13
10
5
港鐵太和站 A 出口, 步行約14分鐘 繼續閱讀
電話號碼
26573000
付款方式
現金
食評 (30)
等級1 2016-12-12
1077 瀏覽
已經吳知N年前所謂既金茶王, 今時今日我覺得好多餐廳嘅奶茶好飲過佢好多. 熱奶茶冇茶味, 唔夠香滑. 凍奶茶加左冰成杯奶茶好淡. 完全無味- 一字記之曰: 差👎🏻👎🏻- 叫左一碗五香肉丁出前一丁面, 個湯底竟然有雪菜未, 加埋五香肉丁, 再有少少出前一丁味粉.. 係我依世人食過最難食嘅面.. - 幾位阿姐侍應嘅服務態度.. 可以話係冇服務可言.. - 只係可惜呢頭附近冇其他餐廳 D人迫住, 只可以食佢. 繼續閱讀
(以上食評乃用戶個人意見 , 並不代表OpenRice之觀點。)
\今日帶亞仔入大埔參加一個作文比賽,有一個多小時嘅時間,於周圍行下,竟然見到呢間似曾相識嘅醒記茶餐廳。加上門口有大大隻字寫着金茶王大賽冠軍,諗左一陣終於記起之前有一單新聞報道話有一個香港人擊敗了來自香港及世界各地近百名對手,榮獲國際金茶王比賽首位女性冠軍,而她賣奶茶的店,不在人氣鼎盛的香港島或九龍,卻在大埔小村。帶着好興奮嘅心情坐低,然後叫左一個早餐A,雖然侍應同我講話今日冇粉面食、只有三文治,但正所謂「醉翁之意不在酒」,我就叫左一份腿蛋治與及呢度嘅最出名嘅金茶王「茶走」。係等野食期間我見到有一個女士喺廚房裏邊用非常殘舊嘅茶壺沖茶相信佢就係傳聞中嘅金茶女王玲姐。看見她不用一會兒就撞出幾杯奶茶的俐落身手,連手機都抓不住那速度,果然厲害。食物同奶茶終於黎到,我根本冇理會果份三文治,就急不及待飲左一啖奶茶。奇怪的是沒有想像中的好,而且比我平時飲的奶茶淡而無味,我再飲多一啖都冇改變之前嘅感覺。於是我就同侍應講,佢就幫我加左啲煉奶,雖然係甜番D,但係嗰種感覺係好似「臨尾落鹽唔入味」咁。坦白講,真係有點失望!可能期望太高吧。至於嗰件腿蛋治,反而有少少驚喜。兩隻半生熟雞蛋,咬落去啲蛋汁流晒出嚟,食落都幾好味。 繼續閱讀
(以上食評乃用戶個人意見 , 並不代表OpenRice之觀點。)
等級4 2015-08-10
1161 瀏覽
在香港最熱的一天來到這裡, 足證我們對這兒的熱愛。炎熱的天氣下坐在室外的位置, 雖然有風扇和凍飲, 不過還是少一點虔誠都沒法成事。最熱的一天來到的好處是終於都有空位, 不用等位。他一貫的炒貴刁, 少少辣, 十分惹味, 炒得乾身, 少油, 很好。我一貫的夏門炒米, 內有青椒, 芽菜, 腿, 叉燒粒, 微酸, 味道調較的洽到好處。再來兩杯凍飲, 簡單的幸福。  繼續閱讀
(以上食評乃用戶個人意見 , 並不代表OpenRice之觀點。)
等級2 2014-10-29
1300 瀏覽
見好評如潮,也跟風飲杯奶茶,不過係茶走。嘩,小心,因為係超熱滾水冲,的確唔錯喎!跟住一個餐疍多士。多士好新鮮,重好脆,比l個like先!餐肉和疍就比較多油;哩方面可以改善。餐肉—般啦,但疍就唔錯。反疍亦難得做到外脆內軟的效果,值讚!綜合是—個不錯選擇,推介! 繼續閱讀
(以上食評乃用戶個人意見 , 並不代表OpenRice之觀點。)
等級4 2014-05-27
1674 瀏覽
金茶王,這一個名字好當嗎? 我可以說是不好當,從近來《醒記》的水準下滑已經知道,封王並不是一件好事。《醒記》,至從拿了金茶王冠軍之後,生意上的確是越來越好,可是,不斷有人施以投訴,說等得耐,多蒼蠅,衛生差。前三者我可以理解,因為突如其來出了名,根本是吃不消的,而且他們是村屋餐廳,只能利用半露天的空地做生意,蛇蟲鼠蟻不能避,在鄉村地方與大自然一起飲食,介意的就不要去了。沒有準備來的,全因為我們習慣把車子泊在錦石村,之後前往太和的外婆家。《醒記》就在我們必經之路上。而這一天,我們沒有吃中午飯,泊好車決定食個下午茶。輕食,所以我們都是來一個多士餐,一人一片多士,一人一杯奶茶。占醬多是我太太的選擇,簡單的有桃味的果占,簡單的花生醬,應該沒什麼問題,結果,是沒問題的,醬同Jam都夠多,不過,感覺片麵包唔係幾夠脆。鮮油多,也是很少會出錯的東西,頂多只是普通,很開心的,這一份鮮油多的確只是普通的質素,因為,牛油不多,亦不夠香。奶茶,應該沒問題吧。對,奶茶是沒有問題,而且是可以叫好的。凍的,的確是很凍,凍的也能做出茶香奶滑,很有水準。而識飲茶的,當然要飲熱奶茶,這兒的奶茶,有水一般的滑,茶其實不算很濃,但聞得出有茶葉的香味,也有香濃的奶油味,王牌,是值得給的。簡單地吃過下午茶,感覺普普通通,麵包,不出色,環境,不舒適,幸好,奶茶是有聲有色,但《醒記》只有奶茶做得好,其實我覺得有點可惜。 繼續閱讀
(以上食評乃用戶個人意見 , 並不代表OpenRice之觀點。)