醉福樓 (已結業)

假日的大埔中心中午，一向都搵食艱難，適逢一田百貨公司優惠日，停車場及酒樓餐廳大都滿座要排隊，唯有去一向冇好感的醉福樓碰碰運氣。去到果然仍有幾張空枱，但點菜時遇着個服務態度惡劣的肥女服務員，說話毫無禮貌令人反感，對菜譜中有的普通菜式也硬說沒有，要指出菜譜印有該菜名才倖倖然落單，邊行邊罵，令人氣憤。叫了一個蒸魚小菜和一個白飯魚炒旦客飯，條魚不多新鮮，調味豉油竟是普通豉油不是用蒸魚豉油故比較鹹。幸好白飯魚炒旦炒得淡一些，不算難食，但本來跟客飯的例湯說賣晒，只能揀咖啡或茶取代。

時間: 2-3pm地點: 大埔超級城醉福樓今日去食下午茶問心個句呢間野食物唔差,但服務態度超差!當日發生一件事,事緣因我一時大意,留左部電話係檯唔記得拎,行出去唔夠一分鐘,發現唔記得拎已即刻返入去原本坐個張檯度搵電話,將檯已經有人坐係度,我問個客人有冇見到部電話,佢地話冇,同時間有個侍應叫我去櫃檯問,但冇講部電話有冇執到,行去櫃檯途中有個女侍應知道我搵電話即刻捉住我隻手話佢執到部電話要我請飲茶,之後又有3,4個侍應好似發現有金執咁一齊圍過黎話部電話好貴,又話我好彩搵返,又話要請飲茶咁一輪咀係度講,但由頭到尾都冇意識拎部電話出黎俾我睇係唔係真係係度,我已經開始黑面,問佢地部電話係邊,之後有個侍應叫我打返俾自己,又問我部電話咩色,我答佢部電話有密碼,我開到就證明係我喇,但佢都堅持要我打俾自己,好,我照答照做一心想快d拎返部電話,電話響左3,4下先有個人斯斯然去櫃檯到拎出黎睇,當時櫃檯係有個女收銀坐係度,但佢係無意識去拎出黎,佢地係唔係唔想俾返我呀?嗰一刻真係火都黎埋,最火滾都唔係呢樣,係拎電話出黎個嗰男侍應講話我有權唔俾返你,你唔可以拎返,嗰一刻真係好想話咁不如報警,我搵警察黎拎返,係想咁

今天和同事慶祝生日於是在早上已經打電話訂台我仲講到明一定要坐房準時到達後那小姐竟然叫我自己行入房都唔緊要入到房，竟然有另一位小姐趕番我出去說房內的大台已經被訂了！被人點來點去之後已經有小小氣豈料點菜的時候又出現問題MENU上寫明F套餐包括5個小菜和一個栗米湯而另外凍飲加2元但到了落訂時那小姐才說如果你們要凍飲，便沒有栗米湯的了！這是什麼道理？轉個頭請那小姐加一點茶卻把整個茶壺拿走而且一直沒有回來 (直至再三催促)還有一位男的侍應，也是一絕！當他第一次來放底小菜時我說想叫飲品他竟然轉身便走我以為他聽不到於是等他第二次再來放小菜時再說豈料他依然轉身走！！我明明是坐在上菜位在他的旁邊說話了沒理由他次次也聽不到吧？！直至我勁揮手他才施施然回來替我們落單當全部同事已經點好飲品我請他重複一次他竟然說﹕你要落咪落囉！哇！這是什麼態度！於是我問﹕我們9個人，你寫了多少杯？他回答說﹕8囉！老實說這兒的午餐$38一份又不是特別平味道只是一般卻附送如此的服務我肯定以後不會再幫襯！

金牌鹽焗雞D雞都幾滑既…仲幾夠味!不過WHY 係有D皮縮水?!?!時菜炒鮮魷呵…是我唔太LIKE 既菠菜…不過佢D魷魚好大件呀…仲有幾多下…幾爽口煙UN…菠羅咕嚕肉不過不失的…唔會一咬下去成口粉…紅燒豆付D豆腐…有D散…好多的茹…大大粒…豉油王煎龍利煎封的…變成脆皮了…D魚都仲幾滑…薄片的魚…大家都夾夾夾…呵…叉燒炒旦旦好似炒得老左D…又炒到一堆堆的….叉叉大大粒的…同D旦分開了…什菜煲好多品種的菜喎…冇欺場…個煲又唔會好濃味…雞茸栗米羹好大窩的….夠曬8人食…佢地的ROOM 好有趣喎…有個框…不過冇玻璃的…呵呵…一望就睇左出去…坐左入黎…成日都冇人黎…=.=’酒樓都有得DRINK 奶茶, LEMON TEA..~.~

