21
1
0
電話號碼
28332188
開飯介紹
招牌海南雞飯,油飯香,無骨雞件夠滑溜。亦有供應惹味泰式串燒及其他粵式煲仔小菜、海鮮。 繼續閱讀
營業時間
今日營業
12:00 - 02:00
星期一至五
12:00 - 02:00
星期六
18:00 - 02:00
星期日
12:00 - 02:00
付款方式
AlipayHK 支付寶 現金
其他資料
網上訂座
深夜營業
賞訂座積分
外賣服務
加一服務費
獨家網上訂座
當面支付
有關獎賞計劃
食評 (23)
等級2 2020-01-30
31 瀏覽
星期六同幾兄弟姊妹一齊去新蒲崗泰粵食晚飯,去到店內好細,不過可以選擇坐外面,比較有大排檔風味,等咗5分鐘等店員執好位就可以入坐,坐底咗之後,我地一人點了一個餸,分別點了支竹羊腩煲,羊腩非常多,好淋身,湯底好豐富料足之後點了酸菜魚,魚肉滑身,湯底中辣,酸菜配搭魚肉一齊食非常開胃最後點了白切雞,白切雞好一般冇乜特別,同埋海鮮炒飯,炒飯還可以,炒得夠乾身飯粒分明,味道唔錯夠香,份量相當足食飽後細妹話想試下啲串燒,所以叫多個芝士串試下,芝士太咸,食落有少少漏,整體上菜色都唔錯,價錢上因為晚飯時段都合理,坐出面有大排檔風味,比較舒適 繼續閱讀
(以上食評乃用戶個人意見 , 並不代表OpenRice之觀點。)
等級1 2020-01-12
42 瀏覽
酸菜魚確名不虛傳,湯頭美味,酸度啱啱好,鍾意食辣可加入,定更好味。無骨魚肉好滑,啱啱好,唔會好油、好鹹,連魚頭都食埋。燒茄子也做得好,串燒都有水準,燒波蘿也不錯,反而泰式菜就一般:海南鷄飯嘅飯比較乾,用鷄油飯、潤濕些會更好;炒金邊粉做得唔油,但味道就中規中矩,蝦餅份量夠大,也是即炸,味道可以更好。看見其他枱大都食酸菜魚或爐烤魚,相信係鎮店之寶了,希望下次試吓其他粵式小炒,泰菜有改善就perfect嘞!重有一句很重要:價錢唔貴,唔使$150一位,很抵食! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-30
71 瀏覽
<串燒同烤魚都好正>👍🏻呢間喺新蒲崗既醉標 中菜同泰菜為主 仲有雞魚煲 串燒等 食店細細間 以木枱櫈為主 食物質素高 雖然唔係交通方便 但好味值得試下👍🏻🔥 🍴麻辣烤魚 228 蚊 麻辣烤魚上面放滿葱花同乾辣椒同芝麻好夠香 底下用名火煲住 魚係用左烏江張羅 骨有少少多 但好香甜 好夠軟滑🐟 魚肉新鮮 盡吸麻辣汁 麻辣湯汁辣咸度適中 煲煲下會咸辣 d , 所以一開始點自己食到濃味 level低一級就可以🌶 底層加既配料配薯仔片 🥔切得大細適中好有粉口感盡吸麻辣汁👍🏻大豆芽 好爽口新鮮 芽菜味夠清甜又吸左 d 麻辣汁 同青瓜 🥒大大片好鮮 煲一陣吸左 d辣汁仲正😃🍴原條燒茄子 32 蚊🔥🍆茄子 大大條 燒得好軟熟口感好好 上面葱花七味粉調味 滲哂落 juicy 既茄子肉入面 又香又正 🍴雞泡魚乾36 蚊🐟切成一條條幼身 食落好煙靭 魚味夠 上面帶 d蜜糖香 唔錯🍯 🍴法式焗蒜蓉包28 蚊🍞四塊蒜蓉包厚度適中 蒜蓉味香 帶 d牛油 重點係焗得夠脆👍🏻🍴燒豬仔脾 20 蚊🐷豬仔脾啖啖肉 有咬口 帶 d甜味 豬肉味濃🍴燒豬頸肉 🐷16 蚊比較香脆 入面好有咬口 唔錯🍴燒魷魚鬚16 蚊🦑雖然細條 但佢燒得外面香脆 入面都有 d juicy正🍴雞軟骨22 蚊2 串🐤雞軟骨好爽口咬落有雞軟骨既雞油 正#串燒 #燒烤 #蒜蓉包 #烤魚 #茄子 #雞軟骨 #豬仔脾 #烤魚 Score 平均分 <7.8/10>Taste 味道:👍🏻👍🏻👍🏻👍🏻Present 外觀:👍🏻👍🏻👍🏻👍🏻Decor&Hygiene 環境衞生:👍🏻👍🏻👍🏻Value for $ 性價比:👍🏻👍🏻👍🏻Service 服務:👍🏻👍🏻👍🏻~~~~~~~~~~~~~#醉標泰粵小廚新蒲崗錦榮街5至7 號東誠大廈地下 b c鋪~~~~~~~~~~~~ 繼續閱讀
