影片
港鐵銅鑼灣站 D2 出口
繼續閱讀
電話號碼
36145181
開飯介紹
簡約日式風格為設計主軸，淺木色的裝潢配合巧妙的座位設計，既舒適又私密，特別適合與朋友悠閒地聚餐，享受靜謐的美食時光。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
「酒津」位於銅鑼灣澳門逸園中心，就在SOGO旁邊，位置得天獨厚，其為一家日式居酒屋。食物質素高之餘，現時優惠幾吸引，分別有星期一至四及六晚市九折、星期日全日八折，以及指定酒精飲品買一送一，優惠且可同用。自家製梅酒 ($68 - 買一送一): 優惠$34/杯再九折，梅酒均為自家釀製，並不是採用一般嘅青梅，其以大量熟梅子，即話梅釀製而成，飲落去就好似食緊話梅咁，酸酸甜甜，味道香濃，生津解渴，特別之餘，幾好飲。即使冰塊溶化，濃度都無減太多。另外，其冰塊都有唔同造型咁Chill，我呢塊係一朵大玫瑰花。甘鯛立鱗燒 ($178): 一般造法是以熱油淋於魚鱗表面，使魚鱗立起來，如蜂巢般，賣相吸引，吃的便是其酥香，甘鯛肉質緊實細嫩，唔會一夾就散，魚肉清甜美味，高質！A4和牛刺身 ($188): 牛肉刺身採用A4和牛，油脂比例較高，油香豐富，牛味香，拌勻蛋漿質感更加嫩滑。牛肉鵝肝卷 ($128): 一客共有四件，半熟灸燒牛肉裹著壽司飯及鵝肝，油香突出，層次豐富，幾好食。炸雙重芝士年糕 ($38): 係一般芝士年糕加上兩款唔同嘅半溶芝士，Actually係三重芝士先岩，奶香豐富，芝味十足，口感非常軟糯，簡單令平凡變得不平凡，超好食！燒雞肝、雞心 ($28@): 串燒烤得唔錯，兩款都好好食，均帶有豐富肉汁，質感軟嫩，雞肝亦略帶顆粒感，巨香！
繼續閱讀
朋友帶我嚟食dinner，好近銅鑼灣地鐵站出口門口塊黑板寫晚市星期一至四、六有9折啱哂我地今晚我地坐bar枱，環境都幾好，乾淨舒服仲有幾塊黑板係special menu同推薦嘅嘢食蘋果汁Orion沖繩生啤好飲蘋果汁唔會太甜生啤好爽揀咗2款黑板special menu嘅嘢食黑豚荔枝串好食豚肉包住粒荔枝，再有啲黑椒調味荔枝清甜多汁，同豚肉好夾燒墨魚餅燒到金黃色，仲食到墨魚粒，好食汁煮花螺好好食，好入味，仲好易咬而且侍應有提供濕紙巾，夠哂貼心，唔驚整污糟隻手鐵板牛舌侍應會喺我地面前淋汁，出哂煙好正牛舌唔會過韌雞軟骨燒得好食配啤酒一流！免治雞肉棒 呢款都燒得好靚好味特上魚生卷一條卷包咗幾款魚生，有三文魚、蝦、仲有款唔知咩魚上面仲有海膽同三文魚籽好滿足黑松露蟹肉冷蕎麥麵呢款真係啱哂夏天食食落好清涼，而且大大舊蟹肉食完好滿足整體食物都好味，而且侍應都好nice, 會問下我地覺得啲嘢食點有機會一定會再嚟食
繼續閱讀
今日嚟到呢間樓上居酒屋，裝修好靚，貼滿鬼太郎嘅裝飾，真係有feel 🤌🏻白見貝 🐚✨即係象拔蚌刺身，擺盤好靚好有心思✨味道濃厚鮮甜，口感爽脆利落，輕輕點小小豉油同 wasabi已經好夠味，加埋青檸汁就更加清新 🍋 雞皮餃子 🥟 ✨新鮮炸起，雞皮表面炸得香脆，一咬開肉汁流出，加埋酸酸地嘅餃子汁，非常過癮🤪磯煮鮑魚 🍶✨$68一隻真係 CP 值好高，食落陣陣日式醬油同昆布甜味，肉質柔嫩🥰牛油果沙律 🥗✨牛油果切粒加上沙律醬，上面鋪上滿滿嘅蟹籽，下面就係淋上和風沙律汁嘅沙律菜，夠晒健康燒明太子飯團 🍙✨呢個真係非常有驚喜！✨明太子醬燒完之後好重鹹香✨飯團外圍燒得剛剛好，咬落勁香勁脆，有種食緊煲仔飯飯焦嘅感覺，入面嘅飯粒帶點軟.，口感夠晒豐富✨店員仲主動幫我哋2個人切一半方便share，真係細心！😋.串燒 🍢✨白鱔配金山寺味噌串🐟：魚肉鮮甜，魚皮燒得微微焦香香脆，上面加上小小酸薑同鹹香味噌，味道豐富✨雞軟骨🐓：燒到皮面非常香脆，但咬開質地又唔會好乾身，係我食過最好味嘅雞軟骨✨安格斯牛小排🥩：熟度剛好，肉味濃郁✨牛舌🐮：牛舌 size 都幾大塊，燒完後油脂香口，咬落肉質爽彈唔會韌，加上小小黑椒作調味，食呢一串真係享受.呢度Menu 仲有香港好少見嘅提燈串燒，可惜今次無晒，下次一定要同朋友再嚟食！
