12
4
0
港鐵九龍灣站 B 出口, 步行約10分鐘
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
平時經常到大角咀/尖沙咀等吃串燒，價錢不太便宜，又或地方很迫。今次過來找朋友，吃後不枉此行！Food court 乾淨有冷氣！給商場管理一個讚！呢間串燒店雖店面小，但食物平靚正！性價比超值，一定會再來！他們的菜單種類蠻豐富的！吃了燒韓國蠔 約$60/4隻！不錯蒜蓉焗娃娃菜，起好吃，味道很好，份量大！大推！燒扇貝 香草牛油味！燒得剛好！只需約$70/半打！很多店也會燒得乾了點，這個加上牛油 是我認為最好吃的！大大推！必食燒牛舌，牛舌厚度蠻厚 但又燒得很好，只係$17！我們最後有encore!推！必食燒雞軟骨，不錯, standard好，份量少了點。但實話是這個只係$10串！好平！喜歡吃的 要自己一人叫一條推！燒菠蘿！不錯 無渣！唔記得幾錢。燒鰻魚！不錯 夠厚且平。泰式生蝦 平宜約$40/份，乾淨但無味。以上所有的 我再來會再食，除了生蝦！
繼續閱讀
943 瀏覽
筆者兩夫婦在香港區長大，搬到九龍之前，每次過海，一般只會出沒於油尖旺、新界的郊野公園、或者元朗 / 西貢等等遊客地區，又或者每逢過年過節，才會到訪各大公共屋村探親拜年；所以，直至牛頭角下邨清拆重建，一直沒有機會到訪邨內特色街坊食肆，對牛下的認識也只限於「牛下女車神」。大概三年前吧，得寶商場將其中一角重新裝修，打造成「牛下新城」，但一直沒有到訪，今日在淘大睇完電影，專程一探究竟。對比毗鄰的淘大商場，得寶商場的裝修及營運明顯給比下去，面積較細只是原因之一，根源問題卻是業權。淘大商場仍然由某大地產集團作為大業主，單一管理，當然可以定期翻新；得寶商場業權分散，小業主們當然不願作出大規模投資翻新得寶。難得2016年初，小業主們（或管理公司）決定用有限資源及最少金錢，為商場注入牛頭角下邨元素，希望吸引人流。翻新後的商場設計可以用「蔗渣價錢、重現香港舊情懷」去形容：基本配套及佈局沒有太大改變，只是在裝修風格上添加特色，並在細微處突顯「牛下新城」的概念。與其他開業多年、由大集團管理的大型商場，花費大量金錢重新裝修、打造成追上潮流的商場，是兩種截然不同的策略。從另一個角度來看，「牛下新城」是為了生存，大集團的商場是為了提高租值。地磚畫上跳飛機及天下太平的圖案。跳飛機是70年代公共屋邨小朋友的免費玩意；天下太平則是那些年的小學生，在上堂時候偷偷與隔鄰座位同學仔的紙上玩意 ⋯⋯ 80年代後的一眾可能從未聽過吧？牆壁上用了牛下舊照片作裝飾，配上低成本、但充滿特色的水景（water feature）設計 ⋯⋯ 實在非常佩服管理公司找回來的設計師！雖然說不上有任何設計技巧、亦談不上美輪美奐，但實在非常充滿小聰明、小智慧。另一個低成本、但展現了當年屋邨居民生活習慣的裝飾 ⋯⋯ 80年代以前的公共屋邨，必備設施必定包括樓下休憩空間內的石枱上的中國象棋棋盤，「牛下」應該沒有例外吧？再往前走就是「得米美食檔」。商場走廊兩傍的商舖招牌、拉趟摺疊式鋅鐵閘等等，又是另一個小技巧，用最少金錢重現當年舊式公共屋邨的地舗場境。「得米美食檔」其實是一個低成本美食廣場，內有 6 至 8 家小食檔，正值晚飯時段，人頭湧湧。有別於今時今日美食廣場內的小餐廳，全部都有正規廚房；這些小食檔只有簡陋的開放式廚房，所以，也只能夠提供簡單小食。座位區的裝修同樣顯得簡陋，但注入了大量當年屋邨地舗特色：鐵皮信箱、紙皮石鋪砌的地下、一個個裝玻璃啤酒樽的大膠箱（屋邨內的大排檔）等等。