好耐無黎呢喥食野, 雖然呢喥服務唔係好好, 但係價錢大眾化, 而且食物水準OK, 年中久唔久都會黎呢喥食下飯今次一行六人黎食晚飯, 帶左條油斑同大隻瀨尿蝦黎加工, 總共5 個餸梅菜扣肉呢喥既梅菜扣肉一向都有水準, 今次亦唔例外扣肉忟得好入味, 夠曬稔, 吸收曬梅菜既咸味同甜味, 0岩0岩好唔會太咸用既五花腩肥瘦適中, 我食瘦肉, 親戚們就食D 肥肉個汁咸咸甜甜, 送飯好開胃油鹽水浸菜心落左薑絲同冬菜, 清清地唔錯菜心爽口翠綠, 可惜少左D, 數埋都唔知有無十條豉汁炒苦瓜苦瓜炒得太稔, 咬落無趙口而且結得曬無咩汁清蒸大油斑 (自來加工)條魚係自己帶黎, 呢喥既師傅真係識蒸魚!蒸到真係0岩0岩好熟, 咁大條魚, 蒸少分鐘都會生, 蒸多分鐘又會老會鞋呢條魚蒸得好滑, 出面好多酒店酒樓都無佢咁叻蒸得咁滑, 抵讚椒鹽瀨尿蝦 (自來加工)瀨尿蝦又係自己帶黎, 今次呢D 特登揀大隻長腳無膏的, 淨係食D 肉師傅整得唔錯, 好香蒜味, 蝦食落香口得黎唔會成口油咸味同蒜味調較得0岩0岩好, 食完亦唔會口渴搵水飲呢喥既廚師係唔錯既, 雖然唔係酒店級大師傅, 但以咁既街坊價黎講, 佢算係整得好食過好多酒樓餐

朋友要去 jusco shopping, 順便同佢食埋飯囉!!! 一行 4人, 叫左幾個菜... 個蜆唔係幾入味, 雞就係水準啦, 好過 x 江雞, 佢地果d太重味...反而呢個有小小盬味又唔係太勁, 幾好!!好耐無食炸大腸, 一般, 無以前去真係客家菜館食既味, 不過 ok 啦....最好食係條魚, 好滑, 正!!!!朋友 m 話全晚最唔好食係個飯囉...好硬!!!我發現, 佢地無咩 service, 唔知不嬲都係咁定係唔夠人呢?? 可以改善下!!!

金牌鹽焗雞---ok, 肉地都新鮮, 嫩, 唔似冰鮮既, 價錢合理, 都係 60蚊半只.莧菜金銀旦---d菜炒得好, 唔老, 清清地.中式牛柳---d肉有牛肉味, 唔似平時個d只有個醬既甜酸味.豉汁魚雲蒸豆腐---味唔太濃, 比較淡口, 都幾好.京都骨拼椒鹽炸魷魚---京都骨冇乜特別, 但個魷魚炸得幾好, 唔油, 夠干身, 爽口.白飯---硬左d, 美中不足.呢間野價錢唔算貴, 可以話係大排檔價錢, 而環境又好過大排檔, 食物都ok.

去大埔探婆婆，佢鍾意黎呢度開餐。成點半先去食，所以不太多人。五個人，叫了兩個客飯餐，蒸咗條魚，上湯浸莧菜，再加多個炒河。菠蘿咕嚕肉：炸漿很厚，可以同舊肉分離。肉還算嫩，且不會太瘦太鞋。梅菜扣肉：肥膩在所難免。整得幾香，扣內炆得入味且淋...梅菜很多，咸咸甜甜，送飯一流。上湯浸莧菜：菜上有肉末和幾粒大炸蒜頭。莧菜嫩身不太老，浸得很淋。上湯味道濃，無味精。古法蒸桂花魚($46)：size ok...不算太細...其實無咩話古法唔古法，因為同屋企嘅蒸法無分別。魚剛熟，因此肉很嫩滑。干炒肉片河：炒得不油不膩，有鑊氣...但河粉不是條條分明，很多都是幾條黏在一起。肉片被"o拿"過，但也不乏肉味。服務又未致於話很不濟，但就有待改善。見我地洗碗，又不會醒目地拿個大碗給我們裝水。見我們少了對chopsticks，又不主動拿對俾我地。吓吓都要個客開聲問。要學得話頭醒尾至得o架！

依間只不過係間低劣的茶餐廳,野食已經唔好食,連最最最基本的條件印做唔到,D野煮唔熟,完全不理會食客,簡直不能明白為何還有如此惡劣的食油店.d餸等成半個鐘先上到,簡簡單單的炒菜都要等如此耐,而且又多油. 仲有碟豬肉都未煮熟就拎出黎,返煮完再拎出黎都係一樣唔熟,完全係誠意煮好d野食俾客人食.此食店完全係冇服務可言,侍應可呼喝客人,不理會客人的order,簡到是黑店般.真不明白為何如此食店還能存在.如果想貼錢買災受,此處絕對係首選.

呢間野d 野食不嬲都唔係話好好食三十蚊度, 但叫做幾大碟咯點知愈做愈差.. d 餸愈黎愈少上菜上得好慢, 地方又逼!ok, fine! 都算啦~但佢的服務真係極差!!!明明係佢落錯單, 黎錯左野食, 我唔想食, 佢硬要逼我要!! 態度仲要爆差! 邊有咁的食肆架?真係食到一肚火!大家想受氣就去個度食啦! 仲要有定心理準備比人屈啦!

現在已改名為”醉褔樓”! 裝修及改名後, 格局好似High了, 所有員工及食物沒有變, 只是價錢貴了, 沒有以前經濟實惠!! 但茶, 仍然好像以前咁, 沖一大壺(好似大排檔咁), 您自己沖啦! 與格局not match, 還好似要收加一服務費. 我還是喜歡以前咁經濟實惠!!

間餐廳d野食都幾好晚飯比同區酒家抵食,而且都幾好食不過算細左d,如果唔介意都冇問題而且碟碟菜都好足料唔似d酒家咁