29
12
10
港鐵佐敦站 B1 出口, 步行約3分鐘 繼續閱讀
所有分店 (2)
電話號碼
23842423
營業時間
今日營業
11:00 - 23:00
星期一至日
11:00 - 23:00
付款方式
現金
座位數目
84
其他資料
酒精飲品
泊車 詳細介紹
電話訂座
加一服務費
電視播放
招牌菜
扣肉 客家菜
食評 (62)
等級2 2019-09-11
333 瀏覽
醉瓊樓記得細個成日係紅磡既分店食,好好食記得果時仲有多d分店,到依家得返兩間。店舖仍然係好有懷舊風味,分兩層,上層好似閣樓咁,好易頂到頭。我地4人叫左一個套餐,有胡椒豬肚湯 我嫌淡d左,鹽焗雞 金牌保證,雞脾位夠嫩滑,雞胸部位夠哂雞味,梅菜扣肉 我至愛 好香,豬肉應該有先用油拖過,仲有客家豆腐同通菜。伙記好好人留左綠豆沙甜品比我地。呢度既價錢係佐敦中菜黎講都幾平,呢個四個小菜+湯 仲有甜品,埋單都係五百左右,都幾抵食又有水準保證。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-17
580 瀏覽
之前去過佐敦醉瓊樓食過好抵食嘅碟頭飯,期間店員問點解唔試下佢哋嘅招牌鹽焗雞? 係用新鮮雞做的。我哋唔係唔想試,而係兩個人都驚食唔晒半雙雞。今晚就唔同,一行三人,整體食力大提升,一於叫番半隻招牌鹽焗雞過過口癮。可能市道唔好,依家呢個晚飯時間都無咩客,如果我哋呢啲有經濟能力嘅人都唔出來消費,呢啲老字號好快又會執多一間。除咗叫咗半雙招牌鹽焗雞之外,仲點咗紅燒豆腐和腰果西芹炒鮮魷。啲餸嘅味道係第道食唔到,是老字號出品嘛,其他集團式酒樓、餐廳無得比。首先,份量絕不欺場,每個都大大碟。碟炒鮮魷鑊氣十足,腰果甘香鬆脆,鮮魷爽口。紅燒豆腐夠大件,間中會有些煎肉碎夾於內,豆腐好嫩滑。個茨汁調得超好味。招牌鹽焗雞果然名不虛傳,雞皮薄唔肥膩,肉質滑,滲透著鹽香味。三個人食半隻雞份量啱啱好。食到飽飽之後,仲有個小驚喜,就係有綠豆沙送。好耐都無食過正宗綠豆沙喇! 正! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-24
940 瀏覽
醉瓊樓係做傳統客家菜,雖然看似平凡沒有特別,但要做得好,仲係keep住好真心唔係咁易,醉瓊樓做左40年以上,我間唔時都會嚟食,只因為出面無一間水準好似佢咁穩定。晚餐時段套餐好抵食,午餐就50蚊一口價全包,包茶芥加一,擺低50蚊就有一碟出色嘅鹽焗雞,雞色澤分明,肉質爽唔韌仲要皮一定滑一滑,鹽焗好均衡,唔似出面果啲完全唔咸,總之食唔出有鹽焗嘅感覺。我就一定食梅菜扣肉,真係無得輸,雖然佢上碟時成碟扣肉會直接放在飯面上,對於一啲講求衛生嘅食客一定接受唔到,但事實就係只要好食,絕對接受佢嘅上菜方式,而佢亦唔會為討好你而改變佢嘅作風,呢啲或許就係老店嘅堅持所以就到今時今日仲keep到水準。講番碟扣肉,佢嘅梅菜係甜口嘅當然唔會有渣啦,最出色當然係嚿豬肉,一定係肥瘦分明,仲要好甘香,出色。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-05-12
770 瀏覽
同事突發約食晚飯, 諗了很久都諗唔到食咩好, 最後在腦海閃過醉瓊樓。來到店內裝修仍然是簡單的70年代風格。同事個肚已經開始打鼓,坐抵打開menu一眼就見到個2-4人套餐, 4餸一湯都係$398,有鹽焗雞,梅菜扣肉,紅燒釀豆腐,炒青菜同白果豬肚湯,二話不說就點了這個套餐。梅菜扣肉肥肉入口溶化,配上甜甜的梅菜用來送飯一流。最愛這個白果豬肚湯,因為有我喜愛的白果湯中又帶有胡椒,在近日濕熱的天氣作個解濕湯真不錯。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-04-15
981 瀏覽
上星期和幾個舊朋友出來聚舊因為是星期五晚上四圍都有分時段,最後諗起佐敦醉瓊樓酒家,地點方便,菜式懷舊,雖然裝修過時但地方整潔。我們點了一個四至六人餐有豬肚湯、炸大腸拼椒鹽魷魚、粟米魚塊、西芹炒蝦球、鹽焗雞半隻和出名的梅菜扣肉。味道依然保持水準很不錯,鹽焗雞嫩滑,炸大腸拼魷魚鬆脆可口不油膩,梅菜扣肉入口即溶😋😋整體非常滿意下次會再去品嚐佢其他嘅套餐同埋出名的客家釀豆腐。 繼續閱讀
(以上食評乃用戶個人意見 , 並不代表OpenRice之觀點。)