繼續閱讀
同朋友食生日飯朋友介紹呢間位於銅鑼灣嘅居酒屋餐廳擺設了好多鬼太郎公仔仲有好多清酒樽同貼紙在牆上整個vibes好日式居酒屋feel好適合朋友聚會//一夜干 $198//店員介紹一定要試一夜干一夜干即係燒馬友魚肉經風乾後仍可以帶出油脂香入口肉質口感仍然新鮮以日式燒烤技術又帶出了鹹香鮮味用來佐酒邊食邊飲邊吹水 真係一流 //鐵板牛舌 $98// 用鐵板放上牛舌保持溫度牛舌口感超級軟淋 牛舌味好出加埋洋蔥一起吃 加上了一份甜 //雞頸x2 $56////雞翼x2 $56////黑豚腩 $38//幾串串燒都相當出色師傅控制火喉時間做得剛剛好入口有炭火味 雞頸肉有咬口雞翼燒至外皮金黃脆口但仍然Keep到雞肉嫩滑鎖住肉汁黑豚腩半肥瘦 燒至外層微焦灑上少少鹽 口感滿分 //松露油鯛魚薄切 $158//鯛魚以松露油及海鹽調味鯛魚切得非常薄入口魚肉鮮嫩爽口松露油香氣濃郁個魚油加松露油味真係超突出 口感好豐富食完仲聞到陣陣松露味不用再點醬料 直接食就已經係無敵 //特上魚生卷 $98//以新鮮魚生做成嘅壽司卷包住三文魚、吞拿魚同牛油果頂層鋪有海膽同三文魚子食材新鮮 入口食到晒幾種魚既鮮味 //地雞雜炊 $88//唔食粥既我表示呢個地雞雜炊真係好出色 一定要試亦都會因為呢個粥而再黎過米粒充分吸收雞肉精華地雞雞肉新解嫩滑搭配香菇香蔥等配料仲要最正係加埋日本溫泉蛋整個粥都香氣四溢食完就是暖笠笠的幸福感
繼續閱讀
銅鑼灣食飯好多時都貴，但今次真係搵到寶啦 呢間出名性價比極高嘅居酒屋，早有耳聞，今日終於嚟試。用親民價錢享受到高質料理，確實難得，是鬧市中的一股清泉。😊 入到去感覺好舒服，有日本居酒屋嘅氛圍。餐牌選擇多，有刺身、壽司、卷物、串燒、炸物等，價錢喺銅鑼灣嚟講都算吸引，令人選擇困難。 鵝肝多士 $78 鵝肝煎得外微脆內軟滑，油脂感十足，配上甜醬汁同香脆多士，油潤甘香滲落多士，口感味道平衡得好好。 甘鯛立鱗燒 $198呢個必試嘅焦點菜式，連魚鱗一齊炸，魚鱗炸到香脆卜卜聲，而魚肉依然保持鮮甜嫩滑。雙重口感加埋魚鮮味，值得一試！ 海膽醬玉子燒 $88 玉子燒夠厚實，滑溜濕潤，上枱時熱辣辣。面頭鹹香嘅海膽醬提升咗蛋嘅甜味，吊味功力一流，食落舒服滿足。 燒牛舌（兩串） $58 串燒必嗌燒牛舌，呢個價錢食到咁高質素嘅牛舌，真係驚喜。牛舌厚度足，燒到外焦脆內嫩滑，牛味濃郁，黑椒調味啱啱好。😋 明太子長芋 $38 日本淮山燒過後微脆帶粉糯，口感得意，鋪滿鹹香明太子醬，清爽又鹹鮮，味道層次豐富，性價比高。 生蠔（兩隻） $48 生蠔夠新鮮，肉質爽滑帶鮮甜，滴少少檸檬汁已經好開胃。作為頭盤或過場菜式都相當適合。🦪 牛油果軟殼蟹卷（六件） $138 餡料豐富，包括軟殼蟹、牛油果同蟹柳。牛油果香濃Creamy，軟殼蟹炸得脆口唔油膩，口感豐富，味道非常夾。 星期日至四啤酒激賞 $19一杯 呢段時間期間生啤只需$19一杯，喺銅鑼灣呢個價錢好吸引。食串燒配冰凍啤酒，真係一大享受。🍺 呢間銅鑼灣居酒屋嘅體驗超出預期，由頭盤到卷物都保持高水準，有啲菜式甚至驚艷。最重要係價錢親民，性價比非常高。喺銅鑼灣想食到高質料理又唔想大出血，呢間真係值得推薦。下次一定會再嚟！👍
繼續閱讀