醒辰冰室 (The ONE) (已結業)

要係The One搵到一間$50以下有茶餐食嘅食肆係非常之難。但今日我終於搵到位於The one 1/F 的醒辰冰室。復古的英式設計，再加上餐廳樓底高，令成間茶餐廳變得好Grand 。而且喺疫情期間冇乜人幫襯，所以非常安全。可能冇人會諗到The One都會有$45以下嘅下午茶食。當你見到街邊嘅下午茶都要$40嘅時候就會覺得呢間好抵，而且最緊要坐得舒服。講返我今次叫嘅花生醬西多士，外皮炸到金黃色，麵包外脆內軟，一啲油膩感覺都無。麵包中間夾住濃濃嘅花生醬，每咬一啖口中都充滿了濃濃嘅花生醬香味，但可惜蛋味唔夠。而佢哋嘅凍檸茶同街外平時茶餐廳飲到嘅味道有啲出入，望落去嘅茶色亦比較淺色。飲落去有啲似雀巢檸檬茶嘅味道，而唔係平時茶餐廳飲開用錫蘭紅茶葉沖出來嘅凍檸茶味道，所以有d失望。反而對上一次下午茶時段，叫了乾炒牛河食，它們炒得非常出色。每條河粉都吸收了老抽生抽的色澤同味道，牛肉的口感亦唔韌，非常鮮嫩。 極力推介佢哋嘅下午茶乾炒牛河。

牛扒質素還可以，個餐湯追侍應時候冇回應，叫佢冇紅湯俾白湯我一句都冇答，主菜問佢仲要幾耐只係搭咗我整緊，叫極都冇人應，唯獨是買單嘅時候即刻有人應囉，唔值得再去嘅餐廳

The One嘅餐廳價錢不嬲都比較高難得有間望落又ok價錢又ok嘅冰室雖然話係冰室，但佢一d都唔似舊式茶餐廳，佢似係一間靚靚仔仔嘅西餐廳🍴叫左個lunch set嘅忌廉黑松露什菌意粉$69份量啱啱好，幾好食😋忌廉又唔會話太creamy，食完唔會好膩係The one一個唔錯嘅選擇👍🏻個set仲可以叫埋呢杯橙什係橙味雜果冰🍊

當晚於百老匯睇戲，開場前先book定呢間嘢食晚飯。我自己選擇咗菠蘿焗豬扒飯晚餐，飲檸檬特飲。太太選擇咗瑞士汁乾炒牛河，但waitress話無瑞士汁乾炒牛河，唯有改要豬扒炒出前一丁。跟餐有沙津，方包同白餐湯。餐湯就有幾粒粟米，dip吓方包就可以，飲就無咩味道。菠蘿焗豬扒飯係用炸豬扒，白飯底。味道過甜，連鎖快餐嘅炒飯底仲更加有誠意。豬扒炒一丁就唔夠乾身，真正茶餐廳出品質素更好。餐廳內有海報promote話憑戲票有9折，埋單時卻搬龍門話要收走張票尾，戲都未睇點俾票尾？唯有唔claim呢個尊貴嘅9折，其實promotion呢啲嘢無心搞真係唔駛搞，送粒黃豆都要令食客失望係唔會回頭客。

早前係尖沙咀行街行到攰諗住搵個地方坐低休息陣，發現新開左間冰室就試下啦！下午時間黎到呢度，柔和既陽光透過白色lace窗簾滲透入黎，好舒服☀️位於一樓既呢間冰室係年初開業，以歐陸火車站既花園為主題，餐廳內色彩繽紛🌈而且仲請左本地插畫家 @sandyplayig 為餐廳添上壁畫，周不時都會同本地唔同品牌或者餐廳黎個crossover！同埋，早前Mirror成員Tiger都黎過採訪，粉絲既各位記得黎試下，睇下有冇機會坐返同一個位😚.花生醬西多士 HKD39瑞士汁乾炒牛河 HKD53懷舊橙汁特飲/懷舊檸檬特飲 +HKD10.醒辰冰室地址 ｜尖沙咀彌敦道100號The ONE 1樓L121號舖鰂魚涌英皇道1010-1056號東匯坊LG樓LG007號舖.

