24
4
2
港鐵葵興站 B 出口, 步行約3分鐘 繼續閱讀
電話號碼
51128914
營業時間
今日營業
11:00 - 21:00
星期一至六
11:00 - 21:00
星期日
全日休息
付款方式
現金
座位數目
12
其他資料
外賣服務 詳細介紹
食評 (36)
等級4 2020-07-30
604 瀏覽
今次在葵青區「想到訪」食肆list中想介紹它,是一間小小店。小店是在露天用膳,搭了幾張四人枱。門面設計帶有日式色彩,好似在日本的街頭小巷裏遇上地道小店。看看貼在牆上的menu,有全日供應、下午茶供應和四款主打菜式的介紹。專登等到下午茶時段(1430-1900),因為實在太太太超值,每款飯都平$14,同樣奉送冷/熱綠茶,抵!*******************第一次(06/06/2020)來到當然睇中野菜咖喱飯($24),究竟會有咩野菜呢? 雖指定極少飯,但對我來說都唔少。嘩!賣相幾有日式feel,喜悅! 白飯採用珍珠米,粒粒圓潤飽滿,面頭灑了些黑芝麻,周邉放滿不同的野菜,淋上香濃的咖喱汁,好吸引。數數看,有西蘭花、三色椒、西芹、紅蘿蔔、茄子、秋葵、翠玉瓜、南瓜和薯仔,足足九款,好豐富。除了秋葵和翠玉瓜煮得過腍變黃之外,其他食材都弄得剛好,帶有咖喱香,又不失蔬菜的獨有味道。咖喱濃稠度適中,味道香濃,辣度點到即止,不會嗆喉,用來佐白飯真係一流,結果一粒珍珠米也不留,哈!*******************第二次(16/07/2020)因疫情關係,還是外賣安心啲! 外賣賣相當然不及堂,但味道吸引。今次點了一客野菜咖喱蜜糖燒雞扒飯($28),同樣少飯,而所配的野菜就只有西蘭花,爽口入味。雞扒已預先切件,煎至金黃帶些焦色,好靚子! 啖啖肉,夾雜少少肥膏,肉嫩而不肥膩,微甜帶黑椒辣辛椒,蘸些香濃的咖喱汁,更加好味。*******************第三次(29/07/2020)疫情更嚴峻,是全面禁堂食的第一天,不用揀,一定要外賣。原來這裏除了咖喱汁外,還有蕃茄汁供應,一於試試,故今次點了一客日式蕃茄牛肋條飯($34),也是指定少飯多些配菜。此款飯的配菜跟之前兩款飯不同,它有蕃茄、紅蘿蔔和薯仔,全部都煮得剛好,唔會太稔身,仍存咬口,還挺入味。酸咪咪的蕃茄汁帶少少咖喱香,或許加了些咖喱汁烹調,味道更獨特,在炎炎夏日中,酸中帶微辣的味道令人醒胃,用來佐白飯一流。牛肋條共有四件,大小中等,每件都夾雜少少肥膏和筋膜,肉質有咬口,但絕不嚡口,且烹調得很入味,正!--------------------------下午茶係好好抵食,但其實即使非下午茶時段都好經濟實惠,大大份,但最重要是好味,試了三款,都是回頭之選,真的很開心能發掘此區平靚正。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-05
940 瀏覽
小編今日自己一個人放工,又唔想就咁係附近搵嘢食🤔,決定行遠少少去到葵興站附近食小編今晚嘅晚餐🍽。去到葵興站附近小編發現之前食過嗰間就無開到🙄,而走出少少有一間個名有啲特別🤨,因為有個「事務所」呢個字,全名叫做「野菜咖喱事務所」。咖哩本身都幾鍾意食🤤,加上小編好支持小店,今晚就一於試下佢😚。✦✦✦✦✦✦✦✦✦✦✦✦✦✦🎈 A.一日野菜咖哩飯 $38可以選擇嘅菜式算多,一共有A-F款。小編都諗咗一陣先決定揀A款,因為店名有個野菜呢個名,我諗食最原始嘅餐最容易食到餐廳食物質素💪。果然同個餐名一樣各款各樣嘅菜類都好齊好多🤩,茄子、蘿蔔、西蘭花、南瓜、青椒、薯仔等等,真係素食餐呀🥦。