112
3
0
港鐵北角站 A1 出口, 步行約2分鐘 繼續閱讀
電話號碼
54048809
營業時間
今日營業
12:00 - 20:00
星期一至日
12:00 - 20:00
付款方式
Visa Master AlipayHK 支付寶 現金 八達通 AE 銀聯 JCB Apple Pay Google Pay 微信支付
其他資料
當面支付
食評 (116)
等級4 2022-05-07
675 瀏覽
聽聞係北角呢間「野郎 Stone Ya Rou Stone」嘅鐵板餐好,扒類肉質嫩滑又多汁,於是與 honey 一齊嚟品嚐下!因廚房係“開放式”,所以能直接見到廚師處理食材,👀啲牛肉、豚肉等非常新鮮…另外,落單紙上亦可彈性地選擇不同食物的份量!# 牛板腱 ~ 呢件真係唔講得笑,望落已經覺得好肥美…廚師只煎煮了一陣,就立刻放上熱辣辣的鐵板,讓顧客可按自己喜好將肉切片,煎到自己喜愛的熟度,外脆內嫩、肉汁豐富兼滿有牛肉香味,真係食到停唔到口!# 西班牙產黑豚 ~ 非一般豬肉可媲美,肉質鬆軟嫩滑又有咬口,加埋脆卜卜蒜片,食到舐舐脷!除主食外,亦附加日本芝士豚肉腸,香脆可口、芝士味重。如加$30可轉套餐,有麵豉湯、沙律、白飯、薯蓉,食完飽飽滿足晒!食完後欣賞埋廚師即場處理牛舌芯,牛舌處理前後的分別甚大,因只留成條牛舌嘅三分一、最嫩滑的中間部份,嫩粉紅色的牛舌非常吸引,相信鐵板上一定好,難怪係“招牌菜”,下次再嚟試過! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-06-16
0 瀏覽
同媽媽喺附近酒店Staycation ,因為我同媽媽都食唔得多嘢,再加上晏晝已經食咗一轉酒店Buffet ,所以媽媽就話唔好喺酒店食,所以就改咗喺隔離商場。先喺超市行吓,行行吓就發現有間石燒,於是就同媽媽提議試吓,因為石燒喺香港幾年媽媽都未試過(主要係大多數都係得牛肉而媽媽又唔食牛),而呢度就有雞有豬,所以就坐底試吓。加咗$30轉咗兩個套餐,包括:- 牛板腱-西班牙產黑豚套餐就可以有飯或者薯蓉+湯+沙律,仲要係可以無限添加。牛板腱嘅肉質都幾嫩,最緊要肉汁豐富。西班牙黑豚開頭以前係豬扒,原來係豬腩位。食完肉都已經開始飽,再食埋薯蓉、沙律同飲埋個湯都已經好飽。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-24
156 瀏覽
逛超市順道晚飯,真係幾方便喎。北角滙一田超市內有一間石燒專門店,行經就會「香噴噴」吸引到注意。要了200g特上牛小排,吱吱渣渣的聲音,牛肉的油脂在石燒上番滾著,那香氣樸鼻而來。熱辣辣嘅情況下,將牛肉切成小塊,烹煮自己喜愛熟度,肉質非常軟熟,牛脂溶化在口腔內。不過食嘅時候要小心因油脂會彈起。追加三十元轉套餐,包括有無限添加嘅湯,沙律,飯/薯蓉和一份飲品。肉類食多了,有爽脆沙律清清腸胃,不錯。薯蓉綿滑,多吃也不會飽滯。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-22
128 瀏覽
近㕑得食,近市得鮮!係超市個市呀,你有無試過在超市中食石燒?真係可以醫飽個肚再入貨呀。open kitchen 可以睇住㕑師精心炮製美食,順便可以偷師,hee hee 😉今次我同朋友叫咗西冷牛肉味濃,肥瘦適中,我最鍾意食西冷邊邊嘅根位,真係好有咬口。另外叫咗紐西蘭羊架,高品質紐西蘭羊架,臊味較少,肉厚味濃口味,配搭簡單嘅鹽花已經美味滿足👍🏻我哋轉套餐,薯蓉,飯,湯和沙律,無限添加,重有汽水/茶一罐👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-17
142 瀏覽
朋友係牛舌關注組嘅成員,成日都提北角一田裏面有間唔錯嘅牛舌店,餐廳叫野狼蒸,全部都係食鐵板,有牛肉,豬肉,羊架,雞肉同埋牛舌芯,自己可以控制生熟。套餐價錢有唔同嘅重量及價錢,加$30可以有套餐,配椰菜沙律,湯,飯或薯蓉及汽水,沙律同飯仲可以添加。餐廳係開放式廚房,見到服務員係你面前整埋,牛舌芯上枱係熱辣辣香噴噴,外皮香脆,入口爽脆彈牙,完全係牛舌芯嘅位置,唔會溝埋邊位,牛舌份量都幾誇張,雖然差唔多百幾蚊,但物有所值。另外叫咗個西班牙黑豚肉,唔需要全熟,咬開仲係粉紅色,不過如果你怕生嘅話,可以自己再慢慢煎香,豬肉爽口彈牙又幾好味喎,有豬扒脆邊位,爽脆又唔油膩。雖然坐喺一田超市裏面,食嘅時候會見好多人行過,不過食物質素又出奇唔錯,嚟呢度識食嘅人都一定叫牛舌芯!! 繼續閱讀
(以上食評乃用戶個人意見 , 並不代表OpenRice之觀點。)