呢度真係唔似茶餐廳，似西式餐廳多啲！之前都食過㗎啦，值得再幫襯嘅！今日試咗嗰個茶餐廳都有嘅常餐$59我就覺得好抵啦！點解呢食物質素OK之餘，佢嗰杯鮮奶咖啡真係好好飲！坐得舒服最緊要係而且唔係太多人，如果你約下朋友喺度傾偈都可以消磨一個下晝我嗌左今次常餐係沙嗲牛肉加豬膶通粉，另跟餐有一個呢度嘅王牌多士加松露炒蛋！我要求蛋炒彈啲嘅，但係就真係冇黑松露！最抵讚嘅係杯咖啡真係好好飲！喺尖沙咀The One入面，可以咁嘅價錢，連鮮奶咖啡，加舒服嘅環境，我就覺得好值！

裝修風格簡約好睇。服務周到，員工有禮。食物質素高，地方整潔。裝修風格簡約好睇。服務周到，員工有禮。食物質素高，地方整潔。裝修風格簡約好睇。服務周到，員工有禮。食物質素高，地方整潔。裝修風格簡約好睇。服務周到，員工有禮。食物質素高，地方整潔。裝修風格簡約好睇。服務周到，員工有禮。食物質素高，地方整潔。裝修風格簡約好睇。服務周到，員工有禮。食物質素高，地方整潔。裝修風格簡約好睇。服務周到，員工有禮。食物質素高，地方整潔。重要的事講10次！！！！

平日放工晚上要搵食 通常去譚仔 現在第二個選擇就係呢間冰室 仲做埋會員添 入會係免費嘅 只需download佢個app 「TCG Rewards」每次食完野就可以儲分 $1 =1分首次登記仲有個花生醬厚西多士送 仲有迎新$10優惠卷 之後每次消費儲滿300分積就有$10優惠券可以留返下次用 仲要仲要呢間餐廳係唔收加一！我同老婆通常每次去親都係食佢嗰常餐 因為真係好抵食 平時啲麵餐通常要加錢先有出前一丁食但係呢個餐已經包埋出前一丁🤣 仲有佢個餐嘅多士唔係普通多士 而係千層多士 好正 （見圖）

一間唔似冰室嘅冰室🤩嚟到The One搵朋友食飯，不嬲The One比我嘅感覺都係得啲高級餐廳，或者食西餐，但係朋友介紹，原來The One都有呢類港式茶餐廳嘅嘢食。不過呢喺The One嘅舖，裝修梗係唔可以Hea啦，佢嘅裝修係好西化，絕對唔會有街邊嘅感覺。最正嘅係佢呢一個常餐，原來我個friend次次都食佢，可以俾你揀兩個餸，其中有個厚切午餐肉，啖啖肉好滋味，個湯底都好濃郁囉，啲出前一丁入晒味，然後有我最愛嘅黑松露炒蛋，同埋佢係酥皮嗰隻多士，好耐冇食過啦，正🤤

一直都好想食雪菜肉線米，剛好在THE ONE看到一間環境不錯又有外國氛圍的冰室。這地方好適合情侶拍拖，也很適合與閨蜜休休閒閒地聊聊天。因為太久沒有食茶餐廳，所以不知道普遍常餐是什麼價錢，這間應該是較貴的吧？不過這間是不加10%服務費的。 醒辰常餐 $59這個常餐有很多不同的配搭，詳細看下面的菜單。我選擇了雪菜肉絲+厚切午餐肉+米粉+黑松露炒蛋+千層多士。首先，雪菜肉絲米是正常的好味，然後厚切午餐肉就有點失望，只有一片，但又不是很厚的樣子.....一定要介紹的是黑松露炒蛋，蛋是滑的，而且黑松露很香 + 千層多士雖然看似很焦，但很香牛油味瑞士汁雞翼 $49雖然雞翼很滑很嫩，但不滿的是瑞士汁，不香也不多。左︰紅豆冰  $36   右︰凍紅豆奶茶 $33  (餐是包飲料的，特飲是+$10)兩杯都好多大大粒的紅豆，兩杯都好好味，左的比較奶，右的比較奶茶。(我知我說廢話)下面是菜單，這有很多不錯的選擇，如果有機會再去的話，我再試其他的，再同大家分享分享！

係The one食到個平平下午茶都幾難得，叫左個雙拼千層多士三文治配cappuccino。其實一開始望住餐牌都睇唔明咩叫千層多士，不過見佢有得揀鹹牛肉炒蛋，點睇都唔似伏就試左。原來千層多士即係肥仔牛油酥皮多士，果陣牛油香真係只係塊面包都得。加埋鹹牛肉同蛋當然無得輸，好食到我覺得份量太少😩不過摸下自己個肚腩仔，算。Cappuccino 味道正常，外觀靚，打卡靚👍

