影片
諗住試下佢既牛舌 好似幾出名下， 叫左個咖哩牛舌尖飯，咖喱正常味道 無咩特別， 牛舌份量都ok 42 蚊算係咁 不過薯仔， 紅蘿蔔生嘅😂😂😂 薯仔生 真係食唔到大佬。 呢間野 試過就算。 收錢個個人態度一啲都唔友善， 嬲爆爆。
繼續閱讀
見OpenRice食評唔錯，就去試下，叫左牛小排200g套餐，一黎到已經feel到伏，啲個員工嘅手指公插左入去個一兜汁度，唔緊要，大菌食細菌遮。但係啲牛扒唔熱嘅喂！？唔緊要，等我用刀切開佢食嘅時候發覺，點解切黎切去都切唔開嘅？條根長到呢。。。再放入口，頂！成舊都係根，根本就吞唔到！以為係咁啱有根啦，點知成碟牛小排有三四舊大根。。。仲有佢menu話會跟蒜茸，sorry我一粒仔都見唔到！我以為我黑仔啦，咁我就問下隔離情侶佢哋兩個牛排餐如何？佢哋都話好韌切唔開😢。唉，早知去大快活好過。
繼續閱讀
在新城市廣場一期及三期影完Duffy and friends後, 已開始肚餓, 就近近地在一田的food court看看有沒什麼好吃的, 突然被一股香濃味道的鐵板燒吸引著, 看到這間店有吧檯以及寧靜舒適的角落座位, 就選擇在這裏吃晚餐紐西蘭羊架(3支骨) 🐐 $128羊架燒得入味, 肉質鮮嫩多汁, 脂肪含量適中, 羊肉味香而不羶, 吃起來啖啖肉很滋味, 點上配有的醬汁更為完美原件雞扒 配黑椒汁 🐓 $68雞扒熟度恰到好處, 肉質軟嫩入味鐵板熔岩芝士炸餃子🧀🥟 $40 餃子炸得外脆內軟, 芝士味極為香濃, 為高質素的芝士免費升級套餐附有羅宋湯🥣, 汽水, 沙律🥗, 白飯🍚/薯條🍟我們選了一個白飯, 一份薯條, 白飯為日本珍珠米, 面層鋪滿紫菜這小店由兩位猛男主理, 食材上乘, 用料講究, 難以想像在food court 可以找到這樣高質素的食店
繼續閱讀
本身今日星期日出來食飯周圍要排隊念住過來求其是個扒醫肚，因為之前試過晏晝食覺得質素都ok嘅，點知今晚真係食到一肚火！首先就係點餐個男服務員，唔知係咪搭錯線定係有躁狂症，態度極度差，問佢可不可以走汁，佢直接大大聲就串客人點點點諸如此類，想講你既然做得咁唔開心咪唔好做咯，點解仲要攞d客來出氣，仲要無拉拉發脾氣係度錘部落單機，如果當時唔係有小朋友同行驚佢係精神病患傷害小朋友一定會同佢吵，真係癡線有問題，仲要夜晚出品質素勁差！以後都唔會再幫襯！！大家都要小心夜更講野大大聲嘅男服務員！！！
繼續閱讀
第一次去這個店,也是我第一次在openrice評論,用了多年第一次寫簡直不吐不快,約晚上七點半去,兩個店員坐在廚房內,叫了四五次才出嚟賣票,重點是前面沒有客人的,一個男店員出來賣票,非常不願意我購買,我買了兩個套餐,純粹問一下包不包白飯,他竟然叫我自己睇牌😂購票過程中的語氣簡直從未試過,態度十分之差,之後我們坐下來進食,我們之後有二個人成功購票,去到大約7點45分,都有部分顧客想購買他們竟然說今天的肉全部賣清了😂😂但係我走的時候見到佢有好多賣淨嘅沙律同湯,可能夠鐘收工費事再做,如果係老闆請人,我建議老闆一係快啲換人一係快啲執咗佢,否則你一定蝕本收場,這個價錢在沙田算是合理,兩人共200元,可惜餐湯是輕輕熱,肉嘅質量真係普通,我只能講係維生餐嘅質素😀
繼續閱讀