酒林 (已搬遷) 新店位置

讚1.氣氛好，夠私密，兩位酒侍可以同時間招呼唔同客，幾有日本feel2.酒多選擇，解釋得都好，講生酒、熱飲都講到，果日既Next 5都少見，去廁所時仲見到後面有個巨型雪櫃放清酒，估唔到大角咀會咁講究彈1.蕎麥麵配雞扒硬係覺得有啲港式呢

同一大班朋友聚會，最好就係可以有個地方食吓嘢，傾下計。最好就唔係太多人，唔係太靜，又有酒杯底模吓嘅地方朋友介紹呢間sake bar，都係我第一次去嘅sake bar嚟。佢嘅環境就好似日本居酒屋一樣，中間有個廚房，而我哋一行6人就坐係bar枱，中間有個轉角位，所以傾起計上嚟都可以90度角咁傾。我哋一行六人一齊去到呢間店，叫咗幾款小食，關東煮、烏冬、炸物，一邊食小食、一邊飲sake☺️，真係好relax，不經不覺飲多咗少少酒😂唔想推薦呢間店嘅原因係，唔想咁多人去🤣🤣🤣人生就是要快樂💗請不要去呢間店呀

見到佢成間店都冇人，就諗住試下幫襯下小店。試後亦知道點解OpenRice暫時冇任何comment既原因了。就等我幫佢寫第一個comment啦～除左因爲佢算係新，就係因為佢做既主食係Sake酒精飲品，食物只係小食為主。膽粗粗入去支持下，今日諗住食晚飯就唔係太適合，咁岩關東煮同鰻魚都冇，惟有每人一個淨烏冬打底，加3份小食，唔夠飽再去附近小店啦～ 係我冇睇清楚佢店名同冇問清楚者～食物味道方面係正常既，餃子有10隻一盤，炸雞同餃子雞翼味道ok，扁身烏冬普通，可惜其他野我唔太岩食，送酒相信ok的，服務正常，我地冇叫酒都會refill水，飲酒既話應該可以慢慢傾慢慢坐。比大家一個概念，serve小食+飲野既地方～ 相信有鍾意Sake既知音～支持小店！P.S. Openrice話我寫得唔夠多食既comment，難道餐廳環境唔係食既comment? 佢自己都有一欄係關於環境架bor?! 如果太麻煩呢一篇將會係我最後係OpenRice寫既comment，可以寫既地方多的是。睇下佢登唔登喇～ 我已經形容左d食物務求達到佢突發增加既要求