12
17
26
港鐵油麻地站 B1 出口, 步行約1分鐘
繼續閱讀
營業時間
星期一至日
12:00 - 15:00
17:00 - 00:00
以上資料只供參考, 請與餐廳確認詳情
難得和朋友出來食飯，想找個地方能坐的多點時間，所以決定來吃放題。選擇了金丼鐵板和風放題，2.5小時任食，而地方也坐的舒服，只要選擇想吃的，等著吃，最合適我們坐下來閒天了。*********************來到商場，找到了金丼鐵板和風放題，便由服務員安排入坐。食物紙，選擇只有6款，例如，壽司、料理、雞煲、刺身。小吃、炸物、燒物、火鍋食材等。還有飲品和甜品。飲品是自助，要了杯菜蜜，不過入口很淡如水的菜蜜。鹽燒鯖魚，都煎的幾好吃。糖心玉子，其實是雞蛋加了些蟹子和醬汁，蛋的心不是糖心了。芝麻豆腐，芝麻醬味道都好吃，豆腐是一盒盒的切片，所以很滑溜。刺身三文魚都還可以，不是很鮮甜的味道。希靈魚也沒有苦的味道，也是爽口略帶咸了一點。吉列蝦反卷和炙三文魚腩壽司。壽司飯還軟身，吉列蝦反卷和炙三文魚腩壽司不過不失。醬爆帶子，味道也不錯。芝士年糕，年糕有點腍，但味道好吃。炸章魚小丸子，其實不是炸的，和街吃的燒的章魚小丸子一樣，粉團味道好吃。一口炸豆腐，入口都很香惹味，豆腐又夠滑，好吃。花之戀，三文魚也不錯，蟹籽也很多，好吃。刺身，仿鮑片、馬刀貝、三文魚和長腳蟹棒。三文魚其實還新鮮，馬刀貝夠爽口，所以番點。仿鮑魚片都幾清甜，長腳蟹棒和蟹柳一樣，沒什麼特別蟹肉的鮮甜。火鍋水餃，水餃是以肉為主，味道還可以。蒜香三文魚沙律，其實沒什麼特別味道。芝麻八爪魚，都幾甜幾惹味。海老天婦羅和多春魚天婦羅，其實炸物脆醬也脆口，做的也很薄，油也不多，以這裏食物水準來說也是好好味。脆炸紫菜雞，炸得都香口惹味，雞也不會很乾身，不錯。甜品要了雪米糍，細細粒一口，都是巿面能買到的，所以不能說什麼特別好吃與不好吃。
繼續閱讀
每月一餐時間又到了,今次係團購,$99,任食兩小時,book了8:00。韓國的啤酒。附送的海膽,味道很苦呀,不新鮮的。沒味道的帶子。沒味道的刺身。太油膩的炸物。韌的牛柳粒。火炙三文魚腩壽司還可以。薯餅,反而食的最好,因為味道正常,而且叫多了,不要浪費。章魚丸,正常味道。芝士年糕來的,太多粉,皮是苦苦的。芝麻豆腐味道可以,炸蝦冇味。燒灸干,沒有試。粟米也算了正常水準的了。雞軟骨,有怪味,禁不住叫職員收了。脆炸餃子,還可以。雜菌炒帶子,又韌冇味。燒菠蘿,正常味道。溏心玉子,根本就是烚蛋。和風燒薄餅,賣相不太得,味道普通。清酒煮蜆,蜆肉太少了。食了很多不行的食物,又見周圍的人都食火鍋,於是點了,日式三文魚頭湯底,都ok。知道為甚麼很多人都點火鍋了,味道應該是全部食物之中最好的。甜品要了雪米糍及唧喱,唧喱是半凝固狀態...= = "。團購之中伏,食物不行,場地也不行,地板太滑了,濕立立的,也有污糟的感覺,服務態度普通。
繼續閱讀
