244
33
6
港鐵尖沙咀/尖東站 D2 出口, 步行約2分鐘 繼續閱讀
電話號碼
37554899
營業時間
今日營業
11:30 - 23:00
星期一至日
11:30 - 23:00
*最後落單時間:22:00
付款方式
Visa Master AlipayHK 支付寶 現金 銀聯 拍住賞
座位數目
110
其他資料
網上訂座
獨家網上訂座
當面支付
有關獎賞計劃
食評 (318)
等級4 2019-06-17
338 瀏覽
原來好耐無帶媽咪岀街食飯,佢又想食清清地,有沙律吧既餐廳應該好啱佢,家姐提起K11野玩田店有沙律吧,就同媽咪去食lunch先午餐包埋沙律吧,淨食沙律吧就128加一,款式都幾多,熟食會有唔同既野,唔會太寡,有冷盆,沙律菜,水果,熱食,淨係食沙律吧都夠正!貪心既我又想乜都試下,所以嗌個燒雞漢堡,三文魚配薯菜,圍反都只係加幾廿蚊就有多樣野食,師奶仔係要計呢啲數架喇一坐低店員好快就比一樽水同一人一碗甘荀湯同餐包我地,效率好快!甘荀湯好濃郁,餐包仲係暖笠笠,黑糖包好好食!冷盤拎左啲細細碟既野食,有黑醋蜜柑,好甜好正,芝麻醬秋葵,呢個老公應該食十碟都唔夠!下次要帶佢泥先!酥皮呑拿魚撻既呑拿魚好豐富,麻醬豆腐清新好味,枝豆粒粒配上有啲柚子味既汁又係好清新怡人,好正呀!主菜岀場!三文魚煎得皮脆肉嫩,配上忌廉汁味道啱啱好!薯蓉好香滑,入面仲有粒粒粟米,正!媽咪既燒雞漢堡,份量都幾大!諗住食唔哂!點知個燒雞香到一路傾計唔覺唔覺食哂成份!配埋黑醋沙律,如果可以多啲沙律就好喇!黑醋沙律我既飛佛呀薯條熱辣辣!最衰有少少喉嚨痛,唔係我一定會食哂佢!最後大概2點4個字左右店員提我地沙律吧要close,拿拿臨去拎水果先!有火龍果,西瓜,蜜瓜!全部都夠哂凍!好甜!正呀!下次我要12點就泥然後食盡佢 繼續閱讀
(以上食評乃用戶個人意見 , 並不代表OpenRice之觀點。)
🔅🔅🔅聽聞尖沙咀有間靚餐廳好多適合打卡影相位本女子作為偽文青即搵朋友一齊去😄🔸位於藝術濃厚的K11餐廳採用簡潔木製傢俬特色牆上擺滿綠色小植物禾草農作工具擺設增添氣氛營造了野外大自然的舒適環境😃🔹除了環境外餐牌設計也花上心思圖文並茂解說自家有機菜來源菜式和特色飲品選擇確實不少🔸<炸蟹餅配芒果乳酪> 先來一個餐前開胃小食金黃色酥炸外皮超脆裡面係鮮蟹肉作餡蟹肉香味好突出😍配上甜甜芒果乳酪口感清新而不油膩😋🔹<韓式和牛面配韓式牛肉汁> 在網上介紹說必點之一慢煮方法令韓牛又淋又滑筋位入口融化骨膠原好豐富配菜是炸黃金蕃薯外脆內軟🤩蘸著帶少甜的牛肉汁十分搭配~🔸<巴馬火腿配火箭菜Pizza>  巴馬火腿和火箭菜鋪得滿滿薄餅很薄焗得香脆又鬆軟芝士份量超多足夠拉絲😱材料果然新鮮好好吃喔👍🏻🔹<總結>環境真的讓人很舒服放鬆看著療癒小盆栽邊聊天材料新鮮食物質素很棒🤗🔅🔅🔅 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-05
1877 瀏覽
尖沙咀呢個K11商場,以藝術為主題,係呢一層有個design store,集合左唔同新idea既店舖,行到尾仲發現左呢間野玩田店。🎈環境餐廳門口有好多有機種植既蔬菜,每一個corner都有綠色植物,予人一種好貼近大自然既感覺。座位方面,最搶眼莫過於中間位置既長餐枱,可以坐到十幾人架!一大班朋友黎食飯都唔錯咁。🎈Menu餐牌既設計幾有心思,好detail咁介紹每一樣食材,圖文並茂,咁informative既餐牌好少見,證明餐廳對自己既出品好有信心,都比到我好大既信心,唔會唔知道食左d咩落肚啊嘛!🍽🍽🍽🍽✨餐前麵包for free✨黑松露片炒農場雞蛋酥盒 ($95)先黎一個黑松露炒蛋,炒蛋唔止放係3個迷你酥盒入面,旁邊都仲有架,岩哂好中意食雞蛋既我,呢個雞蛋比一般既雞蛋更有蛋味,唔知係咪d母雞特別食好住好呢?配埋濃郁既黑松露味道,係味道好豐富既小食。✨鹽焗本地盲鰽配黑蒜炒菜 ($298)另外我地仲叫左個魚,呢個魚叫做「盲鰽」,價格唔高,但又多肉少骨,唔會有好多細骨。以大量既鹽埋住成條盲鰽,再拎去焗,鹽味慢慢滲入魚肉。上枱時都好震撼呢,店員會即席表演,係我地席前敲開厚厚既鹽,再撬開魚皮,方便我地食入面既魚肉,魚肉肉質嫩滑,有微微鹹香,就咁食都唔會過鹹呢。