這個「亂拋垃圾 人見人憎」的標語及橙色垃圾桶（仿製品）絕對是70年代的經典，如果可以用原裝海報及垃圾桶就更加絕妙！小食檔名字是「醉香居」，如果這裏是大型商場，聽名字一定以為是上海菜館，其實卻是一間港式串燒小食店。小店唔放過任何賺錢機會，又與其他公司合作，設有一台手提電話移動電源租借站。燒牛扒、燒龍蝦套餐超級抵食。就算要單點，價格同樣便宜到接近難以置信 ⋯⋯ 絕大部份串燒定價 $18 以下，平均只是銅鑼灣日式串燒店的 1/3 價錢，而且更加不需要加一服務費！唔算太肚餓，放棄了套餐，只單點了幾枝串燒。西冷牛肉（$14）只可以用超級便宜去形容，甚至比街邊小食檔的串燒還要便宜。牛肉的確軟身，但仍難以嚼爛、有渣；除了醃料味道之外，完全冇牛肉鮮味，只能夠從肉質分辨出並非豬肉或雞肉，應該是牛肉吧？牛舌（$17）的賣相完全唔吸引，三小塊牛舌剪成三尖八角、厚薄不一，還要在每塊牛舌剪開幾個缺口；起初還以為是雞腎，莫非牛舌很靱、很難咀嚼，所以刻意剪開？味道及質感比預期優勝。雖然未至於非常爽口彈牙，但總算完全唔韌；味道亦較西冷牛肉為佳，牛舌只簡單用鹽及胡椒調味，只是因為食材質素關係，肉汁唔多。7吋長雞全翼（$13）共有四款味道：鹽味、川味、泰式汁及蜜糖，㨂了鹽味及蜜糖。鹽味雞翼的味道拍得住串嬈專門店，只嫌烤得唔夠乾身、欠香口。蜜糖味雞翼較為可取，很有港式 BBQ 燒雞翼的風味，肉質濕潤、雞皮少少香脆兼有蜜糖香甜。如果雞全翼可以用竹籤串起拉直，食起來更加方便，唔需要雙手齊飛會更加理想。自己去街市買一條粟米也最少要 $8，燒原條牛油粟米（$16）絕對抵食；在旺區的串燒店，價錢最少貴一倍、兼只有半枝。只不過，粟米質素就一般而已，唔夠爽甜、咬落有少少渣。大大條燒有機菠蘿（$13），清甜多汁，燒烤後帶出少少果酸。好食。講味道只是勉強合格，全憑醃料味道濃郁以掩蓋並非優質食材的事實。只不過，如果講價錢的話，就肯定無懈可擊，固然遠遠較旺區內的任何一間日式串燒店便宜、甚至較旺區內的港式串燒地舖小店也便宜一截。如果只求飽餐一頓、又不嫌棄用餐環境，一試無仿。
繼續閱讀
去左得寶商場小food court ，座位唔算多，但都有位坐。拎落單紙，填完就落單俾錢。等候時間會耐少少，因為即叫即燒。有豬頸肉，沙嗲牛肉串，雞串，豬肉串。佢真系落得好多沙嗲醬，好足料呀。仲要淡淡都係肉，好嫩，好入味。價錢來講都唔算貴，我覺得仲好抵食。川味司華力腸燒生蠔，揀左蒜蓉味，蒜蓉份量比較多，所以有少少蓋過左蠔既味道燒秋刀魚，配埋個泰式醬汁，醬汁好味👍🏻👍🏻👍🏻 秋刀魚唔腥。秋刀魚表面燒到少少脆， 魚肉比較實，有好多幼細既骨。
繼續閱讀
第二次來了，這次晚飯的時間過來，人比較多，等了蠻久了，也挺餓的，可是食物上來之後，居然沒有狼吞虎嚥，原因是味道大不如前了，可是價格確貴了，2個人吃了260,有點失望😞
繼續閱讀
呢日收工好肚餓，係公司附近搵食，行下行下就到呢個商場，一入到去個商場覺得好特別，就好似進入左好多年前既香港，可惜因為肚餓關係，無影到相。搵到呢間野先知原來呢度有個小小既food court ,,就咁睇都有成6-7間店，座位唔算多，但整個裝修感覺好warm,,好舒服。登登登登，我地叫左唔算多野食，包括有茄子、尖椒(夠辣）、牛舌（爽口）、梅頭豬肉（好入味）、雞軟骨（普通）、豬頸肉（有驚喜）、鰻魚（正常）。真心既：真係好好味。除左茄子之外，其他都可以再encore。
繼續閱讀