如果一班朋友吃飯的時候，我想大家最頭痛除了約齊人之外同埋唔好令ｄ人甩底,我想最頭痛的也就是食d 咩啦小妹係一個最怕諗食d 咩既人,有陣時番工食Lunch諗食咩都已經夠頭痛出到去市區更加苦惱，太多選擇最重要係有陣時，有ｄ朋友又話唔食呢樣唔食個樣係最煩就係咁既問題啦,唔知你地有冇遇過呢?小妹亦都係麻煩友一名,因為我唔食得辣架如果我個排唔舒服,爆粒粒既,連熱氣野都唔肯食或者大家都話諗唔到食咩咪打邊壚囉,最好架啦自己想食咩就食咩係唔係先?小妹就試過有朋友係唔食牛,但係打邊壚唔食牛又好似對唔住自己咁不過或者你話你朋友唔食咪得囉,冇問題架!!但係我朋友就係佢打緊個爐係唔可以有牛既東西存在自此...我如果揀打邊壚就一定問定有冇唔食呢樣唔食個樣既免得出到去就鬧交啦係唔係?不過近來小妹就開始考慮番食日式放題係香港開始愈開愈多呢d 放題店,連價錢也由$150-250左右然而今次小妹也想介紹一間給大家認識它就是位於【金丼鐵板和風放題 】而家好多放題都會有Mix 既食材,好似有日Mix 韓,或者韓Mix 泰等等今次小妹介紹既呢間就係有日式野食之外,仲會有得食大家熱愛既雞煲tim 係呢間既放題入面既食物選擇唔算好多不過我最愛既魚生選擇都不錯就是熱食有點不夠而己來跟大家分享一下它家的魚生種類吧當然少不了三文魚,希靈魚,甜蝦,魷魚,熟蛋等等d 三文魚小妹是吃得最多的,因為它真係蠻新鮮又夠大塊雖然小妹每一次吃放題是真的絕對不會吃壽司的原因我認為它會令小妹很快飽肚,實在不抵吃的而且我的胃不算太大,吃上飯的東東打後就吃不了不過好友推介它家的火炙的壽司小妹當然也要試一下它的壽司係唔係真係好味到咁先xd今次小妹吃的火炙三文魚,說真的真的蠻不錯難怪好友吃了一碟又一碟吧xd另外小妹要推介的就是它家的椒鹽雞軟骨,小妹特別鐘情呢款食品,所以去親放題小妹也一定會叫的不過它一定要襯熱食,凍左就開始冇咁好食架啦另外呢一款我忘記它是什麼的雞肉串燒它的汁也弄得不錯,賣相也不錯不過係唔知佢呢度既冷氣太凍定係我地吹水吹得過份左xdd 野食好快就凍左,.就開始冇咁好食所以我會極力建議大家,唔好一次過一次叫咁多份如果咁就可以keep 住夠熱之如又唔會哂野啦另外一款的就是麻醬豆腐我蠻喜歡它家的日式麻醬,不過略縑豆腐太凍d 汁多番少少就仲好啦另外仲有大家去日本餐廳也會叫的清酒煮蜆吧不過係呢間的,好似沒有清酒的味道反而就是只有單單的甜味所以我自己就沒太多吃了...另外也有印度的蔥餅吧小妹就沒有吃上它,不過同場的好友也有試用她們也指不錯,當然大家可以麻煩店員幫忙分件的另外,呢個海膽是沒有得叫的是應該你有約多少人食用就有得享用架啦當然可以詳細問問負責同事吧除左以上既食品之外,當然少不有燒物吧當中呢個燒波羅是在場朋友極為有興趣的食物之一不過大家就有一點失望了,因為它不算正式的燒好像只是在爐面烘一烘而己,吃下去就沒有熱熱的感覺或者它本身是就有燒過的,但係到我地手上就變得有點微溫了如果可以改善的話就最好了!!最後我要介紹甜品了,在它家店中暫會有兩款的甜品包括有雪糕糯米池及雪糕泡泡FU我個人認為泡FU 最好吃,但係一來的時候太硬了如果臨飽飽地的時候,可以叫定那一吃就可以唔好凍到牙都甩啦也許大家問,唔係真係少到咁多野食卦?其實它也不算少,只是小妹掛住食就完全沒有影到其他食物就好似拉麵呀,有粥品等等,最重要我地成班女仔都冇叫到D 雞煲有D 燒物,如栗米同小蕃薯其實真係好好食只係我真係掛住食就完全沒有影相吧而且說真的它家的價錢也算是放題中尚算是平價的有興趣的朋友也可以去考慮一下唯一要說它的不好就是野飲唔多野揀,同埋要自己斟的另外就是野食揀既唔算多,同埋如果餐廳方面可以改善個地下"線"既問題就最好始終對於店內員工及客人也有一個安全性吧不過對我而言,食放題要睇錢的話,今次呢間也值得同學們的考慮吧^^
繼續閱讀
