45
1
3
港鐵沙田站 A3 出口
繼續閱讀
電話號碼
63130535
營業時間
今日營業
12:00 - 20:00
星期一至日
12:00 - 20:00
以上資料只供參考, 請與餐廳確認詳情
食家推介
平時行過沙田Yata都會留意到依間餐廳，細細間匿埋喺角落，好有私隱，最啱就收工兩個人撐檯腳。燒紐西蘭羊架（套餐4枝骨 $168）（⭐️⭐️⭐️⭐️⭐️）今日拉埋同事一齊試下佢嘅鐵板燒，燒羊架竟然同牛扒一樣價錢，當然要試一試個羊啦！唔洗加一包埋野飲真係好抵！落單後等左10分鐘終於有得食，每件羊都鮮嫩多汁，厚肉彈牙，件件都至少有2cm厚！肉質緊緻得黎不會韌，近骨位仲燒得有點脆口，非常有口感！不用擔心，肉質完全冇雪味，係油脂感較重，所以會有少少臊味，不過完全接受到，配合埋蒜蓉汁同黑椒汁真係冇得彈！沙律同樣出色！新鮮爽口，用作解膩一流，欣賞餐廳用上多種沙律菜，不會死鼓鼓得生菜，酸酸甜甜好清新！羅宋湯亦非常好飲！欣賞它不太辣，熱熱一碗好暖胃，湯裡面有幾件牛腩，炆得好稔，真係回味無窮！燒原條牛舌芯（套餐 $148）（⭐️⭐️⭐️⭐️⭐️）個人認為依道菜最值得一試！師傅炙燒水準一流，微燶嘅外表真係好吸引🤤🤤平時食開嘅牛舌都係薄切，但依度原條上，最厚肉位置足足有4cm！肉質十分彈牙爽口，少少鹽已帶出鮮味，真係食過翻尋味！仲要十分多汁，全部鎖住喺肉身，切開嘅時候先慢慢流出來🤤🤤送飯一流！在一級商場嘅格局下食到咁高質嘅鐵板，而且價錢合理，真係值得推薦！~~~~~~~~~~~~~~~~~~~~~~~~~~野郎Steak 沙田沙田正街18號新城市廣場三期1樓一田百貨ST-01-006號舖👍出色味道👍地點方便👍超高CP
繼續閱讀
呢間餐廳係超市飲食區裡面，仲可以坐係窗邊chill 住食。如果想平平地食扒就啱曬啦😋 好多種類供大家選擇，羊牛雞豬都有😜 我就分別嗌咗一個紐西蘭羊架（洋蔥汁）同美國牛肉眼（黑椒汁）紐西蘭羊架（3支）今日最意外係個羊架‼️平時食羊都怕酥😫 但係呢個羊架肉質嫩滑多汁，口感好正，一啲都唔酥。加上調味適中，帶有微妙的香料風味，食落去好香😻美國牛肉眼個肉眼扒係色澤同質感上都令人驚艷，它烤得恰到好處，外層金黃酥脆，內部保持著肉質的鮮嫩。每一口都都有好濃郁既肉香，令人回味無窮🥰
繼續閱讀
如果食🎌和風石燒或鐵板餐嘅話，絕對係會揀沙田或北角嘅一田，在飲食區內有一間叫「野郎」嘅日式鐵板料理，係非常之抵食同高質，唔好以為美食廣場內唔會有好嘢食，其實真心臥虎藏龍，必食嘅係牛舌芯🐮👅套餐，不二之選。如果想經濟啲嘅話，最平有雞排🐔幾十蚊有交易😋.———————————————————————————🥢原條牛舌芯👅🐮 $148💬夠大條又腍又無根嘅牛舌芯，厚切啖啖滋味，鐵板燒到好香口，加上黑椒汁同洋蔥🧅，配飯🍚、餐湯🍵、沙律🥗，無可能係唔豐富😋.🥢紐西蘭羊架🐑🥩 $128💬平時去一田買羊架回家煎都差不多要$30-40一支，而家三支羊架煎好晒之餘，肉質亦好嫩又充滿油脂，同樣配套餐一樣食得極滿足同開心，一試難忘😋
繼續閱讀
去沙田新城市嘅朋友注意‼️ 行行下街想食個經濟又好味嘅午餐/晚餐，日式鐵板牛扒已上線～野郎Steak有多款精選肉扒，雞、牛、羊、豬，總有啱心水😋！🍽️Caca今次吃甚麼？🐮牛扒鐵板配沙律、湯、白飯 $91足料雜菜湯、小薯蓉、清新田園沙律、脆炸粗薯條，仲有軟嫩牛小扒，熱騰騰的伴隨鐵板送上，豐富滋味！🐷雞扒鐵板配沙律、湯、白飯 $80同樣有足料雜菜湯、小薯蓉、清新田園沙律、脆炸粗薯條，嫩滑香口雞扒，大滿足呀！
繼續閱讀
因為聽聞沙田一田百貨即將搬遷，便和朋友一起睇一體有冇折扣貨品適合。發現一田超市有一個小型food court，見到野郎steak鐵板套餐有優惠，凡惠顧煙燻鐵板系列，可免費升級套餐，便決定叫兩個煙燻鐵板試一試。紐西蘭牛柳 （$98/ 150g）（洋蔥汁）三大塊牛柳，有洋蔥條墊底，附上一大塊黃牛油，牛柳配上牛油再點埋洋蔥汁，可謂一大享受，油香味十足，肉質亦易撕開，確實不錯。黑豚豬扒 （$98/ 150g）（蕃茄汁）因為叫了牛柳和炸雞，所以叫埋豬試一試，牛雞豬齊哂，蕃茄汁比較清新，令豬扒食落無咁油膩，份量大，熟度色澤漂亮，有少少焦香，比想像中好食。套餐包括沙律、湯、白飯 和罐裝可樂。沙律沙律菜，配以酸酸甜甜的醬汁，有開胃的作用。湯偏向西式的羅宋湯，味道正常。唐揚炸雞（配蜜糖芥木醬）岩岩上碟，仲熱辣辣，炸皮厚度剛剛好，蜜糖芥木醬甜甜的，配搭起來無咁熱氣。
繼續閱讀