亮眼 吸引目光。細看佢既餐牌。見到有個好特別嘅米線🍜湯底--金仔湯底。於是，內心認定吃它了。🍜金仔湯底+自家製酸菜腩肉米線$40湯底係深褐色，睇上去非常濃厚同重口味，飲落去偏甜，有少少類似花生🥜醬/甜醬嘅味道，味道比較複雜🤔，唔常見，好獨特。自家製酸菜腩肉似客家梅菜扣肉，好入味，肥肉部分軟嫩，瘦肉則較乾。米線🍜偏幼，口感較腍身。🐓重慶口水雞 $47口水雞嫩滑，🐣雞味淡，辣醬係常見川菜辣椒醬，香而不辣🌶，亦冇太多麻味，整體味道幾好味，好餸飯。值得一提，佢嘅飯煮得幾好，粒粒分明🍚，有米香口感。🍋鹹檸檬七喜(跟餐半價) $10正正常常，冇咩特別。不過配埋口水雞，可以解辣，正！👍❤️💛❤️💛❤️💛❤️💛❤️💛❤️

是咁的， 做完運動興起去食金仔， 之前都有食過， 但係自從裝修完就冇再食過， 直到今次再次體驗令我大開眼界。 首先不講食物質素， 就淨係講等嘢食呢一點，1820 落單，1846好客氣咁樣問佢， 佢就好唔耐煩咁叫我等， 點知一等又係20分鐘， 我都忍唔住有小小脾氣，要求退單， 點知佢轉個頭就即刻 拎到出嚟， 仲喺度道德綁架我， 好串咁樣話： ［都嚟咗喇咁而家你想點？］ 嗰下真係嬲到。 真係唔會再想試， 員工服務態度差， 食物品質不如從前， 在此奉勸大家， 冇事真係唔好去試， 只會令你更失望

香港食米線嘅地方好多，我老公超鍾意呢間金仔米線，一個禮拜最少去食兩至三次。呢間金仔喺禾輋，以前陳根記大排檔的位置，地方闊落，坐得非常舒服。今次去我同老公都嗌咗胡椒豬肚雞米線，我哋鍾意佢夠重胡椒味，夠辣、唔錯。因為太餓了，小食方面嗌咗個蒜泥白肉、川味皮蛋同埋酥炸雞軟骨。味道方面，三個小食都叫做不過不失，OK啦！餐廳夜晚仲有烤魚同雞煲，都有幾多捧場客。我哋去嗰晚就有幾台年青人，睇佢哋似乎都食得幾開心，餐牌上價錢亦都唔貴，如果揸車嚟仲可以泊喺隔離嘅禾輋商場（食夠$200可以泊三個鐘），十分方便，嚟開呢度可以考慮喺度開餐。