都會坊餐廳

營業中

休息中

旺角竟然仲有$26嘅午餐！就係登打士街馬路轉角位嘅都會坊！！ 最平$26蚊嘅有焗肉醬意粉，吞拿魚意粉，但我唔記得影相，不過同事都話好味，所以成日叫.我經常叫黑椒雞脾腸仔飯$32呢隻雞脾真係大過我塊面同水樽差唔多大隻，非常抵食，仲係好食雞脾皮炸到非常脆，雞肉無雪味，應該唔係用緊千年油，腸仔都似廚師腸。仲有其他好多選擇，唯一唔好只能外賣，同埋如想有任何更改都要+$5，例如轉菜，轉意粉，轉汁，都要+$5蚊

因為本身都做扒，所以想試下人地手扒，咁放工同兩個朋友去食，一個叫左一份西多，正正常常，跟住我同另一個朋友就試扒，一個就叫菲力，一個就因為半價叫左份西冷，，西冷就冇味，同埋建議換個做法 因為實在太簿，放係石板上對一般唔知點處理既人黎講會做成過熟。變相唔好食，而菲力實在太失望，係鬆肉粉….食扒最緊要係梅納反應，而我只係食到霉….何況塊板跟本唔夠熱去做依樣野….百幾蚊貴就唔貴，但感覺唔係好值，真係可以做好少少，牛扒除咗質素，處理手法都好重要，不過值得一讚既係店員好有禮貌，服務態度好好

從來未食過一間店食物質素奇差總共叫左兩個set 牛舌餐同牛肩胛400G先講牛舌一直都鐘意食牛舌見佢先7x幾好似唔錯一黎到 賣相奇差仲有利胎 🤮🤮🤮🤮🤮🤮已經無乜食欲食落去仲冧之之….（唔知係咪因為d利胎…）已不堪回首🫠唉…諗住個牛肩胛好d仲叫左最一份最大$2XX上到台賣相已經伏…望落仲差過大X 樂打邊爐d肥牛…個source 仲要係已放了千年上面層膜簡真可以敷面💩燒出黎又乾又柴又無味個店員仲問我識唔識燒🤐食除了為生存外 還是想享受享受🥹我決定唔應該作賤自己在原封只動兩塊肉地埋單走人奉勸各位此餐廳 🚨不可一🚨没有再🚨🚨敬請珍惜生命🚨PS 由於從來没有寫食評習慣，當時無留低倩影😓無圖但有真相😥😥

夜晚一支公入黎 原來係8成滿 佢仲有樓上琴晚食完大家樂牛扒 唔得 所以要揾返間覆桌我唔鐘意相機食先 食完好食自然想講叫了豬扒拼台灣腸 加帶子例牌湯上先 白湯Garlic飽 的確只係一般西餐廳貨色 是整定先或者攞返黎 不過都好過我昨晚食大家樂水汪汪的湯都要76蚊或者改一改用餐飽會好的 蒜蓉飽必須要即焗先至好食 不能返叮豬扒好快上枱 擺枱治到好處 腸仔同豬扒骨頂住鐵板兩邊睇落好似好大份咁 隔離枱都望過黎黑椒汁 同意粉另上 意粉有落蒜油 無煮過龍 黑椒汁有黑椒味但唔辣 唔會搶左肉味去鐵板由頭食到尾都仲係滾燙的 好多時出面食食下會唔夠熱 廚師將小小洋蔥放係底 同埋佢專登將肥油個度貼住鐵板 豬扒唔會焦左同肉味會出的 結果成份餐食曬完美離場整體除左飽同意粉會扣分,都係有CP值的 牛扒未試過下次再食睇下有無野可以挑剔

平時都有食開，今日都幾多人食，好彩唔使等位，好耐都冇新鮮嘢食啦，今日終於有新嘅下午茶，有新菜式，好極，點咗個焦糖西多，見到個賣相，不錯不錯，食落都幾好味😋！奶茶保持水準，一直飲開都冇變。

超差的經驗🥲🥲1.收費極唔清晰，本身第二樣半價向侍應查詢先知一定要西冷牛扒（無問題），點知下完單，上埋湯收到賬單先知原來第二份半價就享受唔到午市免加一！！但向侍應查詢的時候並沒有表明。🥲2.餐湯不過不失，但牛扒好令人失望！重鬆肉粉味，衰過大家樂🥲🥲🥲餐牌寫配薯角結果係薯條⋯⋯⋯⋯又中伏🥲🥲3.醬汁單一，都唔想講了⋯⋯第一次嬲到俾負評🥹🥹🥹唔想大家中伏先