✨巴馬火腿配火箭菜 Handmade Pizza 8” ($178)pizza餅皮係手工製作既,帶點煙韌,on top有大量既火箭菜,可以好健康咁食pizza,配埋一片片既巴馬火腿,唔會有油膩感。✨薑汁蘆薈蜂蜜 凍 ($58)最後我地叫左杯唔常見既飲品,就係有薑汁既蘆薈蜂蜜,為平凡既飲品,加添一絲絲薑汁的辣味,感覺幾暖胃。🎈總結呢間餐廳比我知道,原來西餐都可以食得好健康,唔一定係大量澱粉質或油脂,都可以做到好好味既食物,冇左過度既seasoning,反而可以食到食材本身既新鮮味道,食完唔會覺得heavy。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-05
1379 瀏覽
今日星期日與女友出去拍拖,plan左去Isquare睇戲,諗住睇戲前食埋個lunch先,所以我一早係k11嚟間野玩田店book左位去到見到好多人下,有walk in客想等位也不能,因為booking太full,當然女友有讚我有book位叻所以想紅日去記住要先book位入到去雖然人多,但位置好闊落,坐得好舒服,安頓好了,店員先為我們倒水,再遞上餐牌,和送上餐包和湯,無錯半自助餐也會主動送湯給客人,服務很好餐湯-甘筍忌廉湯,細滑,好creamy點了餐後我們先到外面睇睇半自助的部分有乜攞,其實食物非常豐富,拍得住某些地方的自助餐火腿有三款,不停輪流出,煙三文魚亦任食,物超所值甜點有四至五款,仲有麵包布甸上-胡麻秋葵;中-吞拿魚撻;下-日式豆腐奶凍-奶凍奶味超濃郁,而奶凍面有雜莓和朱古力醬令味道更有層次感水牛芝士波配菠菜茸意大利飯-水牛芝士波軟滑煙煙韌韌,口感好得意,芝士味不濃,但配合清清地嘅菠菜茸好夾,菠菜茸的淋,水牛芝士波的滑,意大利飯的煙韌,三層口感,相當配合卡邦尼意大利麵- 芝士味濃,沾滿每條意粉,而意大利麵的煙韌,做到al-dante,煙肉同磨菇嘅香味滲入意粉中,再令層次提升餐飲-凍飲不用加錢,另外可加$12轉特飲,或加$30轉沙冰最後在兩點十五分左右還有芝麻糊出,一定要試,香濃細滑 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-31
1228 瀏覽
喺k11行街行到攰又見有啲餓, 所以就去搵食啦! 見到呢個指示牌 ,是一間叫做「野玩田店」 個名咁得意, 就去門口睇下menu,睇下啱唔啱食啦!見到佢話七點九前有75折, 雖然已經享受唔到呢個優惠, 但係都覺得值得一去! 因為見到menu都好吸引😊佢喺門口仲種咗一啲小蔬菜 ,唔知係咪自給自足㗎呢😆裝修主打田園風 ,配合返餐廳嘅主題, 地方簡潔乾淨!一嚟見到個餐包已經知道唔係一般行貨! 有三個口味同口感 ,絕對滿足到我!奇亞籽檸檬蜂蜜~ 嚟到一間注重健康嘅餐廳 ,當然要飲返啲健康嘅飲品,奇亞籽係superfood大家都知道 ,檸檬酸酸地又夠開胃,配埋蜂蜜滋潤,絕對唔會死甜!蟹肉美國露筍闊條手做意大利麵~ 手做嘅麵條絕對唔容易亦都考功夫,何況見到佢有心製作食物,相信食材原料唔會用得差,所以一見到係手做就即刻決定要點呢個item! 見到佢蟹肉嘅份量都唔算少,而且夠鮮味!麵條都好有咬口,果然係非一般來貨嘢 !微微煙韌 ,唔會太淋!巴馬火腿配火箭菜薄餅~ 薄餅批底都係手做嘅! 手藝絕對同坊間連鎖式嘅薄餅店比較,絕對有過之而無不及! 用心整出嚟嘅嘢食, 真係會打動到食客內心㗎!野玩田雪山甜品碟~ 呢個甜品碟總共有七款甜品, 啱曬姊妹淘一齊share嚟食, 當中甜品嘅質量都好高! 我哋由最淡味嘅甜品開始食到最濃味嘅 ,中途都飲咗唔少水,確保自己食到每一款甜品嘅精髓!當中會highlight焦糖燉蛋 ~除咗做到焦糖香脆甘香之外 ,燉蛋口感亦都做到好似雪糕咁幼滑!紫薯窩夫配movenpick雪糕~ 坊間一般窩夫都會係原味, 呢度竟然係用紫薯, 嚟到賣相好靚,亦都比預期中大件!切開係紫色嘅 !係我最喜愛嘅顏色❤️ 食落就發覺佢係與別不同, 喺出面真係未食過一啲咁nature嘅味道。 而口感方面,非常鬆軟! 總括而言呢度嘅甜品係高質中嘅高質! 繼續閱讀
(以上食評乃用戶個人意見 , 並不代表OpenRice之觀點。)