本身諗住喺上面食炸豬扒，點知原來下晝會落場，所以就揀咗樓下呢間餐廳。裝修幾靚，仲播哂啲好chill嘅歌，環境完全唔似一間冰室。黑松露炒蛋配千層多士唔係普通嘅方包，係千層丹麥多士！🤤出前一丁竟然唔使加錢😝，午餐肉都幾厚幾大塊👍。

在the one要搵到d平民價錢野食真係有啲難，但竟然喺openrice俾我search到間親民價又地道的茶餐廳🍴，咁啱又要食早餐，就嗌左個早餐先講環境，餐廳裝修係好唔錯，餐枱餐椅完全唔係茶餐廳，係西餐廳擺設，門口菱形枱就更有特色，有大熊仔陪食，一個人食嘢都唔會悶啦，餐廳仲有bar枱位睇住廚師仔沖野飲，不過整體的外觀係靚的（若唔嫌成個外觀唔襯冰室呢個名字的話）因為莫講話係冰室feel,連真係茶餐廳唔似茶餐廳，員工都係外藉人士，同你講英文落單，毫不見到一個香港人黎招呼你，唯一係冰室feel的就只有餐廳內的廣東懷舊歌曲，真係懷舊到聽都未聽過講番食物，食物的味道黎講唔意外，普通茶餐廳早餐，豬膶厚切係抵食的，不過味道真係好一般，最驚喜的只有杯飲品，classic orange,成杯雜果賓治咁，有橙汁汽水味而又唔係芬達，杯野飲就真係襯番間餐廳的主題「冰室」了………

呢間餐廳開係The One入面，其實我都諗點解有間茶記？但係佢又幾高質兼人氣高，因為星期二飯都差啲做滿呢度本身有Happy Hour酒精飲品78折，小食再78折，不過原來唔可以同套餐轉酒嘅優惠一齊用，呢度兩杯酒一杯套餐＋$3轉，一杯就$39，其實都唔貴嘅包，湯，沙律一碟過，包係千層多士，內裏似牛角包咁一層層，佢再煎香過，正沙律用上我至愛芝麻醬，正粟米忌廉湯係中式底，味道香唔會好cream，正其實鮮菠蘿係裝飾多過對菜式嘅提升，不過佢個汁帶菠蘿香甜，真係做得好，豬扒就醃到過淋，飯底冇炒過，係白飯加煎蛋粒，不過健康啲嘅日式咖喱汁香，吉列魚柳脆嫩，不過$88偏貴，因為得兩件魚柳，多數用上越南鯰魚柳甜品相信每日唔同，只要＋$6，不過太飽，食完更加飽成餐都算係滿意，裝修時尚，食物質素好，可能位置高尚啲，租金貴，所以連賣價都偏貴，偶爾一次都唔錯

在報紙上見到介紹這家「醒辰冰室」，位置仲要近我，即刻訂定位今晚就去試試。環境格局打破以往冰室印象，甫進內有種有質素感覺，三五知己聚餐一流。餐牌內所有食物都非常吸引，相當抵食。🍴人氣蝦多士必定是檯上的主角一片片多士烤得香口釀入大大舊爽彈蝦膠，彈牙之餘仲鮮味十足。🍴炸雲吞是另一個主角這都是報紙上招牌推介當然要食肥都要食，雲吞是巨版超大塊脆卜卜，值得一讚的個汁，酸甜度非常好夠酸夠味，配料仲好豐富，菠蘿、青椒、生腸、豬肝、魷魚、蝦仁超好食。😋😋🍴常餐之選有我的黃沙豬潤通粉，清清地食下豬潤可以補下身。（忘記拍照）🤣黑松露滑蛋酥香多士🍴菠蘿焗豬扒飯厚切豬扒大大啖過足癮，軟嫩入味配同芝士香氣可以話越食越滋味。👍🍴炭燒牛扒五成熟火喉控制恰好，牛味香濃肉質滑溜不韌，目測都流口水。🤤跟餐前菜同餐湯🍴黑松露雜菌意粉大多美味這個意粉其實都不錯，清淡雜菌吸收忌廉汁非常入味，意粉軟硬適中口感順滑糯香中又有點點機露香氣。🥂套餐加 $3 有白葡萄酒你唔係唔加啊嘛！🤣🤣🤣服務態度醒目有禮好笑容😊