今日過開黎，約埋朋友又黎食晼餐，一諗座得舒服，唔怕俾人眼超超，就黎番呢間餐廳。基本既早餐都有，今次我就點牛扒，有d餓，朋友點沙律餐，件豬扒就煎，都算幾快有得食，見到個牛角包，開心，夾埋個炒蛋入去，正，豬扒沙律，都幾開胃。除左食物，想搵個地透傾下計，無人騷擾，這間就啱晒，鐘意佢仲有二樓，夠晒私隱，座位夠寬，傾得開心，又食得好，good ar。

見到食評，約埋朋友決定來試一試。門面和餐廳內裝修都頗吸引。侍應招呼和速度都非常好。見到介紹買一送一牛扒餐，就叫了一份來試試。有忌廉湯和羅宋湯選擇，點了各樣一個，味道合格，還有牛角包跟，這個不錯。之後品嚐一下那塊西冷扒，真的很大份，還有薯條、飯、意粉選擇，鐵板也不夠放，叫了侍應幫我攞一隻碟，分開才能吃，味道不錯，有多款醬汁選擇，我點了黑椒汁，令一塊點了蒜蓉汁，都好好食。餐具在枱的櫃筒，還有紙巾，多款調味料，好方便進食。見到下午茶餐牌，都幾多款，都幾吸引，仲好大添。一於下次約多幾個朋友嚟食。可以推介給朋友，yeah!

今日又凍又落住雨，真係未試過痛得咁緊要，咁咪諗住落去買外賣返公司食，快快脆脆，下原來公司附近有間都會坊，見過餐牌有八款快餐，都好平下，有啲仲係焗飯焗意粉添，仲有兩個貴價啲嘅中式飯餐，加埋嘢飲都唔使$30 ，咁就同同事一人一個帶咗兩個外賣返公司食。都幾多人叫外賣，我哋去就已經有一對人喺度，當我哋走仲有一堆人等緊，但係我哋俾錢都攞到外賣只係5分鐘之內，仲包埋飲品。焗飯就正常size，另外帶咗個和風牛肉飯，都夠食嘅，最緊要係平靚正，我諗呢個禮拜都會日日落去試吓啲嘢食㗎喇。

一早趕住返工，去趕住食個早餐，沖忙中入了這間餐廳。點了一個沙嗲牛肉麵餐，速度很好，很快就出齊俾我，有餐飲、牛角包、火腿、蛋、當然主角是沙嗲牛肉麵，味道幾好，價值比連鎖店平。服務員都好快好醒目，有禮，整潔。

環境很好，很有氣氛！去吃了個下午茶，好多茶餐選擇，點左隻雞髀沙律。一陣野飲就到，一個字「快」，味道正常，隻玻璃杯幾靚，我幾鐘意。之後雞髀沙律到 ，o晒咀，超大隻，肯差雞拍馬都追唔上，見到勁開心，好雀躍！無野既，「大隻」贏曬啦！

今日下午和同事行過這餐聽，見外賣超級平價，堂食仲有排食，鬼死咁餓就入去食。叫左個龍利炸蝦鉄板，個侍應都幾有速度，落完單就即刻有湯飲，接住有餐飲。鉄板終於到，上菜時間慢左dd ，不過塊魚真係好大lor ，照食，太餓。最尾好滿足攬住個肚走，哈哈！

行過被他的門面吸引，裝飾好特別，再望下餐牌，好多款式，都唔知點選，價值又吸引，便入去試試。座位舒適、寬敞，幾好座。服務都好。點了三文魚扒，好大份，有湯，有法包，有飲品，食唔晒！

經過見到門面幾特別，很好情調，價錢不貴，款式都幾多，便入去試試。環境、氣氛很好，座位也舒適，好寬敞。食物質素幾好，好大份，食唔晒。有湯，有法包，有飲品。會再來吃！

岩岩同男朋友食晚飯 諗住搵間好坐d既餐廳据扒 點知咁就中曬伏 見佢做緊西冷$119第二份半價以為都算抵就入去食環境都算ok 好坐湯 蒜蓉包 沙律 嘢飲都算正常 點知塊牛扒一上就知中伏塊扒完全無牛味 得鬆肉粉la到爛曬既味 唔知食緊乜咁 咬落一pat野 又多筋 加埋個港式燒汁個味道類似係茶記牛扒碟頭飯塊扒既厚切版 埋單加埋都要$239 如果塊牛正常好食就還好但呢個質素我去快餐店食可能仲好味 完全唔值 食到一半食唔曬就走呢個價位去食神石燒個d好味過佢仲有得任食沙律同飯