一家人團購$99蚊放題, 每人仲要另加$59, 去到環境有點舊及污糟的感覺, 食物選擇少,上菜非常慢, 好多漏單。食物方面, 賣相完全唔吸引, 火煱配料感覺像人地食剩。刺身選擇少, 而且又細塊又薄, 兩次三文魚大細只是約一蚊銀咁大 5mm厚, 完全唔夠食。薯餅冇薯, 應該叫"油餅", 最經典係果碗所謂碗仔翅, 你話佢係豉油水比較貼切。 總括係冇樣野食得落, 又漏單, 俾佢昆左每位$158, 成家人都食到冇晒心機, 非常後悔。
繼續閱讀
朋友介紹金丼放題，即管黎試試啦。嘩 ﹗平都您唔信，閒日任飲任食都只係百二蚊，黃金時段都二百蚊有找。點解叫鐵板和風呢？完全見唔到有鐵板架喎？餐廳入口都幾隱蔽喎，商場又指示不足，我都係逛左陣碰運氣先搵到乍。見 receiption 雖小，但入到裡面好寬敞喎。抽氣同空調都好夠，眼見枱枱都火鍋中都唔會話太大煙或味道太過濃烈。我仲以為係第一個到添，原來已經有班朋友仔到左喇，已經坐定定 order 中。嘩 ﹗全枱都係女喎，真開心，哈哈。揀個靚位先，我都要起動喇 ﹗真奇怪，張墊枱紙少左鐵板兩隻字既？都好多款菜色揀喎，但刺生得 10 款就有點失望喇 ﹗火鍋湯底有五六種，火鍋生料就普通左少少，大部份都係丸同菜。炸物、串燒唔少得啦，仲有烏冬、拉麵炒飯咁，最搞笑連川式涼伴、干扁四季豆、辣雞煲都有。粥粉麵飯我都唔會考慮，包括壽司，食左唔洗食其他野喇 ﹗海蝦，大路正常，味道都夠鮮甜，如果能爽口啲就更好。肥牛，還可以啦，我較喜歡食肥美既新鮮手切牛頸脊。辣雞煲，哈哈 ﹗味道都幾甜架喎，唔覺有辣味。雪藏雞都係咁上下啦，唔難食，點豉油 ok 既。蘿蔔好老喎，有渣又唔夠甜。黎多個又係辣雞煲？﹗我係叫豬肚雞煲喎，又黎多個辣雞煲，入錯單啦，唉。清酒煮蜆，煮過龍啦，蜆熟到不得了，又乾又靭，無味既？﹗無蜆味亦無酒味。再黎清酒煮蜆，剛才嗰碗好唔掂，叫多碗試真啲，比多次機會您啦。依碗好少少喇，無剛才咁靭，較飽滿，食落都仲有少少蜆味。但一樣完全無清酒既味道，亦無任何香菜味道，仲好甜添，只係有日本甜豉酒味囉，到底知唔知清酒煮蜆係點煮架呢？蒜香牛柳粒，廿十成熟既牛柳粒，蒜味濃郁，都唔算太過乾硬既，可以接受，真係好似係超市買既五香牛肉粒噃。應該都係一早炒定架喇，暖暖地撈個炸蒜蓉就上枱囉。鯖花魚，鯖花魚本身魚味濃，所以簡單既烹調已經好好味 ﹗燒得唔錯，淡淡咸味帶點肉汁，皮就有點韌，合格。如果跟個日式專 for 魚既酸汁就更正，比用鮮檸檬更好。鹽燒三文魚頭骨腩，頭就完全見唔到喇，舊舊都係骨腩。連埋魚鰭一齊燒好多骨呀，點解唔切走去呢？無咩味道，質數一般，做椒鹽會更好。第 2 碟鹽燒三文魚頭骨腩，比之前嗰碟好少少，無咁油膩，不過依舊無味。串燒味淋魚肝，第一吓咬落去硬到咬唔開，要大大力咁扯囉。甜甜地又嚥嚥韌韌，一般啦。大家估黎估去都諗唔到依碟係咩黎囉 ﹗魚肝？肝點解有尾又有鰭既？串燒？無野穿住架喎，勁搞笑囉 ﹗應該係打錯字啦。醬爆帶子，好可怕 ﹗又咸又澀，咩黎架？大量洋蔥絲一齊炒，大家都放棄。三文魚、甜蝦、墨魚、長腳蟹棒、鯛魚、馬刀貝，睇黎刺生係最穩陣既項目，雖然只有 10 款可選。三文魚，軟滑微甜，合格。鯛魚、甜蝦、馬刀貝太淡無咩鮮味。最好味又新鮮反而係墨魚喎，黏口又彈呀 ﹗蟹棒最差，味道死實假到不得了 ﹗又濕又散，似大陸蟹柳。八爪魚、仿鮑片，無味道的。希靈魚，一般啦。海膽刺生，腥腥地喎，紫菜腍劈劈通晒風既。