10
6
0
港鐵北角站 A1 出口, 步行約5分鐘 繼續閱讀
營業時間
今日營業
11:00 - 22:00
星期一至日
11:00 - 22:00
付款方式
現金
食評 (21)
等級4 2020-11-04
1157 瀏覽
前排係ig見到好多係和富薈入面嘅呢間cafe打卡相,咁我緊係要嚟親眼睇下個打卡位同埋試下佢啲嘢食啦😚😚成間餐廳都粉紅少女系,輕食為主,有gelato🍨、貝果🥯、蛋糕🍰、咖啡☕️,我地個時係下午茶時間食😚·✨迷迭香海鹽貝果🥯配牛油果🥑 $45貝果有加熱返,上手仲有些許微溫,煙韌度適中,有咬口,迷迭香為原味貝果增添少許風味,食落都唔錯嘅牛油果雖然有捲起朵花咁,但實際份量好少😂😂😂如果多啲就好,同埋整體口感比較單調,只有貝果同少量牛油果,如果有多啲配料就更吸引👍🏻·✨香橙洛神花雪糕🍨配戚風蛋糕🍰 $82幾塊戚風蛋糕圍住香橙雪糕,雪糕上面係洛神花醬咁戚風蛋糕夠軟熟唔會乾😋有塊深啡色嘅唔知係咪carrot cake,個人麻麻地😅個雪糕味道唔太掂🙈,gelato嘅口感,雀巢芒果味嘅味道(當然佢唔係雀巢,比喻嚟)唔係好食出橙味🤨睇餐牌以為係香橙洛神花雪糕,原來係香橙雪糕配洛神花醬,個醬就一般般,唔太夾🤔仲有少少果仁伴碟😚🤗·✨Mocha $32·🌟食物質素尚可,價錢仲要唔平,環境係幾好嘅,都係比人打卡為主😂🤣去打卡就記住著條靚靚裙去啦💃🏻店內座位唔太多,要自行搵位坐呀~ 繼續閱讀
(以上食評乃用戶個人意見 , 並不代表OpenRice之觀點。)
等級3 2021-01-18
0 瀏覽
身為芫荽黨黨員,一聽到呢度有芫荽雪糕,而且老闆仲要改良咗加重芫荽,就即刻要衝過嚟一試啦呢度嘅芫荽係用本地出產嘅芫荽,所以好加分不過價錢就會貴少少,要$42一杯味道方面,第一啖芫荽味都幾突出,不過食多幾啖,就完全被好似牛奶糖嘅甜味覆蓋。不過巿面上好多芫荽產品就唔夠芫荽味,其實佢呢個已經算好出色另外,呢間店要入咗商場之後行入少少先見到,舖頭好靚,經過一定會見到,估唔到和富呢個屋苑商場會有個咁靚嘅打卡店,都幾驚喜 繼續閱讀
(以上食評乃用戶個人意見 , 並不代表OpenRice之觀點。)
等級1 2020-12-28
74 瀏覽
木瓜牛奶雪糕同伯爵茶雪糕都好香濃,唔會太甜太膩;配搭的蛋糕仔都好出色,同雪糕好夾;最加分嘅係用本地農作物去製作,感受到好大嘅誠意;雖然裝修風格同小店主題好唔同,但整體都係坐得舒服的。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-12-28
76 瀏覽
和富匯開左個令令美色廣場 行過小小 有間彩色cafe 第一眼就望到個彩色走廊 原來依間就係野草 一場黎到 緊係要幫襯下位置上其實都幾偏僻😂 真係唔覺意都會走漏眼 唔知係咪就係因為咁 所以平時都唔覺好多人 公眾假期仲要食飯時間黎都係得幾枱😂😂 度度都係打卡位 少女心重既人絕對唔仇冇令景影相 店員好細心 會細心介紹茶既品種 味道 口感 絕對係一流 野食方面, 依間餐廳不算多品種 仲有雪糕同set 不過價錢都係比較實惠 , 叫一杯茶飲加$12就有二件小蛋糕,細食既人絕對岩幫襯 今次叫左杯紅茶同貝殼蛋糕 顧名思義 貝殼蛋糕類似貝殼形狀 牛油味幾重 不過唔會話好甜 ,而紅茶就叫左杯有機阿薩姆紅茶,味道方面一開始比較苦澀 但係飲落又唔錯 ,加埋都係$40 ,仲有埋啲令令打卡景影 絕對係抵 繼續閱讀
(以上食評乃用戶個人意見 , 並不代表OpenRice之觀點。)
等級3 2020-12-28
69 瀏覽
網上一見到有呢間彩虹色打卡餐廳,就即刻約朋友去打卡啦🤭服務:我地1點去到,佢岩岩開好門,只有1位員工,落單收錢整飲品整甜品都係佢1個人做,店員禮貌好好食物:我地叫左個牛油果貝果+伯爵茶雪糕配貝殼蛋糕,1杯黑朱古力+抹茶鮮奶。食物方面就普普通通,賣相都唔係特別吸睛,而飲品都係普通拉花呢度係自取食物,自選位置既,雖然食物飲品一般,但最好在於有幾個打卡位第1打卡位:花牆專櫃第2打卡位:彩虹背景化妝間第3打卡位:彩虹長廊第4打卡位:盆栽牆 繼續閱讀
(以上食評乃用戶個人意見 , 並不代表OpenRice之觀點。)