(以上食評乃用戶個人意見 , 並不代表OpenRice之觀點。)
等級2 2019-12-10
36 瀏覽
收工同朋友去新蒲崗搵食,行過見到一間食粵式同埋泰國嘢嘅餐廳,而且價錢相宜,於是就入去一試。餐廳環境乾淨,雖然未有豪華裝修,但老闆娘同埋啲員工都好友善,絕對係好溫暖嘅小店。睇一睇餐牌,大部份食物嘅價錢都相宜,而且食物選擇多,有粵菜同埋泰國菜,絕對適合三心兩意嘅朋友。我同朋友首先叫咗呢度嘅招牌酸菜魚煲,點知好友驚喜點,魚好滑而且冇骨,仲要唔係出面浸到淋晒發脹嗰種,聽老闆講係即叫即整,非常新鮮。另外佢個湯底辣到啱啱好,唔會話太辣搶味,亦都唔會好似坊間嘅酸菜魚一樣咁油,絕對值得一試。另外亦都叫咗海南雞同埋一啲串燒,海南雞水準還好,比較有驚喜嘅係佢個燒鱔,外脆內軟,而且好juicy,絕對值得一試!最後佢個飲品非常有誠意,唔係出面嗰種,聽老闆娘講係自己沖嘅,佢個鹹柑桔好有屋企味道,亦都非常下火!嚟呢度一定要叫佢嘅飲品!我同朋友眨吓眼就清晒枱面啲嘢,可想而知佢有幾好食!呢類型嘅小店買少見少,絕對值得大家去支持! 繼續閱讀
(以上食評乃用戶個人意見 , 並不代表OpenRice之觀點。)
以前喺呢區附近返工,都知道黃大仙新蒲崗其實有好多小店舖,未必好出名但係都會食物質素唔錯。星期五夜晚放工之後,我哋去依一區回味下食下野。呢一條街仔其實都有唔同嘅小店,記得以前同一個位置係一間都幾好食嘅店,以前係賣豬扒飯及牛腩麵店。(呢個組合都好奇怪,哈哈)今日嚟到,依間新開冇幾耐嘅店係又有泰國野又有粵菜,仲有意想不到嘅串燒同埋酸菜魚。做咁多種唔同嘅食物,但店舖細細,廚房亦都唔夠好大,呢間店真係好神奇!餐牌裏邊有唔同嘅餸菜,結果我哋散嗌左飲品同埋四款嘅嘢食。當熱天氣飲凍野真係最正,呢杯椰汁冰感覺好清潤。而龍眼冰我更加喜愛,甜度適中。仲有一粒粒嘅龍眼喺裏面,好清甜。好期待嘅酸菜魚等左一段時間終於上枱啦!呢個係老闆娘大力推介,佢指每日鱸魚嘅入貨量喺10條以下咋,要慢慢拆骨起肉,係心機菜嚟嘅。仲有,你發現餐牌係唔會有見到酸菜魚嘅,哈哈!係要老闆娘或者店員介紹話有,你先有機會叫到😊之前都有同朋友喺大陸食過酸菜魚,佢同大陸果種酸菜魚感覺差唔多,但係冇咁肥膩。酸菜魚湯底有唔同嘅選擇,我哋揀咗白湯。白湯係主要雞及魚一齊煲嘅湯,唔太食得辣嘅我地點白湯。而另外都有紅湯,應該會辣好多同埋濃味啲。魚肉質非常之滑,感覺條魚應該真係好新鮮。食魚嘅同時連埋酸菜葉,味道好夾。再叫多一碗白飯,酸菜撈飯都非常之好味。其實食酸菜魚我哋已經好滿足!但老闆娘推介之後,我哋再點多三款嘅小食。串燒剛剛燒起香噴噴上枱,好好味好香!燒豬頸肉配合埋佢地自製嘅醬汁,小小香辣又有小小酸又有蒜香,好喜歡依款泰式感覺。燒茄子充滿全蒜香,白色嘅茄子肉好滑,送飯一流!另外吸引我哋嘅仲有一份人情味,感覺老闆娘對菜式好認真,好希望得到客人欣賞。我哋兩個人食到肚腩大大,haha😊下次再約多啲朋友,點多啲唔同款式嘅餸菜。 繼續閱讀
(以上食評乃用戶個人意見 , 並不代表OpenRice之觀點。)