咖哩味道係用日本貨製作而成,帶點甜,濃度適中👌,隨餐仲有一杯低糖綠茶可以解下渴添🥤。另外,份量同價錢都好公道,全部菜式都係50蚊以下💰,適合愛食咖哩人士👏。✦✦✦✦✦✦✦✦✦✦✦✦✦✦餐廳坐位雖然唔多,只係唔到4張檯可以供人坐🤩,但小編見大多數都會外賣🥡。而位置方面,初來餐廳未必留意得到餐廳位置🗺,因為係位於商場地下嘅角落近住馬路方向。所以真係特登入嚟試嘅朋友要睇住地圖行喇🧭。✦✦✦✦✦✦✦✦✦✦✦✦✦✦ 繼續閱讀
(以上食評乃用戶個人意見 , 並不代表OpenRice之觀點。)
呢間葵涌中心微舖隱藏喺一角雖然近馬路邊,而且好近垃圾站,環境麻麻堂食相機食先的確靚啲,不過最近抗疫期間比較建議外賣不過呢間黃店食物質素的確高質睇個名就係主打日式咖哩飯最吸引我嘅係個價錢,一般午餐只係三四十蚊碗碗足料,而且每人都會附送一杯綠茶下午茶更加低至24蚊,兩個人隨時可以拎50蚊埋單!野菜咖哩蜜糖燒雞扒飯 $28 基本上,飯粒都採用珍珠米入口煙韌,而且每碗飯量激多白飯有紫菜同芝麻點綴,食落有啖啖芝麻香最平嘅係野菜咖哩飯,不過咁啱無晒野菜招牌咖哩汁好香咖哩味,咖哩唔辣容易入口雞扒表皮幾香,似醃過同煎過入口白滑軟嫩,如果多啲咖哩汁撈飯更好日式薯仔燉豬軟骨飯 $28 主打係咖哩飯,但我覺得最好食嘅反而係燉豬軟骨飯豬軟骨燉得入味,清淡柔嫩,紅蘿蔔作配菜都係軟淋淋舊舊肉質軟腍,軟骨爽口燉煮嘅汁比調校嘅醬汁更花心思日式蕃茄牛肋條飯 $34 蕃茄醬汁撈飯向來惹味,呢款用鮮蕃茄加蕃茄醬汁鮮蕃茄好香甜,酸甜味夠開胃不過略嫌蕃茄皮帶鹹味,我覺得食到底覺得醬汁偏鹹牛肋條有咬口,有牛味但筋位纖維比較多,需要嘴嚼耐啲 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-04
16 瀏覽
【黃店 💛 】​🉑:外賣自取/app​⭐ 評分: 8/10 ​ ​———————————————​想試好耐好耐!但係冇咩幾可行過嗰頭~今次終於試到啦!下午茶做到7點,仲要只係28蚊一個飯,平到以為返咗canteen​——————————————————
​▪️ 野菜咖喱雞扒飯 (午市:$42/下午茶$28 )可轉番茄汁​​原本呢個係野菜咖喱飯,不過見到可以轉番茄汁,諗住可以清新啲就轉咗! 野菜飯如果係叫無肉嗰款,就會有7至8種蔬菜,但加咗肉就會得返西蘭花,大家要留意喇~​​番茄汁好有驚喜!食落同平時嘅番茄汁唔同,呢個似乎有混入日式咖喱,食到有日式咖喱磚嗰啲牛肉碎同蘿蔔,同埋彈牙嘅珍珠米一齊放入口,非常之開胃滿足。​​雞扒特意叫店員唔好切,原塊上望上去好吸引,比起紅野家嘅雪味雞實在足料太多,仲要價錢平啲。雞扒應該係雞皮朝下煎,否則雞皮油脂唔會做到咁薄,好似燒雞咁,仲係上面搽咗蜜糖。入面嘅肉質好嫩滑,無雪雞味道,非常厚肉。​​平時食扒飯通常我都會切好晒先開始食,唔知有無人同我一樣XD​​✨ 野菜咖喱事務所✨​📍 葵涌中心商場地下A42號舖​⏰ 1100 - 2100 | 星期日休息​ 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-07
215 瀏覽
如果喺葵涌返工嘅朋友,呢間都幾抵食,真係唔算顯眼嘅小店,40蚊左右就送埋嘢飲,份量唔細,味道唔差,算係cp值高啦。叫做比平時煮嘅咖哩再甜啲,呢碟一日野菜咖哩飯應該係最健康。 繼續閱讀
(以上食評乃用戶個人意見 , 並不代表OpenRice之觀點。)