點解唔係 menu 上面架？點 order 到架？再黎多次海膽刺生，剛才得一板唔夠分，黎多兩板試真啲啦 ﹗唔係講笑，真係有點腥，應該係品種問題。海膽刺生，到最後大家都唔想食，無緊要 ﹗我捱義氣食埋去，唔想浪費食物。少少腥啫，還可以既。鰻魚壽司、北寄貝壽司、三文魚壽司，我無打算叫壽司食架，但朋友仔堅持，咁我求其叫少少，3 款共 15 件啦 ﹗無人食，又要捱義氣食埋去 ﹗飯粒質感免強接，唔係太黏太爛，但係壽司醋味欠奉。三文魚、鰻魚都還可以，係係北寄貝無味。北寄貝壽司，唔難食，入到口既。火炙蟹棒壽司，不吃也罷。火炙三文魚，一試無妨。最大問題都係壽司飯囉，唔係好得。溏心玉子，大家異口同聲話熟蛋黎架喎 ﹗又係無味既？點解今晚咁多道菜都無味架？就算係上面灑左蟹籽，淋埋醬油都係救唔翻。芝麻豆腐，胡麻醬豆腐？依個穩陣喇 ﹗豆腐嫩滑有豆香，胡麻醬開胃，滿意 ﹗枝豆，用鹽水烚一烚，無問題啦，幾好食。麻醬蕃茄，依個都一樣夠穩陣 ﹗蕃茄新鮮多汁，配上香口麻醬，Good ﹗一口炸豆腐，面頭嗰啲應該係七味粉，但依道菜照樣無味，點解唔整椒鹽呢？口感就外層內嫩。炸芝士年糕，甜甜地熱辣辣，幾好 ﹗係芝士太少啫。南瓜天婦羅，微甜南瓜，味道不俗。蕃薯天婦羅，炸得鬆脆，外面脆而裸面軟棉，甜甜地好食。海老天婦羅，實在太多粉喇 ﹗硬屈屈 ﹗又要去左個人造殼先食裡面隻蝦，無味既蝦呢。脆炸餃子，依個真係唔錯 ﹗炸得好香口，裡面仲依然充滿肉汁，好味道 ﹗脆炸紫菜雞，我覺得太濃太濁，已蓋過雞既味道，不過有朋友仔鍾意食噃。惹味爆蝦米，厚厚既一層炸粉再上麵飽糠，裡面包住一隻蝦，我個人不太喜歡。串燒日本甜薯，依個 Good ﹗口感軟棉濕潤又熱辣辣，微甜清新，好 ﹗碳燒雞肉串，醬多得太誇張喇，成個口都係醬，而且好甜，唔太食到雞肉味道囉，雞肉腍劈劈。燒蘿菠，大家都好鍾意，但我對甜野麻麻地。燒牛油粟米，依個幾好味喎，反而朋友仔覺得太油囉。日式蟹皇翅，我一見到就想試試喇，另兩位朋友又有興趣喎，咁就前後三碗啦。個翅個樣怪怪地既？滴汗中。我地三個一齊試第一啖，同一時間放低，算喇 ﹗食其他 ﹗碗裡面除液體外，只要少量金菇，都幾難飲吓，味道似日本醬油溝水，仲有少少菇菌類既蹹味，一啖致命 ﹗海草叉燒拉麵，都唔知邊個 order 既，放左好耐都無人試頭，格硬屈我食 ﹗我食無緊要，我個胃大把空間。都唔知係咪老闆見我地咁食得，專登整碗烏冬過黎既 ﹗海草叉燒拉麵，唉？﹗又驚又喜又夠搞笑喎 ﹗哈哈 ﹗超濃郁既豬骨湯底，味道幾濃湯寶一模一樣，個烏冬浸左咁耐都無過腍喎，口感仍然滑溜，好味喎 ﹗全晚最好食係似個烏冬喇 ﹗厚切叉燒，我仲以為係膠黎添，咬唔到既？又硬又韌喎，格硬扯都唔點，係咪裝飾黎架？真係笑左，哈哈 ﹗和風燒薄餅，朋友仔推介，試試啦。我真係完全感覺唔到有風喎，咩餡都無，食落似咸咸地既酥皮囉，應該有少量芝士。泡芙，炸既甜品，無意見。雪糕糯米糍，外購正常囉。服務真係有待改善架，好多時碗碟已堆即如山，我地都係自己攞去隔離枱囉。見老闆好努力咁跑黎跑去招乎客人，身水身汗，我都唔忍心寫得太狠，希望我既意見幫到您啦 ﹗加油呀 ﹗臨中段先知道啤酒係任飲架 ﹗超初以為無啤酒供應添 ﹗選擇雖然算多，但質量參差，刺生種類同火鍋生料種類係最少既，連港式、粵式、川式小食都有，入場費百幾蚊就真係堅平，保證您食得飽 ﹗各方面都可以再做好啲，收費加少少無問題既。
繼續閱讀